Piginneqatigiilluni inissiat pillugit Inatsisartut peqqussutaata allanngortinneqarneranik Inatsisartut peqqussutaat nr. 11, 6. november 1997-imeersoq_.

 

§ 1.

Piginneqatigiilluni inissiat pillugit Inatsisartut peqqussutaanni nr. 1-imi 31. oktober 1991-imeersumi allannguutigitinneqassapput makku:

1. § 1-imi nr. 3-tut ilanngunneqassaaq:
"3) inissiat namminersortumik sanatitsisoqartut, ass. inissiaateqarnermut anin-gaasaateqarfimmik, inissiap inerlugu naammassineqarnerani piginneqatigiillutik inissiaatillit peqatigiiffiannut pilersitaareersumut tunniunneqartartut."

2. § 3-mi imm. 3-tut ilanngunneqassaaq:
"Imm. 3. § 1, nr. 3 naapertorlugu piginneqatigiilluni inissiaatillit peqatigiiffianni ilaasortat amerlassusissaat ikinnerpaamik illoqarfinni arfiniliussapput nunaqarfinnilu sisamaassallutik."

3. § 4-mi imm. 2-tut ilanngunneqassaaq:
"Imm. 2. Kommuni, Namminersornerullutik Oqartussat imaluunniit sanatitsisoq piginneqataasutut ilanngussimappat aammalu piginneqatigiilluni inissiaatillit peqati-giiffianni, inissiani sanatitsisumit sanatinneqarsimasuni, tak, § 1, nr. 3 aamma § 5, imm. 4, 5 aamma 6, ilaasortanngorpat imm. 1-imi ilaasortap ataatsip inissiamik ataasiinnarmik atuisinnaatitaanera pillugu maleruaqqusaq sanioqqunneqarsinnaavoq."

4. § 5-imi imm. 4-tut, 5-itut, 6-itut 7-itullu ilanngunneqassapput:
"Imm. 4. Inissiat § 1, nr. 3 naapertorlugu namminersortumit sanatitat § 3, iinm. 3 naapertorlugu piginneqatigiilluni inissiaatillit peqatigiiffiata ilaasortaanit amerlanerusimappata, sanatitsisoq pisussaavoq peqatigiiffiup pineqartup ilaasortaanut sipporuttut kommunimit piginneqataaffigisassanngorlugit neqerooruteqarnissaminut.
Imm. 5. Imm. 4 naapertorlugu piginneqatigiilluni inissiaatillit peqatigiiffiannui piginneqataasutut ilanngunnissamik neqereerut kommunip itigartippagu sanatitsisoq pisussaavoq naalakkersuisut peqatigiiffiup pineqartup piginneqatigiissutaataanik ilaasortami akornanni inuttassaqartinngisaanik tigusinissamik neqeroorfigissallugit.
Imm. 6. Imm. 5 naapertorlugu piginneqatigiilluni inissiaatillit peqatigiiffiannut piginneqataasutut ilanngunnissamik neqeroorut naalakkersuisut itigartippassuk sana-titsisoq pisussaavoq peqatigiiffimmut pineqartumut piginneqataasutut ilanngutissallu-ni.
Imm, 7. Imm. 4, 5 imaluunniit 6 malillugit kommuni, naalakkersuisut sanatitsisorluunniit piginneqatigiilluni inissiaatillit peqatigiiffiannut piginneqataasutut ilanngukkunik peqatigiiffiup ingerlanneqaraeranut sunniuteqarnissaminnut piumasaqaatigisinnaasatuaraat peqqussummi matumani allassimasut, pisussaallutilli piginneqataassutaatimik inunnit piginneqatigiilluni inissiaatillit peqatigiiffiata ilaasortarisinnaasamisut akuerisaanit tiguneqarnissaasa anguniarnissaanut."

5. § 7 ima oqaasertaqassaaq:
"§ 7. Piginneqatigiilluni inissiaatillit peqatigiiffii illuliortartut, imaluunniit kommunimit, Namminersornerullutik Oqartussanit sanatitsisumilluunniit namminersortumit illussarsisimasut naalakkersuisunit nalinginnaasunik malittarisassiuunneqartassapput, tak. § 1, nr. l)-imiit nr. 3-mut)."

