Aalisarnermi saniatigut pisat pillugit Namminersornerullutik Oqartussat nalunaarutaat nr. 32, 14. december 1995-imeersoq.

Inuussutissarsiutigalugu aalisarneq pillugu Inatsisartut inatsisaanni nr. 17-imi 22. oktober 1990-imeersumi § 19-imi imm. 1 aamma § 28, inatsimmi § 2 takuuk, malillugit aalajangersarneqarpoq:

 

§ 1. Nalunaarut atuuppoq imartani Kalaallit Nunaata aalisarnermut oqartussaaffeqarfiini aalisakkanik ukuninnga inuussutissarsiutigalugu aalisarnermut:
1) Saarulliit (Cadus morhua)
2) Raajat (Pandalus borealis)
3) Qalerallit (Reinhardtius hippoglosoides)
4) Nataarnat (Hippoglossus hippoglossus)
5) Qeeqqat nimeruaartut (Anarchichas lupus)
6) Qeeqqat milallit (Anarchichas minor)
7) Imminnguit (Coryphaenoides rupestris)
8) Tupissutit (Marrourus berglax)
9) Ammassaat (Mallotus villosus)
10) Saattussat (Chionoecetes opilio)
11) Saarulliusaat (Cadus poutassou)
12) Eqalukkat (Boreogadus saida)
Imm. 2. Nalunaaruttaaq atuuppoq imartani Kalaallit Nunaata aalisarnermut oqartussaaffeqarfiini inuussutissarsiutigalugu suluppaagarniarnermut (Sebastes marinus aamma Sebastes mentellį) qalorsuarnik natersiutinik imaluunniit qalorsuarnik ikerinnarsiutinik aalisarneqarnerat apeqqutaatinnagu.

§ 2. Saniatigut pisat tassaapput aalisakkanik § 1-imi taaneqartunik pisat, taakku angallatip aalisarnissamut akuersissutaanut (licens) ilaanngikkaangata, imaluunniit § 3 malillugu mikinerpaaffissatut uuttuutinik naammassinnissimanngippata.
Imm. 2. Imm. 1 malillugu saniatigut pisanutaaq naatsorsuunneqassapput pitsaassuseq pissutigalugu eqqarneqartut, tassa imaappoq pisat tunisassiornermi ajoquserneqartut taamaammallu tunineqarsinnaanngitsutut iginneqartut. Pitsaassutsimik pissuteqartumik igitat koorinut katersorneqassapput allatulluunniit oqimaalutarneqassallutillu aamma umiarsuup allattaaviinut allanneqassallutik eqqaasoqalersinnagu.
Imm. 3. Saniatigut pisat aalisarnermut atortup atorneqartup kingullermik imaareerneratigut angallatip qaavani aalisakkat tamarmik oqimaassusiisa imaluunniit aalisakkat tamarmik angallammiittut imaluunniit tulaanneqartut procentiattut uuttortarneqassapput. Saniatigut pisat aalajangiivigineqassapput angallatip qaavani aalisakkanut tamanut naleqqiullugu uuttortaasoqaraangat, pisat nalaatsornikkut immikkoortinneqartut ikinnerpaamik 300 kg misiligutissat tunngavigalugit. Angallammi aalisakkanut tamanut imaluunniit tulaassanut naleqqiullugu uuttuinikkut annertussutsit tamarmiusut naatsorsorneqassapput umiarsuup allattaavii malillugit angallatip pitsaassutsimik pissuteqartumik eqqagai ilassutigalugit.
Imm. 4. Nakkutilliisutut oqartussaasut qanoq iliorluni uuttortaasoqarnissaa aalajangissavaat.
Imm. 5. Saniatigut pisat angallatip pisassaanit , taamaattunik peqartoqassappat, ilanngaatitut nalunaarsorneqassapput; imaluunniit naalagaaffiup pisassaanit, taamaattunik peqartoqassappat; imaluunniit Kalaallit Nunaata pisassaanit. Tamakkununnga ilaanngillat imaanut avalatsitseqqinnerit § 4-mi taaneqartut.
Imm. 6. Aalisarnermi aalisakkanik arlalinnik iluanaarniutigissallugit soqutiginaateqartunik, § 1-imi imm. 1 takuuk, ataatsikkut pisaqartoqarnissaa pinngitsoorneqarsinnaatinnagu angallat aalisariut, aalisakkat assigiinngitsut ataasiakkaat pisarineqarsinnaassusiat eqqarsaatigalugu akuerineqarsinnaassappat, aalisakkanik assigiinngitsunik tamanik pisassinneqassaaq.

