Inissianik attartorneq pillugu Inatsisartut peqqussutaata allanngortinneqarneranik Inatsisartut peqqussutaat nr. 8, 30. oktober 1995-imeersoq.

 

§ 1.

Inissianik attartorneq pillugu Inatsisartut peqqussutaanni nr. 3, 13. juni 1994-imeersumi allanngortinneqarput:

1. § 4-mi imm. 8-tut ilanngunneqassaaq:
"Imm. 8. Kommunini sulisorisanut inissiaatit inissiat attartortittakkat tamarmiusut amerlassusiannut sanilliullugu amerlangaatsiaraangata, attartortitsisup aamma kommunalbestyrelsip Naalakkersuisut akuersitillugit inissianik atorneqanngitsunik piffissami aalajangersimasumi innersuussineq pillugu imm. 2-mi tulleriiaarinissamik taaneqartoq sanioqqutissallugu isumaqatigiissuteqarsinnaapput."

2. § 14-imi imm. 4-tut ilanngunneqassaaq:
"Imm. 4. Attartortoq attartortitsisumut siumut nalunaaruteqarnikkut inissiami naammaginartunik naleqquttunillu pitsanngorsaatinik il.il. suliaqarsinnaatitaavoq aningaasartuutigisimasanilu anisernermini utertissinnaallugit. Attartortitsisup attartortup attartukkamini pitsanngorsaanissaa itigartissinnaavaa, tamanna immikkut pissutissaqarluarsorinaraangat. Anisernermi aningaasartuutinik utertitsisarnermi maleruagassat erseqqinnerusut Naalakkersuisut aalajangersassavaat".

3. § 30, imm. 2, imatut oqaasertaqassaaq:
"Imm. 2. Imm. 1, nr. 2 naapertorlugu attartukkamik nutarsaaneq isaterinerluunniit pissutigalugit Namminersornerullutik Oqartussat kommunilluunniit attartorneq atorunnaarsippassuk, attartortoq inissiamik allamik innersuunneqassaaq, § 4, imm. 2, nr. 3, aamma imm. 6 naapertorlugit. Inissiamik allamik innersuussisussaatitaaneq taamaallaat atuuppoq, attartukkami atonannaarsinneqartumi attartornermut isumaqatigiissut attartortumit malinneqarsimasaraangat."

4. § 30-imi imm. 3-tut ilanngunneqassaaq:
"Imm. 3. Attartortut imm. 2 naapertorlugu nutarsaaneq pissutigalugu inissiamik allamik innersuunneqarsimasut, nutarsaareernerup kingornagut inissiaqarfímmi nutarsarneqarsimasumi inissiamik innersuunneqarnissamut salliutinneqarsinnaatitaapput. Salliutinneqarsinnaatitaaneq taamaallaat atuuppoq, taarsiullugu inigitinneqartumi attartornermut isumaqatigiissut attartortumit eqqortinneqarsimappat attartortullu inissiamik innersuunneqarnissamut piumasaqaatit allat naammassisimappagit."

5. § 30-mi imm. 4-tut ilanngunneqassaaq:
"Imm. 4. Attartortut imm. 2 naapertorlugu isaterineq pissutigalugu inissiamik allamik innersuunneqarsimasut, inissiaqarfmni inissiat isaterneqartut nunataanni sananeqartuni inissiamik innersuunneqarnissamut salliutinneqarsinnaatitaapput. Salliutinneqarsinnaatitaaneq taamaallaat atuuppoq, taarsiullugu inigitinneqartumi attartornermut isumaqatigiissut attartortumit eqqortinneqarsimappat attartortullu inissiamik innersuunneqarnissamut piumasaqaatit allat naammassisimappagit."

6. § 33-mi imm. 2 naggatitut kingullertut ilanngunneqassaaq:
"Aningaasartai koruuninngorfíssaannut qaninnerpaanut akunnaallilerneqassapput.

§ 7. § 33-mi imm. 8-tut ilanngunneqassaaq:
"Imm. 8. Imm. 2-mi taaneqartutut piumasaqaammut akiliut aammattaaq akileqquneqarsinnaavoq attartukkanut, peqqussutip atuutilinnginnerani isumaqatigiissutaasimasunut § 36, imm. 2-mi aalajangersagaq apeqqutaatinnagu."

 

§ 2.

Peqqussut atuutilerpoq ulloq 15. novemter 1995.
Imm. 2. Taamaattorli § 1, nr. 3, 4 aamma 5 inissiaqarfinni attartukkanut atuupput, nutarsaaneq isaterinerluunniit peqqussutip atuutilinnginnerani aallartinneqarsimappata.

Namminersornerullutik Oqartussat, ulloq 30. oktober 1995

Lars Emil Johansen

/

Daniel Skifte