Kommiinit inuutissarsiutini aningaasaleeqataasinnaanissaat pillugu Inatsisartut inatsisisaat nr. 22, 3. november 1994-imeersoq
§ 1. Inatsisiliornikkut allanik aalajangersaasoqarsimanngippat kommuni taamaallaat aningaasaliisinnaavoq pilersaarutinut, suliffinnut imaluunniit suliffeqarfinnut inuutissarsiornermik siunertaqartunut inatsisartut inatsisaat manna naapertorlugu.
Imm. 2. Pilersaarutit, suliffiit imaluunniit suliffeqarfiit inuutissarsionermik siunertallit tassaatinneqarput piniarnikkut, aalisarnikkut, nunaateqarnikkut, suliffissuarmik ingerlatsinikkut, niuernermik ingerlatsinikkut sullissinermik, tassunga ilanngullugu takornariartitsisarnermik ingerlatsinikkut aningaasanik iluanaaruteqarfiusussatut ingerlanneqartut.
Imm. 3. Inatsisartut inatsisaata matuma avataniipput inuutissarsiornermik ingerlatsiviit naalakkersuinikkut partiiniit, kattuffinniit, soqutigisaqaqatigiinniik ima- luunniit upperisarsioqatigiit aammalu inuutissarsiornermik ingerlatsiviit - imaluunniit suliffeqarfinnit 50 procentimik taannaluunniit qaangerlugu kattuffinnit suleqatigiiffinnilluunniit taamaattunit pigineqartut.
Imm. 4. Inatsisartut inatsisaata matuma avataaniipput aningaasaliinerit Namminersornerullutik Oqartussat suliffeqarnermut inatsisaat naapertorlugit aningaasalerneqartartut.§ 2. Kommunip aningaasaliineri pissapput aktianik piginneqataassutinilluunniit pilersitsinikkut pisinikkulluunniit, aningaasaatitut akisussaaffigineqartutut imaluimniit aningaasaatitut taarsigassarsiarititatut akisussaaffigineqartutut aningaasaleeqataanikkut, aallartitsinermut tunngatillugu tapiissuteqarnikkut imaluunniit taarsigassarsisitsisarfinni taarsigassarsianut qularnaveeqqusiinikkut. Kommuni inatsisartut inatsisaat manna naapertorlugu aningaasaliisoq, aningaasaliinerminut aningaasartuutini akilissavai ingerlatsinermut sanaartornermulluunniit aningaasaliissutitut.
Imm. 2. Inatsisartut inatsisaat manna naapertorlugu kommuni naapertuuttunik aningaasartuuteqarsinnaavoq aningaasaliiffissamut pilersaarusiornermut, piareersaanermut imaluunniit periarfissanut misissuinermut.
Imm. 3. Kommuni tapiissuteqarluniluunniit peqataasinnaavoq kattuffmni, ingerlatseqatigiiffmni ataatsimooqatigiiffinniluunniit allani kommunimi inuutissarsiornerup siuarsarnissaanik siunertaqartuni aammalu immaqa kommunini arlalinni pilersaarutit ineriartortinnissaannut siunnersuinikkkut assigisaannillu sullissinerit aqqutigalugit.
Imm. 4. Kommuni Naalakkersuisut akuersiseqqaarnagit aningaasaliisinnaanngilaq pilersaarutinut, suliffinnut imaluunniit suliffeqarfinnut kommunip avataani angerlarsimaffeqartunut imaluunniit niuernikkut pingaarnerusumik sumiiffeqartunut tamatumani pineqanngippata pilersaarutit, suliffiit imaluunniit suliffeqarfiit nunatsinniinnaq annerpaamilluunniit nunatsinni suliaminnik ingerlataqartut kommunillu arlallit peqatigiillutik inatsisartut inatsisaat manna malillugu aningaasaliiffigisaat.
Imm. 5. Kommunip nammineerluni ingerlatarisinnaanagillu ingerlanneqarnerannut aalajangiisutut sunniuteqarfigisinnaanngilai pilersaarutit, suliffiit imaluunniit suliffeqarfiit aningaasaliiffigisimasani.
Imm. 6. Imm. 1-miit 3-mut 5-illu naammassineqarnissaat pillugu Naalakkersuisut erseqqinnerusunik malittarisassiorsinnaapput.§ 3. Kommuni pilersaarutinut, suliffmnut imaluunniit suliffeqarfinnut aningaasaliisinnaatitaanngilaq, taamatut aningaasaliineq suliffinnut pioreersunut unammilleqatigiinnikkut equngalersitsisussaassappat.
§ 4. Pilersaarummut akisussaasut, suliffik imaluunniit suliffeqarfik imaluunniit piginnittuusut pisortanut akiitsoqarsimappata kommunip aningaasaliinissamini piumasaqaatigissavaa akiitsut uterartillugit akilersorneqarnissaat pillugu isumaqatigiissutip eqqortinneqarnissaa.
Imm. 2. Naalakkersuisut akuersiseqqaartinnagit kommuni aningaasaliisinnaatitaanngilaq, tassunga ilanngullugu qularnaveeqqusiisinnaatitaanngilaq akiitsuerunnissamik, akiitsut ikililernissaannik imaluunniit akiitsut qanoq akilersorneqarnissaannik imaluunniit sulisut soraarsitaannginnissaannik siunertat tungaasigut.§ 5. Kommunip inatsisartut inatsisaat manna naapertorlugu aningaasaliinini pillugit Naalakkersuisut ataavartumik ilisimatittassavai, tassunga ilanngullugit aningaasaliiffigisat suunerat qanorlu annertutigisumik, aammalu §§ 1 - 4-mut piumasarineqartut naammassineqarsimasut.
Imm. 2. Naalakkersuisut aalajangersarsinnaavaat maleruagassat aningaasat aalajangersimasumik amerlassusilikkat qaangerlugit kommunit aningaasaliinissamut pisussaaffilinnginnissaannut aningaasaliisoqartinnagulu Naalakkersuisunik akuersisitseqqaarnissamik aalajangersaasut.§ 6. Inatsisartut inatsisaat manna 1. januar 1995 atortuulissaaq.
Imm. 2. Tamatumunnga peqatigitillugu kommunit aningaasaleeqataasarnerannut najoqqutassiaq pillugu inatsisartut 23. marts 1981-imi aalajangernerat atorunnaarsinneqarpoq.
Namminersornerullutik Oqartussat, ulloq 3. november 1994
Lars Emil Johansen/
Kaj Kleist