Aalisarnermut, piniarnermut nunalerinermullu tapersiisarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 19, 6. november 1997-imeersoq.

 

§ 1.

Aalisarnennut, piniarnermut nunalerinermullu tapersiisarneq pillugu Inatsisartut peqqussutaanni nr. 8, 31. oktober 1996-imeersumi makku allannguutigitinneqassapput:

1. § 6, imm. 8 atorunnaarsinneqarpoq.

2. § 7, imm. 1-imi "Angallatinik" kingornatigut: "Kalaallit Nunaanni pissarsiarineqartunik," ilanngunneqassaaq.

3. § 7-ip kingornanut ilanngunneqassaaq:
"§ 7 a. Angallatinik atornikunik Kalaallit Nunaata avataani pissarsiarineqartunik pissarsiner-mut imm. 2-miit 11-mut aalajangersakkat malillugit tapiissuteqartoqarsinnaavoq.
Imm. 2. Imm. 1 malillugu taamaallaat tapiissuteqartoqarsinnaavoq, angallatip ataatsimoortu-mik piumasaasut uku eqqortissimappagit:
1) Angallat raajarniarnermut saattuarniarnermulluunniit atorneqassaaq.
2) Angallat raajarniarnissamut saattuarniarnissamulluunniit piukkunnartutut isigineqassaaq atorsinnaassusia pillugu inuussutissarsiutinut tapersiisarnermi ataatsimiititaliap akuerisinnaasaanik teknikkikkut naliliisoqareerpat.
Imm. 3. Angallat ingerlatsinermut missingersuutit inuussutissarsiutinut tapersiisarnermi ataatsimiititaliamit akuerineqartut malillugit annerusumik raajarniutigineqassappat, imm. 1 malillugu taamaallaat tapiissuteqartoqarsinnaavoq, angallat amerlanerpaamik ukiunik tallimanik pisoqaassuseqarpat sisammillu sanaajulluni.
Imm. 4. Angallat ingerlatsinermut missingersuutit inuussutissarsiutinut tapersiisarnermi ataatsimiititaliamit akuerineqartut malillugit annerusumik saattuarniutigineqassappat, imm. 1 malillugu taamaallaat tapiissuteqartoqarsinnaavoq, angallat amerlanerpaamik ukiunik qulinik pisoqaassuseqarpat aammalu sisammit qisummilluunniit sanaajulluni.
Imm. 5. Taamaattoq imm. 3-mi aamma 4-mi pisoqaassutsinut killissatut taaneqartut saneqqunneqarsinnaapput, angallat sivisunerusumik piusinnaasutut isigineqarpat, taarsigassarsiffiup nalaani taarsigassarsiarititanut qularnaveeqqusiisoqarsinnaaneranut illersorneqarsinnaasumik atorneqarsinnaasutut nalilerneqarpat angallatillu aserfallatsaalisaanera tamatuma saniatigut ima ajunngitsigippat angallat siunertamut atorneqarsinnaasutut inassutigineqarsinnaalluni.
Imm. 6. Imm. 1 malillugu tapiissuteqartoqassappat ernialinnik taarsigassarsiatut, erniaqanngit-sunik akilersugassaanngitsunillu taarsigassarsiatut imaluunniit taarsigassarsinermut qularna-veeqqusiissutituttaarsigassarsisitsisoqarsinnaavoq.
Imm. 7. Imm. 1 malillugu angallatinik aningaasalersuinermut annertunerpaanik tapiissutissanik naatsorsuinermi naatsorsuinermut tunngaviusutut taarsigassarsisitsinermi naligititaasut aalajangersarneqassapput, qanoq annertutigisumik tapiissuteqartoqarnissaa tunngavigalugu. Taarsigassarsisitsinermi naligititaasut imatut malittarisaqarluni aalajangersarneqassapput:
1) Angallatip pisiarineqarnerani siullermik akigititaasut tamarmiusut siullermik taarsigassarsi-sitsinermi angallammut naligititaasutut annertussuseqassapput,
2) ukiut 20-it ingerlanerini taarsigassarsisitsinermi naligititaasut assigiiaamik nalikillilerneqas-sapput, aamma ukiumoortumik nalikilliliinerit siullermik taarsigassarsisitsinermi naligiti-taasunit taakkunannga 10%-it ilanngaatigeriarlugit naatsorsorneqassapput, aamma
3) taarsigassarsisitsinermi naligititaalersut taamaalillutik annertussuseqalissapput siullermik taarsigassarsisitsinermi naligititaasut piffíssamut ingerlareersumut nalikilliliissutinik ilanngarlugit, aamma
4) ukiuni kingullerni qaangiuttuni tallimani angallammik annertuumik iluarsaassilluniluunniit allanngortiterisoqarsimappat, aningaasaliinerit taamaattut ukiut tallimat ingerlanerini assigiiaamik nalikillilerneqassapput, aamma taarsigassarsisitsinermi naligititaasoq qaffanneqar-sinnaavoq aningaasaliinerit nalikillineqartut amerlaqataannik.
Imm. 8. Angallat taarsigassarsisitsissutaanerata nalinganit annerusumik akilerlugu aatsaat pissarsiarineqarsinnaassappat, tapiissuteqartoqarsinnaavoq pissarsiarinissaata akianik isumaqati-giissut tunngavigalugu, ingerlatsinermut missingersuutini uppernarsarneqarpat erniat akilersuu-tillu akilerneqareernerisigut sinneqartoortoqarsinnaassasoq. Ingerlatsinermut missingersuutit inuussutissarsiutinut tapersiisarnermi ataatsimiititaliamit akuerineqassapput. Aammattaaq nalunaarnikkut uppernarsarneqassaaq angallatip pisoqaassusia eqqarsaatigalugu ilimagineqar-sinnaasumik minnerpaamik ima paarilluagaatigisoq aammalu angallat atornikoq taamatut ittoq akikinnerungaanngitsumik pissarsiarineqarsinnaassalluni. Nalunaarut inuussutissarsiutinut tapersiisarnermi ataatsimiititaliamit akuerineqassaaq.
Imm. 9. Imm. 1 naapertorlugu taamaalilluni angallatitpingaarnerusumikraajarniutigineqartus-sat pissarsiarinissaannut aningaasalersuinermut tapiisoqarsinnaavoq aningaasalersuutit imatut annertussusilerlugit:
1) Taarsigassarsiat erniallit imaluunniit taarsigassarsianut qularnaveeqqusiissutit : 60%
2) Taarsigassarsiat erniaqanngitsut akilersugassaanngitsullu : 30%
3) Nammineq aningaasaliissutit : 10%
Imm. 10. Imm. 1 naapertorlugu taamaalilluni angallatit pingaarnerusumik saattuarniutigine-qartussat pissarsiarinissaannut aningaasalersuinermut tapiisoqarsinnaavoq aningaasalersuutit imatut annertussusilerlugit:
1) Taarsigassarsiat erniallit imaluunniit taarsigassarsianut qularnaveeqqusiissutit : 52,5%
2) Taarsigassarsiat erniaqanngitsut akilersugassaanngitsullu : 37,5%
3) Nammineq aningaasaliissutit : 10%
Imm. 11. Imm. 1 malillugu tapiissuteqartoqarsinnaavoq angallatip piusinnaanerata sinneratut sivisussusissaanik ilimagineqartup sivisoqataanik. Taamaattorli taarsigassarsiat erniallit kingusinnerpaamik angallatip ukiunik 20-nik pisoqaassuseqalernerani akilerneqareersimassapput, angallat pingaarnerusumik raajarniutigineqassappat, aammalu kingusinnerpaamik angallatip ukiunik 25-nik pisoqaassuseqalernerani, angallat pingaarnerusumik saattuarniutigineqassappat. Piffissarli akilersorneqarfissaat ukiunut 20-nit amerlanerusunut aalajangerneqarsinnaanngilaq.

