Peqqinnissaqarfiup sullissineri il.il. pillugit Inatsisartut peqqussutaata allanngortinneqarneranik Inatsisartut peqqussutaat nr. 15, 31. oktober 1996-imeersoq.

§ 1

Peqqinnissaqarfiup sullissineri il.il. pillugit Inatsisartut peqqussutaanni nr. 8, 30. oktober 1992-imeersumi makku allannguutigitinneqassapput:

1. § 2 ima oqaasertalerneqassaaq:
"§ 2. Inuit, inuit nalunaarsorsimaffiannut nunami maani najugaqartutut nalunaarsimasut, Inatsisartut peqqussutaat manna malillugu sullinneqarnissamut pisinnaatitaapput - akeqanngitsumik akiliillutilluuniit - malittarisassat matuma kingorna allassimasut malillugit, taamaattorli tak. §§3-5.
Imm. 2. Inuit nunami maani najugaqarallartut Inatsisartut peqqussutaat manna malillugu sullinneqarnissamut pisinnaatitaapput - akeqanngitsumik akiliillutilluunniit - malittarisassat erseqqinnerusut Naalakkersuisut aalajangersagaat malillugit."

2. § 6-imi imm. 2-tut 3-tullu ilanngunneqassapput:
"Imm. 2. Naalagaaffinnut allanut isumaqatigiissutit eqqortinneqarnissaannut pisariaqarpat Inatsisartut peqqussutaanni matumani aalajangersakkat sanioqqunneqarnissaannut Naalakkersuisut malittarisassanik aalajangersaasinnaapput.
Imm. 3. Inuit nunatta avataanut uninnganissamut, misissortinnissamut, suliaritinnissamut il.il. innersuunneqarsimasut, tamatumunnga atatillugu inuit nalunaarsorsimaffianni najukkaminnik allanngortitsisariaqaraangata, inatsisartut peqqussutaat manna malillugu sullissinernut pisinnaatitaanerat pillugu Naalakkersuisut malittarisassiorsinnaapput."

3. § 14 ima oqaasertalerneqassaaq:
"§ 14. Aamma inuit inatsisartut peqqussutaat manna malillugu sullissinernut pisinnaatitaasut, pissutsit ajornartinngikkaangassuk, makkununnga pisinnaatitaapput:
1) Pinaveersartitsiuniutaasumik peqqissuseq pillugu misissortinnermut.
2) Nakorsamit katsorsarneqarnermut, matumani pisariaqarpat nakorsamit immikkut ilinniarsimasumit katsorsarneqarnermut.
3) Napparsimmavirami uninngatinneqarnermut.
4) Napparsimmavirnmi imaluunniit angerlarsimaffimmi peqqissaaneq napparsimasunillu paaqqutarinninneq.
5) Nakorsaatit allagartalerluni pineqartartut, tassunga ilanngullugit allagartalertariaqanngitsut nakorsap peqqusineratigut katsorsaanermi atorneqartut, malittarisassat erseqqinnerusut Naalakkersuisut aalajangersagaat malillugit.
6) Nappaatinut akiuussutissaliiniarluni kapitinnernut, malittarisassat erseqqinnerusut Naalakkersuisunit aalajangersarneqarsimasut malillugit.
7) Iluaqusersuutinut, timimi avatinik atorluarsinnaanngitsunik amigaataasunilluunniit taarsiisunut, qerattaqusiissutinut imaluunniit iluarsiissutinut.
8) Timip sungiusarneqarneranut, nakorsartinnermut imaluunniit napparsimmavimmi katsorsartinnermut ilagitillugu.
9) Allagartalertinnernut, malittarisassat erseqqinnerusut Naalakkersuisunit aalajangersarneqarsimasut malillugit."

4. § 16 ima oqaasertalerneqassaaq:
"§ 16. Inuit § 2, imm. 1 malillugu sullinneqarnernik pisin-naatitaasut pissutsit ajornartinngippassuk makkununnga pisinnaatitaapput:
1) Kigutit nappaataannik pinaveersaartitsiniarluni passussineq.
2) Pisariaqavissumik passussineq.
3) Kigutit nappaataannik nalinginnaasunik katsorsaaneq.
4) Kigutaasat suliarineqarnissaannut.
5) Annertunerusumik kigutileritinnissamut."

