Nalunaarasuartaatitigut attaveqarneq sullissinerillu pillugit Inatsisartut peqqussutaata allanngortinneqarneranik Inatsisartut peqqussutaat nr. 12, 6. november 1997-imeersoq.

 

§ 1

Nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10, 28. oktober 1993-imeersumi makku allanngortinneqassapput:

1. § 1, ima oqaasertalerneqassaaq:
"Namminersornerullutik Oqartussat tamanut ammasumik Kalaallit Nunaanni, tassunga tassanngalu nalunaarasuartaatitigut attaveqarnermut kisermaassisuupput, tamatumumiga ilaallutik telegrafitigut telefonitigullu attaveqarnermut atortunik pilersitsineq ingerlatsinerlu, sullissinerit makku ilanngullugit:
1) Telefonitigut sullissinerit
2) Allakkatigut qarasaasiatigullu attaveqarnermi sullissinerit
3) Aalajangersimasumik attaveqarnermi atortut atukkiunneqartarnerat
4) Attaveqaatitigut angallattakkatigut qaammataasatigullu attaveqarnikkut sullissinerit
5) Radiukkut fjernsynikkullu aallakaatitat nalunaarasuartaatit aqqutaasigut ingerlateqqinne-qartarnerat.
Imm. 2. Imm. 1 malillugu aalajangiisinnaatitaanermi pineqanngillat
1) radiukkut atassuteqarneq aamma radiukkut allakaatitsinermi frekvensenik tunniussuineq
2) imaatigut ajunaalernerni isumannaallisaanikkullu sullissinerit.
Imm. 3. Namminersornerullutik Oqartussat kisermaassineranni ilaatinneqanngillat atortut,
1) naalagaaffimmi oqartussanit kommunimilluunniit taamaallaat namminneq oqartussaaffimminni nalunaarasuartaatitigut attaveqarnissamut pisariaqartitsinerannut immikkut ittunut atugassat nalunaarasuartaatitigut aqqusersuutini tamanut ammasuni nalinginnaasuni periarfissiinngitsuni.
2) illuutigisap iluani imaluunniit illuutigisat arlariit ataatsimik piginnittoqartut akornanni taamaallaat atorneqartut."

2. § 6 atorunnaarsinneqarpoq.

3. § 14, ima oqaasertalerneqassaaq:
"§§ 1, 9, aamma 12-ip unioqqutinneqarneri akiliisitsissutaasinnaapput.
Imm. 2. Inatsisartut peqqussutaat naapertorlugu malittarisassiani malittarisassanik unioqqutitsinerup akiliisitsissutaasinnaanera aalajangersarneqarsinnaavoq.
Imm. 3. Inatsisartut peqqussutaannik, taannaluunniit malillugu malittarisassiarineqartunik unioqqutitsineq akiliisitsissutaasinnaavoq inatsisitigut inuttut pisussaaffeqartunut ukununnga:
1) Aktiaateqarluni ingerlatseqatigiiffiit, piginneqatigiiffiit assigisaalluunniit
2) Kommunit kommunillu ataatsimoorusseqatigiiffii
3) Naalagaaffimmi oqartussat imaluuniit Namminersornerullutik Oqartussat suliffeqarfiutaatil.il."

 

§ 2

Inatsisartut peqqussutaat manna 1. januar 1998 atulissaaq Nalunaarasuartaatitigut attaveqarneq pillugu Kalaallit Nunaannut inatsit Folketingip akuersissutigissappagu.

Namminersornerullutik Oqartussat, ulloq 6. november 1997.

Jonathan Motzfeldt

/

Peter Grønvold Samuelsen