Ilisimatusarfik pillugu Inatsisartut inatsisaat nr. 16, 31. oktober 1996-imeersoq.
Kapitali 1.
Aalajangersakkat nalinginnaasut.§ 1. Inatsit una Ilisimatusarfimmut atortuuvoq.
§ 2. Ilisimatusarfiup suliassarai Ilisimatusarfimmi ilinniagassat iluanni ilisimatuutut misissuinissaq qaffasinnerusumillu ilinniartitsinissaq ilisimatuutut nallersimasassaq annerpaaq angullugu. Aamma Ilisimatusarfiup killilersugaanngitsumik ilisimatuutut misissuisinnaaneq illersugassaraa ilisimatusarnermilu suleriaatsit paasisallu siaruartigassaralugit.
Imm. 2. Ilisimatusarfik ilisimatusarnerit ingerlatassat pillugit nammineq aalajangiisassaaq. Isumalluutit pisariaqartut pigineqarpata Naalakkersuisut Ilisimatusarfik tusarniaavigeriarlugu immikkut ilisimatusagassanik ilinniartitsissutissanilluunniit suliassissinnaavaat.§ 3. Naalakkersuisut Ilisimatusarfik tusarniaavigeriarlugu aalajangersinnaavaat ilinniartitaanerit suut neqeroorutigissagai.
Imm. 2. Naalakkersuisut ilinniartitaanerit Ilisimatusarfimmit neqeroorutigineqartut tamakkunanilu ilinniartunngorniartut killiliiffigisinnaavaat ilinniartitaanerit pitsaassusissaat naapertuutinngippata § 18 naapertorlugu ilinniartitaaneq pillugu malittarisassani piumasarineqartunut.§ 4. Ilisimatusarfimmi ilinniartitsinerit oqaluttarissanillu soraarummeernerit kikkunnilluunniit tusarnaariarneqarsinnaapput Ilisimatusarfímmit killiliiffigineqartumik.
Kapitali 2.
Aqutsinermi malittarisassat.
Aqutsinerup aaqqissuussaanera§ 5. Rektori Ilisimatusarfiup avammut sinniisoraa. Ilisimatusarfiup ingerlanneqarneranut pisortaapput rektoreqarfik, Universitetsrådi studienævnillu oqartussaaffiit kapitalimi uani agguaanneqarnerat naapertorlugu suliaqartussat.
Imm. 2. Malittarisassat kapitalimi uani aalajangersarneqartut iluanni Universitetsrådi rektorip siunnersuuteqarnera malillugu aqunneqarnini aaqqissugaaninilu aqutseqataasussatullu qinikkat sulinerat pillugit malittarisassani erseqqinnerusunik maleruagassiussaaq. Malittarisassat taakku Naalakkersuisunut saqqummiunneqassapput akueritinniarlugit.
Rektoreqarfik
§ 6. Rektoreqarfiup inuttarai rektori rektorillu tullersortaa.
Imm. 2. Rektorip tullersortaa rektorimut sinniisussaavoq ikiortassallugulu tassunga suliassiissutinik annertussusissaannik isumaqatigiissutertik malillugu. Isumaqatigiissut taamaattoq ataavarnerusutut ippat universitetsrådi tamatuminnga ilisimatinneqassaaq.§ 7. Rektori ukiunut pingasunut qinerneqartassaaq tullersortaalu ukiumut ataatsimut qinerneqartassalluni. Qinigaasinnaapput ilisimatusarfimmi professorit atorfeqavillutillu lektorit. Taasisussaapput Universitetsrådip ilaasortai aamma ilisimatusarfimmi atorfeqavillutik ilinniartitsisut ilisimatuutullu suleqataasut. Qinersineq pissaaq malittarisassat Ilisimatusarfimmut tusarniaassutigineqareerunik Naalakkersuisunit aalajangersakkat malillugit.
Imm. 2. Rektori qinigaaffik naatinnagu rektorissamik tullersortissaanillu qinersisitseqqusissaaq Universitetsrådimi ilaasortat allat tamarmik tamanna inassutigippassuk.
Imm. 3. Immikkut ittunik pisoqartillugu Naalakkersuisut qinigaaffik suli naanngitsoq rektoritut atorfimmut qinersisitseqqusisinnaapput.§ 8. Rektorip Universitetsrådip aalajangiinera malillugu Ilisimatusarfímmi allaffimmi suliassat ilinniarnerullu aqunneqarnera siulersussavai aalajangiiffigisassallugillu suliat suulluunniit §§ 10, 11, 14 aamma 15 naapertorlugit Ilisimatusarfimmi ingerlatsisussatut qinikkanut allanut aalajangigassanngortitaasimanngitsut.
