Ilanngussaq 2

 

OQAASERTALIUSSAT

 

Naalakkersuisut siulittaasuat - Suliassaqarfiit 10 -19.

Kontumut pingaarnermut 10.10.13-imut Aktiatigut aningaasaliinerit

Naalakkersuisut piginnaatinneqarput, KNI A/S pillugu inatsisartut peqqussutaat aamma Royal Arctic Line A/S pillugu inatsisartut peqqussutaat malillugit, KNI-mik Ineriartortitsivik A/S-imi aktiatigut aningaasaatit qaffanneqarnissaannut KNI Pisiffik A/S-imi aamma KNI Pilersuisoq A/S-imi Namminersornerullutik Oqartussat aktiaataasa pigisatut nalilittut aningaasaliissutig ineqarnerisigut.

Naalakkersuisut piginnaatinneqarput KNI Pilersuisoq A/S-imi aningaasaatit appartinneqarnissaannut ingerlatseqatigiiffmp aktiaataasa pisassarisaasalu ingerlatseqatigiiffimmut aqutamut, KNI Pilersuisoq A/S-ip umiarsuaateqarnermik ingerlatsineranik tigusisussamut, akiliutigine-qarnerisigut.

Naalakkersuisut piginnaatinneqarput Royal Arctic Line A/S-imi aningaasaatit qaffanneqarnissaannut nunaqarfinnut usinik assartuisarnermut atatillugu pigisat nalilittut aningaasaliissutigineqarnerisigut. Pigisat Namminersornerullutik Oqartussanut tunniunneqassapput, tassungalu taarsiullugu ingerlatseqatigiiffimmi aqutami taaneqartumi Namminersornerullutik Oqartussa-nut akiitsut KNI Pilersuisoq A/S-imut nuunneqassallutik.

 

Aningaasaqarnermut Ineqarnermullu Naalakkersuisoq - Suliassaqarfiit 20 - 29.

Siunertamut kontumut 20.90-imut Aktiaateqarluni ingerlatseqatigiiffiit.

Nr. 2.

Naalakkersuisut piginnaatinneqarput Royal Greenlandimut taarsigassarsianut 269 mio. kr.-inut qularnaveeqqusiisuunissaminnut. Qularnaveeqqusiinermut pisussaaffik 1998-imiit 2002-p tungaanut ukiut tallimat ingerlaneranni atorunnaariartuaassaaq ukiuni ataasiakkaani tunisas-siorsinnaassutsimillu naleqqussaanermut atatillugu tunisassianik allanik tunisassiornermut aningaasalersuinermut Namminersornerullutik Oqartussanit Royal Greenlandip tapiissutisiari-sartagaasa amerlaqataannik.

Nr. 3.

Naalakkersuisut piginnaatinneqarput aktiaateqarluni ingerlatseqatigiiffik KNI Pilersuisoq A/S-ip umiarsuaateqarnermik ingerlatsineranik tigusisussaq Landskarsimit annerpaamik 40 mio. kr.-inik tigusisinnaatissallugu ingerlatseqatigiiffiup ingerlatsinermut aningaasanik pisariaqar-titsineranut matusissutissanik. Tigusisinnaatitaanermik atuineq ukiumut 9 %-imik ernialersor-neqassaaq. Uninngasuutit ukiumut 6 %-imik ernialersorneqassapput. Atukkat uninngasuutilluunniit erniaat qaammatit pingasunngorneri tamaasa naatsorsorneqarlutillu ernialerneqartassapput.

Kontumut pingaarnermut 20.90.25-imut Amutsiviit. ingerlatsinermut tigoriaannaat.

Oqaasertaliussaq una

Naalakkersuisut piginnaatinneqarput Amutsiviit suliffeqarfiup ingerlatsinermut aningaasanik atorfissaqartitaanik Landskarsimit 70 mio. kr. -inik tigusisinnaatinnissaanut. Tigusisinnaatitaanermik atuineq ukiumut 9 %-imik ernialersorneqassaaq. Uninngasuutit ukiumut 9 %-imik ernialersorneqassapput. Atukkat uninngasuutilluunniit erniaat qaammatit pingasunngorneri tamaasa naatsorsorneqarlutillu ernialerneqartassapput.

Siunnersuutigineqarpoq allanngortinneqassasoq imaalillugu

Naalakkersuisut piginnaatinneqarput Amutsiviit Landskarsimit 35.734.00 kr.-inik tigusisinnaatissallugu suliffeqarfiup ingerlatsinermut aningaasanikpisariaqartitsineranut matusissutissanik. Tigusisinnaatitaanermik atuineq ukiumut 9 %-imik ernialersorneqassaaq. Tigusisinnaa-titaanermik atuineq ukiumut 9 %-imik ernialersorneqassaaq. Uninngasuutit ukiumut 6 %-imik ernialersorneqassapput. Atukkat uninngasuutilluunniit erniaat qaammatit pingasunngorneri tamaasa naatsorsorneqarlutillu ernialerneqartassapput.

