Kalaallit Nunaanni Naalakkersuisut aamma Nunatsinni Atorfillit Kattuffissuata akornanni isumaqatigiissutit piffissami 1. april 1995-imit 31. marts 1997-imut sivitsorneqarnerat pillugu Inatsisartut inatsisaat nr. 5, 12. juni 1995-imeersoq.

 

§ 1. Inatsit Kalaallit Nunaanni Naalakkersuisut aamma Nunatsinni Atorfillit Kattuffissuata akornanni isumaqatigiissutinut tamanut 31. marts 1995-imi atorunnaarsinneqartunut atuuppoq.
Imm. 2. Isumaqatigiissutit imm. 1-imi taaneqartut imaat allanngortinnagit piffissami 1. april 1995-imit 31. marts 1997-imut sivitsorneqarput.

§ 2. § 1, imm. 2-mi ittutut aalajangersagaqaraluartoq taamaattoq tamanna akornutissaanngilaq 31. marts 1995 akissarsiat tamarmiusut 1,9 %-ii killiliullugit isumaqatigiinniartartut allannguutissanik isumaqatigiissuteqassappata, tamatumunnga peqatigitillugu sulisunut tjenestemanditut atorfilinnut tjenestemanditullu atorfilinnut assingusunut, 1. april 1997-imi kingusinnerusukkulluunniit atorfinitsinneqartunut sulinngiffeqarnermi akiliunneqarluni angalasinnaatitaanerup atorunnaarsinneqarnissa pillugu isumaqatigiissuteqartoqarsinnaassappat.
Imm. 2. Imm. 1 naapertorlugu isumaqatigiinniarnissamik piumasaqaat 15. juli 1995 nallertinnagu saqqummiunneqassaaq isumaqatigiissuteqartoqarsimassallunilu 1. oktober 1995 nallertinnagu.
Imm. 3. Isumaqatigiissutit imm. 1 malillugu isumaqatigiissutigineqartut § 1, iram. 2-mi taaneqartunut taarsiullutik atuutilissapput.

§ 3. Inatsit 12. juni 1995 atuutilerpoq, atorunnaassallunilu 31. marts 1997.

Namminersornerullutik Oqartussat, ulloq 12. juni 1995

Lars Emil Johansen

/

Daniel Skifte