Pensionit, utoqqarnik paaqqinniffiit il.il. pillugit Inatsisartut peqqussutaata allanngortinneqarnerani Inatsisartut peqqussutaat nr. 5, 12. juni 1995-imeersoq.

 

§ 1.

Pensionit, utoqqarnik paaqqinniffiit il.il. pillugit Inatsisartut peqqussutaanni nr. 8-mi 22. oktober 1990-imeersumi kingusinnerusukkut allannguuteqartinneqarsimasumi makku allannguutigitinneqassapput:

1. § 8, imm. 1 aamma 2 imatut oqaasertalerneqassapput:
"§ 8. Pensionisiat tunngaviusumik aningaasartaat aningaasartat amerlanersaannik aningaasartalerlugit tunniunneqassapput, tak. siusinaartumik pensionisialinnut isertitatigut aaqqiissuteqartarneq pillugu imm. 2 aamma tunngaviusumik aningaasartat ikinnersaat pillugit imm. 3, aningaasallu taakku aningaasanut inatsimmi ukiumoortumik aalajangersaavigineqartassapput.
Imm. 2. Tunngaviusumik aningaasartat ukiumi akileraarfiusumi ilisimaneqartumi kingullerpaami pensionisiat saniatigut akileraaruteqaataasussanik isertitat (saniatígut isertitat akileraaruteqaataasussat) tunngavigalugit imatut aaqqiivigineqartassapput:
1) Aaqqiissuteqartarneq kisermaamut aallartissaaq saniatigut isertitat akileraaruteqaataasussat aningaasartaat aningaasanut inatsimmi aalajangersarneqartut aningaasartaat amerlaqatigilerpatigit, aningaasallu amerlassusiisa qummut killissaat aningaasanut inatsimmi aningaasat amerlassusissaat aalajangersarneqartut amerlaqatigilerpatigit tunngaviusumik aningaasartat peerneqassapput.
2) Aaqqiissuteqartarneq aappariinnut aallartissaaq saniatigut isertitat akileraaruteqaataasussat aningaasartaat aningaasanut inatsimmi aalajangersarneqartut aningaasartaat amerlaqatigilerpatigit, aningaasallu amerlassusiisa qummut killissaat aningaasanut inatsimmi aningaasat amerlassusissaat aalajangersarneqartut amerlaqatigilerpatigit tunngaviusumik aningaasartat peerneqassapput. Isertitatigut aaqqiissuteqartarneq imatut pisarpoq: Tunngaviusumik aningaasartat Annerpaamik tunngaviusumik aningaasartat ilanngaatigalugit (annerpaamik tunngaviusumik aningaasartat agguarlugit (akileraaruteqaataasussamik isertitat qummut killissaat imm. 2, nr. 1-imi aamma 2-mi aningaasanut inatsimmi aningaasat aaqqiissutissatut aalajangersarneqartut )) (saniatigut isertitat akileraaruteqaataasussat ilanngaatigalugit imm. 2, nr. 1-imi aamma 2-mi aningaasanut inatsimmi aningaasat aaqqiissutissatut aalajangersarneqartut)-nik amerlisarlugit. Pensionit saniatigut akileraaruteqaataasussanik isertitat 1000-imik agguarneqarsinnaasumut qaninnermut akunnaallisinneqassapput. Tunngaviusumik aningaasartassatut taamaaliornikkut inerneq pissarsiarineqartoq 12-imik agguarneqarsinnaasumut qaninnermut koruuninngorlugu akunnaallisinneqartassaaq."

2. § 11 atorunnaarpoq.

 

§ 2.

Inatsisartut peqqussutaat manna 1. juli 1995 aallarnerfigalugu atortuulersinneqarpoq.
Imm. 2. Tunniunneqartartut amerlassusii atuuttut 31 december 1995-ip tungaanut atuutiinnarallassapput.

Namminersornerullutik Oqartussat, ulloq 12. juni 1995.

Lars Emil Johansen

/

Benedikte Thorsteinsson