Kontumut pingaarnermut 24.11.14-imut Naqissusiinermut akitsuut.

Naalakkersuisut piginnaatinneqarput KNI-mi ingerlatseqatigiiffiit ingerlatsinerminnik tunnga-vigisaasa allanngortinneqarnerinut, tassunga ilanngullugu suliassat ilaasa KNI-mi ingerlatse-qatigiiffimmut aqutsisumut katersorneqarnerinut suliassallu allat KNI-mi ingerlatseqatigiiffiit ataanni ingerlatseqatigiiffinnut aqutanut, Tele Greenland A/S-imut, Royal Arctic Line A/S-imut il.il. nuunneqarnerinut, atatillugu naqissusiinermut akitsuummik akiliisitsinnginnissamut.

 

Kultureqarnermut. Ilinniartitaanermut Ilageeqarnermullu Naalakkersuisoq - suliassaqarfiit 40 - 49.

Siunertamut kontumut 40.13 IHnniagaqarnersiutit.

Imatut allanngortitsinissaq siunnersuutigineqarpoq:

Nr. 4.-mut

3) kingornanut ilanngunneqassaaq: 4) pikkorinnerpaat ilaattut timersornermik ingerlataqarnermut atatillugu immikkut aningaasartuuteqarneq.

Kontumut pingaarnermut 40.12.23-mut PhD-nngorniarneq

Naalakkersuisut piginnaatinneqarput PhD-nngornianut kiisalu angalanermut atatillugu ani-ngaasartuutinut tapiissuteqartarnermut sukumiinerusunik malittarisassiornissaminnut.

 

Aalisarnermut. Piniarnermut Nunalerinermullu Naalakkersuisoq - Suliassaqarfiit 50 - 59

Kontumut pingaarnermut 50.95.09 Great Greenland.

Naalakkersuisut piginnaatinneqarput Great Greenland/Nunatta Ameerniarfiata akiitsuisa Namminersornerullutik Oqartussat oqimaaqatigiissitsinermut kontuat aqqntigalugu 17.070.000 kr.-inik annikillisinneqarnissaannut, nalilerneqarmat Great Greenland/Nunatta Ameerniarfia pisinnaassanngitsoq taarsigassarsiat utertillugit akilernissaannut. Aningaasat naapertuupput aningaasat Landskarsip 1996-imut naatsorsuutaasa saqqummiunneqarnerannut atatillugu sivisuumik akilersugassatut taarsigassarsianngortitat aamma siusinnerusukkut sivisuumik akilersugassatut taarsigassarsiarititat 4.000.000 kr.-it sinnerisa katinnerannut.

 

Inuussutissarsiornermut. Angallannermut Pilersuinermullu Naalakkersuisoq - Suliassaqarfiit 70 - 79.

Kontumut pingaarnermut 70.12.11-mut Amutsiviit.

Naalakkersuisut piginnaatinneqarput Amutsiviit 1997-ip aallartinnerani Landskarsimut akiitsuisa Namminersornerullutik Oqartussat oqimaaqatigiissitsinermut kontuat aqqutigalugu 34.266.000 kr.-inik annikillisinneqarnissaannut, nalilerneqarmat Amutsiviit pisinnaassanngit-sut taarsigassarsiat utertillugit akilernissaannut. Aningaasat naapertuupput aningaasanut Landskarsip 1996-imut naatsorsuutaasa saqqummiunneqarnerannut atatillugu sivisuumik akilersugassatut taarsigassarsianngortitanut.

Kontumut pingaarnermut 70.12.30-mut Hoteleqarnermut aningaasaliissuteqartarnermut tapersiisarnermut aningaasaateqarfik.

Naalakkersuisut piginnaatinneqarput 1998-imi hoteleqarnermik annertusaanissanut 3 mio. kr.-inik tapersiinissamut neriorsuuteqarnissamut.

 

Suliassaqarfimmut 70-imut Inuussutissarsiornermut. Angallannermut Pilersuinermullu Pisortaqarfik.

Allannguutissatut siunnersuutigineqarput:

Nr. l.-imut

Titarnermi siullermi A/S-imilu kingornanut ilanngunneqassaaq: imaluunniit ingerlatseqatigiiffimmi taakkununnga ingerlatseqatigiiffissuakkut atasumi.

Nr. 2.-mut

Titarnermi siullermi A/S-imut kingornanut ilanngunneqassaaq: imaluunniit ingerlatseqatigiiffimmi tassunga ingerlatseqatigiiffissuakkut atasumi.

Nr. 4.-mut

Titarnerit pingajuanni A/S-imik kingornanut ilanngunneqassaaq: imaluunniit ingerlatseqatigiiffimmik tassunga ingerlatseqatigiiffissuakkut atasumik, Tele Greenland A/S-imik aamma Royal Arctic Line A/S-imik imaluunniit ingerlatseqatigiiffimmik tassunga ingerlatseqatigiiffissuakkut atasumik.