Kapisilinnik pisineq tunisinerlu kiisalu kapisilittanik nalunaaruteqartarneq pillugit Namminersornerullutik Oqartussat nalunaarutaat nr. 15, 5. august 1997-imeersoq.
Aalisarneq pillugu Inatsisartut inatsisaanni nr. 18-mi 31. oktober 1996-meersumi §§ 25 aamma 26 kiisalu § 33 naapertorlugit aalajangersarneqarpoq:
Atuuffii
§ 1. Nalunaarut atuuppoq kapisilinnik pisinernut (tunisinernut) tamanut kiisalu kalaalimineerniarfikkut kapisilinnik tuniniaanermut. Tamatuma saniatigut nammineq atugassanik aalisarnikkut kapisilittat nalunaarutigineqartarnerannut atatillugu nalunaarut atuuppoq.
Imm. 2. Taamaallaat inuit inuussutissarsiutigalugu kapisilinniarnissamut akuersissummik pillit kapisilinniktuniniaasinnaatitaapput.§ 2. Kapisilinnik pisinertut paasineqassaaq nunami imaanilu aalisarnikkut Kalaallit Nunaata oqartussaaffigisaani akuersissummik pigisalinnit toqqaannartumik inuussutissarsiutigalugu kapisilinnik pisineq tigooraanerlu.
Imm. 2. Ukiumut kapisilittassat, kapisilinniarneq pillugu Namminersornerullutik Oqartussat nalunaarutaat naapertorlugu nalunaamtigineqartut, tamarmik pisarineqaraangata kapisilinnik pisisoqaranilutunisisoqarsinnaanngilaq.
Imm. 3. Pisassat tamarmik pisarineqarnerat Aalisarnermut, Piniarnermut Nunalerinermullu Pisortaqarfimmiit radiukkut tusagassiuutitigullu allatigut nalunaarutigineqassaaq.
Kapisileerutit pisallu nalunaarutigineqartarnerat
§ 3. Akuersissummik pigisaqartoq kalaalimineerniarfikkut kapisilinnik tunisisimasoq kiisalu tunitsivik ullormut kapisillit tunisat pisialluunniit pillugit Kalaallit Nunaanni Aalisarsinnaanermut Akuersissutinik Nakkutilliisoqarfimmut (KANUAANA-mut) nalunaaruteqartassaaq. Tamanna pisassaaq tunisanik nalunaarsuiffitsigut, tak. imm. 2, aamma oqarasuaatikkut nalunaarutitigut, tak. imm. 3. Tunitsivittut paasineqassaaq aalisakkanik pisiortortoq Danmarkimi Aalisarnermik Nakkutilliisoqarfimmit, Fiskeriinspektoratimit, akuersissuteqarfigineqarsimasoq. Tamatuma saniatigut inuussutissarsiutigalugu aalisarnermit pisat kalaalimineerniarfikkut tuniniarneqarsinnaapput.
Imm. 2. Tunisanik nalunaarsuiffiit (tak. nalunaarummut ilanngussaq) ullut tamaasa allakkatigut KANUAANA, Box 501, 3900 Nuuk-mut imaluunniit fax 2 32 35-ikkut nassiunneqartassapput. Tunisanik nalunaarsuiffiit immersorneqarneranni angallatinit annerpaamik 30 fodinik angissusilinnit aamma 30 fod sinnerlugu angissusilinnit kapisillit ilivitsut pisiat oqimaassusiat tamarmiusoq naatsorsorneqassaaq. Kapisillit ilivitsut oqimaassusaannut naatsorsuisoqartarpoq kapisillit niaqoqartillugit erlaveqartinnagilli (mhui) oqimaassusaasa 1,11-mik amerlisarnerisigut. Aalisartoq kalaalimineerniarfimmi tunisisoq taamaattoq kiilunngorlugit nalunaaruteqarsinnaavoq, tassa 1,11 -mik amerlisaanngikkaluarluni.
Imm. 3. Telefonikkut nalunaaruteqartoqartassaaq KANUAANA-mut telefon 2 32 99-ikkut, imaluunniit telefax 2 32 35-ikkut ullut tamaasa, taamaallaat pinnagit arfminngorneq sapaallu nal. 8.00 aamma 11.00 akornanni (taamaattorli tallimanngornermut, arfminngornermut sapaam-mullu nalunaarutissat ataasinngornermi siullermi nalunaarutigineqartassapput). Angallatinit annerpaamik 30 fodinik angissusilinnit aamma 30 fod sinnerlugu angissusilinnit pisat tamarmiusut naatsorsorneqarnerini nalunaarutigineqartassapput, tak. imm. 2.§ 4. Nammineq atugassanik aalisarneq pillugu nalunaaruteqartoqartassaaq tunisanik/pisanik nalunaarsuiffiit atorlugit, tak. nalunaarummut ilanngussaq. Nalunaarutit sapinngisamik sukka-nerpaamik nassiunneqartassapput.
Pineqaatissunerit
§ 5. §§1 aamma 2-mik unioqqutitsineq imaluunniit § 3 aamma § 4 malillugit nalunaaruteqanngitsoorneq akiliisitsinermik kinguneqarsinnaapput.
Atuutilerfia
§ 6. Nalunaarut atuutilissaaq ulloq 10. august 1997. Tamatuma peqatigisaanik kapisilinnik pisiortorneq tunisisarnerlu pillugit Namminersornemllutik Oqartussat nalunaarutaat nr. 22, 1. august 1995-meersoq atorunnaarsinneqarpoq.
Namminersornerullutik Oqartussat, ulloq 5. august 1997.
Pāviāraq Heilmann/
Emanuel Rosing
Ilanngussaq (pdf-format)