Takornariartitsinermik inuussutissarsiuteqarnermut aningaasalersuinikkut tapersiisarneq pillugu Inatsisartut inatsisaat nr. 15, 31. oktober 1996-imeersoq.
Kapitali 1
Inatsisip siunertaa§ 1. Kalaallit Nunaanni takornarianut unnuiffmsinnaasut amerlinissat siunertaralugu aammalu takornariartitsinermik inuussutissarsiuteqarneq siuarsarniarlugu unnuiffmsinnaasut amerlinissaannut sanaartornissamik pilersaarutinut aammalu takornariartitsinermik inuussutissarsiuteqarnerup iluani aallarnisaanissamut pilersaarutinik aallartitsiniartunut aningaasalersuinikkut tapersiisoqarsinnaavoq.
Kapitali 2
Unnuiffissanut aningaasalersuinikkut tapersiineq§ 2. Naalakkersuisut aningaasaateqarfimmik takornarianut unnuiffmsinnaasunik pilersitsinissamut aningaasalersuinikkut tapersiissuteqartarnissamik siunertalimmik pilersitsissapput. Aningaasaateqarfiup atia malittarisassaalu Naalakkersuisut aalajangissavaat, taamaattorli tak. imm. 4 aamma § 3. Naalakkersuisut aningaasaateqarfiup malittarisassaanik allanngortitsinernut akuersisussaapput.
Imm. 2. Aningaasaateqarfik pilersinneqassaaq kr. 15 mill.-inik aningaasaatilerlugu, aningaasanngorlugit aningaasaliissutigineqartussanik. Tamatuma kingorna Namminersornerullutik Oqartussat aningaasaateqarfimmut ukiumoortumik tapiisassapput. Aningaasat amerlassusissaat ukiumut aningaasanut inatsisini aalajangersarneqartassapput.
Imm. 3. Aningaasaateqarfik Naalakkersuisut nakkutigisaraat, nakkutigissallugu aningaasaateqarfmp ingerlatsinera inatsisip uuma aalajangersagaanut naapertuunnersoq. Naalakkersuisut paasissutissat suliassamik isumaginissaannut pisariaqartitatik aningaasaateqarfimmit tunniunneqaqqullugit piumasarisinnaavaat.
Imm. 4. Aningaasaateqarfíup ukiumoortumik naatsorsuutaasa qaammatisiutit ukiuat malittaraat. Ukiumoortumik naatsorsuutit kukkunersiuisumit naalagaaffimmit akuerisaasumit Naalakkersuisut toqqagaannit kukkunersiorneqartassapput.
Imm. 5. Aningaasaateqarfiup aningaasaatini taamaallaat aningaasalersuinikkut tapersiinermut atortassavai. Taamaattorli aningaasaateqarfik aningaasanik uninngatitaqassaaq aningaasaateqarfiup ingerlatitaaneranut aningaasartuutinut pisariaqartinneqartunut matusissutissanik. Aningaasaateqarfiup aningaasaatini erniaqarfiunerpaasinnaasumut isumannaannerpaamullu inississavai.
Imm. 6. Aningaasaateqarfik taamaallaat aningaasalersuinikkut tapiisinnaavoq qinnuteqartoq aammalu sanaartorniarlugu pilersaarut piumasaqaatinik §§-ini 4-7-mut aalajangersagaasunik aammalu malittarisassanik inatsimmi taaneqartunik eqqortitsippat.
Imm. 7. Aningaasaateqarfiup siulersuisuisa allattoqarfik pilersissavaat aammalu tamanna pillugu suliffeqarfimmik tamatumunnga attuumassutilimmik isumaqatiginnissuteqarsinnaallutik.
Imm. 8. Aningaasaateqarfík inatsisikkut atorunnaarsinneqassaaq. Aningaasaateqarfiup atorunnaarsinneqarneratigut aningaasaateqarfíup aningaasaatai landskarsimit pigisassanngortinneqassapput aammalu Namminersornerullutik Oqartussat aningaasaateqarfmp pisinnaatitaaffiinut pisussaaffiinullu oqartussanngussallutik.§ 3. Aningaasaateqarfik siulersuisunit tallimanik ilaasortaqartumit aammalu sinniisussalinnit aqunneqassaaq. Siulittaasoq siulersuisooqataalu Naalakkersuisunit ukiut marluk atasussatut toqqagaassapput, siullermik aningaasaateqarfmp pilersitaanerani. Siulersuisut ilaat pingasut aammalu taakkua sinniisussaat, Kalaallit Nunaanni hoteliutillit neriniartarfmtillillu kattuffîannit (Centralforeningen af hoteller og restauranter i Grønland) Greenland Tourism A/S-imit aammalu aningaaserivinnit Kalaallit Nunaanni angerlarsimaffilinnit inassutigineqartut malillugit toqqarneqassapput. Aningaasaateqarfiup siulersuisuini ilaasortaaneq pisortanit toqqakkatut suliaqarnerunngilaq.
