Meeqqat atuarfianni ilinniartitsisussat ilinniartitaasarnerat pillugu isumaginninnermillu suliaqartussanik ilinniartitsisarnerit pillugit Inatsisartut peqqussutaat nr. 1, 6. april 1995-imeersoq.

 

§ 1.

Meeqqat atuarfianni ilinniartitsisussat ilinniartitaasarnerat pillugu isumaginninnermillu suliaqartussanik ilinniartitsisarnerit pillugit Inatsisartut peqqussutaanni nr. 1, 16. maj 1989-imeersumi makku allannguutigitinneqassapput:

1. § 11 imatut oqaasertalerneqassaaq:
" § 11. Ilinniartunut tamanut ilinniartitsisussat ilinniartitaanerat makkuninnga imaqassaaq:
1) Fagit pinngitsoorani ilinniagassat:
a) Fagit pædagogikkimut tunngassuteqartut: Pædagogik, psykologi, didaktik, pædagogisk speciale aamma suliffimmi sungiusarneq.
b) Fagit: Kalaallit oqaasii allaqqissaarneq ilanngullugu, pinngortitalerineq, orienteringsfagit, kristumiussutsimut tunngasut, fagit assigiinngitsut mernguernartut aammalu qaffasissuseq 1-imi fagit makku: Qallunaatoorneq, tuluttoorneq aamma kisitsineq/matematik.
2) Fagit qinigassat:
a) Faginit ukunannga marluk: Qallunaatoorneq, tuluttoorneq, kisitsineq-/matematik, tamarmik qaffasissuseq 2-mi, fysik/kemi aamma
b) faginit ukunannga marluk: Ilusilersuineq, illumi suliassanik ilisima-sassat, assassorluni sulineq, timersorneq, erinarsorneq/nipilersorneq aamma sananeq.
3) Liniefagit:
Ilinniartup nammineq qinersinera malillugu fagit ukua ilaat marluk: Kalaallisoortitsineq, qallunaatooraeq, tuluttoorneq, kisitsineq/matematik, fysik/kemi, nunalerineq, uumasulerineq, oqaluttuarisaaneq, inuiaqatigiilerineq, upperisarsiorneq.
4) Tapertaasumik pikkorissarnerit.
Imm. 2. Fagit imm. 1-imi taaneqartut saniatigut ilinniartup qinersinnaavaa meeqqat atuarfiannut, inuutissarsiutinik ilinniartitaanermut imaluunniit sunngiffimmi ilinniartitsinermut tunaartaqartumik fagini neqeroorutaasunik ilinniartitaaneq."

2. § 12 imatut oqaasertalerneqassaaq:
" § 12. Pissutsit immikkut illuinnartut pisariaqartippassuk Naalakkersuisut ilinniartoq immikkut akuersissuteqarnikkut fagini § 11-mi taaneqartuni ataatsimi arlalinniluunniit atuannginnissaanik aalajangiisinnaapput.
Imm. 2. Imm. 1 naapertorlugu immikkut akuerineqarluni atuannginneq pillugu nalunaarut ilinniartup inerluni allagartartaavani allassimassaaq."

3. § 13 imatut oqaasertalerneqassaaq:
" § 13. § 11 malillugu ilinniartitaaneq ukiunik sisamanik sivisussuseqarpoq arfineq pingasunillu semestereqarluni."

4. § 14, imm. 1, imatut oqaasertalerneqassaaq:
" Fagit/fagini pineqartut inaarneqassapput misilitsinnernik, taakku oqaluinnarnerusinnaapput, allagaasinnaallutik "praktiskiullutillu" imaluunniit taakku akuleriinneqarsinnaallutik. Fagini /fagini pineqartuni ataasiakkaani inaarutaasumik misilitsinnerit annertussutsimikkut killileraeqassapput allaganngorlugu imaluunniit praktiskiusumik taartaatillugit suliatigut. Taartaatillugu suliassaq ilinniartitsisumit akuerineqassaaq. Suliffimmi misiliineq inaarneqassaaq angusanik naliliinermik."

 

§ 2.

Inatsisartut peqqussutaat una 1. august 1995-imiit atortuulerpoq atuutissallunilu ilinniartunut ukiumi ilinniarfiusumi 1995/96-imi tamatumalu kingorna ilinniartussatut tiguneqartunut.
Imm. 2. Ilinniartut 1. august 1994-imi ilinniartitsisunngorniartut 1., 2., imaluunniit 3. klasseanni tiguneqarsimasut ilinniakkatik inaarsassavaat aalajangersakkat meeqqat atuarfianni ilinniartitsisussat isumaginninnermillu suliaqartussat ilinniartitaasarnerat pillugu Inatsisartut peqqussutaat nr. 1 ulloq 16. maj 1989-imeersoq naapertorlugu atortuusut malillugit. Taamaattoq maleruagassat makku malillugit ilinniarnerup naammassineqarnissaa aatsaat pisinnaavoq soraarummeerfik maj/juni 1998 tikillugu ilanngullugulu.
Imm. 3. Aalajangersakkat Inatsisartut siusinnerusukkut peqqussutaanni imm. 2-mi taaneqartumi tamatumanilu pineqartup iluani siusinnerusukkut Inatsisartut peqqussutaanni atortussatut nalunaarutigineqartut atortuuinnassapput Inatsisartut peqqussutaanni matumani tunngaveqartumik aalajangersakkatigut allanik taarserneqarnissamik imaluunniit atorunnaarsinneqarnissamik tungaannut.

Namminersornerullutik Oqartussat, ulloq 6. april 1995

Lars Emil Johansen

/

Konrad Steenholdt