TELE Attaveqaatit aktiaateqarluni ingerlatseqatigiiffínngortinneqarnera pillugu Inatsisartut peqqussutaata allanngortinneqarneranik Inatsisartut peqqussutaat nr. 13, 6. november 1997-imeersoq.
§ 1
TELE Attaveqaatit aktiaateqarluni ingerlatseqatigiiffinngortinneqarnera pillugu Inatsisartut peqqussutaanni nr. 11-mi, 28. oktober 1993-imeersumi § 2, imm. 1, oqaaseqatigiit siulliit ima oqaasertalerneqassapput:
"Nalunaarasuartaaserinermik ingerlatseqatigiiffiup siunertaraa Kalaallit Nunaata iluani, aamma Kalaallit Nunaanniit Kalaallit Nunaannullu tamanut ammasumik attaveqaatinik pilersitsillunilu ingerlatsissalluni aammalu tamanut ammasumik nalunaarasuartaatitigut attaveqarnermi sullissinerit neqeroorutigissallugit Naalakkersuisut akuersissutaat naapertorlugu."
§ 2
Inatsisartut peqqussutaat manna 1. januar 1998 atuutilissaaq Nalunaarasuartaatitigut attaveqarneq pillugu Kalaallit Nunaannut inatsit Folketingip akuersissutigissappagu.
Namminersornerullutik Oqartussat, ulloq 6. november 1997.
Jonathan Motzfeldt/
Peter Grønvold Samuelsen