Borgmesterit qinigaajunnaarnersiutaat soraarnerussutisiaallu aammalu taakkua aappaasa meeraasalu taakkuninnga pissarsisinnaaneri pillugit Namminersornerullutik Oqartussat nalunaarutaat nr. 23, 12. september 1997-imeersoq.

Kommunalbestyrelsit, nunaqarfinni aqutsisut il. il. pillugit Inatsisartut inatsisaanni nr. 20-mi, 3. november 1994-imeersumi § 37, imm. 1 naapertorlugu makku aalajangersarneqarput:

§ 1. Borgmesteri nammineq soraarnerussutisiaqarnissaminut qinigaajunnaarnersiuteqarnissaminullu §§-ini 2-miit 7-imut aammalu 9-miit 10-mut malittarisassat naapertorlugit pisinnaatitaaffeqarpoq.
Imm. 2. Aappaasoq meeqqallu borgmesterip toqukkut peerunneratigut qimataasut §§-ini 8-mi 11-milu malittarisassat naapertorlugit soraarnerussutisianut qinigaajunnaarnersiutinullu pisinnaatitaaffeqarput.

Nammineq soraarnerussutisiat

§ 2. Borgmesterip tunuarnermini nammineq soraarnerussutisiassai ukiut soraarnerussutisiassaqarfîssai akissarsiaalu soraarnerussutisiaqaatissat naapertorlugit aalajangersarneqartassapput.

§ 3. Nammineq soraarnerussutisiassaqalernissamut ikinnerpaamik ukiuni arfineq-pingasuni sulereersimanissaq piumasaqaataavoq, takuulli imm. 4.
Imm. 2. Piffissaq suliffiusoq tassaavoq piffissaq pineqartup borgmesteritut suliffîgisaa aammalu ukiuni qinigaaffinni arlalinni borgmesteritut sulisarsimanerit ilanngunneqartassallutik.
Imm. 3. Piffissaq suliffiusoq ukiunut ilivitsunut aammalu ukiup sulilerfiup aallartiffianit naatsorsorneqartassaaq.
Imm. 4. Borgmesteri nappaammik nakorsap uppernarsaasiinera naapertorlugu borgmesteritut suleqqinnissaminut akornuserneqarluni kommunalbestyrelsip akuersineratigut tunuarpat piffissaq suliffmsoq piffissamut tunuarnerup nalaani qinigaaffimmut tamakkiisumut naatsorsorneqartassaaq.

§ 4. Ukiut borgmesterip soraarnerussutisiassaqarfissai piffissap suliffiusup naatsorsorneqartarnera naapertorlugu ima naatsorsorneqartassapput:

§ 5. Borgmesteri nammineq soraarnerussutisisalissaaq borgmesteritut tunuarnermi nalaani nalinginnaasumik soraarnerussutisisalersussatut 60-inik ukioqalereersimaguni imaluunniit ullormit taama utoqqaatigilerfimminit.

§ 6. Nammineq soraarnerussutisiat tunuarnerup kingornagut tunniunneqartarnerisalu nalaani malittarisassat nunatsinni tjenestemandinut atuuttut naapertorlugit naatsorsorneqartarlutillu akit allanngorarnerinut iluarsiissuteqarfigineqartassapput.

§ 7. Soraarnerussutisiaqalernissaaq aallartittarpoq § 9 naapertorlugu piffissaq qinigaanersiutaaruffik qaangiukkaangat.
Imm. 2. Pineqartoq borgmesteritut qinigaaqqippat soraarnerussutisiaqartitsineq unitsinneqassaaq.

Aappaasup meeqqallu soraarnerussutisiaqartitaanerat

§ 8. Aappaasoq meeqqallu soraarnerussutisiaqartinneqartassapput malittarisassat nunatsinni tjenestemandinut atuuttut naapertorlugit.
Imm. 2. Naak borgmesteritut sulinerup qaangiutereerneratigut aappariilersoqaraluartoq nalunaarut manna malillugu aappaasoq aappaasutut soraarnerussutisiaqarsinnaatitaavoq. Taamatuttaaq meeqqat meerarisatut soraarnerussutisiaqarsinnaatitaapput naak borgmesteritut sulinerup qaangiutereerneratigut inunngoraluarlutik.