Imm. 2. Rektorip aalajangigassat nukinginnartut universitetsrådimit studienævninillu suliarineqarnissaminnut utaqqisinneqarsinnaanngitsut aalajangiivigisassavai. Taamatut aalajangikkat piffissaq siulleq atorlugu ataatsimiittartunut pineqartunut saqqummiunneqassapput.
Imm. 3. Rektorip universitetsrådi, studienævnit, institutit pisortaat aammalu atorfilittami ilaat ataaseq arlallilluunniit Ilisimatusarfimmut pingaaruteqartut pillugit suliassissinnaavai oqaaseqaqqusinnaallugillu.
Imm. 4. Rektori ilinniarnertuut peqqussutinik malinninnissaannut tunngasunik malittarisassiussaaq, taamaattorli § 19, nr. 4 naapertorlugu ilinniarnertuunik soraarsitsisinnaanermut tunngasuunngitsunik.
Imm. 5. Rektori immikkut ittunik pissutissaqartillugu aalajangersinnaavoq qinigaaffik naatinnagu institutini pisortatut atorfinnut studienævnimilu ilaasortassanik qinersisitsisoqassasoq. Aamma rektorip immikkut ittunik pisoqartillugu §§ 10, 11, 14 aamma 15 naapertorlugit Universitetsrådip studienævnillu suliassaat ingerlatilersinnaavai.
Universitetsrådi
§ 9. Universitetsrådi makkuninnga ilaasortaqassaaq:
1) Rektori, aalajangersumik siulittaasuusussaq.
2) Rektorip tullersortaa, aalajangersumik siulittaasumut tulliusussaq.
3) § 13, imm. 2 naapertorlugu Institutit pisortaat.
4) Institutini ilinniarnertuut toqqagaat. Qinigaasinnaapput ilinniarnertuut studienævnini toqqagaat. Taasisussaapput institutini ilinniarnertuut. Ilaasortat ukiumut ataatsimut qinigaasassapput.
5) Allaffimmi illumilu atorfeqavissunit toqqagaq ataaseq. Toqqagaasoq ukiumut ataatsimut qinigaasassaaq. Qinigaasinnaapput illumi allaffimmilu aalajangersumik atorfiliullutik suleqataasut, sapaatip akunneranut ikinnerpaamik tiimini 30-ini sulisartut. Taasisussaapput illumi allaffimmilu atorfeqarlutik suleqataasut tamarmik.
6) Ilaasortaq ataaseq ilisimatusarnermik ingerlatsiviit Universitetsrådillu ataatsimoorlutik toqqagaat. Toqqagaasoq ilisimatusarnerit qaffasinnerusumillu ilinniartitaanernut tunngasunik paasisimasaqartuussaaq. Toqqagassaq isumaqatigiinngissutaappat kiunissaa Universitetsrådip siulittaasuata aalajangissavaa.
7) Ilaasortaq ataaseq taaseqataasartussaanngitsoq, Naalakkersuisunit toqqagaq.
Imm. 2. Naalakkersuisut Ilisimatusarfik tusarniaavigeriarlugu Universitetsrådimut qinersisarneq pillugu malittarisassiussapput.§ 10. Universitetsrådi Ilisimatusarfimmi suleqatigiit qullerpaartaraat. Universitetsrådip sulissutigissavai Ilisimatusarfmp ilinniarfittut ilisimatusarfittullu soqutigisai siunissarlu ungasinnerusoq isigalugu sulinissaa ineriartortitaanissaalu maleruagassiortassallugit.
§ 11. Universitetsrådip akuerisassarai
1) rektorip siunnersuuteqarnera malillugu:
a) § 5, imm. 2 naapertorlugu Ilisimatusarfímmi malittarisassat.
b) Ilisimatusarfiup ukiumut aningaasartuutissai, aningaasallu akuerisat Ilisimatusarfimmi suliassat ataatsimut isigalugit agguaattassallugit.
