Kommunini inuusuttut sulliviinut tapiissutit pillugit Namminersornerullutik Oqartussat nalunaarutaat nr. 37, 29. december 1995-imeersoq.
Suliffissarsiuussisarneq pillugu Inatsisartut peqqussutaanni nr. 11-imi 16. december 1988-imeersumi § 19, imm. 2 naapertorlugu makku aalajangersarneqarput:
Kapitali 1.
Siunertat ataatsimoortumillu aalajangersakkat§ 1. Kommunini inuusuttut sulliviini siunertarineqarpoq inuusuttut suliffissaaleqisut piginnaassutsikkut qaffassaataasumik suliassaqarnissamik neqeroorfigineqarnissaat, taamaasiornikkut:
1) qulakkiissallugu inuusuttup ilinniagaqarnermigut suliffissaqarnermigullu piginnaasareriigaasa pigiinnarnissaat tammatsaaliorniarlugit,
2) inuusuttoq nalinginnaasumik sulisinnaassutsikkut piginnaasanik tunissallugu, matumani naleqqussarsinnaanermut suleqateqarsinnaanermullu piginnaanermik, piumassutsimik akisussaassutsimillu tunniussineq ilanngullugit, aamma
3) inuusuttup suliffîmmik ilinniartitaanermilluunniit allamik toqqaanissaani periarfíssai pitsanngorsarniarlugit.§ 2. Kommunini inuusuttut sulliviisigut inuusuttut 15-init 24-inut ukiullit, meeqqat atuarfiannit aninermik kingorna sulisinneqarnissamut imaluunniit ilinniartitaanermut tiguneqarnissamut piumasaqaataasunik amigaatillit, kiisalu inuusuttut allat suliffeqanngitsut sullinniarneqarput.
Imm. 2. Pissutsit ajornartinngippassuk imm. 1-imi malittarisassat atortinneqannginnissaat Naalakkersuisut immikkut akuersissutigisinnaavaat.§ 3. Kommunalbestyrelsip inuusuttut sulliviisa pilersinneqarnerat ingerlanneqarnerallu akisussaaffigai.
§ 4. Kommunalbestyrelsip pingaarnerusutigut aqutsineq aamma inuusuttut sulliviini ingerlatassat pilersaarusiorneqarnissaat akisussaaffigai.
§ 5. Inuusuttut sulliviinut naleqquttunik inissaqartitsinissaq, aamma sannatit atortussallu pisariaqartinneqartut pissarsiarineqarsimanissaat kommunalbestyrelsip isumagissavaa.
Imm. 2. Sannatinut, atortussanut atortulersuutinullu allanut pisariaqartinneqartunut, ingerlatani pisortat ilinniartitsisullu avataaneersut aningaasarsiaqartinneqarnerannut aningaasartuutit kommunip akilertassavai, kiisalu ingerlatsinermut aningaasartuutit tapiissuteqarnikkut matussuserneqarsimanngikkaangata aamma akilertassallugit.
Imm. 3. Init aamma atortulersuutit inuusuttut sulliviinit atorneqartut oqartussaasut nalinginnaasumik piumasaqaataat naammassisimassavaat, sulinermi avatangiisinut, ikuallattuulernermi isumannaallisaanermut, eqqiluisaarnermut il.il. tunngasut eqqarsaatigalugit.§ 6. Kommunalbestyrelsi ingerlatani pisortamik atorfinitsitsissaaq inuusuttut sulliviinik ulluinnarni aqutsinermik aammalu tamatumunnga atasumik suliassanik ilinniartitsinermut, perorsaanermut ilitsersuinermullu attuumassuteqartunik isumaginnittussamik.
Imm. 2. Ingerlatani pisortap minnerpaamik naammassisimassavai:
1) assassornerup tungaatigut ilinniagaqarsimaneq allatigulluunniit suliat tungaasigut inuusuttimut sulliviup pineqartup ilinniagassatigut imarisaanut attuumassuteqartunik tunuliaquteqarneq.
2) perorsaanerup tungaatigut piginnaaneqarneq, aamma
3) ilitsersuisinnaanermut piginnaaneqarneq.
Imm. 3. Ingerlatani pisortanik ukiumoortumik ilinniagaqaqqittarnermi pikkorissartitsisarnerit Naalakkersuisut suliniuteqarnerisigut ingerlanneqartassapput.
Kapitali 2.
