Kapisilinnik pisisarneq tunisisarnerlu pillugit Namminersornerullutik Oqartussat nalunaarutaat nr. 22 1. august 1995-meersoq.
Inuutissarsiutigalugu aalisarneq pillugu Inatsisartut inatsisaanni nr. 17-mi 22. oktober 1990-meersumi §§ 21-22 aamma § 28, imm. 2, kingullermillu allanngortinneqarsimasumi Inatsisartut inatsisaanni nr. 7 13. maj 1993-imeersumi, aamma § 4, §§ 7-9 inatsisartut inatsisaanni nr. 12 22. november 1984-imeersumi, makku aalajangersarneqarput:
Atuuffi
§ 1. Nalunaarut atuuppoq kapisilinnik pisisoqartillugu kiisalu kalaalimineerniarfiit aqqutigalugit tuniniaasoqartillugu.
Imm. 2. Taamaallaat aalisartut/piniartut inuutissarsiutigalugu kapisilinniarnissamut akuersissummik pillit kiisalu atuuttumik piniarsinnaanermut allagartallit kapisilinniktunisisinnaatitaapput.§ 2. Kapisilinnik pisinik imatut paasineqassaaq Kalaallit Nunaata nunataani aalisarfittaanilu aalisartunit/piniartunit kapisilinnik inuutissarsiutigalugu toqqaannartumik pisineq tigooraanerlu.
Imm. 2. Ukiumut kapisilittassat, kapisilinniarneq pillugu Namminersornerullutik Oqartussat nalunaarutaat naapertorlugu nalunaarutigineqartut, nungoreernerisa kingorna kapisilinnik pisisoqaranilu tunisisoqassanngilaq.
Imm. 3. Pisassat nungunnerat Aalisarnermut, Piniarnermut Nunalerinermullu Pisortaqarfimmiit nalunaarutigineqartassaaq radiukkut tusagassiuutitigullu allatigut.
Pisat tunineqarnerinik nalunaaruteqartarneq
§ 3. Sumiiffik tunitsiviusoq, hotelle, sutorniartarfik, neqaarniarfik kiisalu aalisartoq inuutissarsiutigalugu kapisilinniarnissamut akuersissummik peqartoq aammalu kalaalimineerniarfik aqqutigalugu kapisilinnik tunisaqarsimasoq ullut tamaasa nalunaaruteqartassapput kapisillit qanoq amerlatigisut pisiarineqarlu-tillu tunineqarsimanersut Kalaallit Nunaanni Aalisarnernermut akuersissutinut Nakkutilliisoqarfimmut (Fiskerilicenskontrol (GFLK). Tamanna pisassaaq tunisanik nalunaarsuiffitsigut, takuuk imm. 2, aamma telefonikkut nalunaarutitigut, takuuk imm. 3.
Imm. 2. tunisanik nalunaarusiorfiit (takuuk nalunaarummut ilanngussaq) ullut tamaasa GFLK-mut allakkatigut nassiunneqartassapput, nassiussivissaq tassa GFLK, Box 501, 3900 Nuuk, imaluunniit fax 2 32 35. Tunisanik nalunaarusiorfiit immersorneqarneranni nalilerneqassapput angallatinit annerpaamik 30 fod angissusilinniit pisiat, aamma 30 fod sinnerlugu angissusilinniit pisiat aalisakkanut ataasiakkaanut naatsorsorlugit tamarmik immikkut katillugit qanoq amerlatiginersut. Naatsorsuineq imatut pisassaaq kapisillit ilivitsut qassiusimaneri naatsorsorniaraanni kapisillit niaqui atasut erlaveqanngitsut (niaqullit erlaviikkat) 1,11-mik gangerlugit. Aalisartoq kalaalimineerniarfimmut tunisisimasoq taamaattoq kiilunngorlugit nalunaaruteqarsinnaavoq, tassa imaappoq 1,11-imik tunngaveqarluni naatsorsuusioqqinnani.
Imm. 3. Telefonikkut nalunaaruteqartoqartassaaq GFLK-mut, telefon 2 32 99, imaluunniit telefax 2 32 35 ullut tamaasa, taamaallaat pinnagit arfininngorneq sapaallu nal. 8.00 aamma 11.00 akornanni (kisiannili tallimanngorneq, arfininngorneq sapaallu nalunaarutissat ataasinngornermi siullermi nalunaarutigineqartassapput). Nalunaarutigineqartassapput angallatinit annerpaamik 30 fod tikillugu angissusilinniit kapisillit ilivitsut qassit pisiarineqarsimanerisa nalilerneqarneri, aammalu angallatinit 30 fod sinnerlugu angissusilinniit qassit pisiarineqarsimanerisa nalilerneri, takuuk imm. 2.
Pineqaatissiinerit
§ 4. §§ 1 aamma 2-p unioqqutinneqarneri imaluunniit § 3 malillugu nalunaaruteqanngitsoorneq akiliisitsinermikkinguneqarsinnaapput.
Atuutilernera
§ 5. Nalunaarut atuutilissaaq ulloq 5. august 1995. Tamatuma peqatigisaanik atorunnaassaaq Namminersornerullutik Oqartussat nalunaarutaat nr. 24 2. juli 1986-meersoq inuutissarsiutigalugu kapisilinnik pisisarnermut tunngasoq.
Namminersornerullutik Oqartussat, ulloq 1. august 1995.
Lars Emil Johansen/
Petrus H. Biilmann
Ilanngussaq (pdf-format)