6. § 9-mi imm. 2 atorunnaarsinneqarpoq taarsiullugulu ilanngunneqassapput:
"Imm. 2. Taamatuttaaq naalakkersuisut kommunalbestyrelsiluunniit piginneqatigiilluni inissiaatillit peqatigiiffiannut pilersitaareersumut inissianik namminersortup sanatitaanik tigusisumut tapiissuteqarsinnaapput, tak. § 1, nr. 3).
Imm. 3. Naalakkersuisut kommimalbestyrelsiluunniit tapiissuteqarnissamik isuma-qatigiissuteqarpata aatsaat tapiissuteqartoqarsinnaavoq."

7. § 10, imm. 1 aamma 2 imatut oqaasertalerneqassapput:
"Naalakkersuisut kommunalbestyrelsilu tamarmik immikkut sanaartornermut anin-gaasartuutit tamakkiisut pingajorarterutaannik erniaqanngitsunik taarsersugassaanngitsunillu taarsigassarsisitsissapput. Aningaasat taarsigassarsiaritinneqartut qularnaarneqassapput peqatigiiffiup inissiaatai qularnaveeqqusiullugit iluarsiivigineqartassallutillu Kalaallit Nunaanni sanaartornermi aningaasartuutit nikeraraerinut nalunaarsuut malillugu.
Imm. 2. Inissianut § 1, nr. 1-imi pineqartunut aningaasat taarsigassarsiaritinneqartut sanaartornerup nalaani ilaannakortumik tunniunneqartassapput, inissianut § 1, nr. 3-mi pineqartunut aningaasat taarsigassarsiaritinneqartut siusinnerpaamik tunniunne-qarsinnaapput inissiat inaarsarneqareernerisa kingornagut tunniussinermut atatillugu taamaallaallu piginneqatigiilluni inissiaatilittut peqatigiiffimmut pilersinneqareersima-sumut, peqqussummi aalajangersakkanik allanik naammassinnissimasumut." Imm. 2, 3 aamma 4 matuma kingorna imm. 3-tut, 4-tut 5-itullu inississapput.

8. § 16 imatut oqaasertalerneqassaaq:
"Aningaasanik tapersiissuteqarnissamik neriorsuutivik aatsaat tunniunneqassaaq
1) sanaartornissap pilersaarusiornera aningaasalersorneqarnissaalu Naalakkersuisunit kommunalbestyrelsimillu naliliiffigineqarluni akuerineqareerpat,
2) peqatigiiffimmi ilaasortat tamarmik piginneqatigiissutissaminnik atsioreerpata, aamma
3) piginneqatigiilluni inissiaatillit peqatigiiffiata uppernarsarpagu peqatigiiffik sanaartornermut aningaasartuutinut tamarmiusunut aningaasaliissutissaqartoq, tak. § 10, imm. 4 aamma 5.
Imm. 2. Aningaasanik tapersiissuteqarnissamik neriorsuutivik aatsaat tunniunneqassaaq suliariniakkamut allanngortinneqarsinnaanngitsunik isumaqatigiissuteqartoqarsimanngippat aammalu sanaartornermi suliassat aallartinneqareersimanngippata. Inissianut § 1, nr. 3-mi pineqartunut aningaasanik tapersiissuteqarnissamik neriorsuuteqarnissamut tunngavissaatitaavoq piginneqatigiilluni inissiaatilittut peqatigiiffiup pilersinneqarsimasup pisussaaffigalugu sioqqutsisumik neriorsuuteqarsimanissaa."

9. § 41 ima oqaasertalerneqassaaq:
"§ 41. Naalakkersuisut imaluunniit kommunalbestyrelsip piginneqatigiilluni inissiaatilittut peqatigiiffik § 1-imi nr. 1 - 3-mi aalajangersakkani pineqartunut ilaasoq peqqusinnaavaat aserfallatsaaliilluni suliassat suliareqqullugit."

 

§ 2.

Inatsisartut peqqussutaat 1. januar 1998 atortuulerpoq.

Namminersornerullutik Oqartussat, ulloq 6. november 1997.

Jonathan Motzfeldt

/

Daniel Skifte