5. § 18-imi imm. 2-tut ilanngunneqassaaq:
"Imm. 2. Immikkut pisoqartillugu Kalaallit Nunaata avataani kigutileritinnissaq pillugu maleruagassanik Naalakkersuisut aalajangersaasinnaapput."

6. § 19-imi oqaaseqatigiinnut naggasiussaq "tak. § 22." Peerneqassaaq.

7. § 20 ima oqaasertalerneqassaaq:
"§ 20. Inuit nunami maaniikkallartut nunaqarfimmiit nakorsaqarfigisami napparsimmavimmut aamma nakorsaqarfiup napparsimmavianiit Dronning Ingridip Napparsimmavissuanut kiisalu nunap avataani napparsimmavimmut imaluunniit katsorsaavimmut allamut angallanneqarsinnaanerat pillugu maleruagassanik erseqqinnerusunik Naalakkersuisut aalajangersaassapput."

8. Kapitali 8 ima oqaasertalerneqassaaq:

"Kapitali 8.
Najukkami peqqinnissaqarfiup avataani misissorneqarnissamut passunneqarnissamullu
innersuunneqarneq.

§ 22. Tulleriissaarinermut ataatsimiititaliaq inuit najukkami peqqinnissaqarfiup avataani misissorneqarnissaannut passunneqar-nissaannullu innersuussisassaaq. Tulleriissaarinermut ataatsimiititaliap aalajangiineri allaffissornikkut oqartussaasunut allanut ingerlateqqinneqarsinnaanngillat.
Imm. 2. Tulleriissaarinermut ataatsimiititaliap inuttalersugaanera suliassaalu pillugit maleruagassat Naalakkersuisut aalajangersassavaat.
Imm. 3. Inuit najukkami peqqinnissaqarfiup avataani misissorneqarnissamut passunneqarnissamullu innersuunneqarnerannut atatillugu sullinneqarnissamut pisinnaatitaaneq pillugu Naalakkersuisut maleruagassanik aalajangersaassapput.

§ 22a. Kalaallit Nunaata avataanut misissortikkiartortitsisarneq suliarititsiartortarnerlu taamaallaat pisinnaapput katsorsaasarfinnut Naalakkersuisut Kalaallit Nunaanniit napparsimasunik tigusisarnissamik isumaqatigiissuteqarfigisimasaanut.
Imm. 2. Kalaallit Nunaata avataani katsorsaasarfiit atorneqarnissaat pillugu maleruagassanik erseqqinnerusunik Naalakkersuisut aalajangersaassapput.

9. Kapitali 11 ima oqaasertalerneqassaaq:

"Kapitali 11.
Naammagittaalliorsinnaaneq.

§ 26. Inatsisartut peqqussutaat manna naapertorlugu kinaluunniit suliap qanoq naammassineqarnissaanut immikkut annertuumik soqutigisaqartoq naammagittaalliorsinnaatitaavoq.

§ 26a. Peqqinnissaqarfirnmi sulisuusut suliaannut tunngatillugu naammagittaalliuutit Peqqinnissaqarfiup Napparsimasut Sullinneqarneranni Naammagittaalliuuteqartarfianut tunniunneqassapput, tak. Peqqinnissaqarfiup Qitiusumik Aqunneqarnera pillugu inatsit. "

§ 26b. Naarnmagittaalliuutit, §26a-misut peqqinnissaqarfimmi sulisuusut suliaannut tunnganngitsut, Peqqinnissamut Pisortaqarfimmut tunniunneqartassapput, taamaattorli § 22, imm. 1 takuuk.
Imm. 2. Naammagittaalliuut kingusinnerpaamik tunniunneqassaaq ullormit aalajangiinerup nalunaarutigineqarfianiit sap. ak. 4 qaangiutsinnagit. Naammagittaalliuut allaganngorlugu tunniunneqassaaq Peqqinnissamut Pisortaqarfimmut.
Imm. 3. Peqqinnissamut Pisortaqarfiup aalajangiinera allaffissornikkut oqartussaasunut allanut ingerlateqqinneqarsinnaanngilaq.

 

§ 2.

Inatsisartut peqqussutaat manna ulloq 1. januar 1997 atortuulerpoq.

Namminersornerullutik Oqartussat, ulloq 31. oktober 1996.

Lars Emil Johansen

/

Marianne Jensen