Provsteqarfinni ataatsimiititaliani ilagiillu sinniisaanni ilaasortanut qinikkanut ullormusianik, angalanermi ineqarnermilu iluarsiissutinik kiisalu sulinermit isertitassaraluanik annaasanut taartisiassanik tunniussisarneq pillugu Namminersornerullutik Oqartussat nalunaarutaat nr. 32, 17. december 1996-imeersoq.
Ilagiit pillugit inatsisartut pequssutaanni nr. 15-imi, 28. oktober 1993-imeersumi § 35 naapertorlugu aalajangersarneqarput:
Kapitali 1
Nalunaarutip atuuffissaa§ 1. Ilagiit ataatsimiinnerinut atatillugu provsteqarfínni ataatsimiititaliani ilagiillu sinniisaanni ilaasortanut qinikkanut ullormusianik, angalanermi ineqarnermilu iluarsiissutinik kiisalu sulinermi isertitassaraluanik annaasanut taartisiassanik tunniussisarnerit nalunaarummi iluarsiivigineqarput.
Imm. 2. Nalunaarummi ilaatinneqanngillat ilagiinni atorfillit atorfíllillu allat piffissaq tamakkerlugu atorfeqartinneqartut, suliaminnut atatillugu imm. 1-imi ataatsimiinnerni taaneqartuni peqataasartut.
Kapitali 2
Ataatsimiinnersiuîit§ 2. Ilagiit sinniisaasa ataatsimiinnerini peqataanernut ataatsimiinnersiuteqartitsisoqartarpoq. Ataatsimiinernut akunnerit sisamat sinnerlugit sivisussusilinnut tunngaviusumik aningaasat 166,00 kr.-it tunniunneqartarput. Ataatsimiinnernut akunnerit sisamat ataallugit sivisussusilinnut ullormusiat ataatsimiinnersiutit affaat tunniunneqartarput. Qaammatisiutilli malillugit ukiut tamaasa ilagiit sinniisaanni tamani amerlanerpaamik ataatsimiinnernut marlunnut akunnerit sisamat qaangerlugit sivisussusilinnut ataatsimiinnernulluunniit sisamanut akunnerit sisamat ataallugit sivisussusilinnut ataatsimiinnersiuteqartitsisoqartarpoq.
Imm. 2. Provsteqarfínni ataatsimiititaliani ataatsimiinnerni peqataanermut ataatsimiinnerup sivisussusia apeqqutaatinnagu ataatsimiinnermut ataatsimut tunngaviusumik aningaasanik 332,00 kr.-inik ataatsimiinnersiaqartitsisoqassaaq.
Imm. 3. Imm. 1 aamma 2-mi taaneqartut saniatigut ilaagiit ataatsimiinnerinut atatillugu Kultureqarnermut, Ilinniartitaanermut Ilageeqarnermullu Pisortaqarfimmit siumoortumik akuersissuteqarneratigut ataatsimiinnerit suussusii naapertorlugit ataatsimiinnersiaqartitsisoqassaaq.
Kapitali 3
Angalanermi ineqarnermilu iluarsiissutit§ 3. Ilagiit sinniisaasa ataatsimiinnerini peqataanermut atatillugu angalanerit nalaanni Kalaallit Nunaanni atorfílinnut malittarisassat sukkulluunniit atuuttut malillugit aningaasartuuteqarnerunermut iluarsiissutisiaqartitsisoqassaaq (ullormusiat unnuinersiallu).
§ 4. Pisortat angallassissutaanni periarfíssaq akikinnerpaaq atorlugu angalanernut akiliussisoqartarpoq. Pisortat angallassissutaat atorneqarsinnaanngippat, angallassissulluunniit alla naleqquttoq atussallugu akikinneruppat, imm. 2-mit 6-imut aalajangersakkat malillugit angalanernut aningaasartuutinut akilerneqarsimasunut matussusiisoqassaaq.
Imm. 2. Qaannamik, qimussinik angallatinillu angalanennut atugassanik attartornerit pissapput Namminersornerullutik Oqartussat, KNAPK-p KANUKOKA-llu akornanni isumaqatigiissutit atuuttut malillugit.
Imm. 3. Aquuteqaralannik angallatinillu sukkasuulianik (imatut paasillugu 20 knob sinnerlugu sukkassusilinnik) attartornerit, angallatinik angalanernut atugassanik attartornermi akigititat pillugit Namminersornerullutik Oqartussat, KNAPK-p KANUKOKA-llu akornanni isumaqatigiissummi ilaatinneqanngitsut, piginnittup akikinnerpaamik isumaqatigiissuteqarfígineratigut pisinnaapput, angallat isumannaaallisaanikkut annanniuteqarnikkullu atortoqarpat, piginnittorlu inuttut akornuseriataarsinnaanermut ajutooriataarsinnaanermullu sillimmaserneqarsimappat.
Imm. 4. Qajaq qimussilluunniit nammineq pigisat atoraanni, qaannaap qimussilluunniit atorlugit angalanernut akiliutit pillugit Namminersornerullutik Oqartussat, KNAPK-p KANUKOKA-llu akornanni isumaqatigiissut atuuttoq naapertorlugu akiliuteqartoqassaaq, taamaattorli qajartortut qimussersullu eqqarsaatigalugit ullormusiat nal. akunnermusiallu pineqarsinnaanatik.