Tapiissutit.§ 7. Suliffissaqartitsiniarneq pillugu Inatsisartut peqqussutaanni § 19, imm. 1 tunngavigalugu aningaasanut inatsimmi aningaasanik immikkoortitsisoqarsimatillugu kommunini inuusuttut sulliviinut tunngatillugit Naalakkersuisut makkununnga tapiissuteqarsinnaapput:
1) ingerlatani pisortat aningaasarsiaannut,
2) inuusuttut sulliviini peqataasut aningaasarsiaqartitaanerannut, aamma
3) ilinniartitsinermi avataaneersunik ikiorteqarnermut.
Imm. 2. Ingerlatsinermut pisortat aningaasarsiaannut tapiissutit annertunerpaamik tjenestemandinut aningaasarsisitsisarnermi skalatrin 35-ip aningaasartai amerlaqati-gissavaat.
Imm. 3. Inuusuttut sulliviini peqataasut aningaasarsiaannut tapiissutit tunngaviusumik aningaasarsiat affaannik (50%-imik) amerlassuseqassapput akit qaffakkiartornerannut aaqqiissutit sulinngiffeqarnermilu aningaasarsiat ilanngullugit, tak. SIK-p sulisartunut ilinniagaqarsimanngitsunut isumaqatigiissutaa. Naalakkersuisut kommunalbestyrelsimik isumaqatiginninniareerlutik sulinermi aningaasarsiarititat affaannut (50%-anut) tapiissuteqartarsinnaapput, suliat annertussusiisa naatsorsorneqarnerat tunngavigalugu.
Imm. 4. Atuartitsinermi avataanit ikiorteqarnermut tapiissutit atuartitsinermi akigititat sukkulluunniit atuuttut naapertorlugit akunnermut atuartitsiviusumut ataatsimut aalajangersimasumik akiliutitut tunniunneqartassapput.§ 8. Naalakkersuisunit tapiissutit imatut piumasaqaatitaqarput:
1) tapiiffigineqarnissamik qinnuteqaatit § 18, imm. 2 malillugu qinnuteqarfissap qaangiutinnginnerani nassiunneqarsimassasut,
2) ingerlatami pisortanut § 6-imi piumasaqaatit naammassisimassasut,
3) inuusuttut sullivii pilersinneqarsimassasut ingerlanneqassallutillu kapitali 3-mi piumasaqaataasut tunngavigalugit,
4) kapitali 4-mi piumasaqaatigineqartut qinnuteqaammi naammassineqarsimassasut,
5) siusinnerusukkut inuusuttut sulliviinik ingerlatsisoqarsimappat naammassinnissimaneq pillugu nalunaarsukkamik Isumaginninnermut Suliffeqarnermullu Pisortaqarfimmutpiffissaagallartillugunassiussisoqarsimassasoq, tak. § 16,
6) inuusuttut sulliviisa ingerlanneqarnerat suliffeqarfinnit pioreersunit nioqqutissiat sullissinerillu annikillisaataasumik kinguneqassanngilaq, aamma
7) inuusuttut sulliviisa ingerlanneqarnerisa STI-mi ilinniartunut sungiusaatigalugu suliffissat amerlassusiisa ikileriarnerat kingunerissanngikkaat.
Imm. 2. Pissutsit ajornartinngippassuk imm. 1-imi piumasaqaataasup ataatsip arlallilluunniit atortinneqannginnissaat Naalakkersuisut immikkut akuersissutigisinnaavaat.
Kapitali 3.
Peqataasut qassiuneri, sivisussusia suliatigulluimai.§ 9. Inuusuttut sulliviini peqataasussat ikinnerpaamik arfiniliussapput.
Imm. 2. Kommunalbestyrelsip taamaatiinnartoqarneratigut peqataasut amerlassusiisa arfinillit inulinnginnissaat qulakkeerniarlugu peqataasussat amerlassusissaat arlalinnik sinnerlugit tigusisassapput.
Imm. 3. Pissutsit ajornartinngippassuk imm. 1-imi 2-milu malittarisassat atortin-neqannginnissaat Naalakkersuisut immikkut akuersissutigisinnaavaat.§ 10. Inuusuttut sulliviini peqataasut ataasiakkaat sivikinnerpaamik sap. akunneranut nal. ak. 20-nik sivisunerpaamillu nal. ak. 40-nik aamma sivikinnerpaamik qaammatinik qulinik (10) kiisalu sivisunerpaamik qaammatinik 13-inik sivisussusilimmik ataavartumik ingerlatsinissamik neqeroorfigineqassapput, taamaattorli tak. imm. 3.
