Naalakkersuinikkut sulinermut aningaasatigut tapiissuteqartarneq pillugu Inatsisartut inatsisissaat nr. 9, 30. oktober 1995-imeersoq
§ 1. Inatsisartuni naalakkersuinikkut sulineq nukittorsarniarlugu naalakkersuinikkut suliniaqatigiiffiit, partiit, Inatsisartuni ilaasortaatitaqartut aammalu ilaasortat partiit avataatigut qinigaasut aningaasatigut tapiissuteqarfigineqartassapput.
Imm. 2. Aammattaaq aningaasatigut tapiissuteqartoqarsinnaavoq kommunimut aammalu inatsisartunut qinersinermi qinigassanngorteqataanermi aningaasartuutit matussutissaannut.
Inatsisartuni sulinermut tapiissutit
§ 2. Naalakkersuinikkut partii, Inatsisartuni ilaasortaatitaqartoq, partiip naalakkersuinikkut sulineranut atugassanik tapiissutisisinnaatitaavoq. Tapiissutit ukiumoortumik annertussuseqarput 210.000 kr.-inik aammalu inatsisartunut qinersinermi kingullermi partiimik taasinermut ataatsimut 60 kr.-inik.
Imm. 2. Inatsisartunut ilaasortaq, partiit avataatigut qinigaasimasoq, naalakkersuinikkut sulinerminut atugassaminik tapiissutisisinnaatitaavoq. Tapiissutit ukiumoortumik annertussuseqarput 210.000 kr.-inik aammalu inatsisartunut qinersinermi taasinermut ataatsimut 60 kr.-inik. Ilaasortaq qinigassanngortittut allat kattusseqatigalugit qinigassanngortissimappat tapiissutit tunniunneqassapput inatsisartunut qinersinermi kingullermi kattusseqatigiinnut taasinerit qassiuneri tunngavigalugit.
Imm. 3. Inatsisartuni ilaasortat arlaqartut kattusseqatigiillutik qinigaasimagunik naalakkersuinikkut sulinerminnut ataatsimoorlutik tapiissutisisinnaatitaapput. Tapiissutit ukiumoortumik annertussuseqarput 210.000 kr.-inik aammalu inatsisartunut qinersinermi kingullermi taasinermut ataatsimut 60 kr.-inik.§ 3. § 2 malillugu naalakkersuinikkut sulinermut tapiiffigineqarnissamik qinnuteqaat tunniunneqassaaq inatsisartunut qinersinerup kingorna qaammatit marluk qaangiutsinnagit. Tapiissutit tunniunneqassapput inatsisartunut qinersinerup kingornatigut ukiumi tulliuttumi januarip aallaqqaataaniit tullianik inatsisartunut qinersiviusup ukiuani decemberip 31 -ata tungaanut, taamaattoq tak. imm. 3 aamma § 7, imm. 2.
Imm. 2. Tapiissutit tunniunneqartassapput ukiumut ataasiartumik ukiumi tapiissutisiffmsussami aprilip aallaqqaata nallertinnagu, taamaattoq tak. imm. 3.
Imm. 3. Partiinut Inatsisartuni ilaasortaatitaqartunut aamma ilaasortanut partiit avataatigut qinigaasunut Inatsisartuni tunuartuni ilaasortaatitaqarsimanngitsunut tapiissutit tunniunneqassapput qaammatip inatsisartunut qinersiffmsup naanera aallarnerfigalugu. Tapiissutit tunniunneqassapput qinnuteqaammik tunniussinermit qaammatit marluk qaangiutsinnagit, aammalu ukiumoortumik tapiissutissat, qaam-matip qinersiviusup naaneraniit naatsorsorlugu, ilaattut naammattumik annertussusilittut.
Qineqqusaarnermut tapiissutit
§ 4. Partii imaluunniit partiit avataatigut qinigassanngortittoq nunaqarfinni aqutsisunut kommunimut imaluunniit inatsisartunut qinersinissamut qinigassanngorteqataasoq tapiissutisitinneqarsinnaavoq qinersinissaq sioqqullugu naalakkersuinikkut sulinermi aningaasartuutit matussutissaannik.
Imm. 2. Partiinut aamma partiit avataatigut qinigassanngortittunut tapiissutit annertussusissaat aningaasanut inatsisikkut aalajangersarneqassapput.§ 5. Qinersineq sioqqullugu naalakkersuinikkut sulinermut peqataanermi aningaasartuutinut matussutissanik qinnuteqaat tunniunneqareersimassaaq kingusinnerpaamik qinersinemp kingorna qaammatit marluk qaangiutsinnagit.
Qinnuteqaateqarneq tunniussinerlu
§ 6. § 2 aamma § 4 malillugit tapiiffigineqarnissamik qinnuteqaatit tunniunneqassapput naalakkersuisunut, aamma tapiissuteqarnissamut piumasaqaatinik naammassinnnittoqarsimanersoq aalaj angiisuusussanut.
Imm. 2. Tapiiffigineqarnissamik qinnuteqaat nassiunneqassaaq partiip siulersuisuunerinit, inatsisartuni ilaasortamit partiit avataatigut qinigaasumit imaluunniit partiit avataatigut qinigassanngortittumit Nassiussisut aamma tapiissutinik tigusisuussapput.§ 7. Inatsisartut inatsisaat manna malillugu tapiissutit aningaasartaat ilineqassapput aningaaserivimmi kontomut, siunertanut allanut atorneqartussaanngitsumut.
Imm. 2. § 2 malillugu tapiissutisisut ukiut tamaasa aprilip aallaqqaataa nallertinnagu naalakkersuisunut uppernarsaatitut nalunaarutigisassavaat qaammatisiutit ukiuannut qaangiuttumut tapiissutaasimasut naalakkersuinikkut sulinermut atorneqarsimanerat kiisalu tamatuma ingerlateqqinniarneqarnera. Uppernarsaatitut nalunaarummik naammaginartumik nassitsineqanngippat naalakkersuisut aalajangersinnaavaat tapiissutinit tunniutassanngortut kinguartinneqassasut imaluunniit peerneqassasut.
Imm. 3. § 4 malillugu tapiissutisisut qinersereernerup kingornatigut qaammatit pingasut qaangiunneranni naalakkersuisunut uppernarsaatitut nalunaarutigissavaat tapiissutaasimasut qinersinissaq sioqqullugu naalakkersuinikkut sulinermut peqataanermi aningaasartuutinut matussutissatut atorneqarsimanerat. Uppernarsaatitut nalunaarummik naammaginartumik nassitsineqanngippat naalakkersuisut aalajan-gersinnaavaat tapiissutaasimasut tamakkiisumik ilaannakortumilluunniit utertinneqassasut.§ 8. Inatsit manna malillugu tapiissutit akileraamteqaataasussatut isertitatut naatsorsuunneqassanngillat. Tapiissutit erniaasigut isertitat akileraaruteqaataasussatut isertitatut naatsorsuunneqassanngillat.
Imm. 2. Inatsisartut inatsisaat manna malillugu tapiissutinut aningaasartuutit landskarsimit akilerneqassapput.§ 9. Inatsit atuutilerpoq 1. januar 1996.
Namminersornerullutik Oqartussat, ulloq 30. oktober 1995
Lars Emil Johansen/
Kaj Kleist