Akileraartarnermi nalikilliliinerit il.il. pillugit Namminersornerullutik Oqartussat Nalunaarutaata allanngortinneqarneranik Namminersornerullutik Oqartussat Nalunaarutaat nr. 27, 6. november 1997-imeersoq.

 

§ 1

Akileraartarnermi nalikilliliinerit il.il. pillugit Namminersornerullutik Oqartussat Nalunaaru-taanni nr. 18, 9. juni 1986-imeersumi, Nalunaarutikkut nr. 25, 21. november 1996-imeersukkut allanngortinneqartumi makku allannguutigitinneqarput:

1. § 1-imi imm. 3 imatut oqaasertalerneqassaaq:
"Imm. 3. Illuutit inummit pigineqartut inissiatullu attartortinneqartut kiisalu maskiinat, pequtit ingerlatsinermilu atortut assigisaat taakkunaniittut aatsaat nalunaarummi maleruagassani ilaatinneqassapput piginnittup inuussutissarsiutigalugu suliffeqarfíutaani sulisunut attartortitsisoqartillugu. Piginnittoq illumi najugaqarpat tamanna sulisorisamut attartortitsinertut isigineqassanngilaq."

2. § 1-imi imm. 4-tut nutaatut ilanngunneqassaaq:
"Imm. 4. Aasarsiortarfiit inummit pigineqartut kiisalu maskiinat, pequtit ingerlatsinermilu atortut assigisaat taakkunaniittut nalunaarummi maleruagassani ilaatinneqanngillat." Matuma kingorna imm. 4 imm. 5-inngorpoq.

3. § 7-ip kingorna immikkoortoq IIa-tut ilanngunneqassaaq:

"Namminerisamik illuutit sulisorisanut sulisorinngisanullu inissiatut attartortinneqartut

§ 7a. Illuutit aamma ikkussukkat immikkut ittut il.il. immikkoortumi matumani aalajangersakkani ilaatinneqartut pisiarinerini akii, ukiumi pisiffíusumi aningaasarsianit akileraaruteqaataasussanit ilanngaatigineqarsinnaapput, tak. § 3, tassa ilanngaatigineqarsinnaallutik illuutip etagearealiata (natertussusiata) tamarmiusup ilaata piginnittup sulisuinut attartortinneqartup aammalu illuutip piginnittumit namminermit pigineqartup etagearealiata nikingassutaat.
Imm. 2. Pisinermi akiusoq, illuutip etagearealiata tamarmiusup ilaata piginnittup sulisuinut attartortinneqartup aammalu illuutip piginnittumit namminermit pigineqartup etagearealiata nikingassutaannut naapertuuttoq ukiumi pisiffmsumi tamakkerlugu ilanngaatigineqanngippat, nalikillilerneqanngitsortaa ukiumi tulliuttumi ukiuniluunniit tulliuttuni piginnittup piumasaa malillugu ilanngaatigineqarsinnaavoq.
Imm. 3. Aatsaat nalikilliliisoqarsinnaavoq piginnittup illuutaata etagearealiata tamarmiusup minnerpaamik affaa ukiumi aningaasarsiorfíusumi pineqartumi piginnittup sulisuinut attartortinneqarsimatillugu.

§ 7b. Illuutini § 7a-mi taaneqartuni piginnittup ukiup aningaasarsiorfmsup ingerlanerani attartortitani sulisunut sulisuunngitsunullu attartortissimappagit, ukiumi aningaasarsiorfiusumi pineqartumi taamaallaat nalikilliliisoqarsinnaavoq, § 1, imm. 3-mi maleruagassaq apeqqutaatinnagu, illuummik piginnittup illuutaata agguaqatigiissitsinikkut minnerpaamik affaa ukiup aningaasarsiorfmsup tamarmiusup ingerlanerani piginnittup sulisuinut attartortinneqarsimappat. Taamaattoqartillugu agguaqatigiissitsinikkut nalikilliliisoqarsinnaavoq.

§ 7c. Illuut immikkoortumi matumani maleruagassani pineqartoq tunineqarpat ukiumi tunisiffmsumi nalikilliliisoqarsinnaanngilaq. Tunisinermi akiusoq, pisinermi akiusup nalikillilerneqanngitsortaanit angineruppat iluanaarut, tassa nalikilliliissutigineqarsimasup pisinermilu akiusup nikingassutaat, ukiumi tunisiffiusumi aningaasarsianut akileraaruteqaataasussanut ilanngunneqassaaq.
Imm. 2. Pigisap tuninerani akiusoq, pisinermi akiusup nalikillilerneqanngitsortaanit mikineruppat ajunaarut aningaasarsianit akileraaruteqaataasussanit ilanngaatigineqarsinnaavoq. Taamaattorli ilanngaat nalikilliliissutaareersimasullu katillutik § 7a-mi maleruagassat malillugit nalikilliliissutaasimasinnaasunit anginerusinnaanngillat.
Imm. 3. Illuut tamakkerlugu nalikillilersimanngitsoq isaterneqarpat, nalikillilerneqanngitsoq atortussat il.il. tunineqarsimasinnaasut akiannik ilanngarlugu ukiumi isaterneqarfiani aningaasarsianit akileraaruteqaataasussanit ilanngaatigineqarsinnaavoq. Taamatuttaaq imm. 2-mi oqaaseqatigiit aappaanni aalajangersagaq atuutissaaq."

