Kalaallit Nunaata avataani ilinniartitaanerni ingerlaqqiffiusuni ilinniagaqarnersiuteqarnissamut piumasaqaatit pillugit Namminersornerullutik Oqartussat nalunaarutaat nr. 30, 17. december 1996-imeersoq.
Ilinniagaqarnersiutit pillugit Inatsisartut peqqussutaanni nr. 3-imi, 2. maj 1996-imeersumi § 9 naapertorlugu, kiisalu ilinniagaqartut kattuffiinit tamanna pillugu oqaaseqaateqartereerlugit aalajangersarneqarput:
Danmarkimi ilinniartitaanerit ingerlaqqiffiusut.
§ 1. Danmarkimi ilinniartitaanermi ingerlaqqiffiusumi, Kalaallit Nunaanni Ilinniarnertuunngorniarfimmi, HF-imi assigisaanilluunniit soraarummeersimaneq ilinniarfimmit tiguneqarnissamut piumasaqaataalluni, ilinniagaqarnersiuteqarsinnaatitaanissamut atatillugu qinnuteqartoq Kultureqarnermut, Ilinniartitaanermut Ilageeqarnermullu Pisortaqarfik aqqutigalugu tiguneqarnissamut inassutigineqassaaq. Inassuteqaateqartoqassaaq qinnuteqartup ilinniagaqarnersiuteqarnissamut malittarisassat sukkulluunniit atuuttut naammassippagit, tamatumalu saniatigut
1) soraarummeernerit isissutaasinnaasut qulaani taaneqartut ilaannik naammassinnissimappat angusisimallunilu,
2) karakterit katillugit agguaqatigiissinneranni minnerpaamik 8-mik angusisimappat,
3) ilinniartitsissutini immikkut qinigassani tamani karakterit agguaqatigiinneranni minnerpaamik 8-mik ilinniartitaanermut qinnuteqarfigisamut piumasaqaataasumik angusisimappat, tak. ilanngussaq 1,
4) karakterini ataasiakkaani ilinniartitsissutini nr. 4-mi taaneqartuni karakterit agguaqatigiissillugit naatsorsorneranni ilaatinneqartuni minnerpaamik 6-imik angusaqarsimappat, aamma
5) qallunaat tuluillu oqaasiini piginnaassuseqarluarpat.
Imm. 2. Kultureqarnermut, Ilinniartitaanermut Ilageeqarnermullu Pisortaqarfik misilitsinnermi soraarummeernermilu angusat kiisalu § 3 naapertorlugu oqaaseqaataasinnaasut tunngavigalugit qinnuteqartoq naammattumik piginnaaneqarnersoq aalajangissavaa.
Imm. 3. Kultureqarnermut, Ilinniartitaanermut Ilageeqarnermullu Pisortaqarfik pisuni immikkut illuinnartuni imm. 1, nr. 2-4-mi piumasaqaat ataaseq arlallilluunniit atortinneqannginnissaannik immikkut akuersissuteqarsinnaavoq.§ 2. Qinnuteqartoq, ingerlaqqiffiusumik ilinniartitaanermut tiguneqarnissamut tamanna pisariaqarpat Danmarkimi ilinniarnertuunngorniarfimmi sammisat assigisaannik ilassutaasumik ilinniartinneqarnissamut tapiiffigineqarsinnaasutut naatsorsuunneqarsinnaavoq, § 1-imi piumasaqaatit taaneqartut naammassineqarsimappata, aamma
1) ilanngussaq 1 naapertorlugu fagit aalajangersimasumik qaffasissusillit piumasarineqartut Kalaallit Nunaanni ilinniarfimmi pineqartup tiguneqarfiani neqeroorutigineqanngippata imaluunniit
2) ingerlaqqiffiusumik ilinniarnerup ingerlaqqinnissaata aaqqissuunneqarnerata tamanna pisariaqartippagu.§ 3. Soraarummeernermi angusarisimasassat piumasarineqartutut § 1-imi taaneqartut saniatigut ilinniarfimmit ilinniartitaanermik tiguneqaataasussamik ingerlatsiviusussamit sulisitsisumilluunniit oqaaseqaat qinnuteqartup ilinniarnissamut qanoq piukkunnaateqartiginera pillugu naliliinermi ilanngunneqarsinnaavoq.
