Kommunalbestyrelsinut nunaqarfinnilu aqutsisunut il.il. ilaasortanik kiisalu borgmesterinik borgmesterillu tulliinik akissarsiaqartitsineq pillugu Namminersornerullutik Oqartussat nalunaarutaat nr. 24, 12. september 1997-imeersoq

Kommunalbestyrelsit, nunaqarfinni aqutsisut il.il. pillugit Inatsisartut inatsisaanni nr. 20-mi 3. november 1994-imeersumi § 17, imm. 6 aamma imm. 7 aamma § 37 naapertorlugit aalajanger-sarneqarput:

 

Kommunalbestyrelsimut, nunaqarfinni aqutsisunut ilaasortanik il.il. akissarsiaqartitsineq

§ 1. Kommunalbestyrelsip kommunalbestyrelsimut ilaasortat aalajangersimasumik akissarsiaqartissavai amerlanerpaamik ukiumut 30.000 kruuninik.
Imm. 2. Kommunalbestyrelsimut ilaasortat, aningaasaqarnermut ataatsimiititaliamut imaluunniit ataatsimiititalianut ataavartunut ilaasortaasuttaaq kiisalu kommunalbestyrelsimut arfineq-marluk inorlugit ilaasortalimmut ilaasortaasut akissarsiaqartinneqassapput amerlanerpaamik ukiumut 60.000 kruuninik.
Imm. 3. Imm. 1 aamma 2 tunngavigalugit akissarsiat akissarsiaritinneqassapput kommunalbestyrelsimut ilaasortaanermut, kommunalbestyrelsimut ilaasortatut suliaqartitaanermut kiisalu aningaasaqarnermut ataatsimiititaliamut ataavartumillu ataatsimiititalinut ilaasortaasimagaanni taakkunani ilaasortaanernut.
Imm. 4. Akissarsiat tunniunneqartassapput kommunalbestyrelsimut ilaasortanut tamanut assigiimmik imm. 1-imi aamma 2-mi taaneqartutut annertussuseqartillugit.

§ 2. Nunaqarfimmi aqutsisunut ilaasortat akissarsiaqartinneqassapput amerlanerpaamik ukiumut 30.000 kr.-inik. Akissarsiat tunniunneqartassapput nunaqarfimmi aqutsisunut ilaasortanut tamanut assigiimmik annertussuseqartillugit.

§ 3. Kommunalbestyrelse aalajangersinnaavoq kommunalbestyrelsip ataavartumik ataatsimiititaliaasa siulittaasuinut aamma nunaqarfinnik aqutsisut siulittaasuinut ilassutaasunik akissarsiaqartitsiumalluni.
Imm. 2. Kommunip ataatsimiititaliat siulittaasuinut ilassutaasumik akissarsiarititanut aningaasartuutai amerlanerpaamik ukiumut 200.000 kruuniussapput. Kommunalbestyrelsimut ilaasortaq ataatsimiititaliamut ataatsimut imaluunniit ataatsimiititalianut arlalinnut siulittaasutut sulinerminut ukiumut aningaasarsiaqassaaq amerlanerpaamik kr. 80.000-nik.
Imm. 3. Nunaqarfinni siulersuisut ilassutaasumik akissarsiaat amerlanerpaamik ukiumut kr. 40.000-ussapput.

§ 4. Kommunalbestyrelsip aningaasat ukiumi tullermi isertitassat atortitassallu naatsorsuusiorneranni §§ 1-3 malillugit ukiumi tassani akissarsiassat qanoq annertutiginissaat aalajangersassavai.