4. § 10-p kingorna ilanngunneqassaaq:
"§ l0a. Illuutit § 1, imm. 3-mi aamma § 6, imm. 1-imi pineqartut sulisorinngisaannarnut attartortinneqarsimallutik piginnittup inuussutissarsiutigalugu suliffeqarfmtaani sulisunut tamakkiisumik ilaannakortumilluunniit attartortinneqalerpata tamanna pisinertut isigineqassaaq. Pisinermi akiusutut isigineqassaaq piffissami ikaarsaarfmsumi nalinginnaasumik niuernermi nalinga.
Imm. 2. Illuutit § 1, imm. 3-mi aamma § 6, imm. 1-imi pineqartut piginnittup inuussutissarsiutigalugu suliffeqarfmtaani sulisunut tamakkiisumik ilaannakortumilluunniit attartortinneqarsimallutik sulisorinngisaannarnut attartortinneqalerpata, imaluunniit qaammatit tallimat qaangiutsinnagit illuutit piginnittup inuussutissarsiutigalugu suliffeqarfiutaani sulisunut tamakkiisumik ilaannakortumilluunniit attartorteqqinneqalinngippata, tamanna tunisinertut isigineqassaaq. Tunisinermi akiusutut isigineqassaaq piffissami ikaarsaarfmsumi nalinginnaasumik niuernermi nalinga."

 

§ 2

Nalunaarut 1. januar 1998-imi atuutilissaaq.

 

§ 3

Ukiumut aningaasarsiorfiusumut 1998-imut tunngatillugu illuutit ingerlatseqatigiiffinnit taamaaqataanillu pigineqartut inissiatullu attartortinneqartut, aammalu illuut 1. januar 1998 sioqqullugu kisiannili 30. juni 1986-ip kingorna pisiarineqarsimappat, pisiarinerani akivia aamma illuutip illuummiluunniit ikkussukkat allanngortiternerinut pitsanngorsarnerinulluunniit aningaasartuutit katillugit tunngavigalugit akileraarutitigut nalikilliliisoqassaaq. Illuut 1. juli 1986 sioqqullugu pisiarineqarsimappat illuutip 1. juli 1986-imi nalinginnaasumik niuernermi nalinga aammalu kingusinnerusukkut illuutip illuummiluunniit ikkussukkat allanngortiternerinut pitsanngorsarnerinulluunniit aningaasartuutaasimasut katillugit tunngavigalugit akileraarutitigut nalikilliliisoqassaaq.
Imm. 2. Ukiumut aningaasarsiorfmsumut 1998-imut tunngatillugu illuutit 1. januar 1998 sioqqullugu pisiarineqarsimasut inunnit pigineqartut, piginnittullu inuussutissarsiutigalugu suliffeqarfiutaani sulisunut attartortinneqartut, imaluunniit sulisunut sulisuunngitsunullu attartortinneqartut, 1. januar 1998-imi nalinginnaasumik niuernermi nalingat tunngavigalugu akileraarutitigut nalikilliliisoqassaaq.
Imm. 3. Maskiinat, pequtit ingerlatsinermilu atortut assigisaat illuutini imm. 1-imi 2-milu taaneqartuni 1. januar 1998 sioqqullugu pisiarineqarsimasuniittut nalikillilerneqarsinnaanngillat.
Imm. 4. Illuutit imm. 1-imi 2-milu taaneqartut ukioq aningaasarsiorfiusoq 1998 aallarnerfigalugu ukiumut 10 pct.-it angullugit nalikilliliisoqarsinnaavoq. Tamanna aamma atuutissaaq illuutit imm. 1-imi 2-milu taaneqartut 1. september 1997-imi ingerlatseqatigiiffimmit taamaaqataanillu inummilluunniit pigineqarsimasut siunissami pisiareqqinneqarnerini.
Imm. 5. Illuutinut imm. 1-imi pineqartunut tunngatillugu nalikilliliinerit pillugit nalunaarummi §§-it 4, 7, 7c aamma l0a malillugit iluanaarummik ajunaarummilluunniit naatsorsuinermi pisinermi akiusoq, 1. januar 1998-imi nalikillilerneqarsinnaasup naatsorsorneratulli naatsorsorneqassaaq.

Namminersornerullutik Oqartussat, ulloq 6. november 1997.

Daniel Skifte

/

Kaare Hagemann