Umimmaat eqqissisimatitaanerat piniagaanerallu pillugit Namminersornerullutik Oqartussat nalunaarutaat nr. 1, 30. januar 1997-imeersoq.
Inatsisartut inatsisaanni nr. 17-imi 31. oktober 1996-imeersumi § 5, imm. 1.-3, § 7, § 8, imm. 1 aamma §11, imm. 2 piniarneq aallaniarnerlu pillugit kiisalu Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi 12. november 1980-imeersumi § 2, imm. 3 aamma § 19 malillugit aalajangersarneqarput:
Atuuffii.
§ 1. Nalunaarut Kalaallit Nunaanni umimmaat (Ovibus moschatus) eqqissisimatitaanerannut piniagaanerannullu atuuppoq.
Eqqissisimatitsineq.
§ 2. Kalaallit Nunaanni tamarmi umimmaat eqqissisimatitaapput § 3-mi aamma § 4-mi taaneqartut kisiisa pinnagit.
Pisassiissutit amerlassusilerneqarnerat.
§ 3. Naalakkersuisut ukiut tamaasa umimmat aallaaniarnikkut pisarineqarsinnaasut (pisassiissutit) amerlassusissaat aalajangersartarsinnaavaat, sumiiffinni piffíssanilu imm. 2-4 taaneqartut iluanni. Pisassiissutit Naalakkersuisunit suiaassusiinut ukioqqortussusiinullu aalajangersimasunut killiiffígineqarsinnaapput.
Imm. 2. Ittoqqortoormiit Kommunianni piffissani 20. august - 20. september aamma 20. november - 20. december umimmanniarnissamut akuersissuteqartoqarsinnaavoq.
Imm. 3. Kangerlussuup nunaani umimmanniarnissamut akuersissuteqartoqarsinnaavoq
1) nunap ilaani tassaasuni Ammalortup Nunaata ilaani aamma Angujaartorfmp Nunaata ilaani piffissap 1. august - 10. september iluani, tak. nunap assinganik ilanngussat I, II aamma III, aamma
2) nunap ilaani tassaasuni Ammalortup Nunaata ilaani, Iperaarissap Nunaata aamma Akuliarusiarsuup ilaani piffissap 5. februar - 14. marts iluani.
Imm. 4. Kangerlussuup nunaani akiliilluni umimmanniartoqarsinnaaneranut akuersissuteqartoqarsinnaavoq
1) nunap ilaani tassaasumi Perserajuut Nunaata ilaani piffissap 15. juli - 5. august iluani tak. nunap assinganik ilanngussaq, aamma
2) nunap ilaani tassaasumi Ammalortup Nunaata ilaani piffissami 15. marts - 5. april.
Imm. 5. Piffissani piniarfissani imm. 2 - 4-mi nalunaarneqartuni ullut pinialerfîssat piniamnnaarfissallu ilanngullugit pineqarput.
Imm. 6. Naalakkersuisut KNAPK aamma KANUKOKA isumasioqatigereerlugit piniarsinnaanermut akuersinermut atatillugu piffissat sumiiffiillu umimmanniarfmsinnaasut, imm. 3, nr. 2 malillugu nalunaarutigineqartut erseqqissumik aalajangersarsinnaavaat aammalu akiliilluni piniarsinnaanermik akuersissuteqarnermut atatillugu sumiiffíit umimmanniarfissat imm. 4, nr. 2 malillugu nalunaarutigineqartut erseqqissumik killilersorlugit.
Imm. 7. Pisassiissutit aammalu tamatumani piumasaqaatit piffissap umimmanniarfissap aallartinnginnerani nuna tamakkerlugu tusagassiuutitigut tamanut saqqummiunneqassapput.
Imm. 8. Avanaani Tunumilu Nuna Allanngutsaaliugassatut Immikkoortitami umimmaat eqqissisimatitaanerat pillugu immikkut aalajangersakkat atuupput. Aalajangersakkat Kalaallit Nunaata Avannaarsuani Allanngutsaaliugassatut Immikkoortitaq pillugu nalunaarummi immikkoortumi Kalaallit Nunaanni pinngortitamik allanngutsaaliuineq pillugu Inatsisartut inatsisaat malillugu nalunaarutigineqartumi aalajangersagaapput.§ 4. Naalakkersuisut Ivittuuni Kommunalbestyrelsip inassuteqarneratigut ukiumut umimmaat aalajangersimasumik amerlassusillit piniarneqarsinnaasutut Ivittuut Kommunianni pisassiissutigisinnaavaat piffissani 1. marts - 31. marts, 15. juni - 15. juli aamma 1. november - 30. november. Pisassiissutit suiaassusiinut ukioqqortussusiinullu aalajangersimasunut killilerneqarsinnaap-put.
