Namminersornerullutik Oqartussat nalunaarutaat nr. 6, 29. februar 1996-imeersoq qilalukkanik qaqortanik qernertanillu piniarneq pillugu nalunaarummut nr. 30, 11. oktober 1995-imeersumut allannguutaasoq.

 

§ 1.

§ 6 allanngortinneqarpoq imaalillugu:
"§ 6. Kalaallit Nunaata imartaani angallatit atorlugit qilalukkanik qaqortanik qernertanillu piniarnermi maleruagassat makku atuupput:
1) Angallatit 25 BRT/18 BT-tut angitigisut imaluunniit taakkuninnga minnerusut taamaallaat qernertanik qaqortanillu qilalugaqqusaapput, taakkuninngalu pisititsisinnaapput kiisalu tunitsivinnut tunisisinnaatitaallutik.
2) Angallatit 50 BRT/50BT-tut angitigisut imaluunniit taakkuninnga minnerusut, kisianni 25 BRT/18 BT-mit anginerit namminermut atugassanik qernertanik qaqortanillu qilalugarsinnaatitaapput. Immikkoortumi tassani angallatit pineqartut tuniniaasinnaatitaanngillat tunitsivinnullu tunisisinnaatitaanatik.
3) Angallatit 79,9 BRT/210 BT-tut angitigisut imaluunniit taakkuninnga mikinerusut, kisianni 50 BRT/50 BT-mit anginerit amerlanerpaamik qilalukkanik qernertanik qaqortanilluimniit marlunnik angalanermi ataatsimi taquassatut pisaqarsinnaapput. Immikkoortumi tassani angallatit pineqartut qilalugartaminnik tunisisinnaanngillat tuniniaasinnaanatillu.
4) Angallatiniit 79,9 BRT/210 BT-mik anginerusuniit qilalukkanik qaqortanik qernertanillu piniarneq inerteqqutaavoq.
5) Angallatit 25 BRT/18 BT-mit anginerusut qilalugarniarnermi angallatinut 25 BRT/18 BT-tut angitigisunut imaluunniit taakkuninnga minnerusunut kalitsitut aallaavittulluunniit atoqqusaanngillat. Angallatittaaq 25 BRT/18 BT-tut angitigisut imaluunniit taakkunannga anginerusut angallatinut 25 BRT/18 BT-miit minnerusunut qilalugartanik pilaffittut aammalu assartuutitut atornissaat inerteqqutaavoq.
6) Nalunaarummi uani angallatitut aallaavittut kalitsitulluunniit pineqarput angallatit 25 BRT/18 BT-mit anginerusut 25 BRT/18 BT-tut angitigisunut taakkunanngaluunniit minnerusunut qilalugarniarnermi piniarfimmut piniarfimmiillu kalitsitut, aallaavittut, pilaffittut pisanilluunniit assartuutitut atorneqartut.
Imm. 2. Nalunaarummi matumani angallatip oqimaassutsimut killigititamik qaangiisimaneranut ataassisimaneranulluunniit aalajangiisuussaaq oqimaassutsip angallatip uuttuutaanut uppernarsaammi (målerbrev) allassimanera. Uuttueriaatsit pillugit maleruagassat sorliit angissusaannut uuttuummik atulersitsinermut tunngaviliisuusimanersut apeqqutaatinnagit."
Imm. 3. Kommune kommunemi ileqqoreqqusakkut imm. 1-mi piumasanit sakkortunerusunik aalajangersaasinnaavoq."

 

§ 2.

Nalunaarut atuutilerpoq ulloq 1. marts 1996.

Namminersornerullutik Oqartussat, ulloq 29. februar 1996.

Pāviāraq Heilmann

/

Bent Buch