Akileraarutit akiligassat kommunit landskarsillu akornanni isumannaarneqartarneri pillugit Namminersornerullutik Oqartussat nalunaarutaat nr. 15, 15. juni 1995-imeersoq.

Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, kingullermik Inatsisartut inatsisaatigut nr. 2, 12. juni 1995-imeersukkut allanngortinneqartumi, § 85 tunngavigalugu makku aalajangersarneqarput:

 

Kommunimut akileraarutit nunamullu tamarmut akileraarut immikkut ittoq

§ 1. Kingusinnerpaamik nassuiaatit nassiunneqarnerisa kingorna qaammatip naanerani sulisitsisup kommuniata aammalu Akileraartarnermi Pisortaqarfiup akileraarutit A-t kommuninut akileraarfmnut allanut nassuiaatit kisitsisitaat malillugit taakkununnga pisassarititaasut isumannaarallartassavaat.
Imm. 2. Taamaattorli Akileraartarnermi Pisortaqarfiup Kalaallit Nunaanni Kommunit Kattuffiat isumaqatiginiareerlugu akileraarutit A-t isumannaarallarnissaannut piffissarititat sivitsorsinnaavai.

§ 2. Akissarsiat allagartaat ukiumoortut kommunimit allamit imaluunniit Akile-raartarnermi Pisortaqarfimmit sulisitsisup kommuniatut pisut malillugit akileraarutit A-nik kommunimut akileraarfimmut pisassaatitanik inaarutaasumik isumannaarinissaq kingusinnerpaamik pissaaq ukiup aningaasarsiorfmp kingorna 1. april. Akissarsiat allagartaat ukiumoortut sulisitsisup kommunianut Akileraartarnermiluunniit Pisortaqarfimmut 1. martsip kingorna takkussimasut pillugit inaarutaasumik isumannaarinissaq kingusinnerpaamik pissaaq akissarsiat allagartaasa ukiumoortut tiguneqarnerannit qaammatip tulliuttup naanerani.

 

Nunamut tamarmuî akileraarutit kommuninullu ataatsimut akileraarutit

§ 3. Kingusinnerpaamik qaammatip akileraarutit A-t aamma B-t akilerneqarfiata naanerani kommunip akileraarfiup nunamut tamarmut akileraarutit kommuninullu ataatsimut akileraarutit akiligassat landskarsimut isumannaarallassavai.
Imm. 2. Ukiumut aningaasarsiorfimmut qaangiuttumut akileraarutit apriilip aallaqqaataani kingusinnerusukkulluunniit akilerneqarpata isumannaarineq pissaaq § 4 malillugu.

§ 4. Nunamut tamarmut akileraarutinik kommuninullu ataatsimut akileraarutinik inaarutaasumik isumannaarineq kingusinnerpaamik pissaaq ukiup aningaasarsiorfiup tulliata ukiuata naanerani.

§ 5. Akileraarutit kommunimut akileraarfimmut akilerneqartut ilaat nunamut tamarmut akileraarutinut kommuninullu ataatsimut akileraarutinut nakkartussat naatsorsorneqassapput ukiumi aningaasarsiorfimmi pineqartumi procentip nunamut tamarmut akileraarutissap, procentip kommuninut ataatsimut akileraarutissap procentillu kommunimut akileraarutissap imminnut naleqqatigiissinnerat tunngavigalugu.

 

Ingerlatseqatigiiffiit akileraarutaat

§ 6. Kingusinnerpaamik ukiup aningaasarsiorfiup tulliata ukiuata naanerani kommunip akileraarfiup ingerlatseqatigiiffiit akileraarutaasa ilaat landskarsimut nakkartussat landskarsimut isumannaartassavai. Ingerlatseqatigiiffiit akileraarutaasa ilaat kommuninut ataatsimoortunut nakkartussat landskarsimut nakkartussat isumannaarneqartarnerattut isumannaarneqartassapput.
Imm. 2. Ingerlatseqatigiiffiit akileraarutaasa ilaat imm. 1 malillugu landskarsimut isumannaarneqartussat naatsorsorneqassapput ukiumi aningaasarsiorfiusumi pineqartumi nunamut tamarmut akileraarusiissutigineqarsimasup, kommuninut ataatsimut akileraarusiissutigineqarsimasup kommunimullu akileraarusiissutigineqarsimasup assigiinngissutaat naapertorlugu, tak. aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi kingusinnerusukkut allannguuteqartinneqartumi § 82, imm. 7.
Imm. 3. Taamaattorli ingerlatseqatigiiffiit akileraarutaat akilerneqarsimasut tamarmik landskarsimut isumannaarneqassappata isumannaarineq kingusinnerpaamik pissaaq ingerlatseqatigiiffiit akileraarutaasa akilerneqarfiisa kingornagut qaammatip naanerani.