Imm. 2. Naalakkersuisut Ivittuut Kommunalbestyrelsiata inassuteqarneratigut akiliilluni piniarsinnaanermut akuersissuteqarsinnaapput piffissani 1. marts - 31. marts, 15. juni - 15. juli aamma 1. november - 30. november.
Imm. 3. Piffissani piniarfissani imm. 1 aamma imm. 2-mi nalunaarneqartuni ullut pinialerfissat piniarunnaarfissallu ilanngullugit pineqarput.
Imm. 4. Naalakkersuisut Ivittuuni kommalbestyrelsip inassuteqarneratigut piniarsinnaanermik akuersinermut atatillugu piffissat sumiiffíillu umimmanniarfmsinnaasut, imm. 1 aamma imm. 2 malillugu nalunaarutigineqartut erseqqissumik aalajangersarsinnaavaat.
Pisassiissutit agguaanneqarnerat.
§ 5. § 3, imm. 2 aamma imm. 3-mi pisassiissutit aalajangersarneqartut Naalakkersuisunit agguaanneqassapput, piniarnermut allagartamik sorlermik pigisaqarneq naapertorlugu, kommuninut imaluunniit sumiiffinnut kommunit aggornerisa avataanniittunut KNAPK aamma KANU-KOKA isumasioqatigereerlugit.
§ 6. Naalakkersuisut Ivittuuni Kommunalbestyrelsip inassuteqarneratigut pisassiissutit § 4, imm. 1-imi aalajangersarneqartut agguaassinnaavaat, piniarnermut allagartamik sorlermik pigisaqarneq naapertorlugu, kommuninut imaluunniit kommunit allat nunaqarfiinut kommunalbestyrelsimik pineqartumik isumasioqateqareernikkut.
Akuersissutinik tunniussuineq.
§ 7. Kommunini § 5 malillugu pisassiissutigineqartunit kommunalbestyrelsit qinnuteqartunut kommuniminni inuit allattorsimaffiannut najugaqartutut allassimasunut aammalu atuuttumik inuussutissarsiutigalugu piniarnermut imaluunniit suliffmp avataatigut aallaaniarsinnaanermut allagartalinnut, umimmannik pisaqarsinnaanermut akuersissutinik tunniussissapput.
Imm. 2. § 5 malillugu kommunit aggornerisa avataanniittunut Naalakkersuisut qinnuteqartunut sumiiffimmi inuit allattorsimaffiannut najugaqartutut allassimasunut aammalu atuuttumik inuussutissarsiutigalugu piniarnermut imaluunniit suliffmp avataatigut aallaaniarsinnaanermut allagartalinnut umimmannik pisaqarsinnaanermut akuersissutinik tunniussissapput. Taamaattoq Naalakkersuisut sumiiffimmi pineqartumi borgerrådit akuersissutinik imm. 4 aamma imm. 5 malillugit tunniussinissaannut piginnaatissinnaavaat.
Imm. 3. Ivittuut Kommuniannut piniarnissamik pisassiissutit, tak. § 6, Ivittuut Kommunalbestyrelsiat qinnuteqartunut kommunimi inuit allattorsimaffíannut najugaqartutut allassimasunut aammalu atuuttumik inuussutissarsiutigalugu piniarnermut imaluunniit suliffiup avataatigut aallaaniarsinnaanermut allagartalinnut umimmannik pisaqarsinnaanermut akuersissutinik tunniussissaaq. Kommuunit allat, Ivittuut Kommuuniata saniatigut pisassanik pissarsisimappata, Ivittuut Kommunalbestyrelsiata, inuussutissarsiutigalugu piniarnermut aammalu suliffmp avataatigut pinianermut atuuttumik allagartalinnut qinnuteqarsimasunut agguaassineq ingerlatis-savaa, qinnuteqarsimasut Kommuunerisaata isumasioreerneratigut.