§ 4. Qinnuteqarnikkut aningaasaateqarfimmit aningaasalersuinikkut tapersiissutisisoqarsinnaavoq. Sanaartorniarlugu pilersaarutip imminut akilersinnaanera qularnaarniarlugu qinnuteqartup ingerlatsinermut siulersuisinnaanermullu piginnaasat pigineqartut takussutissaqartissavai aammalu isumannaatsunik nammineq aningaasaateqassalluni.
§ 5. Unnuiffissatut paasineqassaaq illuliatut suliaq akiliilluni takornarianit Kalaallit Nunaanniikkallarnermi atorneqarsinnaasoq. Unnuiffissami pineqarpoq ini unnuiffissatut naatsorsuunneqartoq, aammalu aaqqissuussat allat toqqaannartumik unnuiffissamut attuumassutillit, imaluunniit sanaartornissamut pineqartumut pisariaqartutigut attuumassutillit.
Imm. 2. Sanaartukkanik pilersaarutinut ima ittunut aningaasalersuinikkut tapersiissuteqartoqarsinnaavoq:
1) Illuni siunertanut allanut atorneqarsimagaluartuni unnuiffissanik pilersitsineq.
2) Illuni atareersuni unnuiffissanik pioreersunik allilerineq.
3) Illuni nutaani unnuiffissanik pilersitsineq.
Imm. 3. Takussutissaqartinneqassaaq, sanaartorniarlugu pilersaarut teknikikkut illersorneqarsinnaassasoq siunissamilu imminut akilersinnaasuussasoq. Tamakkua saniatigut sanaartorniarlugu pilersaarut takornariartitsinermi inuussutissarsiuteqarnerit allat ineriartortinniagaaneranut tulluartuussaaq nunallu immikkoortuini takornariaqarnissaanik ilimagineqarsinnaasuni takornariartitsinermi inuussutissarsiuteqarnerit siuarsarnissaannut peqataassalluni.
Imm. 4. Sanaartornissami aningaasartuutissat sapinngisamik ikinnerpaanissaat qularnaarniarlugu qinnuteqartup nammineq neqeroortitseriaaseq sorleq atussanerlugu qinersinnaavaa.
Imm. 5. Aningaasalersuinikkut tapersiissuteqartoqarsinnaavoq inunnut ingerlatseqatigiiffinnulluunniit, aningaasalersuinikkut tapersiissuutit akilerneqarnerisa nalaanni Kalaallit Nunaanni taamatut inuussutissarsiuteqarsinnaatitaasunut.§ 6. Aningaasalersuinikkut tapersiissutit annerpaamik unnuiffissap sananeranut allilerneranulluunniit aningaasartuutit 40%-iinik amerlassuseqarsinnaapput. Aningaasartuutit toqqaannartumik unnuiffíssamut attuumassuteqassapput.
Imm. 2. Naalakkersuisut qinnuteqartumut sanaartorniakkamulluunniit malittarisassat aalajangersarsinnaavaat kiisalu aningaasartuutit qanoq ittut aningaasalersuinikkut tapersiissutinit akilerneqarsinnaanersut.§ 7. Aningaasalersuinikkut tapersiissutit erniaqanngitsumik akilersugassaanngitsumillu taarsigassarsiatut ukiuni 20-ini atuuttussatut tunniunneqassapput aammalu taarsigassarsiat tunniunneqarnerminni angissusiviata 5%-ii ullormit akilerneqarfimminniit qaammatit aqqaneq-marluk qaangiunneri tamaasa isumakkeerneqartassallutik.
