Peqqinnissaqarfiup siulersorneqarnera aaqqissuussaaneralu pillugit Inatsisartut peqqussutaata allanngortinneqarneranik Inatsisartut peqqussutaat nr. 16, 31. oktober 1996-imeersoq.

 

§ 1.

Peqqinnissaqarfiup siulersorneqarnera aaqqissuussaaneralu pillugit Inatsisartut peqqussutaanni nr. 7-imi 30 oktober 1992-imeersumi makku allannguutigitinneqassapput:

1. § 9 imatut oqaasertalerneqassaaq:
"Pitsaaliuinermi Siunnersuisoqatigiit ulluinnarnilu aqutsisuisa ataatsimiittarnerisa amerlassusissaat pillugu Naalakkersuisut malittarisassiussapput. Siunnersuisoqatigiit ulluinnarnilu aqutsisut ataatsimut suleriaasissartik namminneq aalajangersartassavaat."

2. § 10, imm. 2. imatut oqaasertalerneqassaaq:
"Pitsaaliuinermi Siunnersuisoqatigiit ataatsimeereernerit tamaasa Inatsisartunut Naalakkersuisunullu pisortat pitsaaliuinermi suliaat pillugit nalunaaruteqarlutillu naliliisassapput."

 

§ 2.

Inatsisartut peqqussutaat 1. januar 1997 atuutilerpoq

Namminersornerullutik Oqartussat, ulloq 31. oktober 1996

Lars Emil Johansen

/

Marianne Jensen