Imm. 4. Qinnuteqartunut inuussutissarsiutigalugu piniarnermut allagartalinnut akuersissutinik tunniussineq najukkami aalisartut piniartullu peqatigiiffiat suleqatigalugu pissaaq. Inuussutissarsiutigalugu piniarnermut aallaaniarnermullu allagartamik pigisaqarnissamik piumasaqarnerup saniatigut pisortat akuersissutinik tunniussuisut, aalisartut piniartullu peqatigiiffíat suleqatigalugu immikkut ittunik kinaassusersiunngitsumillu piumasaqarsinnaapput qinnuteqartup akuersissummik tunineqannginnerani. Piumasaqaatinik taamaattunik pisoqassagaluarpat tamakku qinnuteqartunut takuneqarsinnaatinneqassapput takussutissatullu Aalisarnermut, Piniarnermut Nunalerinermullu Pisortaqarfimmut nassiunneqassallutik, kommuni akuersissutinik tunniussuinermut isumaginnittuuppat.
Imm. 5. Qinnuteqartunut suliffíup avataatigut aallaaniarsinnaanermut allagartalinnut agguaassineq makitsinikkut pissaaq. Makitsineq tamanit najuuffigineqarsinnaasumik pissaaq.
Imm. 6. Naalakkersuisut § 3, imm. 4 aamma § 4, imm. 2 malillugit pisassiissutaasut iluanni inunnut akiliilluni umimmanniarnermut peqataasunut akuersissutinik tunniussisinnaapput.
Aallaaniarnissamutpiumasaqaatit.
§ 8. Inuit § 7, imm. 1-3 aamma imm. 6 malillugit akuersissutinik pigisaqartut kisimik akuersissummilu pisassatut amerlassusiliunneqarsimasut kisiisa malillugit umimmannik pisaqarsinnaatitaapput.
Imm. 2. Akuersissut inuup nammineq pissaraa allanullu tuniniarneqartussaanani. Inuit akuersissummik pisimasut aammalu taassuminnga atuisinnaanatilluunniit atuerusunngitsut, piaarnerpaamik akuersissut atorneqanngitsoq pisortanut akuersissummik tunniussisunut pisariaqarpat agguaateqqinneqarsinnaasunngorlugu utertissavaat. Pisortat akuersissutinik tunniussisimasut piffíssamik akuersissutit aaneqarnissaannut killissamik aalajangersaasinnaapput, taamaalilluni akuersissutit aaneqanngitsoortut agguaateqqinneqarsinnaanngorlugit, taamaattorli piaarnerpaa-mik piffissami piniarfíup naanissaa sapaatip akunnerinik marlunnik sioqqullugu.
Imm. 3. Akuersissummi umimmaat qassit aammalu pisarineqarsinnaatitaasut suiaasinnaanerat utoqqaassusiallu, piffissami sumi aammalu piniarfimmi sumi piniarneqarnissaat nalunaarneqassapput.
Imm. 4. Uumasut nujuartat ilisimatuutut misissuiffigineqarnissaannut atugassanik Naalakkersuisut piniartoq kinaluunniit umimmammik pisaqarsinnaasoq pisussaaffilersinnaavaat ulloq sumiiffillu pisaqarfmsoq, pisap suiaanera utoqqaassusialu, naartunersoq aammalu nalunaaqutsiussap normua nalunaarutigeqqullugit, tak. § 12, imm. 1.
Imm. 5. Naalakkersuisut umimmanniarnermut akuersissutinik tunniussinerminnut atatillugu piumasaqaatinik annertunerusunik piumasaqarsinnaapput, tassunga ilanngullugu uumasup ilaanik aammalu paasissutissanik ilisimatuussutsimut atugassanik tunniussinissaq. § 4, imm. 1 aamma imm. 2 malillugit piniarnermi Ivittuuni Kommunalbestyrelsi umimmanniarnermut akuersissutinik tunniussinermut atasumik immikkut ittunik piumasaqaateqarsinnaavoq, tassunga ilanngulugu piumasarineqarsinnaalluni kommunip piniarnermik nakkutilliisuata tamatigut piniarnermi peqataasarnissaa nersummillu pisarineqartussamik toqqaalluni.
