Suliffiup avataatigut aallaaniarsinnaanermut allagartat pillugit Namminersornerullutik Oqartussat nalunaarutaat nr. 34, 17. december 1996-imeersoq.

Piniarneq aallaaniarnerlu pillugit Inatsisartut inatsisaanni nr. 17, ulloq 31. oktober 1996-imeersumi § 3, imm. 5 aamma 6, § 5, imm. 1, nr. 7, § 7, § 8, imm. 1 aamma § 11 aamma aalisarneq pillugu Inatsisartut inatsisaanni nr. 18, ulloq 31. oktober 1996-imeersumi § 8, imm. 2, naapertorlugit makku aalajangersarneqarput:

 

Atuuffii

§ 1. Nalunaarut una nunami imaanilu Kalaallit Nunaata oqartussaaffígisaani inuussutissarsiutiginagu piniarnermi, aallaaniarnermi aalisarnermilu atuuppoq.
Imm. 2. Nalunaarummi uumasut miluumasut timmissallu tamarmik aammalu kapisillit pineqarput.

 

Inuussutissarsiutiginagupiniarsinnaanermut, aallaaniarsinnaanermut aalisarsinnaanermullu akuersissuteqartarneq

§ 2. Inuussutissarsiutiginagu piniarneq, aallaaniarneq aalisarnerlu taamaallaat ingerlanneqarsinnaapput inunnit naalakkersuisunit taamaaliornissamut akuerineqarsimasunit.

§ 3. Inunnut piniarneq, aallaaniarnerlu pillugit Inatsisartut inatsisaanni § 3, imm. 4-mi pineqartunut akuersissuteqartoqartarpoq suliffiup avataatigut aallaaniarsinnaanermut allagartaliinikkut.
Imm. 2. Inuit 12-it inorlugit ukiullit suliffiup avataatigut aallaaniarsinnaanermut allagartartaarsinnaanngillat.

§ 4. Suliffíup avataatigut aallaaniarsinnaanermut allagartaq inatsisit periarfissarititaasa iluanni piniarnissamut aallaaniarnissamullu pisinnaatitsivoq.

 

Suliffiup avataatigut aallaaniarsinnaanermut allagartartaarnissamik qinnuteqaat

§ 5. Suliffiup avataatigut aallaaniarsinnaanermut allagartamik qinnuteqaat qinnuteqarnermi immersuiffissaq naalakkersuisunit ilusililersugaq atorlugu naalakkersuisunut nassiunneqassaaq
Imm. 2. Paasissutissiissutit qinnuteqaatip nassiutinnginnerani kommunimi najukkami inuit nalunaarsorsimaffiannit § 3-mi piumasaasut naammassineqarsimanerat uppernarsarlugu atsiorneqassapput.
Imm. 3. Kommuni najugarisaq isumaqarpat qinnuteqaateqartup § 3-mi piumasaqaatit naammassisimanngikkai taamaattumillu qinnuteqaat uppernarsarlugu atsiornagu naalakkersuisunullu ingerlateqqillugu nassiunnagu tamanna kommunip qinnuteqartumut allakkatigut nalunaarutigissavaa. Nalunaarut tunngavilersuutinik aamma naammagittaalliorsimaanermut ilitsersuummik imaqassaaq. Tamakku tunngavigalugit qinnuteqaateqartup kommunip aalajangiinera sapaatipakunneri sisamat qaangiutsinnagit naalakkersuisunut naammagittaalliuutigisinnaavaa.

 

Suliffiup avataatigut aallaaniarsinnaanermuî allagartap atorsinnaassusia

§ 6. Suliffiup avataatigut aallaaniarsinnaanennut allagartaq tassaavoq naalakkersuisut giro atorlugu immikkut akiliinissamut allagartaliaata akiliisimanermut uppernarsaatitaa.
Imm. 2. Suliffiup avataatigut aallaaniarsinnaanermut allagartap tunniunneqarnerani 30 kr.-inik akiliuteqartitsisoqassaaq.
Imm. 3. Suliffiup avataatigut aallaaniarsinnaanermut allagartaq taamaallaat atuuttarpoq akiliisimaneq uppernarsarsimagaangat atuuttarlunilu ukioq allagartap atuuffissaa naallugu.
Imm. 4. Naalakkersuisut suliffiup avataatigut aallaaniarsinnaanermut allagartat tunniunneqarsimasut atorunnaarsissinnaavaat suliffmp avataatigut piniarsinnaanermut allagartamik tunniussinermi piumasaqaataasut naammassineqarsinnaanngippata naammassineqarsinnaajunnaarsimappataluunniit.

