Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat nr. 13, 31. oktober 1996-imeersoq.

 

§ 1.

Inatsisartut Naalakkersuisullu pillugit Inatsisartut inatsisaanni nr. 11, ulloq 20. oktober 1988-imeersumi Inatsisartut inatsisaatigut nr. 10, ulloq 21. oktober 1989-imeersukkut allanngortinne-qartumi, allanngortinneqassapput:

1. § 16, imm. 7-imi "Inatsisartut aningaasanut inatsisissaannut siunnersuutip" allanngortinneqassaaq imaalillugu:"Naalakkersuisut aningaasanut inatsisissamut siunnersuutaata".

2. § 16, imm. 2-mi oqaaseqatigiit aappaattut ilanngunneqassapput:
"Taamaattorli Inatsisartut inatsisartullu ombudsmandiata siunertanut aningaasanut inatsisip akuersissutigineqarnerani siumut naatsorsuutigereerneqanngitsunut aningaasartuutaat Inatsisartut ataatsimiinnginnerata nalaani Inatsisartut sinnerlugit Inatsisartut Suleriaasiannut Ataatsimii-titaliaamit akuersissutigineqartassapput."

3. § 25, imm. 7-imi "atortuulissapput" kingorna "Inatsisartunut," ikkunneqassaaq.

 

§ 2

Inatsisartut inatsisaat atortuulerpoq ulloq 1. november 1996.

Namminersornerullutik Oqartussat, 1. november 1996

Lars Emil Johansen

/

Kaj Kleist