Ammassallip kommuniani nunaqarfinni imigassanik aalakoornartulinnik nioqquteqarneq pillugu Namminersornerullutik Oqartussat nalunaarutaat nr. 3 , 13. februar 1997-imeersoq.
Imigassanik aalakoornartulinnik nioqquteqarneq sassaal-lertarnerlu pillugit inatsisartut inatsisaanni nr. 23-mi, 30. oktober 1992-imeersumi § 28, imm. 1, nr. 3 aamma § 29, imm. 3 naapertorlugit aalajangersarneqarput:
§ 1. Nalunaarut una Ammassallip kommuniani nunaqarfinnut Tiniteqilaamut, Sermiligaamut, Kulusummut Isortumullu atuuppoq.
§ 2. Nunaqarfinni Tiniteqilaami, Sermiligaami, Kulusummi Isortumilu imigassat kimikinnerit killilersugaanngitsumik nioqqutaasinnaapput.
§ 3. Nunaqarfinni Tiniteqilaami, Sermiligaami Isortumilu immiaaqqat 4,10 % sinnerlugulu aalakoornartullit killilersugaanngitsumik nioqqutaasinnaapput.
Imm. 2. Imigassanik aalakoornartulinnik allanik pisisinnaaneq taamaallaat siumut inniminneeqqaarluni pisinnaavoq.§ 4. Nunaqarfimmi Kulusummi imigassat kimittuut 22,10 % sinnerlugulu aalakoornartullit killilersugaanngitsumik nioqqutaasinnaapput.
Imm. 2. Imigassanik kimittuunik 22,10 % ataallugu aalakoornartulinnik pisisinnaaneq taamaallaat siumut inniminneeqqaarluni pisinnaavoq.§ 5. Aammattaaq nioqquteqarnermut atuupput imigassanik kimittuunik kimikitsunillu nioqquteqarnissamut piffissarititaasut pillugit naalakkersuisut aalajangersa-gaat.
Imm. 2. Aammattaaq imigassanik siumut inniminneriikkanik tunniussineq nioqquteqarnissamut piffissarititaasut aalajangersakkat iluanni taamaallaat pisinnaavoq.§ 6. §§3, imm.2, 4, imm.2 amma 5-imik unioqqutitsinerit akiliisitsissutaasinnaapput.
§ 7. Nalunaarut una 15. marts 1997-imi atuutilissaaq.
Imm. 2. Tamatumunnga peqatigitillugu Tasiilap kommuniani nunaqarfinni imigassanik aalakoornartulinnik nioqquteqarneq pillugu Namminersornerullutik Oqartussat nalunaarutaat nr. 42, 18. oktober 1990-imeersoq atorunnaarsinneqarpoq.
Namminersornerullutik Oqartussat, 13. februar 1997.
Peter Grønvold Samuelsen/
Hans Jakob Helms