Inuutissarsiutigalugu aalisarneq pillugu Inatsisartut inatsisaata allanngortinneqarneranik inatsisartut inatsisaat nr. 4, 2. maj 1996-imeersoq.

 

§ 1.

Inuutissarsiutigalugu aalisarneq pillugu Inatsisartut inatsisaanni nr. 17. 22. oktober 1990-imeersumi kingullermik Inuutissarsiutigalugu aalisarneq pillugu Inatsisartut inatsisaanni nr. 7 13. maj 1993-imeersumi allanngortinneqarsimasumi makku allanngortinneqarput:

1. § 3 ima oqaasertalerneqassaaq:
"§ 3. Inatsimmi matumani "TAC" imartani Kalaallit Nunaata aalisarnikkut oqartussaaffigisaani aalisakkanut aalajangersimasunut ataatsinut ukiumut akuerisaasumik pisarineqarsinnaasut katillutik amerlassusiattut paasineqassaaq.
Imm. 2. Inatsimmi matumani "aalisaariutit ilaat immikkoortut", angallatitut erseqqissumik killilerneqarlutik immikkoortutut Kalaallit Nunaanni angerlarsimaffeqartutut paasineqassapput.
Imm. 3. Inatsimmi matumani "Pisassiissutit" TAC-p ilaatut aalisariutit ilaat immikkoortunut imaluunniit § 6-mi nunat allamiut aalisarnerannut taaneqartumut pi-sassanngortitaasutut paasineqassapput.
Imm. 4. Inatsimmi matumani "pisassiissutinit pigisat", pisassat procentinngorlugit ilaattut aalisariutaatileqatigiiffiup pigisaattut paasineqassaaq.
Imm. 5. Inatsimmi matumani "ukiumut pisassanit aggua-garsiat" ukiumi aalajangersimasumi pisassanit aalajangersimasunit aalisariutaatileqatigiiffimmut tonsinngorlugit annerpaamik pisarineqarsinnaatitaasutut paasineqassapput.
Imm. 6. Inatsimmi matumani "aalisarsinnaanermut akuersissut" aalisakkanik aalajangersimasunik Naalakkersuisut aalisariutaatileqatigiiffimmut nalunaarutigi-sinnaasaannik aalisarsinnaatitaanertut paasineqassaaq."

2. § 4, imm. 1-mi naggatit siulliat aappaallu ima oqaasertalerneqassapput:
"Naalakkersuisut ukiut tamaasa imartani Kalaallit Nunaata aalisarnikkut oqartussaaffigisaani aalisakkanut aalajangersimasunut ukiumut TAC-nik aalajangiisassapput. Pisassat kalaallit aalisariutaasa ilaannut immikkoortunut nunallu allamiut aalisarnerannut § 6-mi taaneqartumut agguarneqarneri nunat tamat isumaqatigiissutaanni aalajangersakkat mianeralugit, Naalakkersuisunit ingerlanneqartassapput."

3. § 8, imm. 1, nr. 1) ima oqaasertalerneqassaaq:
"1) Pisassiissutigineqarsimasut piffissanut, sumiiffinnut aalisariutillu immikkoortuisa ilaannut agguataarneri."

4. § 8, imm. 1, nr. 2) ima oqaasertalerneqassaaq:
2) Pisassiissutigineqarsimasut erseqqinnerusumik aalajangersimasumik aalisariutit immikkoortut ilaannut aalisarnermilu atortunut pisassiissutaasut kiisalu pisassiissutinit pigisanut imaluunniit aalisariutit ataasiakkaat ukiumut pisassaannut agguataarnerat."

5. § 8-mi, imm. 1-mi, nr. 7 nutaaq ivertinneqassaaq:
"7) Aalisariutinut immikkoortunut assigiinngitsunut agguataarsimaneq."

6.  §12, imm. 2, ima oqaasertalerneqassaaq:
"Imm. 2. Aalisarsinnaanermut akuersissummik piginnittup aalisakkat sorliit angallammik sumik aamma sumiiffinni sorlerni aalisassanerai kiisalu aalisarnermi piumasaqaatit ersarinnerusut akuersissummi nalunaarneqarsinnaapput. Akuersissutinut 2)-tut ittunut imm. 1. naapertorlugu annertussusiliussat §4 malillugu pisat annertussusissaattut aalajangersarneqarsimasut ilaattut allassimassapput, maleruagassat naalakkersuisunit aalajangersarneqarsimasut malillugit. Tassunga ilanngullugu Naalakkersuisut ukiumut pisassanit agguagarsiassat amerlanerpaaffissaat pillugit maleruagassiorsinnaapput. "

7. § 12-mi, imm. 4 nutaaq ivertinneqassaaq:
"Imm. 4. pisassiissutigineqarsimasunit pigisat aalisariutit ilaannut imrnikkoortunut ataatsinut tunngatitaasut aalisariutit immikkoortut ilaannit allanit aalisarneqarsinnaanngillat."

8. §13, iiiim. 1, ima oqaasertalerneqassaaq:
"§ 13. Pisassiissutinit pigisat § 12, imm. 2 naapertorlugu raajarniarnissamut tunniunneqarsimasut taamaallaat pigisatut qularnaveeqqutitullunniit tunniunneqarsinnaapput."

9. § 14, ima oqaasertalerneqassaaq:
"§ 14. Pisassiissutigineqarsimasunit pigisat kingornunneqarsinnaapput."

10. § 15-mi imm. 5 nutaaq ivertinneqassaaq:
"Imm. 5. Ukiukkartumik pisassanit agguagarsiat, aalisariutit immikkoortut ilaannut ataatsinut tunngatinneqartut, aalisariutit immikkoortunit ilaannit allanit aalisarneqarsinnaanngillat."

Imm. 5-imi imm. 6-inngortumi imm. 1-4 1-5-imut allanngortinneqassaaq.

 

§ 2

Inatsisartut inatsisaat atuutilerpoq ulloq l.juli 1996

Namminersornerullutik Oqartussat, ulloq 2. maj 1996

Lars Emil Johansen

/

Pāviāraq Heilmann