Illoqqortoormiut kommunianni imigassanik aalakoornartulinnik nioqquteqarnerup unitsikkallarneqarnera pillugu Namminersornerullutik Oqartussat nalunaarutaat nr. 11, 11. maj 1995-imeersoq.

Imigassanik aalakoornartulinnik nioqquteqartarneq aamma sassaallertarneq pillugit Inatsisartut inatsisaanni nr. 23-mi 30. oktober 1992-imeersumi § 28-mi imin. 1-imi nr. 2 naapertorlugu aalajangersarneqarpoq:

 

§ 1. Illoqqortoormiut kommunianni imigassanik aalakoornartulinnik nioqquteqarneq sassaalliisarnerlu tamarmik inerteqqutaapput.

§ 2. § 1-imik unioqqutitsisoqartillugu akiliisitsisoqarsinnaavoq, Inatsisartut inatsisaanni § 29-mi imm. 3 takuuk.

§ 3. Nalunaarut una ulloq 15. maj 1995-imiit atuutilerpoq.
Imm. 2. Illoqqortoormiut kommunianni killilersuineq pillugu Namminersornerullutik Oqartussat nalunaarutaat nr. 7 28. februar 1989-imeersoq atuukkunnaarsinneqarpoq. Matoqqatitsinerup nalaani killilersuinermut allagartanik katersisoqarsinnaanngilaq.

Kalaallit Nunaanni Namminersornerullutik Oqartussat, ulloq 11 maj 1995.

Peter Grønvold Samuelsen

/

Stig Bendtsen