Mittarfiliortiternermut atatillugu suliariumannittussarsiuussinerit aamma atortussanik tunniussuinerit pillugit Namminersornerullutik Oqartussat nalunaarutaat nr. 25, 18. august 1995-imeersoq.
Mittarfinnik sanaartornerit pillugit Inatsisartut inatsisaanni nr. 4-mi 12. juni 1995-imeersumi § 4 naapertorlugu aalajangersarneqarpoq:
§ 1. Mittarfiliortiternermut atatillugu Naalakkersuisut suliariumannittussarsiuussineri aamma atortussanik tunniussuinerit ingerlanneqassapput suliariumannittussarsiuussisarneq pillugu Inatsisartut inatsisaanni aalajangersakkat naapertorlugit.
§ 2. Inatsisitigut suliariumannittussarsiuussinermut tunngaviit tassaapput Mittarfiliortiternerit Suliarineqarnissaannut Ataatsimut Piumasaqaataasut (FB), Immikkut Piumasaqaataasut (SB) aamma Immikkut Suliassat Allaaserineqarneri (SA).
Imm. 2. Mittarfiliortiternerit Suliarineqarnissaannut Ataatsimut Piumasaqaataasut (FB) nalunaarummut ilanngussami atuarneqarsinnaapput.
Imm. 3. Immikkut Piumasaqaataasut (SB) aamma Immikkut Suliassat Allaaserineqarneri (SA) mittarfiliassanut ataasiakkaanut suliariumannittussaarsiuussinermut atortussani aalajangersarneqassapput.§ 3. Nalunaarut atuutilerpoq ulloq 18. august 1995-imi, taamatullu Aasianni aamma Maniitsumi aqqusinniassat suliariumannittussarsiuunneqarnerinut atuulluni.
Peter Grønvold Samuelsen/
Stig Bendtsen
AP (pdf-format)
AP-mut ilanngussaq 1 (pdf-format)
AP-mut ilanngussaq 2 (pdf-format)
AP-mut ilanngussaq 3 (pdf-format)
AP-mut ilanngussaq 4 (pdf-format)
AP-mut ilanngussaq 5 (Qarasaasiatigut pigineqanngilaq)