§ 3. Mikinerpaaffissatut uuttuut (sigguata nuuaniit paperuata nuuanut uuttortarneqartoq) saarullinnut 40 cm-iuvoq, qaleralinnut 56 cm-iulluni aamma nataarnanut 60 cm-iulluni.
Imm. 2. Saattussanut angutivissanut mikinerpaaffissatut uuttuut 9 cm-iuvoq tunuani qaleruaatigut uuttortarlugu.

§ 4. Nataarnat saniatigut pisarineqartut, qalorsuaanngitsunik atortoqarluni pisarineqartut, angallammi uninngatinneqassanngillat, kisiannili imaanut avalatseqqinneqassallutik, sapinngisamik ajornanngippat uumatillugit.
Imm. 2. Saattussat angutivissat, mikinerpaaffissatut uuttuummit mikinerusut, kiisalu saattussat arnavissat angallammi uninngatinneqassanngillat, kisiannili imaanut avalatseqqinneqassallutik, ajornanngippat sapinngisamik uumatillugit.
Imm. 3. Bundgarnersorluni aalisarnermi aalisakkat mikinikut § 3 takuuk angallammi uninngatinneqassanngillat, kisiannili imaanut avalatseqqinneqassallutik, ajornanngippat sapinngisamik uumatillugit. Akuerineqarsinnaavorli saarulleeqqat nammineq atugassat mikinerpaaffissatut uuttuummik naammassinnissimanngitsut pisarineqarnissaat.

§ 5. § 2-mi imm. 1-imi, naggammi kingullermi aamma § 4-mi taaneqartut allassimasut pinnagit § 1-imi imm. 1-imi aalisakkanik taaneqartunik pisat suulluunniit angallammi uninngatinneqassapput nunamullu tulaanneqassallutik.

§ 6. Bundgarniimngitsunik aamma saattussanut pullataanngitsunik atortoqarlu-ni aalisarnermi aalisarneq unitsinneqassaaq aalisarfillu qimanneqassalluni ataasiarluni amuarnermi saniatigut pisat kalinnermi tamakkerlugit pisat oqimaassusiisa 10 %-ii sinnerpatigit. Aalisarneq aallarteqqinneqassanngilaq umiarsuup allattaaviini allasimasutut kalilerfiup kalikkunnaarfiullu akornanni titarnermiit 5 sųmilinit qaninnerusumi.
Imm. 2. Taamaattorli kilisaatip, imm. 1-imi taaneqartutut pissutsinik nalaassisup, aalisarfimmi tassani aalisarnini nangeqqissinnaavaa qalorsuarni ristinik panelinilluunniit saniatigut pisat annertussusiinik annikillisitsisussatut naatsorsuutigineqartunik ikkussisoqareerneratigut - imaluimniit qalorsuit qalorsuarnik allanik taamaattunik panelertalinnik ristertalinnilluunniit taarserneqareernerisigut. Tamatuma kingornatigut saniatigut pisat ataasiarluni kalinnermi oqimaassutsimikkut kalinnermi pisat tamarmiusut 10 %-ii sinnerpatigit imm. 1 malillugu aalisarneq allamut nuunneqassaaq.
Imm. 3. Imm. 1-imi aalajangersagaq apeqqutaatinnagu ataasiarluni aalisariarnermi (umiarsuup allattaaviinut allattuilluni angalanermi) nataarnat pisat akunnaallisillugu saniatigut pisatut 5 tonsit sinnersimassanngilaat.
Imm. 4. Imm. 1-imi aamma 2-mi aalajangersakkat apeqqutaatinnagit angallatini angallammi nammineq tunisassiornissamut akuersissuteqarfigineqarsimasuni saniatigut pisanik uninngatitat ullut unnuallu aalisarfiusut qulit kingornatigut angallatip pisaasa tamarmiusut oqimaassusiisa 10 %-ii sinnersimassanngilaat. Angallatinut angallammi nammineq tunisassiornissamut akuersissuteqarfigineqarsimanngitsunut tamanna atuuppoq ullut aalisarfiusut sisamat kingornatigut.
Imm. 5. Aalisakkanik aalajangersimasunik naalagaaffmp pisassai pisassaqarfiusumi aalajangersimasumi tamakkerlugit aalisarneqarpata, aalisakkat pineqartut saniatigut pisassatut pisassaqarfiusumi tassani allatut aalisarnikkut aalisarneqassanngillat. Taamaaliortoqassanngilarli nunat tamalaat isumaqatigiissutaat pisussaaffiilu malillugit umiarsuaatillit akuersissuteqarfigineqarsimaneranni tamanna allassimatillugu.