2) § 14, imm. 3 naapertorlugu Studienævnit inassuteqarnerat malillugu:
a) Ilinniagassanik aaqqissuussinerit ilinniarnermullu innersuussutit.
b) Ilinniagassat aaqqissuunneqarneranni malittarisassat imaluunniit ilinniarneq soraarummeernissarlu pillugit Naalakkersuisut nalunaarutaanni aalajangersakkat immikkut akuersiffigineqarsinnaanerannut tunngasut.
c) Ataatsimiititalianik immikkut paasisimasalinnik inuttalinnik, ilisimatuutut taaguuteqalerniarlutik sulianik naliliisartussanik, pilersitsinissaq.
d) Ataatsimiititalianik immikkut paasisimasalinnik, ilisimatuussutsikkut atorfinnut qinnuteqartunik naliliisartussanik, inuttalersuineq.
e) Ilisimatuutut taaguuteqalersitsisarnissaq.
Imm. 2. Universitetsrådi oqaaseqarsinnaatitaavortaaq suliani tamani Ilisimatusarfíup aaqqissugaaneranut sulineranullu annertuumik pingaaruteqartuni pisussaallunilu rektorip saqqummiussai oqaluuserissallugit.
Institutit studienævnillu
§ 12. Ilinniagassani ataasiakkaani ilinniartitsineq ilisimatusarnerlu institutinit ingerlanneqassaaq. Instituti nalinginnaasumik §§ 13-15 naapertorlugit studienævnimit aamma institutip pisortaanit siulersorneqassaaq.
§ 13. Studienævninut tamanut qinerneqartassapput ilinniartitsisut sinnersaat marluk aamma ilinniarnertuut sinnersaat marluk. Ilinniartitsisut sinnersaattut qinigaasinnaasut taasisinnaasullu tassaapput atorfígivillugu ilinniartitsisuusut aamma ilisimatuussutsikkut suleqataasut, qinersinerup nalaani institutimi atorfeqarfigisaminniittut. Ilinniarnertuut sinnersaattut qinigaasinnaasut taasisinnaasullu tassaapput ilinniarnertuut, qinersinerup nalaani institutimi ilinniarfigisaminni ilinniarnertuussatut akuerineqarsimasut ilinniarnermillu ingerlatsinissaq pillugu malittarisassanik sukkulluunniit atortuusussanik naammassinnissimasut. Studienævninut ilaasortat ukiumut ataatsimut qinigaasassapput.
Imm. 2. Studienævnit tamarmik immikkut ilisimatuutut suleqataasut atorfeqavissut akornannit siulittaasussamik qinersissapput. Qinigaasoq taanna § 15 naapertorlugu institutimi pisortaassaartaaq, institutillu § 9, imm. 1, nr. 3 naapertorlugu Universitetsrådimi ilaasortaatitarissallugu.
Imm. 3. Ilisimatusarfiup rektoria tullersortaalu studienævnimut siulittaasuusinnaanngillat.
Imm. 4. Naalakkersuisut Ilisimatusarfik tusarniaavigeriarlugu studienævninut qinersisarneq pillugumalittarisassaliussapput.§ 14. Studienævnit tamarmik immikkut institutimik sulinerannut najoqqutassat tamanut tunngasut aaqqissortassavaat institutillu ukiumut aningaasartuutissaat Universitetsrådimit akuerisassaatitaasut akuersissutigisassallugit.
Imm. 2. Studienævnit Universitetsrådimit najoqqutassiarineqartut tunngavigalugit akuersissutigisassavaat:
1) Ilinniarnertuunngortussat.
2) Allami soraarummeersimasut soraarummeerutiminnik taakkualuunniit ilaannik ilinniarfinni allani angusaminnik Ilisimatusarfimmut nuussisinnaanissaat.
Imm. 3. Studienævnit Universitetsrådimut innersuussutigisassavaat:
1) Ilinniagassanik aaqqissuussinerit ilinniarnermullu innersuussutit.
2) Ilinniagassat aaqqissuunneqarneranni malittarisassat imaluunniit ilinniarneq soraarummeernissarlu pillugit Naalakkersuisut nalunaarutaanni aalajangersakkat immikkut akuersiffigineqarsinnaanerannut tunngasut.
3) Ilinniartitsissutinik paasisimannittunik ataatsimiititaliornissaq ilisimatuutut taaguuteqalernissaq siunertaralugu ilisimatuutut sulianik naliliisartussanik.
4) Ataatsimiititalianik immikkut paasisimasalinnik, ilisimatuussutsikkut atorfinnut qinnuteqartunik naliliisartussanik, inuttalersuineq.