 

Iluanaarutisianit akileraarutit

§ 7. Januaarip naanerani kommunip akileraarfiup iluanaarutisianit akileraarutit ilaannit landskarsimut nakkartussanit qaammatini 12-ini qaangiuttuni iluanaarutisianit akileraarutit akilerneqarsimasut isumannaassavai. Iluanaarutisianit akileraarutit ilaat kommuninut ataatsimoortunut nakkartussat landskarsimut nakkartussat isumannaarneqartarnerattut isumannaarneqartassapput.
Imm. 2. Iluanaarutisianit akileraarutit ilaat imm. 1 malillugu landskarsimut isumannaarneqartussat naatsorsorneqassapput ukiumi qaangiuttumi nunamut tamarmut akileraarusiissutigineqarsimasup, kommuninut ataatsimut akileraarusiissutigineqarsimasup kommunimullu akileraarusiissutigineqarsimasup assigiinngissutaat naapertorlugu.
Imm. 3. Taamaattorli iluanaarutisianit akileraarut akilerneqarsimasoq tamarmi landskarsimut isumannaarneqassappat isumannaarineq kingusinnerpaamik pissaaq iluanaarutisianit akileraarutip akilerneqarnerata kingornagut qaammatip naanerani.

 

Akileraarutit A-nit annaasat agguaanneqarnerat

§ 8. Annaasat unerartitsisussaatitap akileraarutit A-nik akiliinngitsoorneratigut pinngortut sulisitsisup kommuniata nammatassarai. Akileraartarnermi Pisortaqarfik sulisitsisutut kommuniuppat annaasat landskarsip nammassavai.
Imm. 2. Taamaattorli unerartitsisussaatitap akileraarutit A-nik akiliinngitsoorneratigut annaasat 50.000 koruuniuppata amerlanerullutilluunniit, sulisitsisullu kommuniata annaaneqartut peqqussutit Akileraartarnermi Pisortaqarfiup aalajangersarsimasai tunngavigalugit killilersimaarniartarsimagaluarpagit iluatsitsinanili, annaasat ilaat nunamut tamarmut akileraarutinut nakkartussaagaluit aammattaaq landskarsip nammassavai.
Imm. 3. Annaasanik imm. 2 naapertorlugu agguaaneq taamaallaat pisinnaavoq kommunip pisassarisat akiligassat nutaanngilisarneri, piffissaagallartillugu nalunaaruteqarsimannginneq, akiligassaqarfiit pinngitsaalineqarlutik isumaqatigiissuteqartarneri, ingerlatseqatigiiffiit akiliisinnaanngitsut eqqartuussivitsigut malersorneqartarneri, toqusut pigisaat taarsigassaaruttitaaneq pillugu malittarisassat malillugit suliarineqarsimasut assigisaallu pillugit malittarisassat naapertorlugit akiligassaajunnaarsissimappagit. Tamanna aamma atuuppoq annaasanut, pisassarisat pissarsiarineqarsinnaannginnerannut naatsorsuutigisat tunngavigalugit akiligassaajunnaarsinneqartunut, annaasallu tamatuma kingorna Akileraartarnermi Pisortaqarfimmit akuerineqarsimatillugit.
Imm. 4. Imm. 3 naapertorlugu annaasanut aningaasat akiligassaajunnaarsinneqartut tunngaviinik nalunaaruteqartarneq, matumunnga ilanngullugu pisassarisat pissarsiarineqarsinnaannginnerannut naatsorsuutigisat tunngavigalugit akiligissaajunnaarsitsinerup akuerineqartarnera pillugit malittarisassasiat Akileraartarnermi Pisortaqarfiup aalajangersassavai.

§ 9. § 8, imm. 2 malillugu annaaneqartut agguagassat naatsorsorneqassapput ukiumi aningaasarsiorfiusumi nunamut tamarmut akileraarusiissutigineqarsimasup, kommuninut ataatsimut akileraarusiissutigineqarsimasup kommunimullu akileraarusiissutigineqarsimasup assigiinngissutaat naapertorlugu.
Imm. 2. Annaasat ilaannik landskarsimut nakkartussanik inaarutaasumik isumannaarineq kingusinnerpaamik pissaaq ukiup aningaasarsiorfiusup, annaasaqartoqarneranik erseqqissumik paasinniffiusup, naanerani.