§ 5. Kommunalbestyrelsimut imaluunniit nunaqarfimmi aqutsisunut ilaasortaq sivikinnerpaamik qaammatini marluussagunartuni ilaasortaaffimmini peqataanissaminut akornutissarsisimappat sinniisussaalu tamatuminnga pissuteqartumik peqataasaleqquneqarpat, tak. aqutsinermik inatsimmi § 16, imm. 2, sinniisuusoq taanna piffissami tassani akissarsiaqartinneqassaaq.
Imm. 2. Sinniisussaq suleqataaqquneqarsimappat aqutsinermik inatsimmi § 16, imm. 2-mi taaneqanngitsunik pissuteqartumik, sinniisuusoq taanna aalajangersumik akissarsiaqartinneqas-saaq imaluunniit ilassutitut akissarsianik akissarsiaqartinneqassaaq
1) qaammatit marluk avataanni atortuuffimminut imaluunniit
2) atortuuffimminut tamarmut, taanna qaammatit marluk sinnerlugit sivisussuseqarpat, kommunalbestyrelsilu isumaqarpat sinniisussaq aqutsinermik inatsimmi § 16, imm. 2 naapertorlugu peqataasaleqquneqartariaqarsimagaluartoq, tamannalu Nakkutilliisuutitanit akuerineqarpat.
Imm. 3. Suliarititaagallartumik qaammatinit marlunnit sivikinnerusumik suliaqarneq akissarsisitsissutigineqassaaq ataatsimiinnersiutinik aamma sulinikkut pissarsiassaagaluanut annaasanut taarsiissutinik, tak. § 9. Taamaattorli suliarititaagallartunik suliaqarnermut akissarsiarititaasut sinnersimassanngilaat pifFissamut tassunga akissarsiassat aalajangersimasut imalunniit ilassutitut akissarsiassat.

§ 6. § 5, imm. 1-imi aamma 2-mi eqqartorneqartutut pisoqartillugu ilaasortaviup akissarsiai imaluunniit siulittaasutut qinikkap ilassutitut akissarsiai tunniunneqartarunnaassapput ilaasortap allap akissarsianik taakkuninnga akissarsiaqartalerfianit.
Imm. 2. Kommunalbestyrelse aalajangerpat § 5 imm. 2, nr. 2, malillugu akissarsiaqartitsiumalluni, ilaasortaviusup imaluunniit siulittaasup qinikkap ullormit takkutinngiíffimminit siullermit akissarsiani utertissavai.

§ 7. § 1 - 3 malillugit akissarsiat aalajangersimasut kingumoortumik tunniunneqartassapput qaammatit akissarsiaqartussaatitaasup akissarsiffigisassaasa naaneri tamaasa.
Imm. 2. Akissarsiassat sinnerlugit akissarsianik utertitsisarneq, tak. § 6, annerpaamik qaammatinik pingasunik sivisussuseqarsinnaavoq.

§ 8. Kommunalbestyrelsimut ilaasortaq ataatsimiinnermi peqataanngippat, peqataannginnissaalu akuerisaasimanngippat, kommunalbestyrelse aalajangersinnaavoq ilaasortap taassuma akissarsiai peqataanngiffiata sivisussusianut naapertuuttumik ilanngaaffigiumallugit.

§ 9. Kommunalbestyrelse Aqutsinermik inatsimmi § 17 imm. 3 tunngavigalugu aalajangersinnaavoq kommunalbestyrelsimut ilaasortanut aamma nunaqarfmni aqutsisunut ilaasortanut ataatsimiinnersiaqartitsiumalluni aamma sulinikkut pissarsiassaagaluanut annaasanut taartisiaqartitsiumalluni, ilaasortat taakku kommunalbestyrelsimit toqqarneqarsimappata
1) kursusini assigisaanniluunniit kommunalbestyrelsimut, nunaqarfmni aqutsisunut imaluunniit ataatsimiititaliani ilaasortatut sulinissamut pingaaruteqartutut isigisariaqartuni,
2) inatsisit immikkut ittut tunngavigalugit sulianik, allanit akilersugaanngitsunik, suliaqartussatut, imaluunniit
3) kiffartorlutik immikkut ittumik, minnerpaamik ullunik arfineq-pingasunik sivisussuseqartussamik, angalasussatut, taama angalanissaq attuumassuteqanngippat kommunalbestyrelsimi, ataatsimiititaliani assigisaanniluunniit ataatsimiinnermut.
Imm. 2. Kommunalbestyrelse aalajangersinnaavoq sulilluni akissarsiassaagaluanut annaasanut taartisiaqartitsiumalluni kommunalbestyrelsimut aamma nunaqarfmni aqutsisunut ilaasortaanngitsunut, kommunimut tunngasunik suliaqartussatut kommunalbestyrelsimit toqqarneqarsimasunut, tak. aqutsinermik inatsimmi § 18, imm. 8. Kommunimi atorfillit atorfimminnut tunngasunik suliassaqartitaasut akissarsiaqarsinnaanngillat nalunaarummik matuminnga tunngaveqartumik.
Imm. 3. Ullormusiaqartitsillunilu unnuarsiornermut tapisiaqartitsisoqartassaaq naalagaaffimmi, Namminersornerullutik Oqartussani aamma Kalaallit Nunaanni kommunini atorfillit atorfitsik naapertorlugu angalanerini akissaajaatissanut amerlissutit matussuserneqartarnissaat pillugu malittarisassat sukkulluunniit atortuusut malillugit.