Imm. 2. Aningaasaateqarfiup taarsigassarsisitsinera unnuiffissamik aningaasaliiffigisamik qularnaveeqqusiussinikkut isumanaarneqassaaq. Qularnaveeqqusiussaq sapinngisamik pitsaanerpaamik salliutinneqassaaq, taamaattorli aningaasaliissutit allat akuerisinnaallugit aningaasartuutit katillutik 40%-iinik amerlassusillit tikillugit, § 6 imm. 1 -imi taaneqartut. Qularnaveeqqusiussaq taarsigassarsisitsisup sallinnguukkiartuaartussatut qularnaveeqqusiiffigineqarneratut issanngilaq.§ 8. Unnuiffissaq taarsigaassarsiap atuuffíata nalaani siunertamut atorneqanngippat, taarsigassarsinermut tunngaviusumut, imaluunniit taarsigassarsinermi atugassarititaasut qanorluunniit ililluni atorluarneqanngippata, aningaasat suli isumakkeerneqanngitsut piaarnerpaamik akileqquneqassapput.
Imm. 2. Aningaasat suli isumakkeerneqanngitsut piaarnerpaamik akileqquneqassapput, unnuiffissaq, aningaasalersuinikkut tapersiiffigineqartoq, allamik piginnittoqalissagaluarpat. Piginnittunngortoq nutaaq unnuisarfillu piumasaqaataasunik piginnittut nikinneranni nangitsillutik eqqortitsippata, aningaasaateqarfiup akuerisinnaavaa, piginnittup nutaap piginnittuugaluartup aningaasaateqarfimmut pisussaaffiinik tigumminnilernissaa.§ 9. Qinnuteqartoq, aningaasalersuinikkut tapersiinissamik imaluunniit tapiiffigineqareersoq, pisussaavoq paasissutissanik tunniussaqassalluni, aningaasaateqarfiup suliassami ingerlannissaanut atorumallugit piumasaanik.
Kapitali 3
Takornariartitsinerm i inuussutissarsiuteqarnerit iluanni aallartitsinianut aningaasalersuinikkut tapersiineq§ 10. Naalakkersuisut pingasunik ilaasortalimmik ukiuni marlunni atasussanik ataatsimiititaliortassaaq, inatsimmi uani malittarisassat malillugit aalajangiisartussanik takornariartitsinermi inuussutissarsiuteqarnerit iluanni aallartitsiniartunik aningaasalersuinikkut tapersiisoqassanersoq.
Imm. 2. Aallartitsiniartunut aningaasalersuinikkut tapersiissuteqarneq aqqutissiuunneqartassaaq ukiukkuutaartumik aningaasanut inatsisini.
Imm. 3. Ataatsimiititaliaq siulittaasoqarpoq marlunnillu ilaasortaqarluni, aammalu taakkua sinniisussaat. Ilaasortat aqutsinermik paasisimasaqartuussapput aammalu takornariartitsinermi inuussutissarsiuteqarnermik ilisimasaqartuussallutik. Ataatsimiititaliami ilaasortaaneq pisortanit toqqakkatut suliaqarnerunngilaq.
Imm. 4. Ataatsimiititaliaq amerlanerussuteqarnikkut aalajangiisarpoq. Taasinerit naligiiffiuppata siulittaasup taasinera aalajangisuussaaq. Aalajangiineq atortussaatinneqassappat ikinnerpaamik ilaasortat marluk aalajangiinermi peqataassapput. Taamaattorli ataatsimiititaliat isumaqatigiillutik siulittaasoq pisinnaatissinnaavaat aalajangigassat immikkut pissusillit aalajangiiffígeqqullugit.
Imm. 5. Naalakkersuisut ataatsimiititaliap sulinissamini malittarisassaanik aalajangersaasinnaapput.§ 11. Naalakkersuisut ataatsimiititaliap allattoqarfissaanik pilersitsissapput aammalu tassunga tunngatillugu suliffeqarfimmik ataatsimik arlalinnilluunniit tamakkununnga attuumassutilinnik isumaqatigiissuteqarsinnaalluni. Qinnuteqaatit ataatsimiititaliap aalajangiinissaanut piareersarnerisa saniatigut allattoqarfik qinnuteqartunut siunnersuisinnaavoq aammalu pilersaarutit aningaasaliinikkut tapiissuteqarfigineqartut misissuiffigisinnaallugit.
Imm. 2. Qinnuteqartoq paasissutissanik suliffeqarfiup suliaminut tunngasunut atorumallugit piumasaanik tunniussissaaq.§ 12. Aningaasalersuinikkut tapersiissuteqartoqarsinnaavoq taanna pillugu qinnuteqartoqarpat. Qinnuteqartoq akilinngitsuukkanik, akileraarutinut, akitsuutinut aammalu sulisitsisut inuussutissarsiutinut ilinniartitaanernut akiliutaannut akiligassaqassanngilaq.