§ 4. Ilanngussaq 1-imi allassimapput ilinniartitaanerni ataasiakkaani ilinniartitsissutini qinigassat sorliit Namminersornerullutik Oqartussanit tiguneqarnissamut piumasarineqartut kiisalu piumasaqaataasut allat naammassineqarsimasussat.
§ 5. Danmarkimi ilinniartitaanermut ilinniarnertuunngorniarfimmi ilinniarsimanissamik piumasaqaateqarfiunngitsumut ilinniagaqarnersiuteqarsinnaatitaassagaanni, qinnuteqartoq Kultureqarnermut, Ilinniartitaanermut Ilageeqarnermullu Pisortaqarfik aqqutitalugu innersuun-neqassaaq. Qinnuteqartup ilinniagaqarnersiuteqarnissamut malittarisassat sukkulluunniit atuuttut naammassisimassavai, tamatumalu saniatigut
1) ilanngussaq 1 naapertorlugu ilinniartitsissutini aalajangersimasuni aalajangersimasumillu qaffasissusilinni karakteri 8 angusimassavaa, aamma
2) ilanngussaq 1 naapertorlugu ilinniartitaanernut ataasiakkaanut piumasaqaatit aalajangersakkat allat naammassisimassallugit.
Danmarkip Kalaallit Nunaatalu avataanni ilinniartitaanerit ingerlaqqiffiusut.
§ 6. Nunani avannarlerni allani ilinniartitaanerni ingerlaqqiffiusuni ilinniagaqarnersiuteqarsinnaatitaanermut atatillugu, qinnuteqartoq Kultureqarnermut, Ilinniartitaanermut Ilageeqarnermullu Pisortaqarfik aqqutigalugu innersuunneqassaq Danmarkimilu ilinniartitaanernut piumasaqaatit assingi naammassisimassallugit.
Imm. 2. Kultureqarnermut, Ilinniartitaanermut Ilageeqarnermullu Pisortaqarfik imm. 1-p atortinneqannginnissaanik immikkut akuersissuteqarsinnaavoq, tamatumani pissutsit immikkut ittut pisariaqartippassuk.§ 7. Nunat Avannarliit Kalaallit Nunaatalu avataanni ilinniartitaanerni ingerlaqqiffiusuni ilinniagaqarner-siuteqarsinnaatitaanermut qinnuteqartoq Kultureqarnermut, Ilinniartitaanermut Ilageeqarnermullu Pisortaqarfik aqqutigalugu innersuunneqassaaq, ilinniagaqarnersiuteqarnissamullu malittarisassat sukkulluunniit atuuttut naammassisimassallugit. Piumasaqaatit allat aalajangersarneqassapput pisariaqartutut naatsorsuutigineqartut tunngavigalugit ilinniagaqarniartut ilinniarnissartik naammassisinnaassappassuk. Tamanna Kultureqarnermut, Ilinniartitaanermut Ilageeqarnermullu Pisortaqarfimmit nalilerneqartassaaq.
Atortuulersitsineq.
§ 8. Nalunaarut 1. januar 1997-imi atuutilissaaq.
Imm. 2. Tamatumunnga peqatigitillugu Kalaallit Nunaata avataani ilinniartitaanernut ingerlaqqiffiusunut qaffasinnerusunullu akuerineqassagaanni piumasaqaatit nalunaarut nr. 51, 29. december 1994-imeersoq atorunnaarsinneqarpoq.
Namminersornerullutik Oqartussat, ulloq 17. december 1996.
Konrad Steenholdt/
Karl Kristian Olsen
Ilanngussaq (pdf-format)