Imm. 2. Inuusuttut sulliviini peqataasussat ataatsimoortillugit ukiumut ataasiarlugit katersorneqartassapput piffissami kommunalbestyrelsimit siumut aalajangeriikkami piffissap 1. julimit 1. oktoberimut ingerlasup iluani.
Imm. 3. Peqataasunik naammassisitsisarneq inuit ataasiakkaarlugit pisassaaq piffissami tiguneqarfmsumit qaammatit 10-13-it iluini, ukiulli tiguneqarfiusup kingorna kingusinnerpaamik 1. oktoberimi.
Imm. 4. Pissutsit ajornartinngippassuk imm. 1-3-mi malittarisassat atortinneqannginnissaat Naalakkersuisut akuersissutigisinnaavaat.§ 11. Inuusuttut sulliviini suliat makkuninnga imaqassapput:
1) nalinginnaasumik assassorluni suliassat allatigulluunniit nalinginnaasumik sulineq, aamma
2) atuagarsorluni ilinniarneqartussat makkuusut:
a) sammisaq sammisalluunniit arlallit inuusuttut sulliviini suliassanut aalajangersimasunut pingaaruteqartut attuumassuteqartulluunniit, aamma
b) sammisaq sammisalluunniit arlallit peqataasut siunissami ilinniagaqarnissaannut inuussutissarsiornissaannulluunniit pingaaruteqartut.
Imm. 2. Nalinginnaasumik sulineq, tak. imm. 1, nr. 1, suliffeqarfimmut assingusumik ingerlaavartumik ataqatigiissumillu ingerlanneqassaaq.
Imm. 3. Atuagarsorluni ilinniartitsineq, tak. imm. 1 nr. 2, ingerlatap pisortaanit imaluunniit ilinniartitsisunit avataaneersunit sulinerup ilaatut tamatumunngaluunniit ilassutitut ingerlanneqassaaq.
Imm. 4. Inuusuttut sullivii piffissanut ukununnga immikkoortiterneqarsimassapput:
1) aallarnisarfík, inuusuttut sulliviata aallartinneranit sap. akunneri sisamat angullugit sivisussuseqartoq,
2) tunngaviusoq, aallarnisarfik nangillugu naggasiiffissap tungaanut sivisussuseqartoq,
3) naggasiiffik, tunngaviusoq nangillugu qaammatit pingasut tikillugit sivisussuseqarsinnaasoq.
Imm. 5. Sulinerup atuagarsornerullu imarisaat §§11-14-mi piumasaqaatit taaneqartut eqqaamallugit kommunalbestyrelsimit erseqqinnemsumik aalajangersarneqassapput.§ 12. Nalinginnaasumik sulinerup imarisaasa saniatigut inuusuttut sulliviini immikkoortoq aallarnisarfik aamma ukuninnga imaqassaaq:
1) inuusuttut sulliviata suliffîttut ilinniarfittullu ilisaritinneqarnera,
2) suliffeqarfinnik ilisarititsineq, aamma
3) qanoq iliuuseqarnissamut pilersaarummik suliarinninneq.
Imm. 2. Inuusuttut sulliviata ilisaritinneqarnera ingerlatsinermi pisortamit isumagineqassaaq, ingerlanneqassallunilu ullormi siullermi inuusuttut sullivianni peqataasussat takkunneranni.
Imm. 3. Suliffeqarfiit ilisaritinneqarnerat ingerlatsinermi pisortamit imaluunniit ilinniartitsisunit avataaneersunit inuusuttut sullivianni sulisitsinerup ilaatut tamatumunngaluunniit ilassutitut ingerlanneqassaaq.
Imm. 4. Ingerlatsinermi pisortap peqataasut ataasiakkaat peqatigalugit qanoq iliuuseqarnissamut pilersaarusiussaaq. Qanoq iliuuseqarnissamut pilersaarut peqataasup nammineq kissaatigisai piumasarisaalu aallaavigalugit peqataasup inuusuttut sullivianni siunertaanik imaqassaaq, matumani sulinerup ingerlannerani siunertamut ilaasinnaasut ingerlatereerneranilu siunertat ilanngullugit. Aammattaaq qanoq iliuuseqarnissamut pilersaarut siunertat taakku qanoq iliorluni anguneqarnissaannut pilersaarummik imaqassaaq.§ 13. Inuusuttut sulliviini immikkoortoq tunngaviusoq nalinginnaasumik sulinermik imaqarnermi saniatigut makkuninnga aamma imaqassaaq:
1) atuagarsornikkut sammisat sammisalluunniit ataatsimoortukkaat ikinnerpaamik marluk, tamarmik sivikinnerpaamik nal. ak. 20-nik sivisussusillit, aamma
2) peqataasut qanoq iliuuseqarnissamik pilersaarumminnit pissarsiaannik malinnaanerannillu ingerlaavartumik naliliisarneq.§ 14. Inuusuttut sulliviini immikkoortoq naggasiiffík nalinginnaasumik sulinermik imaqarnermi saniatigut makkuninnga aamma imaqassaaq:
1) peqataasut ataasiakkaat qanoq iliuuseqarnissamik pilersaarummit pissarsiaannik malinnaanerannillu inaarutaasumik naliliineq,
2) ingerlatsinermi pisortap peqataasunut tamanut naammassinninnermut uppernarsaammik suliarinninnera.