Imm. 2. Qinnuteqartup suliamut pisinnaasaqarnini takussutissaqartissinnaassavaa. Qinnuteqartoq Kalaallit Nunaanni najugaqassaaq angerlarsimaffeqassalluniluunniit qinnuteqarnermi imaluunniit aningaasaliinikkut tapiissutit akilerneqarnerisa nalaanni.
Imm. 3. Qinnuteqartup pilersaarut saqqummiutissavaa, ilumut, aallartitsiniarluni pilersaarutip suliarineqarsinnaaneranik siunissamilu imminut akilersinnaaneranik uppernarsaasussaq.§ 13. Aallartitsiniarluni pilersaarummut taamaallaat aningaasalersuinikkut tapersiissuteqartoqarsinnaavoq, takornariartitsinermut iluaqutaasussatut ilimagineqarpat aammattaarlu takornariartitsinermi inuussutissarsiuteqarnerit siuarsarneqarnissaannik najukkami tamaani suliniutinut allanut naapertuuppat.
Imm. 2. Naalakkersuisut piginnaatinneqarput qinnuteqartumut aammalu aallartitsiniartumut piumasaqaatissat malittarisassaliuunnissaasa aalaj angersarnissaannut.§ 14. Aningaasalersuinikkut tapersiissuteqartoqarsinnaavoq ikiorsiissutitut, taarsigassarsiatut qularnaveeqqutitulluunniit. Ataatsimiititaliap aningaasalersuinikkut tapersiissutit amerlassusissaat tamatumaniluunniit atugassarititaasussat aalajangiiffígissavai.
Imm. 2. Aningaasalersuinikkut tapersiissutit, tunniussinermi tunngaviusut malillugit atorneqanngitsut, utertillugit piaartumik akileqquneqarsinnaapput, atugassarititaasut, aningaasaliinikkut tapiissutit imm. 1 malillugu utertillugit akileqquneqarneranni, sorliit atorneqarnissaannik taasaq apeqqutaatinnagu.
Imm. 3. Naalakkersuisut aningaasaliinikkut tapiissutit pillugit atugassarititaasunut periaatsinullu malittarisassat erseqqinnerusut aalajangersarsinnaavaat.
Kapitali 4
Suliassat suliarineqartarneranni maleruagassat§ 15. Pisortat ingerlatsineranni suliassat suliarineqartarnerat pillugu Inatsisartut inatsisaat nr. 8, 13. juni 1994-imeersoq atortuussaaq kapitali 2-mi eqqartorneqartumut aningaasaateqarfimmut aammalu imaluunniit kapitali 2-mi aammalu 3-mi eqqartorneqartut suliffeqarfiit allattoqarnikkut qanoq atsigisumik ikiuunnissaannut aningaasaateqarfimmut ataatsimiititaliamulluunniit.
Imm. 2. Paasissutissat, kapitali 2 malillugu suliassat suliarineqarnerannut tunngasumik pissarsiarineqartut tamanut takusassiaanngillat taakkunanngalu tigusisumut allanut tusarliusseqqusinnginnermik ilaqartinneqarlutik.
Kapitali 5
Pineqaatissiisarnermut aalajangersakkat§ 16. Paasissutissanik eqqortuunngitsunik imaluunniit allatulluunniit paasineqarsinnaasunik paasissutissiisoq imaluunniit paasissutissanik nipangiussisoq, § 9 imaluunniit § 11 malillugu piumasarineqartunik imaluunniit § 10-mi ataatsimiititaliaq pillugu eqqartorneqartumi pissutsini taakkummnga assingusuni pisuusoq akiliisinneqarsinnaavoq. Akiliisitsissut Landskarsimut nakkartinneqassaaq.
Imm. 2. Unioqqutitsineq aktiaateqarluni ingerlatseqatigiiffimmit assigisaannilluunniit piliarineqarpat, ingerlatseqatigiiffik pisuusutut akiliinissamut akisussaatinneqarsinnaavoq.
Kapitali 6
Atortuulersinneqarnera§ 17. Inatsit atortuulissaaq 1. januar 1997.
Namminersornerullutik Oqartussat, ulloq 31. oktober 1996
Lars Emil Johansen/
Peter Grønvold Samuelsen