Imm. 6. Paasissutissat tak. imm. 4 aamma imm. 5 akuersissummut allanneqassapput, piaarnerpaamik kingusinnerpaamillu piniarnerup naaneranit sapaatip akunneri pingasut qaangiutsinnagit kommunimut tunniunneqassallutik. Tamatuma kingorna paasissutissat kommunimit katersorneqarsimasut Aalisarnermut, Piniarnermut Nunalerinermullu Pisortaqarfimmut nassiunneqassapput.
Imm. 7. Imm. 6 malillugu piffíssaagallartillugu pisanik nalunaarneq tullianik umimmannik pisassanik agguaassinermi naatsorsuutigineqarnissamut iluaqutaassaaq.
Umimmanniarnermi periaatsit ataatsimut isigalugit.
§ 9. Umimmanniarnermi qoorortuut kisimik atorneqaqqussaapput. Qoorortuut atorneqarsinnaatitaasut sullukinnersaat 6,5 x 55 kaliberiuvoq. Qoorortuup imassai qaartartoqanngitsut (hel mantel) atorneqassapput. Qoorortuut nutsuinnartakkat tissaluttaatillu atorneqassanngillat. Taamaattorli akiliilluni piniarnermi atorneqartussaq sullukinnerpaaq 7,62 mm-iussaaq (30-06), aammalu qoorortuup imassai allat aamma qaartartullit atorneqarsinnaapput.
Imm. 2. Timmisartut, helikopterit aammalu qamutit motorillit suugaluartulluunniit umimmanniarnerup nalaani imaluunniit piniarfimmut piniarfimmiillu assartuutitut atorneqassanngillat. Taammaattorli Naalakkersuisut umimmanniarnermut atasumik snescooterit assartuutitut atorneqarsinnaanerannut, § 3, imm. 3, nr. 2, § 3, imm. 4, nr. 2, aammalu § 4, imm. 1 aamma imm. 2 malillugit nalunaarutigineqartut naapertorlugit akuersinertik nalunaarutigisinnaavaat. Tamatuma saniatigut Naalakkersuisut akiliilluni umimmanniarnermut atatillugu helikopterit piniarfimmut piniarfimmiillu assartuutitut atorneqarnissaannut akuersinertik nalunaarutigisinnaavaat.
Qimussimik umimmanniarneq.
§10. Kalaallit Nunaata kitaani umimmanniarnermi qimmit nassatarineqassanngillat. Qimmit pitunneqanngitsutpiniarfímmiitinneqassanngillat.
Imm. 2. Immikkoortoq 1-mi aalajangersagaqaraluartoq taamaattoq Naalakkersuisut immikkut akuersissuteqarsinnaapput umimmanniarnermi § 3, imm. 3, nr. 2 aamma § 3, imm. 4 nr. 2 malillugit qimussimik assartuisinnaanermut tunngatillugu.
Umimmaat il.il. pisarineqartut atorneqarnissaat.
§ 11. Umimmaat pisarineqartut neqaat amiilu tamarmik angerlaanneqassapput imaluunniit qimatulineqassallutik.
Nakkutilliineq.
§ 12. Inunnut § 7, imm. 1-3 malillugu umimmanniarnissamut akuerineqarsimasunut akuersissummut ilanngullugit tunniunneqassapput nalunaaqutsiussassat assigiinnik normulikkat marlukkuutaat, ataasiarlugit umimmammut ataatsimut atugassat umimmattassap pisarineqarsi-maneranut uppernarsaatitut.
Imm. 2. Umimmaap pisarineqareerneratigut nalunaaqutsiussat ataasiarlugit atugassat umimmaap quttoraanut sukkanerpaamik kingusinnerpaamillu angallammut pisamik assartuissummut ikineqalernerani ivertinneqassapput katajaatsumut erseqqissumullu inissillugit.
Imm. 3. Nalunaaqutsiussat ataasiarlugit atugassat ivertisimaneqassapput umimmaap tunineqarnissaata imaluunniit atorneqarnissaata tungaanut.