 

Akileraarutissat sinnerinit piginneqaîigiiffiillu akileraarutissaannit annaasat agguaanneqarnerat

§ 10. Annaasat akileraartussaatitap akileraarutissat sinnerinik piginneqatigiiffiillu akileraarutissanik akiliinngitsoornerisigut pinngortut kommunip akileraarfiup nammatassarai. Akileraartarnermi Pisortaqarfik sulisitsisutut kommuniuppat annaasat landskarsip nammassavai.
Imm. 2. Taamaattorli annaasat ilaat nunamut tamarmut akileraarutaasussat aammattaaq landskarsip akilissavai kommunip pisassarisat akiligassat nutaanngilisarneri, pififissaagallartillugu nalunaaruteqarsimannginneq, akiligassaqarfiit pinngitsaalineqarlutik isumaqatigiissuteqartarneri, ingerlatseqatigiiffiit akiliisinnaanngitsut eqqartuussivitsigut malersorneqartarneri, toqusut pigisaat taarsigassaaruttitaaneq pillugu malittarisassat malillugit suliarineqarsimasut assigisaallu pillugit malittarisassat naapertorlugit akiligassaajunnaarsissimappagit imaluunniit pisassarisat pissarsiarineqarsinnaannginnerannik pissuteqartumik akiligassaajunnaarsissimappagit.
Imm. 3. Akileraarutissat sinnerinik annaasaqarnermi landskarsip nammattussaassavaattaaq akileraarutit ilaat nunamut tamarmut akileraarutaasussat, pisassarisat taakku akiligassaajunnaarsinneqarsimappata tamakkiisumik ilaannakortumilluunniit akiligassaajunnaartitsisarnissamik Skatterċdip aalajangiinera malillugu, tak. aningaasarsianit akileraarutit pillugit Inatsisartut inatsisaani nr. 5-imi 19. maj 1979-imeersumi kingusinnerusukkut allannguuteqartinneqartumi § 115, imm. 7.

§ 11. § 10, imm. 2 aamma 3 malillugit akileraarutissat sinnerinit annaaneqartut agguagassat naatsorsorneqassapput ukiumi aningaasarsiorfiusumi nunamut tamarmut akileraarusiissutigineqarsimasup, kommuninut ataatsimut akileraarusiissutigineqarsimasup kommunimullu akileraarusiissutigineqarsimasup assigiinngissutaat naapertorlugu.
Imm. 2. § 10, imm. 2 malillugu piginneqatigiiffiit akileraarutaannit annaaneqartut agguagassat naatsorsorneqassapput ukiumi aningaasarsiorfiusumi nunamut tamarmut akileraarusiissutigineqarsimasup, kommuninut ataatsimut akileraarusiissutigineqarsimasup kommunimullu akileraarusiissutigineqarsimasup assigiinngissutaat naapertorlugu, tak. aningaasarsianit akileraarutit pillugit Inatsisartut inatsisaani nr. 5-imi 19. maj 1979-imeersumi kingusinnerusukkut allannguuteqartinneqartumi § 82, imm. 7.
Imm. 3. Annaasat ilaannik landskarsip nammatassaanik inaarutaasumik isumannaarineq kingusinnerpaamik pissaaq ukiup aningaasarsiorfiusup, ajunaaruteqartoqarneranik erseqqissumik paasinniffiusup, naanerani.

 

Iluanaarutisianit akileraarutinit annaasat agguaanneqarnerat

§ 12. Annaasat unerartitsisussaatitap iluanaarutisianit akileraarutissanik akiliinngitsoorneratigut pinngortut kommunip akileraarfiup nammatassarai. Akileraartarnermi Pisortaqarfik sulisitsisutut kommuniuppat annaasat landskarsip nammassava.

 

Aalajangersakkat allat

§ 13. Akileraartarnermi Pisortaqarfik akileraarutit akiligassat isumannaarneqar-tarnissaannut maleruagassianik suli allanik aalajangersaasinnaavoq.

§ 14. Nalunaarut una atortuulissaaq 1995-imi juulip aallaqqaataani.
Imm. 2. Taamaattorli § 8, imm. 2 taamaallaat sunniuteqassaaq akileraarutit A-nut, akileraarutinut akiitsut pineqartut pilersimappata januaarip aallaqqaataani 1994-imi imaluunniit kingusinnerusukkut. § 8, imm. 2 malillugu annaasat agguarneqarnerat pisinnaanngilartaaq annaasat nutaanngilisarneri, piffissaagallartillugu nalunaaruteqarsimannginneq, akiligassaqarfiit pinngitsaalineqarlutik isumaqatigiissuteqartarneri, toqusut pigisaat taarsigassaaruttitaaneq pillugu malittarisassat assigisaallu pillugit malittarisassat pissutigalugit 30. juni 1995 siusinnerusukkulluunniit isumakkeerneqarsimappata isumakkeerneqarsimasariaqaraluarlutilluunniit.
Imm. 3. Ulloq taanna atortuujunnaassaaq akileraarutit akiligassat kommunit namminneq landskassillu akornanni isumannaarneqartarnissaat pillugu nalunaarut nr. 11, 26. juni 1979-imeersoq.

Namminersornerullutik Oqartussat, ulloq 15. juni 1995.

Daniel Skifte

/

Kaare Hagemann