Meeqqanut tapiissutit pillugit Namminersornerullutik Oqartussat nalunaarutaat nr. 38, 19. december 1996-imeersoq.

Meeqqanut tapiissutit pillugit Inatsisartut peqqussutaanni nr. 11,31. oktober 1996-imeersumi § 4, Imm. 3 aamma § 6, Imm. 5 malillugit aalajangersarneqarput:

 

Kapitali 1.
Isertitarineqartussatut naatsorsuutigisat tunngavigalugit meeqqanut tapiissutit tunniunneqartarnerannut piumasaqaatit

§ 1. Isertitat meeqqanut tapiissutit tunniunneqarneranni tunngavigineqartut annertuumik piujuartumillu ikilinissaat naatsorsuutigineqassaaq makkuninnga pisoqartillugu;
1) toqukkut qimaguttoqarnerani, averusernermi, avinnermi, uppernarsagaasumilluunniit katissimanngitsut aappariikkunnaarneranni tamakkiisumik ilaannakortumilluuniit isertitat tunniussinermut tunngaviusimasut naatsorsuutigineqarunnaassapput,
2) inuk, isertitai meeqqanut tapiissutit tunniunneqarneranni tunngavigineqarsimasut, pisortanit pensionisiaqalerpat, imaluuniit taassuma nappaammik, innarluuteqarnermik assigisaannilluuniit pissuteqarluni sulisinnaajunnaarnini uppernarsarpagu, imaluuniit
3) inuk, isertitai meeqqanut tapiissutit tunniunneqarneranni tunngavigineqarsimasut, tapiiffigineqarsinnaasumik ilinniagaqalerpat ilinniagaqaqqippalluuniit qaammatinit arfinilinnit sivisunerusumik.
Imm. 2. Suliffissaaleqineq napparsimallatsiarnerluuniit pissutigalugit isertitat appariarnerat isertitat ataavartumik annertuumillu appariarnerattut isigineqanngillat.

§ 2. Ukiumut tapiiffmsussamut isertitassatut naatsorsuutigisat naatsorsorneqarneranni, ukiulluunniit tapiiffmsussap sinneranut isertitassatut naatsorsuutigisat naatsorsorneranni inuup inuilluuniit meeqqanut tapiissutit tunniunneqarneranni isertitaat tunngavigineqartussat tamakkivillugit naatsorsuutigineqassapput, ukiumi tapiiffmsussami inuup akileraartarnermut ilanngaatai ilanngaatigalugit.
Imm. 2. Isertitat ilaasa peersimanerannut uppernarsaammik isumaginninnermut ataatsimiititaliaq piumasaqarsinnaavoq, soorluttaaq piffissaq taanna isertitat annertussusiannut uppernarsaammik piumasaqartoqarsinnaasoq, kiisalu akileraartarnermi ilanngaatip annertussusianut.

§ 3. Isertitassatut A-tut naatsorsuutigisat naatsorsorneranni piffissaq taanna isertitat A-t tamarmik naatsorsuutigineqassapput, ukiumut isertitanngorlugit naatsorsukkat.
Imm. 2. Ukiumi tapiiffiusussami isertitassatut B-tut naatsorsuutigisat naatsorsorneqarneranni isertitanik naatsorsuiffiusumi ukiumi kingullernii B-itut isertitat tunngavigineqassapput, taamaassanngilarli inuup B-inik isertitaqarsimasup uppernarsarsinnaappagu nammineerluni isertitarigini tassaasullu § 1 -imi taaneqartut pissutigalugit atuukkunnaarsimasut annertuumilluuniit ikileriarsimasut. Taama pisoqartillugu inuup B-itut isertitassatut naatsorsuutigisai naatsorsorneqassapput piffíssaq taanna B-itut isertitarisimasaanit ukiumut isertitanngorlugit naatsorsukkanit.

 

Kapitali 2.
Meeqqanut tapiissutit tunnhmneqariarnerat il.il.

§ 4. Meeqqanut tapiissutit qanoq tunniuneqartarmssaat isumaginnimiermut ataatsimiititaliap aalajangertassavaa, piumasarisimiaallugulu tapiissutinik tigusisussap aningaaserivimmi assigisaaniluunniit tapiissutit ilineqarfigisinnaasaannik kontomik nalunaaruteqartoqarnissaa.

§ 5. Kommumini tunniussiviusussami isumaginninnermut ataatsimiititaliaq aalajangersinnaavoq meeqqanut tapiissutit ilaat meeqqanut 15-it sinnerlugit ukioqartunut skolehjemmini assigisisaaniluunniit najugaqartunut toqqaannartumik tunniutissallugit. Taamaallaat meeqqap atisassarsiniutissaanut kaasarfimmiussaanullu meeqqamut aningaasanngorlugit toqqaanartumik tunniussisoqarsinnaavoq.

§ 6. Isumaginninnermut Ataatsimiititaliaq isumaqarpat, inuup tapiissutinik tigusisinnaatitaasup tapiissutit meeqqamut iluaqutaasussamik aqussinnaanngikkai, ataatsimiititaliaq meeqqanut tapiissutit pisortanit aqunneqarnissaannik imaluunniit tapiissutit ilaasa nioqqutissanngorlugit tunniunneqarnissaannik aalajangersinnaavoq. Meeqqap pilersornerani aningaasartuutit suut tapiissutinit matussuserneqassanersut pillugit takussutissiortoqassaaq. Tunniussinerit nioqqutissanik pisissutissanngornissaat (rekvisition) piumaneqarneruvoq. Aningaasat amerlanngitsut, immaqa naafferartumik, tapiissutinik tigusisinnaatitaasumut aningaa-sanngorlugittunniunneqartarsinnaapput.
Imm. 2. Meeqqanut tapiissutit ilaasa meeqqamut tunniunneqarnissaannik isumaginninnermut ataatsimiititaliaq aalajangerpat meeqqap pilersornissaanut aningaasartuutit suut tapiissutinik matussuserneqassanersut pillugit takussutissiortoqassaaq, aamma aningaasat qanoq amerlatiginissaannik.
Imm. 3. Meeqqanut tapiissutit ilaasa meeqqamut tunniunneqarnissaannik isumaginninnermut ataatsimiititaliaq aalajangerpat ilanngullugu ataatsimiititaliaq aalajangersinnaavoq meeqqanut tapiissutinit sinneruttut pisortanit aqunneqassasut.
Imm. 4. Imm. 1-2-imi aningaasartuutissanut takussutissat taaneqartut sapinngisaq tamakkerlugu meeqqanut tapiissutisisinnaatitaasoq suleqatigalugu suliarineqassapput.

 

Kapitali 3.
Atortuulersitsineq.

§ 7. Nalunaarut manna 1. januar 1997 atortuulersinneqarpoq.
Imm. 2. Peqatigitillugu Meeqqanut tapiissutit pillugut Namminersornerullutik Oqartussat nalunaarutaat nr. 6, 17. februar 1987-imeersoq atorunnaarsinneqarpoq.

Namminersornerullutik Oqartussat, ulloq 19. december 1996

Daniel Skifte

/

Benedikte Thorsteinsson