§ 7 b. § 6, 7 aamma 7a-mi taarsigassarsianut ernialinnut imaluunniit taarsigassarsianut qular-naveeqqusiissutinut akilersuiffissap sivisussusissaa imaalillugu aalajangerneqassaaq, tassa akilersuut siulleq kingusinnerpaamik angallatip tunniunneqarneranit ukiup ataatsip qaammatillu arfmillit qaangiunnerani akileqquneqassalluni."

4. § 8, imm. 2, nr. 1 aamma 2 atorunnaarput, taarsiullugulu nr. 1-itut ikkunneqassalluni:
"Pineqartup isertitai tamarmiusut umiatsiaaqqamit qimussimilluunniit aalisarnermit imaluunniit piniarnermit imaluunniit snescooterit atorlugit aalisakkanik pisanilluunniit assartuinermit pissarsiarineqartut, ukiumi inaarutaasumik naatsorsuiffiusumi kingullermi akileraarutitigut ilanngaatissat suulluunniit ilanngaatigitinnagit isertitat tamarmiusut agguaqatigiissillugu minnerpaamik 50%-iinik amerlassuseqarpata qinikkatut pisortanillu toqqakkatut isertitat ilanngaati-galugit, aamma"

Taamaalilluni nr. 3 nr. 2-nngussaaq. Imm. 6-imi peerpoq: "aamma 2".

5. § 9, imm. 1-imi "7"-ip kingornatigut", 7a" ikkunneqassaaq.

 

§ 2

Inatsisartut peqqussutaat atuutilerpoq ulloq 1. januar 1998.

Namminersornerullutik Oqartussat, 6. november 1997.

Jonathan Motzfeldt

/

Pâviâraq Heilmann