Qinigaajunnaarnersiutit

§ 9. Borgmesteri qinigaajunnaarnersiuteqartinneqartassaaq qaammammut pineqartup ukioq kingulleq sulinermini akissarsiaasa 1/12-iannik. Ukiut aallartinneqartut pineqartup borgmesteritut suliffigisai tamarmik qaammatip aappaata affaanik sivisussusilimmik qinigaajunnaar-nersiuteqaatissaapput. Piffissarli qinigaajunnaarnersiuteqarfissaq sivisunerpaamik qaammatinik 12-inik sivisussuseqarsinnaavoq.

§ 10. Borgmesterip tunuarnera pinerluttulerinermi inatsit naapertorlugu peqqussuteqarnermik nakkutigineqartussaanermilluunniit pissuteqarluni qinigaasinnaajunnaarnermik kinguneqarsimappat kommunalbestyrelsip inassuteqareerneratigut naalakkersuisunit aalajangerneqassaaq borgmesteri nalunaarummi matumani malittarisassat naapertorlugit qinigaajunnaarnersiu-teqarsinnaatitaassanersoq.

Aappaasup meeqqalu qinigaajunnaarnersiutinik pissarsisinnaanerat

§ 11. Borgmesterip toqukkut peerunnini tikillugu borgmesteritut sulisup imaluunniit toqukkut peerunnini tikillugu borgmesterip qinigaajunnaaraersiutaanik pissarsisartup aappaa piffissap qinigaajunnaarnersiuteqarfiup sinnerani, sivisunerpaamilli borgmesterip toquneraniit qaammatini pingasuni, qinigaajunnaarnersiutinik pisartagaqarsinnaavoq.
Imm. 2. Borgmesteri toqukkut aappaminik qimataqanngippat qimataasorluunniit piffissap qinigaajunnaarnersiuteqarfiup qaangiutinnginnerani toqukkut peeruppat qinigaajunnaarnersiuteqarsinnaaneq borgmesterip meeraanut suli 18-iliisimanngitsunut, borgmesterip toqukkut peerunnerani tassannga angajoqqaatut oqartussaaffigisaasunut, pisinnaatitaaffinngussaaq.

Soraarnerussutisianit il. il. ilanngaatit

§ 12. Borgmesteritut sulisimanermit soraarnerussutisiat ikilineqartassapput nalunaarut manna naapertorlugu soraarnerussutisiaqartoq pisortani atorfeqarnermini allatigut akissarsiassaqartitaappat, ajunngitsorsiassaqartitaappat imaluunniit soraarnerussutisiassaqartitaappat.
Imm. 2. Soraarnerussutisiat ikilineqartassapput akissarsiat, ajunngitsorsiassat soraarnerussutisiallu nalunaarut manna naapertorlugu ukiuni amerlanerpaani borgmesteriusimasup soraarnerussutisiarisinnaasaasut amerlatigilersillugit.
Imm. 3. Soraarnerussutisiat imm. 1-imit 2-mut naapertorlugit taamaallaat ima amerlatigisunik ikilisinneqarsinnaapput soraarnerussutisiassat pineqartup allatigut piumasarisinnaajumaagai soraarnerussutisiassat borgmesteritut sulisimanermeersut kingunerannik soraarnerussutisiassat killilerneqartarneri pillugit aalajangersakkat atuuttut soraarnerussutisiat pineqartut akiliutigineqarneranni pisimanngippata.

§ 13. Kommunimi ataasiinnaanngitsumi borgmesteritut sulisimanermit soraarnerussutisiat qinigaajunnaarnersiutillu kommunini pineqartuni borgmesteritut sulisimanerup sivisussusii naapertorlugit aviffigeqatigiilluni kommuninit pineqartunit akilerneqartassapput.

§ 14. Nalunaarut manna aprilip aallaqqaataani 1997-imi atuutilersussatut 1. oktober 1997 atortuulerpoq.

Namminersornerullutik Oqartussat, ulloq 12. september 1997

Daniel Skifte

/

Sólja í Olavsstovu