§ 7. Suliffiup avataatigut aallaaniarsinnaanermut allagartaq inummut piginnittumuinnaq tunngavoq allamullu tunniuteqqusaanani, tuneqqusaanani atukkiuteqqusaananiluunniit.
Imm. 2. Suliffiup avataatigut aallaaniarsinnaanermut allagartaq piniarnermi aallaaniarnermilu nassarneqartassaaq nakkutilliinermullu atatillugu politiit, piniarnermik nakkutilliisut, taakku ikiortaasa imaluunniit inuit tamatumunnga piginnaatitaasut piumasaqarnerisigut takutinneqartassalluni.

 

Pisanik nalunaaruteqartarneq

§ 8. Suliffiup avataatigut aallaaniarsinnaanermut allagartalik kinaluunniit pisussaavoq pisaminik nalunaarsuissalluni. Ukiumut pisarisimasat kisitsisitaat piffissap pisanik nalunaarsuiffiusussap naanerani, tak. imm. 2, pisanik nalunaarsuiffissamut Naalakkersuisunit suliarineqarsimasumut nuunneqassapput oktoberillu 15-iat tikitsinnagu allakkerivikkut akeqanngitsumik utertinneqassallutik.
Imm. 2. Piffissaq pisanik nalunaarsuiffiusussaq tassaavoq oktoberip aallaqqaataanniit septemberip 30-iannut.
Imm. 3. Suliffiup avataatigut aallaaniarsinnaanermut allagartap ingerlaannartumik nutaamik taarsernissaanut piumasaqaatigineqarpoq pisanik nalunaarsuiffiup immersugaalluni piffissaq eqqorlugu nassiunneqarsimanissaa.

 

Immikkut akuersissuteqartarneq

§ 9. Naalakkersuisut nalunaarummi matumani maleruagassanit allaasumik immikkut akucrsissuteqarsinnaapput tamaima ilisimatuutut misissuinerit pisariaqartippassuk.

 

Pineqaatissiissutit

§ 10. Kialuunniit maleruagassat nalunaarummi uaniittut imaluunniit piniarnermi, aallaaniarnermi aalisarnermilu maleruagassat arlaleriartumik imaluunniit annertuumik unioqqutippagit naalakkersuisut taamaaliortoq piffissami erseqqinnerusumik killissaa aalajangikkami suliffíup avataatigut aallaaniarsinnaanermut allagartartaarsinnaajunnaarsissinnaavaat. Taamaattoqassappat suliffiup avataatigut aallaaniarsinnaanermut allagartaq tunniunneqareersimasoq atorunnaarsinneqassaaq.

§ 11. § 2-mik, aamma § 7-imi, imm. 1-imik aamma 2-mik unioqqutitsisumut akiliisitsineq pineqaatissiissutaasinnaavoq.
Imm. 2. § 2-mik, aamma § 7-imi, imm. 1-imik aamma 2-mik unioqqutitsisoqartillugu pisat taakkuluunniit nalingat naalagaaffiup karsianit pineqartussanngorlugit arsaarinnissutigineqarsinnaapput.
Imm. 3. Akiliisitsinerit pillugit suliassat aamma arsaarinninnerit pillugit suliassat suliarineqartassapput piniarnermut aallaaniarnermullu Inatsisartut inatsisaanni maleruagassat tunngavigalugit.

 

Atuutilerfia

§ 12. Nalunaarut atulerpoq 31. december 1996.
Imm. 2. Tamatumunnga peqatigitillugu inuussutissarsiutiginagu piniarnermi aallaaniarnermilu aallaaniarsinnaanermut uppernarsaat (inuussutissarsiutiginagu piniartunut) pillugu Namminersornerullutik Oqartussat nalunaarutaat nr. 19, 22. juli 1993-imeersoq, atorunnaarpoq.
Imm. 3. Aallaaniarsinnaanermut allagartat, nalunaarut imm. 2-mi taaneqartoq naapertorlugu qaammatisiutit ukiuannut 1996-imut atortussanngortitaasut taamaattoq atorunnaassapput, piniarnermut allagartap atuuffíssaata sivisussusia apeqqutaatinnagu, aatsaat ulloq 28. februar 1997.

Namminersornerullutik Oqartussat, ulloq 17. december 1996.

Pâviâraq Heilmann

/

Bent Buch