1996-imi avaataasiorluni aalisarnermi pisassarititaasut pillugit Namminersornerullutik Oqartussat nalunaarutaat nr. 38, 29. december 1995-imeersoq.
Inuussutissarsiutigalugu aalisarneq pillugu Inatsisartut inatsisaanni nr. 17, 22. oktober 1990-imeersumi § -it 4, 8, 19 aamma 28 naapertorlugit aalajangersarneqarpoq:
Atuuffii
§ 1. Nalunaarut imartanut Kalaallit Nunaata aalisarnikkut oqartussaaffigisaani avataasiorluni aalisarnermi atuuppoq.
Imm. 2. Imartat Kalaallit Nunaata aalisarnikkut oqartussaaffigisai tassaapput:
1) "Kalaallit Nunaata Avannaata Kitaa", tassaasoq NAFO-p killeqarfiisa ilaata 1-ip avannarpasissutsip 68°00'-ip avannaaniittoq.
2) "Kalaallit Nunaata Kitaa" tassaasoq NAFO-p killeqarfiisa ilaata 1-ip avannarpasissutsip 68°00'-ip kujataaniittoq.
3) "Kalaallit Nunaata Kangia (Tunu)" tassaasuni ICES-ip killeqarfiisa ilaanni II-imik, V-imik, XXI-imik XVI-imillu taaguutilinni, imartani Kalaallit Nunaata aalisarnikkut oqartussaaffigisaaniittuni.
4) "Basisliniat" (tunngaviusumik killigititat) ministeriuneqarfiup Kalaallit Nunaata eqqaani imartat aalisarnikkut oqartussaaffigisat pillugit nalunaarutaani nr. 629-imi 2. december 1976-imeersumi, nr. 176-imi 14. maj 1980-imeersumi aamma nr. 637-imi 6. september 1991-imeersumi aalajangersarneqarsimapput.
Imm. 3. Avataasiorluni aalisarnermi pineqarpoq aalisarneq, angallatinit angallatip angissusiata uuttuutaani uppernarsaat malillugu 75 BRT/BT 120-imik angissuseqartunit ingerlanneqartoq aamma nalunaarummi allami tamanna pillugu aalajangiisoqarsimanngippat.
Pisassat
§ 2. Aalisakkanit ilanngussami taaneqartunit pisassarititaasut tamakkerlugit (TAC) aalajangersarneqarput ilanngussami kolonne 1-imi takuneqarsinnaasutut.
§ 3. Aalisakkanit ilanngussami taaneqartunit kalaallit aalisariutaataat Inuussutissarsiutigalugu aalisarneq pillugu inatsimmi § 5 naapertorlugu ilanngussami kolonne 2-mi pisassarititaasutut taaneqartunit amerlanerunngitsunik aalisarsinnaatitaapput.
Imm. 2. Kalaallit angallataataat, raajarniarnissamut akuersissummik pigisaqartut aamma pisassaqarfiusumi § 1, imm. 2, nr. 1-i malillugu "Kalaallit Nunaata Avannaata Kitaani" ukiumut pisassanik pisassinneqarsimasut aammattaaq ukiumut raajanit pisassatik taakku § 1, imm. 2, nr. 2 malillugu "Kalaallit Nunaata Kitaani" aalisarsinnaavaat.§ 4. Angallatit nunani EU-mut ilaasortaasuni nalunaarsorneqarsimasut, ilanngussami kolonne 3-mi pisassarititaasutut taaneqartut kisiisa aalisarsinnaavaat.
§ 5. Angallatit Savalimmiuni nalunaarsorneqarsimasut ilanngussami kolonne 4-mi pisassarititaasutut taaneqartut kisiisa aalisarsinnaavaat.
§ 6. Angallatit Islandimi nalunaarsorneqarsimasut ilanngussami kolonne 5-imi pisassarititaasutut taaneqartut kisiisa aalisarsinnaavaat.
