Timmisartunut suluusalinnut mittarfínnik sanaartornissaq pillugu Inatsisartut inatsisaat nr. 4, 12. juni 1995-imeersoq
§ 1. Kalaallit Nunaanni timmisartukkut angallassinerup annertunerusumik timmisartunik suluusalinnik atuilluni ingerlanneqalernissaa siunertaralugu allanngortitsisoqarnissaanut Naalakkersuisut piginnaatinneqarput timmisartunut suluusalinnut mittarfinnik taakkununngalu atasunik aqqusinernik kommunini aqqusinernut qaninnerpaanut atasunik sanaartortitsinissamut sumiifinni makkunani: Upernavimmi, Qaarsuni, Aasianni, Sisimiuni, Maniitsumi, Paamiuni, Qaqortumi.
Imm. 2. Timmisartunut suluusalinnut mittarfiit ataasiakkaat sanaartorneqarnissaasa aallartinneqarnissamik piffissaq Naalakkersuisut aalajangersartassavaat, tamanna inuiaqatigiit aningaasarsiornerannut iluaqutaasussatut isumaqarfigineqarpat pissutsillu tamanna pisariaqartippassuk.§ 2. Timmisartunut suluusalinnut mittarfiit illuutillu taakkununnga atasut sanaartorneqassapput timmisartunut mittarfiit 799 meterinik takissuseqartillugit pisortat timmisartunut mittarfiutaannik sanaartorneq pillugu Statens Luftfartsvæsenip aalajangersagai malillugit.
Imm. 2. Naalakkersuisut aalajangersassavaat timmisartunut suluusalinnut mittarfiit illutaasalu aammalu aqqusinniassat inaarutaasumik inissinneqarnissaat angissusilernerilu teknikkikkut periarfíssat aningaasartuutissallu naleqqunneri tunngavigalugit, aamma inissiinermi angissusiliinernilu Statens Luftfatsvæsenip aalajangersagaasa eqquutinneri tunngavigalugit,
Imm. 3. Mittarfiit sapinngisamik inissinneqassapput kingusinnerusukkut 1199 meterinut tallineqarsinnaasunngorlugit.§ 3. Timmisartunut suluusalinnut mittarfiit inaarsarneqassapput Grønlandsflyp timmisartuutaasa naleqquttumik aningaasaqarnikkullu atorluaanerpaamik taarsersorneqarnerat isumannaarlugu aammalu nunatsinni ilaasunik angallassinerup tamarmiusup isumagineqarnera angallassinermilu aningaasaqarneq sianigalugit.
§ 4. Suliariumannittussarsiuussisarneq pillugu Inatsisartut inatsisaanni maleruagassat malillugit neqerooruteqarnerup ilusissaa aamma neqerooruteqarnermi pappiaqqani piumasaqaatit Naalakkersuisut aalajangersartassavaat. Sanaartornerup ingerlanneqamerini kalaallit peqataatinneqarnissaasa qulakkeerneqarnissaannut piumasaqaatit tulleriissaarneqarnerat aalajangersarneqassaaq, tassunga ilanngullugit Kalaallit Nunaanni inuussutissarsiorsinnaanermut allagartaqarnissamik, kalaallinik sulisoqarnissamik aamma sulisussanik ilinniartitsinissamik piumasaqaatit. Tamatuma kingornatigut akikinnerpaamik neqeroortutut isigineqassaaq akit aammalu kalaallit peqataanissaasa pingaarnersiornerannik siumut aalajangersarneqareersup kingornatigut akikinnerpaamik neqerooruteqartoq.
§ 5. Pisariaqartinneqarpat Naalakkersuisut pinngitsaaliissummik arsaarinninnikkut pigisat aalaakkaasut sanaartugassat inatsimmi matumani pineqartut naammassineqarnissaannut pisariaqartinneqartut pissarsiarisinnaavaat. Pigisanik aalaakkaasunik pinngitsaaliissummik arsaarinninneq pissaaq pigisanik aalaakkaasunik arsaarinninneq pillugu Inatsisartut inatsisaanni maleruagassat malillugit.
§ 6. Inatsisimmi matumani Namminersornerullutik Oqartussat aningaasartuutaat akilerneqassapput ukiumoortumik aningaasanut inatsimmi aningaasanik angissusilikkanik. Sanaartornerup ingerlannerani piffissamik nikittooruteqarnerit pissutigalugit aningaasat atunngitsuukkat aningaasaliissutigeqqinneqassapput ukiumi tullermi aningaasaliissutissanut angissusiliussat amerlinerisigut.
Imm. 2. Naalakkersuisut aalajangersaavigissavaat sanaartornermi aningaasartuutit agguataameqarnissaat sanaartornissamut inatsisip naammassineqarnissaanut ilagitinneqarsinnaasut aamma aningaasartuutit siunertat allat naammassineqarnissaannut ilagitinneqarsinnaasut, taakkununnga ilanngullugit kommunini illoqarfiit ineriartortinneqarnissaannut pilersaarusiornermut aningaasartuutit.§ 7. Inatsit atuutilerpoq 12.juni. 1995.
Namminersornerullutik Oqartussat, ulloq 12. juni 1995
Lars Emil Johansen/
Peter Grønvold Samuelsen