Imm. 2. Naammassinninnermut uppernarsaammi, tak. imm. 1, nr. 2, ingerlatsinerup imarisai nalunaarneqarsimassapput, matumani sulinerup imarisai pingaarnerit kiisalu atuagarsorluni sammisat sorliit ingerlanneqarsimanersut ilanngullugit.
Imm. 3. Peqataasoq immikkoortup naggasiiffiup aallartinnginnerani inuusuttut sullivianniinnerminik taamaatitsippat ingerlatsinermi pisortaq pineqartup peqataasimaneranut uppernarsaasiussaaq, matumani ingerlassimasaasa sivisussusii, sungiusagaasa imai atuagarsornikkullu sammisimasai ilanngullugit.§ 15. Pissutsit ajornartinngippassuk §§ 12-14-imi piumasaqaatip ataatsip arlalilluunniit atortinneqannginnissaat Naalakkersuisut immikkut akuersissutigisinnaavaat.
§ 16. Naggasiiffissap naammassineqarnerata kinguninnguatigut atuaqatigiit tamarmiusut ingerlasimanerat pillugu ingerlatsinermi pisortaq nalunaarusiussaaq peqataasimanermi takkuttarnerit procentilersorlugit, naammassinninnermilu angusaasut ilanngullugit peqataasut sulilernissaat, ilinniagaqalernissaat allatulluunniit ingerlataqalernissaat eqqarsaatigalugit. Nalunaarsuusiaq Isumaginninnermut Suliffeqarnermullu Pisortaqarfimmut kingusinnerpaamik 15. oktoberimi ukiumi inuusuttut sullivianniinnerup naggataarneqarnerani nassiunneqassaaq.
Kapitali 4.
Qinnuteqaatip imarisaanut piumasaqaatit.§ 17. Siunertanut § 7-imi taaneqarsimasunut tapiiffigineqaqqulluni qinnuteqaat paasissutissanik makkuninnga imaqassaaq:
1) inuusuttut sulliviata aalajangersimasup tapiiffigitinniarlugu qinnutigineqartup allaaserineqarnera, makku ilanngullugit:
a) inuusuttut sulliviata siunertaasa siunertallu ataatsimoortut allaaserineqarnerat,
b) inuusuttut sullivianniinnermi sulinikkut atuagarsornikkullu immikkoortut allaaserineqarnerat, atuagarsornerit piffissanut aalajangersimasunut inissitsiterlugit,
c) inuusuttut sulliviata initaasa allaaserineqarnera,
d) ingerlatsinermik pisortap aqqa inuttullu normua kiisalu pineqartup ilinniagaqarnera tunuliaqutigisaalu pillugit paasissutissat,
e) avataanit ilinniartinneqarnerup annertussusia imarisaalu kiisalu ilinniartitsisup atorfía sumilu aalajangersimasumik atorfmitsitaasimaneranik paasissutissat,
f) peqataasut qassit tiguneqarsimanersut, qassillu tapiiffígineqartussatut qinnutigineqarnersut,
g) ingerlatsinermik pisortap peqataasullu sap. akunneranut piffíssaq suliffígisartagaat.
h) inuusuttut sullivianniinnerup sivisussusia piffissamilu sumi inissinneqarsimanera, aamma
i) inuusuttut sulliviata ulluinnarni siulersorneqarnera pillugu paasissutissat.
2) ingerlatsinermik pisortap ilinniartitsisullu avataaneersut akissarsiaannut aningaasartuutissatut naatsorsuutigineqartut pillugit kiisalu peqataasunut nal. ak. tapiissutaasut qinnutigineqarsimasut amerlassusii pillugit paasissutissat,
3) inuusuttut sulliviata aningaasalersorneqarnera pillugu paasissutissat, aamma
4) qinnuteqaatip kommunalbestyrelsimit akuersissutigineqarsimaneranut uppernarsaat.