Imm. 4. Nalunaaqutsiussassat ataasiarlugit atugassat tunniunneqarsimasut atorneqanngitsulli sapinngisamik piaarnerpaamik kingusinnerpaamillu piffissap umimmanniarfissarititaasup naaneratigut kommunip allaffianut tunniunneqassapput. Tamatuma kingorna kommunip taakku Aalisarnermut, Piniarnermut Nunalerinermullu Pisortaqarfimmut ingerlateqqissavai.
Imm. 5. Nalunaammmi uani angallat paasineqassaaq angallat sunaluunniit umimmanniarnermut atasumik nunakkut immakkulluunniit assartuinermut atorneqartoq, tak. § 9, imm. 2 aamma §10.§ 13. Umimmanniartup kialuunniit politiit, piniarnermik nakkutilliisut imaluunniit inuit allat taamatut piginnaanilerneqarsimasut piumasaqaateqarnerisigut umimmanniarsinnaatitaanerminut uppernarsaat atuuttoq takutissinnaasariaqarpaa.
Imm. 2. Umimmaat pissatat siumorneqarpata tamanna nakkutilliisunut imm. 1 -imi taaneqartut arlaannut, Naalakkersuisunit umimmaat pineqartut toqunneqarnissaannut pisinnaatinneqarsin-naasumut piaarnerpaamik nalunaarutigineqassaaq. Umimmaat toqunneqartut taava Namminer-sornerullutik Oqartussani oqartussaaffigineqassapput.
Tigusinerit nuussinerillu.
§ 14. Umimmaat nuunneqarnissaat, tamatumunnga ilanngullugu soriarsinnaajunnaarsinneqarnissaat tiguneqarnissaallu aammalu Naalakkersuisut akuersiteqqaarsimatinnagit ungalusat iluiniitinneqarnissaat inerteqqutaavoq.
Imm. 2. Umimmaat pigineqanngitsut nuunneqarnissaat Naalakkersuisut akuersiteqqaarlugit aatsaat pisinnaavoq.
Imm. 3. Imm. 1 aamma 2-mik unioqqutitsisoqartillugu Naalakkersuisut, unioqqutitsinerit unitsinniarlugit, inuup imaluunniit inuit unioqqutitsisut akiligassaannik iliuuseqarnissamik suliniuteqarsinnaapput.
Immikkut akuersissuteqarsinnaaneq.
§ 15. Siunertanut ilisimatusarnermik siunertaqartunut nalunaarummi aalajangersakkat Naalakkersuisunit immikkut akuersissuteqarfigineqarsinnaapput, tassunga ilaalluni ilisimatusaatissanik piniarnermut akuersineq. Ilisimatusaatissanik piniarnermut Naalakkersuisut erseqqinnerusunik piumasaqaateqarsinnaapput.
Imm. 2. Naalakkersuisut aammattaaq nalunaarutip aalajangersagartaani immikkut akuersissu-teqarsinnaapput umimmaat inunnut, timmisartumik allatulluunniit tamanut atuuttumik angallassinermik navianartorsiortitsissagaluarpata politiit, piniarnermik nakkutilliisut imaluunniit allat taamatut pisinnaatitaaffilerneqarsimasut umimmannik pineqartunik toqutsisinnaatillugit. Umimmaat toqunneqartut taava Namminersornerullutik Oqartussanut nakkatinneqassapput.
Pineqaatissunerit.
§ 16. §§ 2 - 4-mi aamma §§ 8 - 14-mi aalajangersakkanik unioqqutitsinerit akiliisitsinermik pineqaatissiissutigineqarsinnaapput.
Imm. 2. §§ 2 - 4-mi aamma §§ 8 - 11-mi aalajangersakkanik unioqqutitsilluni umimmaat pisarineqartut neqaat, amii allallu atorsinnaasut umimmammeersut Naalagaaffíup karsianut tunniussassanngorlugit arsaarinnissutigineqarsinnaapput.
Atuutilerfia il.il.
§ 17. Nalunaarut una atuutilerpoq 3. februar 1997.
Imm. 2. Peqatigitillugu umimmaat eqqissisimatitaanerat piniagaanerallu pillugu Namminersornerullutik Oqartussat nalunaarutaat nr. 19, 18.juli 1995-imeersoq atorunnaarpoq.
Namminersornerullutik Oqartussat, ulloq 30. januar 1997
Pâviâraq Heilmann/
Bent Buch
Ilanngussaq (JPG format)
