Peqqinnissaqarfiup sullissinerinut akiliuteqartarneq pillugu Namminersornerullutik Oqartussat nalunaamtaata nr. 7, 30. marts 1993-imeersup allanngortinneqarneranik Namminersornerullutik Oqartussat nalunaarutaat nr. 10, 24. april 1996-imeersoq.

 

§ 1.

Peqqinnissaqarfiup sullissinerinut akiliuteqartarneq pillugu Namminersornerullutik Oqartussat nalunaarutaanni nr. 7-imi, 30. marts 1993-imeersumi allannguutigitinneqassaaq:

§ 4 imatut oqaasertaqassaaq:
"§ 4. Tusartaatit nalinginnaasut nakorsamit atugassanngortinneqartut akeqanngillat.
Imm. 2. Tusartaatit nalinginnaasuunngitsut nakorsamit atugassanngortinneqartut akeqanngillat, atugassanngortitsineq atuisup tusilarnerata tusartaammit nalinginnaasumit ikiorserneqarsinnaannginneranik nakorsap naliliineranik tunngaveqarpat.
Imm. 3. Tusartaatinut imm. 1-imi aamma 2-mi pineqanngitsunut aningaasartuutit atuisup akilissavai.
Imm. 4. Tusartaatinik imm. 1-imi aamma 2-mi pineqartunik iluarsaanerit taarsiinerilluunniit akeqanngillat, atorsinnaajunnaarallarnerat nalinginnaasumik atorneqarnerisa kingunerippassuk. Paarsinerlunneq imaluunniit nammineq pisuussutigalugu tammaaneq pissutaallutik iluarsaanernut taarsiinernulluunniit aningaasartuutit atuisumit akilerneqassapput.
Imm. 5. Peqqinnissamut, Avatangiisinut Ilisimatusarnermullu Pisortaqarfik tusartaatit nalinginnaasut pillugit aalajangersagaliussaaq."

 

§ 2.

Nalunaarut ulloq 24. april 1996 atuutilerpoq.

Namminersornerullutik Oqaartussat, ulloq 24. april 1996

Marianne Jensen

/

Torben Cordtz