Inissianik attartorneq pillugu Inatsisartut peqqussutaata allanngortinneqarneranik Inatsisartut peqqussutaat nr. 10, 6. november 1997-imeersoq.

 

§ 1.

Inissianik attartorneq pillugu Inatsisartut peqqussutaanni nr. 3-mi, 13. juni 1994-imeersumi, inatsisartut peqqussutaatigut nr. 8, 30. oktober 1995-imeersukkut aamma inatsisartut peqqussutaatigut nr. 9, 31. oktober 1996-imeersukkut allanngortinneqartumi, makku allannguutigitinneqassapput:

1. § 11 ima oqaasertalerneqassaaq:
"§ 11. Inissiani attartortittakkani namminersortunit pigineqartuni akiliutissaq attartortitsisumut attartortumullu naammaginartoq isumaqatigiissutigineqartassaaq.
Imm. 2. Attartortitsisoq illumik attartortitaminilluunniit pitsanngorsaanissaminut pisinnaatitaavoq tamannalu tunngavigalugu attartornermut akiliutaasartut qaffanneqarnissaat piumasarisinnaallugu.
Imm. 3. Attartornermut akiliutaasartut qaffanneqarnissaannik piumasaqaat, tak. imm. 2, qaammatinik pingasunik sioqqutsisumik ilimasaaruteqartoqareeraeratigut ukiumut ataasiarluni saqqummiunneqarsinnaavoq. Peqatigitillugu piumasaqaat inissiami attartortunut tamanut saqqummiunneqartassaaq.
Imm. 4. Attartortitsisoq imm. 3 naapertorlugu attartukkap nalinganut naleqqutinngitsumik attartornermut akiliuteqartitsiniarpat attartortoq sap. akunnerisa arfinillit qaangiutinnginneranni eqqartuussivikkut suliassanngortitsisinnaavoq piumasaqaatigalugu attartornermut akiliut eqqartuussiviup naliliineratigut naleqquttumik annertussuseqartumut appartinneqassasoq. Eqqartuussiviup aalajangiinerani inissiamik inimilluunniit attartoraeqartumik pitsanngorsaanermut aningaasartuutit uppernarsaatitallit kisimik pingaartillugit isiginiarneqartassapput.
Imm. 5. Suliassaq eqqartuussivimmut suliassanngortinneqarsimappat attartortitsisup akiliutissaq ilimasaarutigeriikkamisut annertussusilik akiliutigeqqugallartarsinnaavaa eqqartuussiviup aalajangernissaata tungaanut. Tamatuma kingornagut akiliutaasartussat eqqartuussiviup aalajangerneranut naapertuuttunngorlugit iluarsiivigine-qartassapput."

2. § 16 atorunnaarsinneqarpoq.

 

§ 2.

Inatsisartut peqqussutaat 1. januar 1998 atortuulerpoq.
Imm. 2. Peqqussut atuuppoq attartornermik isumaqatigiissutinut peqqussutip atortuulersin-neqareerneratigut isumaqatigiissutigineqartunut.

Namminersornerullutik Oqartussat, ulloq 6. november 1997.

Jonathan Motzfeldt

/

Daniel Skifte