Kapitali 5.
Suliassanik suliarinneriaaseq.§ 18. Siunertanut § 7-imi taaneqarsimasunut tapiiffigineqarnissamik qinnuteqaatit Isumaginninnermut Suliffeqarnermullu Pisortaqarfimmut nassiunneqassapput.
Imm. 2. Tapiiffigineqarnissamik qinnuteqaatit Pisortaqarfimmeeriissapput kingusinnerpaamik 1. septemberimi ukioq tapiissuteqarfmsoq ukiumik ataatsimik sioqqullugu.
Imm. 3. Pissutsit immikkut ittut ajornartinngippassuk imm. 2-mi piffíssarititaasup atortinneqannginnissaa Naalakkersuisut immikkut akuersissutigisinnaavaat.§ 19. Qinnuteqaatit § 18, imm. 2-mi piffissarititaasup naannginnerani tiguneqarsimasut akuerineqarneri itigartinneqarneriluunniit Naalakkersuisut nalunaarutigisassavaat, kingusinnerpaamik ukiup tapiissuteqarfmsup siornani ukiumi 1. november nallertinnagu.
Kapitali 6.
Aqutsineq.§ 20. Inuusuttut sulliviini peqataasut aningaasarsiaannut tapiissuteqartoqartillugu ("mandetiimitigut tapiissutit") ingerlatsinermi pisortat aamma avataanit ilinniartitsiartortut aningaasarsiaqartitaanerinut kommunip pineqartunut aningaasarsiatigut aningaasartuutit siumoortumik akileqqaartarpai. § 21 tunngavigalugu utertitsivigineqarnissamik qinnuteqaat nassiunneqarsimasoq tunngavigalugu, tapiissutissatut akuersissutigineqarsimasut kommunimut utertillugit akilerneqartassapput.
§ 21. Kommunalbestyrelsip qaammatit naaneri tamaasa qaammammi pineqartumi nal. ak. tapiissuteqarfigineqartartunik atuisimanini pillugu Isumaginninnermut Suliffeqarnermullu Pisortaqarfimmut paasissutissanik nassitsisassaaq.
Imm. 2. Qaammatikkaartumik naatsorsuusiaq nassiunneqartassaaq Isumaginninnermut Suliffeqarnermullu Pisortaqarfímmit immikkut ittumik utertitsivigineqarnissamik immersugassaq suliarineqarsimasoq atorlugu.
Imm. 3. Utertitsivigineqarnissamut piumasaqaatitut Naalakkersuisut paasissutissat makku piumasarisinnaavaat:
1) utertitsivigineqarnissamik qinnuteqaammi piffissaq pineqartoq nalunaarneqassasoq,
2) utertitsivigineqarnissamik qinnutigineqartut nal. ak. suliffmsut qassiussusii imaluunniit nioqqutissarineqarsimasup qanoq annertussuseqarsimanera nalunaarneqassasut,
3) tapiiffigineqarnissamut inuit attuumassuteqartut aqqi inuttullu normui nalunaarutigineqassasut,
4) tapiiffigineqarnissamut ingerlatsinermi pisortap attuumassuteqartup aqqa inuttullu normua nalunaarutigineqassasoq, aamma
5) tapiiffigineqarnissamut avataanit ilinniartitsisut attuumassuteqartut aqqi inuttullu normui nalunaarlugit.§ 22. Utertitsivigineqarnissamik qinnuteqaat kingusinnerpaamik 1. februar ukiumi tapiissutit akuersissutiginerisa kingorna ukiumi pineqartumi Isumaginninnermut Suliffeqarnermullu Pisortaqarfimmeeriinngippat kommunip tapiissutinik pissarsisinnaatitaanini annaassavaa.
Kapitali 7.
Atortuulersitsineq.§ 22. Nalunaarut manna 1. januar 1996 aallarnerfigalugu atortuulersinneqarpoq, ullorlu taanna aallarnerfigalugu kapitali 5 aamma 6 naapertorlugit sulianik ingerlatseriaatsimut tapiissutillu aqunneqarnerinut 1996-imut kingusinnerusumulluunniit attuumassuteqartunut atuutilissalluni. Nalunaarummi aalajangersakkat allat inuusuttut sullivianiinnernut 1996-imi kingusinnerusukkulluunniit aallartinneqartunut aammalu 1997-imut kingusinnerusumulluunniit tapiissutinut atuupput.
Namminersornerullutik Oqartussat, ulloq 29. december 1995
Benedikte Thorsteinsson/
Nukákuluk Kreutzmann