5) Ilisimatuutut taaguuteqalersitsisarnissaq.
Imm. 4. Ilinniagassat aaqqissuunneqarnerannut malittarisassat ilinniarnermullu innersuussutit minnerpaatut imarissavaat ilinniarnermi anguniagassat, annertussusissaat sivisussusissaallu, qanoq iluseqarnissaat sunillu imaqarnissaat ilanngullugit. Aamma ilinniagassat aaqqissuunneqarnerisa ilinniagassani ataasiakkaani misilitsinnissat malittarisassaat imarissavaat.
Imm. 5. Suliassat allat institutimi ilinniartitsinermut tunngasut oqaaseqarfigeqqullugit institutimi tassani studienævnimut saqqummiunneqassapput.§ 15. Institutip pisortaata rektorip piginnaassuseqartitsinera malillugu studienævnillu najoqqutassiai malillugit institutip nalinginnaasumik siulersugaanera, tamatumunnga ilanngullugit pilersaarusiorneq suliassallu agguaanneqartarnerat isumagissavai. Institutip pisortaata suleqataasut suliassittarsinnaavai suliassanik aalajangersimasunik suliaqaqqullugit ilisimatuutut suleriaatsinik sorlernik atuiumasinnaanerat ataqqillugu, taamaattoq § 2, imm. 2 takuuk.
Universitetsrådip studienævnillu suleriaasissaat
§ 16. Universitetsrådip studienævnillu suliassatik ataatsimiinnermikkut suliarisassavaat.
Imm. 2. Universitetsrådi studienævnillu aalajangiisinnaapput aatsaat ilaasortat taaseqataasinnaasut affaat inornagit najuuppata.
Imm. 3. § 5, imm. 2 naapertorlugu malittarisassani allanik aalajangersagaqanngippat nalinginnaasumik amerlanerussuteqarneq tunngavigalugu aalajangiisoqartassaaq.
Imm. 4. Universitetsrådimi taasinerit amerlaqatigiippata rektorip taasinera aalajangiissutaassaaq. Studienævnimi taasinerit amerlaqatigiippata siulittaasup taasinera aalajangiissutaassaaq.
Imm. 5. Universitetsrådip studienævnillu suliassat aalajangersimasut imaluunniit aalajangersimasumut tunngasut siulittaasuminnut aalajangigassanngorlugit tunniussinnaavaat.
Imm. 6. Universitetsrådip studienævnillu suleriaasissaat aammattaaq § 5, imm. 2 naapertorlugu malittarisassani aalajangersarneqassapput.§ 17. Universitetsrådip studienævnillu ataatsimiinneri tusarnaarneqarsinnaapput suliassap pissusia tunulequtaaluunniit pissutigalugit suliarinerata matoqqasuunissaa pisariaqartinneqanngippatkissaatigineqanngippalluunniit.
Imm. 2. Rektorip taassumaluunniit toqqagaata ataatsimiinnermi matoqqasumi suliat tusarnaarsinnaavaat.
Kapitali 3.
Piginnaassuseqartitsinerit immikkullu akuersissuteqartarnerit.§ 18. Naalakkersuisut Ilisimatusarfik tusarniaavigeriarlugu makku malittarisassaliortassavaat:
1) Ilinniarnissanut akuerineqarneq.
2) Ilinniartitaanerit soraarummeernerillu.§ 19. Naalakkersuisut Ilisimatusarfik tusarniaavigeriarlugu makku malittarisassaliortarsinnaavaat:
1) Soraarummeerutinik nalileeqataasarneq.
2) Ilinniartitsisut ilisimatuutullu suleqataasut atorfmitsinneqartarnerat.
3) Universitetimi soraarummeereersimasut ilisimatuutut immikkut taaguutitaartinneqartarnerat.
4) Ilinniarnertuunik soraarsitsisinnaaneq.
5) Soraarummeernernut atasumik ilinniarnertuunit Ilisimatusarfimmut naammagittaalliornerit, tamakkununnga ilanngullugu naammagittaaliornissamut piffissaq killissarititaq.§ 20. Naalakkersuisut rektorip siunnersuuteqarnera malillugu immikkut ittunik pissutissaqartillugu inatsisini aalajangersakkanik malinninnginnissaq akuerisinnaavaat.
