Radiukkut fjernsynikkullu aallakaatitsisarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 17, 6. november 1997-imeersoq.

 

§ 1.

Radiukkut fjernsynikkullu aallakaatitsisarneq pillugu Inatsisartut peqqussutaanni nr. 3-mi 17. maj 1990-imeersumi kingullermik Inatsisartut peqqussutaatigut nr. 5-ikkut 2. maj 1996-imeer-sukkut allanngortinneqartumi § 10 ima oqaasertalerneqassaaq:

"§ 10. KNR siulersuisunit ilaasortaat qulingiluaasunit siulersorneqassaaq. Siulersuisut siulit-taasuat naalakkersuisunit toqqarneqassaaq. Ilaasortat tallimat inatsisartut inassuteqarneratigut naalakkersuisunit toqqarneqassapput. Ilaasortaq ataaseq Kalaallit Nunaanni TV-utileqatigiit Radioqarfiutileqatigiillu Kattuffiata (FTV&R-ip) inassuteqarneratigut naalakkesuisunit toqqarneqassaaq. Ilaasortaq ataaseq KNR-ip sinerissami immikkoortoqarfiini atorfillit siunersuuteqarneratigut naalakkersuisunit toqqarneqassaaq, aamma ilaasortaq ataaseq KNR-ip qitiusumik immikkoortortaqarfiani atorfillit siunnersuuteqarneratigut naalakkersuisunit toqqarneqassaaq. Siulersuisunut ilaasortat ataatsimoortumik inunnut tusagassiuutinut, kulturimut, siulersuinermut inuussutissarsiornermullu tunngasunut paasisimannittunut sinniisuussapput.
Imm. 2. Ilaasortat toqqarneqartassapput ukiuni sisamani ilaasortaasussatut, siullermik piffissami 1. november 1997-imit 31. oktober 2001-imut. Taamaattorli naalakkersuisut toqqaanerup atuuffiani ilaasortat ilaat, imaluunniit sinniisussat atuutilersut, soraarsissinnaavai siulersuisunut ilaasortatut akisussaaffimminnik sumiginnaarujussuarsimappata allatigulluunniit siulersuisuni sulinissaminnut naleqqukkunnaarsimappata.
Imm. 3. Siulersuisunut ilaasortat tamarmik, siulittaasoq kisimi pinnani, imm. 1 naapertorllugu inassuteqartoqarnera malillugu sinniisussaqartinneqassapput ataatsimik, siulersuisunut ilanngut-tussamik siulersuisunut ilaasortaasoq tunuarpat, soraarsitaappat imaluunniit sivisuumik sulisi-manngippat. Sinniisussatut toqqagaasoq siulersuisuni aalajangersumik ilaasortaalerpat inassute-qartoqarnera malillugu sinniisussamik nutaamik toqqaasoqassaaq. Siulittaasoq tunuarpat soraar-sitaappallunniit naalakkersuisut siulittaasussamik nutaamik toqqaassapput.
Imm. 4. Siulersuisut siulittaasup tullissaanik akunnerminni toqqaassapput.
Imm. 5. Inatsisartunut ilaasortat siulersuisunut ilaasortaasinnaanngillat.

 

§ 2.

Inatsisartut peqqussutaat una atortuulissaaq 3. november 1997.

Namminersornerullutik Oqartussat, ulloq 6. november 1997.

Jonathan Motzfeldt

/

Konrad Steenholdt