Timersornermut immikkut piginnaanillit timersortartullu pikkorinnerpaat ilinniagaqarnersiuteqartarnerat pillugu Namminersornerullutik Oqartussat nalunaarutaat nr. 19, 3. september 1997-imeersoq.
Ilinniagaqarnersiutit pillugit inatsisartut peqqussutaanni nr. 3-mi, 2. maj 1996-imeersumi, § 9 aamma § 25 malillugit, ilinniagaqartullu kattuffii oqaaseqaateqartereerlugit, aalajangersarneqarpoq:
§ 1. Timersortartutut pikkorinnerpaatut timersornermullu immikkut piginnaanilittut nalunaarummi matumani pineqartut tassaapput ilinniagaqartut Team Grønlandimit, Kalaallit Nunaanni Timersoqatigiit Kattuffiannit immikkullu kattuffimmit inassuteqartoqareerneratigut Kultureqarnermut, Ilinniartitaanermut Ilageeqarnermullu Pisortaqarfimmit taamatut akuerineqarsimasut.
§ 2. Namminersornerullutik Oqartussat timersortartut pikkorinnerpaat ilinniartitaanernut immikkut aaqqissuussanut peqataanerannut ilinniagaqarnersiuteqartitsisinnaapput, pineqartoq pisortanit akuerisamik allamik ilinniagaqarnissamut periarfissaqanngikkaangat.
Imm. 2. Timersortartup pikkorinnerpaanut ilaasup ilinniagaqarnissaminik ima aaqqissuussissaaq timersuutigisani ilinniagaqarninilu ataatsimut tamakkiisumik suliaqarfigisatut taaneqarsinnaalersillugit. Aaqqissuussineq pineqartoq Team Grønlandip inassuteqareerneratigut Kultureqarnermut, Ilinniartitaanermut Ilageeqarnermullu Pisortaqarfimmit akuerineqartussaavoq.§ 3. Namminersornerullutik Oqartussat timersortartut pikkorinnerpaat timersornermullu immikkut piginnaanillit Kalaallit Nunaata avataani ilinniartitaanernut pisortanit akuerisanut peqataanerannut ilinniagaqarnersiuteqartitsisinnaapput.
§ 4. Timersortartunut pikkorinnerpaanut timersornermullu immikkut piginnaanilinnut ilinniagaqarnersiutigitinneqartussat tunniunneqartarput, matumani nalunaarummi immikkoorutaasut saniatigut, ilinniagaqarnersiutit pillugit nalunaarummi aalajangersakkat najoqqutaralugit.
Imm. 2. Ilinniagarineqarsinnaasut ilinniagarisamillu kipititsiinnarnerit amerlassusissaattut killiliussat, ilinniagaqarnersiutit pillugit nalunaarummi taaneqartut, matumani atortussaatinneqanngillat.
Imm. 3. Ilinniagaqarnermi suliat pillugit aalajangersakkat ilinniagaqarnersiutit pillugit nalunaarummi taaneqartut matumani atortussaatinneqanngillat. Paarlattuanilli piumasaqaataavoq ilinniagaqarnersiutinik pisartagaqassagaanni timersornikkut ingerlatarineqartut taamatuttaarlu ilinniagaqarnerup nalaani pilersaarutigineqareersutut sammineqartut ima suliassaqarfiussasut taakku Kultureqarnermut, Ilinniartitaanermut Ilageeqarnermullu Pisortaqarfiup piumasaqaatai naapertorlugit naammassisaqarfmssallutik. Team Grønland pisussaavoq piuma-saqaatigineqartussatut aalajangiussat naapertorneqarsimatinnagit Kultureqarnermut, Ilinniartitaanermut Ilageeqarnermullu Pisortaqarfimmut erniinnaartumik ilisimatitsissuteqartarnissamik.
Imm. 4. Timersortartunut pikkorinnerpaanut ilinniagaqarnersiuteqarsinnaatitaasunut Landskarsip aningaasalersugaanik ilinniagaqarnermut atatillugu taarsigassarsititsisoqarsinnaavoq.§ 5. Ilinniagaqartup qinnuteqaanni Team Grønlandimut ingerlateqqissavaa, taannalu oqaase-qaammik Kalaallit Nunaanni Timersoqatigiit Kattuffiannit immikkullu kattuffimmit oqaaseqaammik pissarsissaaq. Tamanna pereerpat, qinnuteqaat, inassutigineqartumik ilaqartillugu, taamatullu Kalaallit Nunaanni Timersoqatigiit Kattuffiannit immikkullu kattuffimmut oqaase-qaatigineqartut ilanngullugit, Team Grønlandimit ingerlateqqinneqassaaq.
§ 6. Nalunaarut 1. september 1997 atulerpoq.
Namminersornerullutik Oqartussat, 3. september 1997
Konrad Steenholdt/
Karl Kristian Olsen