Inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 9, 30. oktober 1995-imeersoq.

 

§ 1.

Inissialiornermut tapersiissuteqartarneq pillugu Inatsisartut peqqussutaanni nr. 1, 9. april 1992-imeersumi allanngortinneqarput:

1. § 2-mi imm. 1-ip kingornatigut nutaatut ilanngunneqassaaq:
"Imm. 2. Kapitali 4, 5 aamma 6 malillugit tapiissutit qinnuteqarnikkut tunniunneqartassapput. Inissiamik sananiarlutik pisiniarlutilluunniit qinnuteqartut utaqqisunut allattorsimaffinnut allanneqassapput. Utaqqisunut allattorsimaffimmiinnermut akiliuteqartarnissaq pillugu Naalakkersuisut erseqqinnerusunik maleruagassiussapput".

Imm.2 taamaalilluni imm. 3-ngussaaq

2. § 12, imm. 1 imatut oqaasertaqassaaq:
"§ 12. Taarsigassarsiat taarsersorneqassapput taarsigassarsiat aallaqqaammut annertussusaasa katillugit 7%-iannik ukiumut akiliisarnikkut, taakkunannga erniat tassaallutik taarsigassarsianit qaqugukkulluunniit sinneruttunit 6%-it, sinnerilu akilersuutaallutik, taamaattorli imm. 2 takuuk. Taarsigassarsisitsisup aalajangissavaa ukiumut akilersuutit qaammatikkuu-taartumik, qammatit pingasukkuutaartumik ukiup affakkaartumilluunniit akilersorneqassanersut."

 

§ 2.

Peqqussut atortuulissaaq ulloq 15. november 1995.

Namminersornerullutik Oqartussat, ulloq 30. oktober 1995

Lars Emil Johansen

/

Daniel Skifte