Inuussutissarsiutigalugu piniarnermut allagartat pillugit Namminersornerullutik Oqartussat nalunaarutaat nr. 33, 17. december 1996-imeersoq.

Piniarneq aallaanlarnerlu pillugit Inatgisartut inatsisaanni nr. 17, ulloq 31. oktober 1996-imeersumi § 3, imm. 5 aamma 6, § 5, imm. 1, nr. 7, § 7, § 8 imm. 1 aamma § 11 malillugit aalajangersarneqarput:

 

Atuuffii

§ 1. Nalunaarut una Kalaallit Nunaata nunataani aalisarnikkullu oqartussaaffigisaani inuussutissarsiutigalugu piniarnermut aallaaniarnermullu atuuppoq.
Imm. 2. Nalunaarummi uumasut miluumasut timmissallu tamarmik pineqarput.

 

Inuussutissarsiutigalugu piniarnermut aallaaniarmullu akuersissuteqartarneq

§ 2. Inuussutissarsiutigalugu piniarnermik aallaaniarnermillu ingerlatsisinnaapput taamaallaat inuit taamaaliornissamut akuerineqarsimasut.
Imm. 2. Akuersissut inuussutissarsiutigalugu piniarsinnaanermut allagartatut tunniunneqartarpoq.

§ 3. Inuussutissarsiutigalugu piniarsinnaanermut allagartaq qinnuteqartoqarneratigut tunniunneqartassaaq inunnut:
1) inuiaqatigiinnut kalaallinut aalajangersimasumik attuumassuteqartunut,
2) Kalaallit Nunaanni najugaqartutut inuit nalunaarsorsimaffíanni nalunaarsorsimasunut, Kalaallit Nunaannilu inuit nalunaarsorsimaffíanni ukiuni kingullerni marlunni nalunaarsorsimasunut,
3) Kalaallit Nunaannut tamakkiisumik akileraartartussaasunut, Kalaallit Nunaannullu ukiuni kingullerni marlunni tamakkiisumik akileraartartuusimasunut, aammalu
4) piniarnermit, aallaaniarnermit aalisarnermillu isertitaqartunut isertitat tamarmittsut ikinnerpaamik 50%-iisa naiinginik. Tussungã ataíiilugu qinikkatut pisortanillu toqqakkatut suliassaqartitaanermit aningaasarsiat isertitanut tamarmiusunut ilanngunneqassanngillat. Tassunga atatillugu angallatinit 75 BRT/120 BT anginerusuni aalisarnermit isertitat taîiiarmiusut naatsorsuutigineqassanngillat.
Imm. 2. Arfernik angisuunik piniarnermut atatillugu inuussutissarsiutigalugu piniarnermut allagartaq immikkut akuersissuteqarnikkut inunnut angallatinit 75 BRT/120 BT qaangerlugit angissusilinniit aalisarnermit, piniarnermit aallaaniarnermillu inuussutissarsiuteqarnermikkut ilanngaasigaanngitsunik isertitaqarsimasunut tunniunneqarsinnaavoq.
Imm. 3. Inunnut imm. 1-imi nr. 1-imik, 2-mik 3-millu naammassinnissimasunut, najukkami aalisartut piniartullu peqatigiiffíinit inassuteqartoqarneratigut piumasaqaatit imm. 1 nr. 4-mit atuutinnginnissaat akuersissutigineqarsinnaavoq, qinnuteqartup siunissami imm. 1-imi nr. 4-mik inuussutissarsiutigalugu aallaaniartuunissamik piumasaqaat eqqortikkumappagu.
Imm. 4. Imm. 1-imi, nr. 2-mi aamma 3-mi aalajangersakkat saneqqunneqarsinnaapput isumaqartoqarpat qinnuteqartup Kalaallit Nunaannut attuumassuteqarnera tunngavigalugu naleqquttutut tamanna isigineqarpat, aammalu qinnuteqartoq Kalaallit Nunaanniit ilinniagaqarluni pissuseqataannilluunniit peqquteqarluni qimagusimasimappat. Atuartut ilinniagaqartullu inuussutissarsiutigalugu piniarnermut allagartartaarsinnaanngillat.
Imm. 5. Inuit soraarnerussutisiallit inuussutissarsiutigalugu aallaaniarsinnaanermut allagartartaarsinnaanngillat. Inuit pensiuunisiaqalernerminni inuussutissarsiutigivillugu aallaaniarnermik ingerlatsisut pensiuunisiaqalereeraluarunilluunniit najukkami aalisartut piniartullu peqatigiiffíannik tusarniaareernikkut immikkut akuerineqarnikkut inuutissarsiutilittut allagartaqarsinnaatitaapput.