§ 7. Angallatit Norgemi nalunaarsorneqarsimasut ilanngussami kolonne 6-imi pisassarititaasutut taaneqartut kisiisa aalisarsinnaavaat.
§ 8. Angallatit Ruslandimi nalunaarsorneqarsimasut ilanngussami kolonne 7-imi pisassarititaasutut taaneqartut kisiisa aalisarsinnaavaat.
§ 9. Aalisarnermut, Piniarnermut Nunalerinermullu Pisortaqarfik piginnaatinneqarpoq nalunaarummut matumunnga ilanngussap nutarterneqarnissaanut, pisassat tamarmiusut (ilanngussami kolonne 1-mi) naalakkersuisunit allanngortinneqassagaluarpata, imaluunniit nunanik allanik isumaqatigiissuteqarnerup kingunerisaanik pisassat tamarmiusut (ilanngussani kolonneni 2-mit 7-mut) allatut agguataarneqassagaluarpata.
§ 10. Naalakkersuisunut ilaasortap angallatinut §-ini 3-mit 8-mut taaneqartunut pisassarititaasutut akuersissutit tunniussaasa amerlassusiat atuunnerisalu sivisussusissaat pisassat tamarmiusut annertussusiinut naapertuutissapput, agguaassinerlu angallatit taaneqartut aalisarsinnaasaat eqqarsaatigalugit pissalluni.
Aalisarunnaarneq
§ 11. Naalakkersuisunut ilaasortap ilanngussami pisassatut allanneqarsimasut tamakkerlugit aalisarneqarsimanerisa malitsigisaanik aalisariutit §-ini 3-mit 8-mut taaneqartut aalisakkanik pineqartunik aalisarnerat unitsissavaa. Nunat ataasiakkaat pisassaannit pisat tamarmik immikkut nalunaarsorneqartassapput EU-lu matumani nunatut ataatsitut isigineqassalluni.
Imm. 2. § 3 naapertorlugu kalaallit angallataataasa aalisarunnaarnissaat sapinngisamik radiukkut tusagassiutitigullu nalunaarutigineqassaaq.
Imm. 3. Angallatit nunanit allaneersut §-ini 4-mit 8-mut pineqartut aalisarunnaarnissaat telexikkut telegrammikkulluunniit angallammut pineqartumut nalunaarutigi-neqassaaq. Angallatinut EU-mi nalunaarsorneqarsimasunut pineqartunut nalunaarutip assinganik EU-kommissionimut nassiussisoqassaaq. Nunat allamiut aalisariutaat allat eqqarsaatigalugit taamatuttaaq nalunaartoqassaaq nunap pineqartup aalisarnikkut oqartussaasuinut.
Imm. 4. Nalakkersuisunut ilaasortamit piffissaliunneqartoq eqqorlugu angallatit aalisarunnaassapput.
Pineqaatissiissutaasinnaasut.
§ 12. Nalunaarummi aalajangersakkanik unioqqutitsinerit akiliisitaanermik kinguneqarsinnaapput. Angallammiit unioqqutitsisumik aalisartoqartillugu aalisarnermi atortuutit atorneqartut arsaarinnissutaasinnaapput, angallatip pisai tamakkerlugit taakkualuunniit nalingat, taakkununnga ilanngunnagit pisat, unioqqutitsisuunngitsumik aalisarnermi pisarineqarsimasut. Tamanna pillugu suliassat nalinginnaasumik Inussutissarsiutigalugu aalisarneq pillugu inatsimmi maleruagassat malillugit suliarineqartassapput.
Atuutilerfia
§ 13. Nalunaarut atuutilissaaq 1. januar 1996-imi. Tamatumunnga peqatigitillugu 1995-imi aalisarnermi pisassarititaasut pillugit Namminersornerullutik Oqartussat nalunaarutaat nr. 28, 11. september 1995-imeersoq atorunnaarsinneqarpoq.
Namminersornerullutik Oqartussat, ulloq 29. december 1995.
Pāviāraq Heilmann/
Bent Buch
Ilanngussaq (pdf-format)