§ 10. Ataatsimiinnersiat ullormut kr. 400-nik amerlassuseqassapput.

§ 11. Sulilluni akissarsiassaagaluit annaasat matussuserneqartarnissaat pillugu kommunalbestyrelsip aalajangiiffîgisaanut amerlanerpaamik ilaassinnaapput:
1) Sulinermik inuussutissarsiuteqartut sulillutik akissarsiassaraluaminnik annaasaat uppernarsarneqartut imaluunniit
2) ullormut 600 kr.-it inunnut, ataatsimiinnerup nalaani aningaasarsiaat amerlanerit piniartutut, aalisartutut, savaatilittut il.il. inuussutissarsiutaannit pisut, taakkulu taarsiissutigineqartassapput isertitassanit amerlanerusunik annaasaqarsimaneq uppernarsaaserneqarsinnaanngippat.

§ 12. Kommunalestyrelse taarsiisinnaavoq imaluunniit matussusiisinnaalluni kommunalbestyrelsip imaluunniit nunaqarfimmi aqutsisut, ataatsimiititaliat ataavartut aamma aningaasaqarnermut ataatsimiititaliat ataatsimiinnerannut atasumik angalanermut najugaqarnermullu aningaasartuutinut, aalajangiisinnaallunilu ataatsimiinnernut § 9-mi pineqartunut atasumik angalanermut najugaqarnermullu aningaasartuutit taarserumallugit imaluunniit matussuserumallugit.
Imm. 2. Kommunalbestyrelsip angallatinik attartorluni angalanermut aningaasartuutinut matussutai annertunerussanngillat Namminersornerullutik Oqartussat KNAPK-illu isumaqatigiissutaat atortuusut malillugit akigititaasunit.
Imm. 3. Angalanernut allanut aningaasartuutit akilerneqartassapput angalanermut aningaasartuutiviusut naapertorlugit, annerpaamilli angallatit pisortanit pigineqartut atornerini bilitsip nalinginnaasumik akianut naapertuuttunik.

 

Borgmesterinik borgmesterillu tulliinik akissarsiaqartitsineq

§ 13. Borgmesterip akissarsiassai aalajangersarneqassapput kommunalbestyrelsimit taassuma atortuuífianut imaluunniit atortuuffiup sinneranut.

§ 14. Akissarsiat annerpaamik annertussuseqarsinnaapput tjenestemandit akissaateqarfiit 36-anni, tapisiat nalinginnaasut aamma feeriartarneq pillugu inatsisit malillugit immikkut feeriarnersiat ilanngullugit, akissaateqartut akissarsiaannut sukkulluunniit atortuusunut naapertuuttumik. Taamaattorli kommunini ikinnerpaamik 5.000-inik inuit allattorsimaffianni nalunaarsorneqarsimasunik ukiumi akissarsiassat aalajangerneqarfianni januaarip aallaqqaataani inulinni borgmesterit annerpaamik akissarsiaqartinneqarsinnaapput tjenestemandit akissaateqarfiit 37-anni, tapisiat nalinginnaasut aamma feeriartarneq pillugu inatsisit malillugit immikkut feeriarnersiat ilanngullugit, akissaateqartut akissarsiaannut naapertuuttunik.
Imm. 2. Kommunalbestyrelse aalajangersinnaavoq borgmesterit akissarsiaannut tapiissuteqarumalluni annertussusissarititaasut, Kalaallit Nunaanni Kommuneqarfiit Kattuffiata Naalakkersuisullu isumaqatigiissutaat malillugit aalajangerneqartut, makku malillugit:

Inuit amerlassusii	Aningaasat
0-1.500	kr. 38.700
1.501-3.000	kr. 58.050
3.001 -5.000	kr. 106.410
5.001 - 10.000	kr. 130.600
10.001 -	kr. 130.600 + tapit immikkut ittut 20.320

Imm. 3. Tapiissutit aningaasanngorlugit allassimapput 1. april 1991-imi, iluarsineqartassallutillu piffissat aalajangersimasut atorlugit aammalu annertussusilerlugit tjenestemandinut immikkut tapiissutitut.
Imm. 4. Borgmesterip akissarsiai tunniunneqartassapput tjenestemandit qaammammusiallit akissarsiaasa tunniunneqartarnerattut.
Imm. 5. Borgmesterit Naalakkersuisut akuersisimatinnagit akissarsiamik saniatigut kommunimi suliarititanut allanut akissarsiaqarsinnaanngillat.

§ 15. Kommunini ataatsimik borgmerip tullilinni borgmesterit tullii aamma kommunini marlunnik borgmesterip tullilinni borgmesterip tullia siulleq ukiumi tullermi aningaasartuutissat akuersissutiginerannut atasumik kommunalbestyrelsip aalajangernera malillugu §§1-3 naapertorlugit akissarsiat saniatigut akissarsiaqartinneqarsinnaapput akissarsiamik aalajangersimasumik annerpaamik annertussuseqartumik borgmesterip akissarsiaasa 15 pct-iinik.
Imm. 2. Borgmesterip tullia imm. 1 naapertorlugu aalajangersimasumik akissarsiaqanngitsoq akissarsisinneqarsinnaavoq piffissamut borgmesterisut suliffigisaminut, tassa kommunalbestyrelsimit peqquneqarsimaguni borgmesterip suliai pisussaaffiilu tamaasa isumageqqullugit, tak. aqutsinermik inatsimmi § 36, imm. 2.
Imm. 3. Imm. 2 malillugu akissarsisitsisoqarsinnaavoq aatsaat borgmesterip tullia borgmesterisut sulisimappat ukiup ataatsip ingerlanerani katillugit amerlanerpaamik ulluni 15-ini.
Imm. 4. Imm. 3-mi aalajangersakkap saniatigut imm. 2 malillugu sulisimanermut akissarsisitsisoqartassaaq maleruagassat tjenestemandisut sulisimanermut akissarsiat pillugit maleruagassanut naapertuuttut malillugit.

§ 16. Kommunalbestyrelsimut ilaasortaq, aqutsinermik inatsimmi § 16, imm. 5 malillugu borgmesterisut suleqqusaasoq, borgmesterip akissarsiaanik akissarsiaqartinneqassaaq § 14-imi taaneqartunik.
Imm. 2. Kommunalbestyrelsimut ilaasortaq aqutsinermik inatsimmi § 16, imm. 5 malillugu borgmesterip tulliatut siullertut imaluunniit borgmesterip tullituaatut suleqquneqartoq akissarsiaqartinneqassaaq § 15 imm. 1 aamma imm. 2 malillugit. Akissarsiani ilanngaatit pillugit § 6 imm. 1-imi malittarisassat taamaallutik atorneqassapput borgmesterip tullianut, sivikinnerpaamik qaammatini sisamni (arlaannik akornuteqarluni) qinikkatut sulisimanngitsumut.

 

Atortuulersitsinermut aalajangersakkat

§ 16. Nalunaarut una atortuulerpoq ulloq 1. oktober 1997 sunniuteqassalluni 1. april 1997-imit.
Imm. 2. Tamatumunnga peqatigitillugu atorunnaarsinneqarpoq nalunaarut nr. 35, 21. december 1995-imeersoq.
Imm. 3. §§1-3 malillugit akissarsiat, § 4 soqutiginagu, siullermik tunniunneqassapput akissarsiat qanoq annertusseqarnissaat pillugu kommunalbestyrelsip aalajangiineranit.

Namminersornerullutik Oqartussat, ulloq 12. september 1997.

Daniel Skifte

/

Sólja í Ólavstovu