§ 4. Aallaaniarsinnaanermut allagartaq killissarititaasut, inatsisini allani aalajan-gersarneqartut, iluanni piniarnissamut aallaaniarnissamullu pisinnaatitsivoq.

 

Inuussutissarsiutigalugupiniarnermut allagartartaarniarluni qinnuteqarneq

§ 5. Inuussutissarsiutigalugu piniarnermut allagartassamik qinnuteqaat qinnuteqarnermi immersuiffissaq naalakkersuisunit ilusilersugaq atorlugu naalakkersuisunut nassiunneqassaaq.
Imm. 2. Qinnuteqaat nassiunneqartinnagu najukkami aalisartut piniartullu peqatigiiffiannut tusarniaassutigalugu saqqummiunneqassaaq. Tamatuma kingorna qinnuteqaat kommunimit najugarisamit uppernarsarlugu atsiorneqassaaq, tassani qularnaarneqassalluni § 3 malillugu piumasaqaatit naammassineqarsimanersut.
Imm. 3. Kommunimit najugarisamit isumaqarfigineqarpat qinnuteqartup § 3-mi piumasaqaatit naammassisimanngikkai taamaattumillu qinnuteqaat uppernarsarneqaranilu naalakkersuisunut nassiunneqanngippat taama pisoqarnera kommunip allakkatigut qinnuteqartumut nalunaarutigissavaa. Nalunaarut taamaattoq tunngavilersuutinik aamma naammagittaalliornissamut ilitsersuummik imaqassaaq. Tamakku tunngavigalugit qinnuteqartup kommunip aalajangiinera sapaatip akunneri sisamat qaangiutsinnagit naalakkersuisunut naammagittaalliuutigisinnaavaa.

 

Inuussutissarsiutigalugupiniarnermut allagartap atorsinnaassusia

§ 6. Inuussutissarsiutigalugu piniarnermut allagartaq tassaavoq naalakkersuisut giro atorlugu akiliiffissaliaata akiliisimanermut uppernarsaatitaa.
Imm. 2. Inuussutissarsiutigalugu piniarnermut allagartap tunniunneqarnerani 30 kr.-inik akiliuteqartitsisoqassaaq.
Imm. 3. Inuussutissarsiutigalugu piniarnermut allagartaq taamaallaat atuuttarpoq akiliisimaneq uppernarsarsimagaangat atuuttarlunilu qaammatisiutit ukiuat allagartap atuuffissaa naallugu.
Imm. 4. Naalakkersuisut inuussutissarsiutigalugu aallaaniarsinnaanermut allagartat tunniuteriikkat atorunnaarsissinnaavaat inuussutissarsiutigalugu piniarnermut allagartaqarnissamut piumasaqaatit naammassineqarsimanngippata naammassineqarsinnaajunnaarsimappataluunniit.

§ 7. Inuussutissarsiutigalugu piniarnermut allagartamik piginnittoq aalajangersimasumik suliffittaarpat taamaalillunilu § 3-mi imm. 1-imi aalajangersakkat naammassisinnaajunnaarlugit imaluunniit allatut inuussutissarsiutigalugu piniarnermik aallaaniarnermillu ingerlatsinerminik unitsitsippat, tamanna ullut 30 qaangiutsinnagit kommunimut najugarisamut nalunaarutigineqassaaq. Allanngortoqarneranik paasissutissat naalakkersuisunut ingerlateqqinneqassapput, taakku pineqartoq suliffiup avataatigut aallaaniarsinnaanermut allagartat pillugit Namminersornerullutik Oqartussat nalunaarutaat malillugu aallaaniarnermut allagartartaarnissaanik neqeroorfigissavaat.
Imm. 2. Kommuni najukkami aalisartut piniartullu peqatigiiffiat tusarniaavigereerlugu peqatigiiffik isumaqarpat inuup § 3 malillugu inuussutissarsiutigalugu aallaaniarnermut allagartaqarnissamut piumasaqaataasut naammassisinnaajunnaarsimagai, taava kommunip inuk tunngaviusut allanngornerannik allakkatigut nalunaarfigissavaa. Nalunaarutip peqqutaasunut tunngavilersuutit naammagittaalliornissamullu ilitsersuutit imarissavai.Tamakku tunngavigalugit qinnuteqaateqartup kommunip aalajangiinera sapaatip akunneri sisamat qaangiutsinnagit naalakkersuisunut naammagittaalliuutigisinnaavaa. Tamatuma kingornatigut suliffiup avataatigut aallaaniarnissamut allagartaq inummut neqeroorutigineqassaaq.

