Tusagassiortunngorniat ilinniartitaanerat pillugu Inatsisartut peqqussutaat nr. 6, 30. oktober 1995-imeersoq.
Inuutissarsiutinik ilinniartitsisarnermik Kalaallit Nunaannut inatsimmi nr. 582-imi 29. november 1978-imeersumi § 1 naapertorlugu aalajangersarneqarpoq:
§ 1. Tusagassiortunngorniatut ilinniartitaanerup i-linniagaqartut tusagassiuutit ingerlanneqartut iluini atuagarsornikkut sulinikkullu tusagassiortutut sulisinnaanngortillugit aamma tusagassiuutinik ineriartortitsinermi peqataasinnaanngortillugit piginnaaneqalersissavai.
Imm. 2. Tusagassiornermik Ilinniarfiup tusagassiortunngorniatut ilinniartitaaneq ingerlatissavaa.§ 2. Tusagassiortunngorniatut ilinniartitaanermi tiguneqarnissamut piumasaqaataavoq, qinnuteqaateqartoq ilinniarnertuunngorniarfimmi ilinniartitaanermik aamma ilinniagaqalerniarluni misilitsinnermi § 4 malillugu angusisimanissaa.
Imm. 2. Qinnuteqartut atuagarsornikkut naleqquttumik imalimmik allamik ilinniagaqarsimasut ilinniartunngorsinnaapput. Tamakku pillugit aalajangersakkat Naalakkersuisut aalajangersassavaat.§ 3. Tusagassiortunngorniarluni ilinniartitaaneq ukiuni pingasuni affarmillu sivisussuseqarpoq immikkoortunullu pingasunut agguarneqarsimalluni, siulleq atu agarsornikkut ilinniartitsinerusoq, aappaat sulinermik sungiusarneq pingajuallu atuagarsornikkut ilinniartitsinerusoq.
Imm. 2. Immikkoortut pingajuata kingorna angusinikkut Tusagassiornermik Ilinniarfik tusagassiortumut ilinniagaqarnermik naammassinnissimanermut uppernarsaasiissaaq.§ 4. Naalakkersuisut aalajangersassavaat tusagassiortunngorniatut ilinniartitaanerup annertussusilersugaanera, aaqqissuussaanera, sivisussusia, siunertaa, atuagarsornerup sulinermillu sungiusarnerup imarisai, naliliisarnerit aamma misilitsittarnerit pillugit kiisalu ilinniartitaanermut tiguneqarneq, taamatuttaaq ilinniartunngorniarluni misilitsinnerit pillugit aalajangersakkat.
§ 5. Naalakkersuisut pilersissavaat ilinniartitaanermut siunnersuisoqatigiit, "Tusagassiortunngorniat Ilinniartitaanerat pillugu Ilinniartitaanermut Siunnersuisoqatigiit", inunnik tusagassiornermut ilinniartitaanermullu tunngasunik paasisimasalinnik suliamillu ilisimasalinnik ilaasortaqartoq.
Imm. 2. Ilinniartitaanermut siunnersuisoqatigiit Tusagassiortunngorniat Ilinniartitaanerannut Brancheudvalg taarserpaat.
Imm. 3. Naalakkersuisut aalajangersassavaat siunnersuisoqatigiit ilaasortaqartitaanerat, piginnaatitaaffii suliassaallu pillugit maleruagassat.§ 6. Inatsisartut peqqussutaat 1. februar 1996-imi atuutilerpoq.
Namminersornerullutik Oqartussat, ulloq 30/10 1995.
Lars Emil Johansen/
Konrad Steenholdt