§ 7. Aalisarnermut Pisortaqarfiup imartaq aalajangersimasunik aalisarnermut atortoqarluni aalisarfiusoq matusinnaavaa, tassani annertuallaanik saniatigut pisaqartoqartartoq paasineqarpat. Tamakku pillugit nalunaaruteqartoqassaaq tusagassiuutitigut tamanut saqqummiussinikkut, imartami pineqartumi umiarsuarnut telefaxernikkut imaluunniit telegrammernikkut aamma kalaallit angallataannut tunngatillugu angallatit pineqartut piginnittaannut telefaxernikkut. Angallatinut nunani EU-mut ilaasortaasuni nalunaarsorneqarsimasunut tunngatillugu nalunaarut EU-kommissionimut nassiunneqassaaq aammalu kalaallit angallatiginngisaannut allanut tunngatillugu naalagaaffiup aalisarnermut oqartussaasuinut.
Imm. 2. Imartaq matoqqatitaq ammaqqinneqassaaq tassani nakkutigineqartumik aalisarnikkut paasinarsippat imartami tassani saniatigut pisat pillugit maleruagassat unioqqutinnagit aalis artoqarsinnaasoq.

§ 8. Naalakkersuisut misileraalluni aalisarnissamut akuersissuteqarnikkut imaluunniit pissutsit immikkut illuinnartut tamanna pisariaqartissappassuk nalunaarummi uani mikinerpaaffissanut uuttuutinik maleruagassat aamma saniatigut pisat killilersorneqarnerisa immikkut saneqqunneqarnissaannik akuersissuteqarsinnaapput.
Imm. 2. Naalakkersuisut kilisaatit kinguppanniutit aalisakkanik § 5 malillugu igitseqqusaannginnermik piumasaqaammit atuutsitsinngikkallarnissamik immikkut akuersissuteqarsinnaapput, umiarsuarmi kinguppanniummi aalisakkanik nioqqutissiornissamut piumasaqaatit naammassisserlugit. Taamatut immikkut akuersissuteqarsimaneq ukiumut ataatsimut atuuttassaaq, umiarsuaatileqatigiillu ukiumut pisassiissutaannut nalunaarummi allanneqartassalluni.

 

Unioqqutitsinaveersaartitsinerit

§ 9. Nalunaarummi aalajangersakkanik unioqqutitsinerit akiliisitsinermik kinguneqarsinnaapput. Angallammit unioqqutitsilluni aalisartoqartillugu aalisarnermut atortut atorneqartut, angallatip pisai tamaasa taakkuluunniit nalingi arsaarinnissutigineqarsinnaapput, pisat unioqqutitsinani aalisarnermit pissarsiarineqartutut uppernarsarneqartut pinnagit. Taamatuttaaq tamakku pillugit suliat inuussutissarsiutigalugu aalisarneq pillugu Inatsisartut inatsisaanni maleruagassat malillugit suliarineqartassapput.

 

Atuutilerfia

§ 10. Nalunaarut atuutilerpoq ulloq l.januar 1996.
Imm. 2. Tamatumunnga peqatigitillugu 1992-imi aalisarnermut pisassat pillugit Namminersornerullutik Oqartussat nalunaarutaat nr. 41 30. december 1991-imeersoq atorunnaarsinneqarpoq.

Ulloq 14. december 1995

Pāviāraq Heilmann

/

Bent Buch