Akileraartussaatitat allattorsimaffii pillugit Namminersornerullutik Oqartussat nalunaarutaat nr. 26, 28. november 1996-imeersoq.

Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, kingusinnerpaamik Inatsisartut inatsisaatigut nr. 2-kkut 2. maj 1996-imeersukkut allanngortinneqartumi, § 117 naapertorlugu makku aalajangersarneqarput:

 

Inuit siumoortumik nalunaarsuiffigineqartussat allattorsimaffiat

§ 1. Ukiumut tullissamut siumoortumik nalunaarsuinissamut tunngavissatut KIA-mi (Kalaallit Nunaanni Inuit Allattorsimaffianni) nalunaarsukkat tunngavigalugit inunnut 1. septemberimi kommunini najugaqartutut nalunaarsortissimasunut akileraartussaatitat nuna tamakkerlugu ataatsimut allattorsimaffiat aammalu akileraartussaatitat kommunikkaartumik (sumiiffikkaartumik) allattorsimaffii suliarineqassapput. Aammattaaq inunnut kommunit aggornerisa avataanni najugaqartutut nalunaarsortissimasunut akileraartussaatitat allattorsimaffiat suliarineqassaaq. Meeqqat aatsaat ilanngunneqassapput ukiumi aningaasarsiorfimmi 1. januarimi 15-inik ukioqalertussaassimassappata.
Imm. 2. Inuit akileraartussaatitaasut KIA-mi nalunaarsortissimanngitsut akileraartussaatitat allattorsimaffiinut ilanngunneqarsinnaanerat Akileraartarnermi Pisortaqarfiup aalajangersinnaavaa.
Imm. 3. Akileraartussaatitat allattorsimaffii imm. 1 naapertorlugu suliarineqarnerini akileraartussaatitaasut inuttut normuisigut tulleriiaarneqassapput. Aammattaaq inunnut ataatsimut akileraartitaasussanut aapparisap inuttut normua normutut unnersuussutitut allanneqarluni ilanngunneqassaaq.
Imm. 4. Akileraartarnermi Pisortaqarfiup akileraartussaatitat allattorsimaffiisa suliarineqarnissaat taakkulu nassiussorneqarnissaat isumagissavai.

§ 2. Akileraartussaatitat sumiiffikkaartumik allattorsimaffiat kommunimit pineqartumit misissorneqartassaaq inuit kommunimik pineqartumik akileraarfissatut kommuneqartut pillugit kommunimut paasissutissiissutigineqartut naqqissorneqarnissaat siunertaralugu. Taamatuttaaq inuit aningaasarsianit akileraarutit pillugit inatsimmi § 33, imm. 2 naapertorlugu Akileraartarnermi Pisortaqarfimmut kommunitut akileraarfeqartut pillugit paasissutissat tunngavigalugit Akileraartarnermi Pisortaqarfiup akileraartussaatitat allattorsimafFiat, § 1, imm. 1-imi oqaaseqatigiit aappaanni taaneqartoq, misissortassavaa. Tamatuma kingorna akileraartussaatitat allattorsimaffiat ingerlaavartumik naqqissorneqartassaaq akileraartussaatitat kommunimi Akileraartarnermilu Pisortaqarfimmi siumoortumik nalunaarsorneqartussat ilanngullugit allattornerisigut.

 

Inuit akileraartussaviit inaarutaasumik allattorsimaffiat

§ 3. Ukiumoortumik akileraarusiinissaq sioqqullugu § 1-imi taaneqartut suliarineqarnerat assigalugit KIA-mi nalunaarsukkat tunngavigalugit inuit kommunimut pineqartumut akileraarfeqartut aammalu Akileraartarnermi Pisortaqarfimmut kommunitut akileraarfeqartut pillugit akileraartussaatitat sumiiffikkaartumik allattorsimaffii aammalu akileraartussaatitat nuna tamakkerlugu ataatsimut allattorsimaffiat naqqissukkat kommuninut tamanut Akileraartarnermilu Pisortaqarfimmut suliarineqarlutillu nassiussorneqassapput.
Imm. 2. Inuit akileraartussaatitaasut KIA-mi nalunaarsortissimanngitsut akileraartussaatitat allattorsimaffiinut ilanngunneqarsinnaanerat Akileraartarnermi Pisortaqarfiup aalajangersinnaavaa.

§ 4. Akileraartussaatitaasut akileraartussaatitat allattorsimaffiannut ilanngunneqarsimanatik kommunimut pineqartumut akileraarfeqartut aammalu Akileraartarnermi Pisortaqarfimmut kommunitut akileraarfeqartut pillugit paasissutissat kommunimi Akileraartarnermilu Pisortaqarfimmi pigineqareersut tunngavigalugit akileraartussaatitat sumiiffikkaartumik allattorsimaffiat naqqissorneqartassaaq.

 

Piginneqatigiiffiit, peqatigiiffiit il.il. akileraartussaatitat allattorsimaffiat

§ 5. Ukiup aningaasarsiorfiup naanerata kingorna januarimi piginneqatigiiffiit, peqatigiiffiit il.il. ukiumi aningaasarsiorfmsumi kommunimut pineqartumut akileraarfeqartut aammalu Akileraartarnermi Pisortaqarfimmut kommunitut akileraarfeqartut akileraartussaatitat sumiiffikkaartumik allattorsimaffii Akileraartarnermi Pisortaqarfiup suliarissavai. Aammattaaq aki-leraartussaatitat nuna tamakkerlugu ataatsimut allattorsimaffiat suliarineqassaaq.

§ 6. Piginneqatigiiffiit, peqatigiiffiit il.il. akileraartussaatitat sumiiffikkaartumik allattorsimaffiannut ilanngunneqarsimanatik kommunimut pineqartumut akileraarfeqartut aammalu Akileraartarnermi Pisortaqarfimmut kommunitut akileraarfeqartut pillugit paasissutissat kommunimi Akileraartarnermilu Pisortaqarfimmi pigineqareersut tunngavigalugit akileraartussaatitat sumiiffikkaartumik allattorsimaffiat naqqissorneqartassaaq.

 

Aalajangersakkat allat

§ 7. Akileraartussaatitat allattorsimaffii §§-ini 3-miit 6-imut taaneqartut kommunip Akileraartarnermilu Pisortaqarfiup akileraartartunut nammineerluni nalunaarsuiffissanik nassiussuinissaannut aammalu angissusiliinerit suliarineqarsimasut allattorsimaffii, pisortat akileraarusiisartut angissusiliinerup inerneqarnerata kingorna aningaasarsianit akileraarutit pillugit inat-simmi § 56, imm. 1 naapertorlugu Skatterådimut nassiuttagaannut, tunngaviussapput.

§ 8. Nalunaarut 15. december 1996-imi atuutilissaaq.
Imm. 2. Nalunaarut ukioq aningaasarsiorfik 1997 aallarnerfigalugu sunniuteqalissaaq.
Imm. 3. Tamatumunnga peqatigitillugu akileraartartunut allattorsimaffik pillugu Namminersornerullutik Oqartussat nalunaarutaat nr. 1, 26. juni 1979-imeersoq atorunnaarsinneqarpoq.

Namminersornerullutik Oqartussat, 28. november 1996.

Daniel Skifte

/

Kaare Hagemann