Imm. 2. Naalakkersuisut immikkut ittunik malittarisassaliorsinnaapput atorneqartussanik Ilisimatusarfimmi imaluunniit taassuma immikkoortuisa ilaanni, immikkut ittunik suliaqartitaasuni, imaluunniit immikkut pissutissaqartillugu taamaaliortariaqaraangat.
Kapitali 4.
Ingerlatsineq aningaasalersuinerlu.§ 21. Ilisimatusarfiup sulinera ukiumoortumik aningaasanut inatsisini akuersissuteqartarnikkut landskarsimit aningaasalersorneqassaaq.
Imm. 2. Ilisimatusarfík pisinnaavoq landskarsimit aningaasatigut tapiissutit saniatigut allatigut aningaasanik pissarsiniarsinnaalluni taakkulu immikkut aningaasaateqarfiliornikkut atorsinnaallugit. Tapiissutit taamaattut landskarsimit pisanit immikkoortinneqassapput taamaallaallu aqutsisussanit Ilisimatusarfiup pilersitaanit aningaasaateqarfiit ataasiakkaat pillugit malittarisassat malillugit atorneqarsinnaallutik.§ 22. Ilisimatusarfik allattoqarfilerneqassaaq ingerlatsinermi suliffmsussamik. Allattoqarfik allattoqarfimmi pisortamit siulersorneqassaaq.
Kapitali 5.
Naammagittaalliorneq.§ 23. Inatsit una tunngavigalugu imaluunniit inatsit taanna naapertorlugu malittarisassiat tunngavigalugit Ilisimatusarfiup aalajangiineri Naalakkersuisunut naammagittaalliuutigineqarsinnaapput, naammagittaalliuutit inatsisinut tunngassuteqarsimappata.
Imm. 2. Naalakkersuisut naammagittaalliorsinnaaneq pillugu erseqqinnerusunik malittarisassiussapput tamatumunngalu ilanngullugu imm. 1 malillugu naammagittaalliornissamut pisussaajunnaartitsisinnaallutik. Taamaattorli Naalakkersuisut naammagittaalliornissamut pisussaajunnaartitsisinnaanngillat nammagittaalliuutiginiakkat ilinniarnertuup inatsisitigut pisinnaatitaaneranut tunngasumik aalajangiinerugaangata.
Kapitali 6.
Atulersitsinissaq, ikaarsaarnissaq atorunnaarsitsinissarlu.§ 24. Inatsit una atortuulissaaq februarip aallaqqaataani 1997-imi.
Imm. 2. Inatsisartut inatsisaata atortuulerfiani rektoritut tullersortaatullu qinigaasimasut suliaminnik ingerlatsiinnassapput Ilisimatusarfiullu ingerlatitaanerani pisariaqartunik aalajangiisassallutik § 7 malillugu nutaamik qinersisoqareerpat qinigaaffmp aallartinnissaata tungaanut.
Imm. 3. Inatsisartut inatsisaata atortuulerfiani aqutseqataasussani ilaasortatut ilinniagassanillu ataqatigiissaarisartutut qinikkat suliaminnik ingerlatsiinnassapput Ilisimatusarfiullu ingerlatitaanerani pisariaqartunik aalajangiisassallutik aqutseqataasussanik studienævninilu siulittaasussanik naalakkersuisut §§9, imm. 2 aamma § 13, imm. 4 naapertorlugit malittarisassaliaat malillugit nutaamik qinersisoqareerpat qinigaaffiup aallartinnissaata tungaanut.
Imm. 4. Imm. 3 tunngavigalugu qinersisoqassaaq kingusinnerpaamik Inatsisartut inatsisaata atulerfiata kingornagut qaammatit marluk qaangiunneranni.§ 25. Inatsisartut inatsisaat una atortuulerpat tamanna peqatigalugu atorunnaassaaq Ilisimatusarfik pillugu Inatsisartut inatsisaat nr. 3, 9. maj 1989-imeersoq.
Imm. 2. Inatsisartut inatsisaat imm. 1-imi taaneqartoq tunngavigalugu aalajangersakkat atortuuinnassapput Inatsisartut inatsisaat una tunngavigalugu aalajangersakkatigut atortuujunnaar-sinneqarnissamik imaluunniit allanngortinneqarnissamik tungaannut.
Namminersornerullutik Oqartussat, ulloq 31. oktober 1996.
Lars Emil Johansen/
Konrad Steenholdt