§ 8. Inuussutissarsiutigalugu piniarnermut allagartaq piginnittumuinnaq tunngavoq allamullu tunniuteqqusaanani, tuneqqusaanani imaluunniit atukkiuteqqusaanani.
Imm. 2. Meeqqat aqqaneq marluk inorlugit ukiullit inuussutissarsiutigalugu piniarnermut allagartartaarsinnaanngillat.
Imm. 3. Inuussutissarsiutigalugu piniarnermut allagartaq aallaaniarnermi nassarneqartassaaq nakkutilliinermullu atatillugu politiit, piniarnermik nakkutilliisut, taakku ikiortaasa imaluunniit inuit tamatumunnga piginnaatitaasut piumasaqarnerisigut takutinneqartassalluni.

 

Pisanik nalunaaruteqartarneq

§ 9. Inuussutissarsiutigalugu piniarnermut allagartalik kinaluunniit pisussaavoq pisaminik nalunaarsuissalluni. Qaammatit naaneri tamaasa pisarisimasat naatsorsuusiorneqassapput. Ukiumut pisarisimasat kisitsisitaat piffíssap pisanik nalunaarsuiffíusussap naanerani, tak. imm. 3, pisanik nalunaarsuiffissamut Naalakkersuisunit suliarineqarsimasumut naatsorsuusiorneqassapput, oktoberillu 15-iat tikitsinnagu allakkerivikkut akeqanngitsumik utertinneqassallutik.
Imm. 2. Piffíssaq pisanik nalunaarsuiffíusussaq tassaavoq oktoberip aallaqqaataaniit septemberip 30-iannut.
Imm. 3. Inuussutissarsiutigalugu aallaaniarsinnaanermut allagartap ingerlaannaq nutaamik taarserneqarnissaanut piumasaqaatigineqarpoq pisanik nalunaarsuiffiup immersugaalluni piffíssaq eqqorlugu nassiunneqarsimanissaa aammalu inuup inuussutissarsiutigalugu aallaaniartartuunera allanngorsimanngitsoq, tak. § 7, imm. 2.

 

Immikkut akuersissuteqartarneq

§ 10. Naalakkersuisut nalunaarummi matumani piumasaqaatinit allaasumik immikkut akuersissuteqarsinnaapput tamanna ilisimatuutut misissuinerit pisariaqalersippassuk.

 

Pineqaatissiissutit

§ 11. § 2-imik, § 7-imi imm. 1-imik aamma § 8-imi imm. 1-imik 3-millu unioqqutitsisut akiliisitsinikkut pineqaatissinneqarsinnaapput.
Imm. 2. § 2-mik aamma § 8-imi imm. 3-imik unioqqutitsisoqartillugu pisat taakkuluunniit nalingat naalagaaffíup karsianit pineqartussanngorlugit arsaarinnissutigineqarsinnaapput.

 

Atuutilerfia

§ 12. Nalunaarut atuutilerpoq ulloq 31. december 1996.
Imm. 2. Tamatumunnga peqatigitillugu inuutissarsiutigalugu piniarnermut aallaaniarnermullu (inuutissarsiutigalugu piniartunut) akuersissuteqartarneq pillugu Namminersornerullutik Oqartussat nalunaarutaat nr. 18, 22. juli 1993-imeersoq atorunnaarsinneqarpoq.
Imm. 3. Piniarnermut allagartat, nalunaarut imm. 2-mi taaneqartoq naapertorlugu qaammatisiutit ukiuannut 1996-imut atortussanngortitaasut taamaattoq atorunnaassapput, piniarnermut allagartap atuuffissaata sivisussusia apeqqutaatinnagu, aatsaat ulloq 28. februar 1997.

Namminersornerullutik Oqartussat, ulloq 17. december 1996.

Pâviâraq Heilmann

/

Bent Buch