Kalaallit Nunaanni Inatsisartunut qinersisarneq pillugu Inatsisartut inatsisaata allanngortinneqarneranik Inatsisartut inatsisaat nr. 21, 3. november 1994-imeersoq.

 

§ 1.

Kalaallit Nunaanni Inatsisartunut qinersisarneq pillugu Inatsisartut inatsisaanni nr. 13-imi, 19. december 1986-imeersumi allannguutigitinneqassapput:

1. § 4 imatut oqaasertalerneqassaaq:
"§ 4. Inatsisartunut ilaasortat 31-upput. Ilaasortat 26-it Inatsisartunut qinersivinni ilanngussami taaneqartuni ilaasortassatut qinerneqassapput. Tamatuma saniatigut § 33-mi maleruaqqusat malillugit immikkut tapiusumik ilaasortassat 5 qinerneqassapput."

2. § 5, imm. 2 imatut oqaasertalerneqassaaq:
"Imm. 2. Piffissaq qinigaaffik ullormit qinigaaffimmit atuutilissaaq."

3. § 5, imm 3-mi "qinersinermut ataatsimiititaliamit aalajangerneqassaaq, tak. § 48" allanngortinneqassaaq imaalillugu : "naalakkersuisut siulittaasuannit aalajangerneqassaaq."

4. § 14-imi imm. 6-itut ilanngunneqassaaq:
"Imm. 6. Imm. 3 aamma 4 naapertorlugit inunnut toqqarneqarsimasunut qinersinermut atatillugu sulinerannut kommunalbestyrelsi aningaasarsiaqartitsissaaq. Aningaasarsiaritinneqartussat tunniunneqassapput kommunit aqunneqarnerat pillugu Inatsisartut inatsisaanni maleruagassat malillugit."

5. § 19-ip kingornagut ilanngunneqassaaq:
"§ 19 a. Qinigassanngortittup qinigassanngortinnermik nalunaarut tunniunneqarsimasoq qinersinermik siulersuisut siulittaasuannut qinersinissaq kingusinnerpaamik sap. akunnerinik pingasunik sioqqullugu nal. 12.00 utertissinnaavaa. Qinersisartup qinigassanngortittumik qinigassanngortitsisimasup qinigassanngortitsinini utertissinnaanngilaa qinigassanngortinnermik nalunaarut qinersinermik siulersuisut siulittaasuannut tunniunneqareersimappat."

6. § 20-mi imm. 1-imi oqaaseqatigiiî siulliit oqaasertalerneqassapput imatut:
"Qinigassanngortittunik, partiit avataatigut qinigassanngortittunik, nalunaarutit inatsisartunut qinersivimmi qinersisartunit ikinnerpaamik 40-nit amerlanerpaamillu 50-init atsiorneqarsimassapput."

7. § 28-mi imm. 2-p kingornatigut imm. nutaatut ilanngunneqassaaq:
"Imm. 3. Taasinerit kisinneqareersimatsiarpata taasinerit kiseqqinneqassapput (kisitseqqissaarneq). Kisitsineq siullermisut inerneqarpat qinersinermi siulersuisup taaguinerup inernera inaarutaasumik naatsorsussavaa."

Taamaalillu imm. 3 imm. 4-nngussaaq imm. 4-lu imm. 5-inngussalluni.

8. § 48, imm. 2 imatut oqaasertalerneqassaaq:
"Imm. 2. Qinersinermut ataatsimiititaliamut ilaasortaassapput Namminersornerullutik Oqartussani pisortat qullersaat, Kalaallit Nunaanni Kommunit Kattuffianni psiortaq aammalu biskoppi, imaluunnit taakkua pisortaqarfigisaminni sinniisorisartagaat."

 

§ 2.

Inatsisartut inatsisaat atortuulerpoq 1. november 1994.

Namminersornerullutik Oqartussat, 3 november 1994

Lars Emil Johansen

/

Kaj Kleist

---

Ilanngussaq

 

Inatsisartunut qinersiviit nalunaarsornerat

Inatsisartunut qinersiviup aqqa	Kommunit kommunillu aggornerisa avataanniittut Inatsisartunut qinersivirmmut atasut	Qinersivinni qinigaasussat
1. Kujataata qinersivia	Nanortalik Qaqortoq Narsaq Ivittuut Paamiut	6
2. Qeqqata qinersivia	Nuuk Maniitsoq Sisimiut Pituffik Kangerlussuaq Station Nord Danmarkshavn Sirius	9
3. Diskop qinersivia	Kangaatsiaq Aasiaat Qasigiannguit Ilulissat Qeqertarsuaq	6
4. Uummannaq	Uummannaq	1
5. Upernavik	Upernavik	1
6. Avanersuaq	Avanersuaq	1
7. Tasiilaq	Tasiilaq	1
8. Illoqqortoormiut	Illoqqortoormiut	1