Imm. 5. Nammineq angallatigisaq imm. 3-mi isumaqatigiissummi taaneqartumi ilaasoq, atoraanni ingerlaarnerit kisimik akilerneqartassapput, taamaalilluni isumaqatigiissummi piffíssami utaqqiffimmi akissarsiassat, sivikinnerpaamik nal. akunnerini arfínilinni attartorsinnaaneq, attartornermilu nalunaaquttat akunneri siulliit arfmeq-pingasut 50%-imik tapeqartitaasarnerat pillugit malittarisassat atorneqarnatik. Nammineq aquuteralak angallalluunniit sukkasuuliaq, imm. 3-mi isumaqatigiissummi ilaatinneqanngitsut, atoraanni ingerlatissaq atugaq 50 %-imik ilallugu, motoorip sakkortussusianut, qanoq sivisutigisumik ingerlasimanermut ornitalluunniit ungasissusianut paasissutissat uppernarsaatitallit tunngavigalugit nalunaarsukkanut aningaasartuutinut akiliut aalajangersarneqassaaq.
Imm. 6. Snescooteri namminerisaq atoraanni ikummatissamut atukkamut paasissutissat uppernarsaatitallit tunngavigalugit nalunaarsukkamut aningaasartuutinut 50%-imik ilasamut akiliutissaq aalajangersarneqassaaq.
Kapitali 4
Sulinermit isertitassaraluanut annaasanut taartisiassat§ 5. Ataatsimiinnerni § 2 naapertorlugu ullormusiaqaataasussani peqataanermut, kiisalu ataatsimiinnernut taakkununnga atatillugu angalanernut imm. 2 - 5-imi aalajangersakkat malillugit sulinermit isertitassaraluanut annaasanut taartisiaqartitsisoqassaaq.
Imm. 2. Sulisartunut taartisiassat peqannginnermi sulinermit isertitassaraluit annaasat feriepengit ilanngullugit sulisitsisumit nalunaarsukkat tunngavigalugit naatsorsorneqassapput.
Imm. 3. Namminersorlutik inuussutissarsiutilinnut allanullu namminersortumik inuussutissarsiornermik ingerlataqartunut ilagiit sinniisaanni ataatsimiinnerni peqataasunut ataatsimiinnermut ataatsimut pineqartup piffissap suliffíata nalinginnaasup iluani nal. akunneri sisamat ataallugit sivisussuseqartunut tunngaviusumik aningaasanik 190,00 kr.-inik akissarsiaqartitsisoqassaaq. Pisuni allani, tassunga ilanngullugu provsteqarfínni ataatsimiititaliani ataatsimiinnerni peqataanerni, ataatsimiinnermut ataatsimut ullormullu angalaffiusumut ataatsimut tunngaviusumik aningaasanik 380,00 kr.-inik akissarsiaqartitsisoqarsinnaavoq.
Imm. 4. Aappariit inooqatigiilluunniit, namminersorlutik inuussutissarsiutilinni allaniluunniit namminersortumik inuussutissarsiornermik ingerlataqartuni ikiortaasut imm. 3-mi taaneqartutut akissarsiassaqartinneqarsinnaapput.
Imm. 5. Ilaasortanut imm. 2-4 malillugit akissarsiaqartinneqarsinnaanngitsunut, ataatsimiinnerni peqataanernut atatillugu meeqqat paarineqarnerannut aningaasartuutaanerusunut uppernarsaatitalinnut matussusiiffigineqarsinnaapput.
Kapitali 5
Ingerlatsineq akillu nikerarnerannut iluarsiissutit§ 6. Tunniuttakkanut siuliani taaneqartunut atatillugu allagartat ataatsimiinnermi siulersuisumit atsiorneqartassapput.
§ 7. §§2 aamma 5-imi tunngaviusumik aningaasat taaneqartut aprilip oktoberillu aallaqqaataanni iluarsiivigineqartassapput Kalaallit Nunaannut kisitsit akinut iluarsiissutaasartoq tamanut saqqummiunneqartoq kingulleq malillugu (januar 1984 = 100), tassannga nikingassummut qaninnerusumut naatsorsorlugit.
Kapitali 6
A tortuulersitsinermut aalajangersakkat§ 8. Nalunaarut 1. januar 1997-imi atuutilissaaq.
Imm. 2. Tamatumunnga peqatigitillugu Namminersornerullutik Oqartussat nalunaarutaat angalanermi ineqarnermilu, aningaasarsiassaagaluit annaasat taartisissutaasarnissaasa ataatsimiinnersiutillu ilageeqarnermi qinikkat ataatsimiissatillugit matussutissaqartinneqarnissaannut tunngasoq nr. 4, 20. februar 1991-imeersoq atorunnaarsinneqarpoq.
Namminersornerullutik Oqartussat, 17. december 1996.
Konrad Steenholdt/
Karl Kristian Olsen