Kommunalbestyrelsit, nunaqarfínni aqutsisut il.il.pillugit inatsisartut inatsisaat nr. 20, 3. november 1994-imeersoq

 

Kapitali 1
Aalajangersakkat nalinginnaasut

§ 1. Inatsit atuuppoq kommunit nunaqarfiillu tamarmiusut aqunneqarnerannut, inatsisiliornikkut allatigut immikkut aalajangersaasoqarsimanngippat.

§ 2. Kommunit suliassaataat aqunneqassapput kommunalbestyrelsinit, taakku qinerneqartassapput kommunalbestyrelsinut bygderådinullu (nunaqarfinni aqutsisunut) qinersisarneq pillugu Inatsisartut inatsisaanni malittarisassat malillugit.
Imm. 2. Kommunit aqunneqarnerat pillugu malittarisassat erseqqinnerusut aalajangersarneqassapput aqutsinissamik ileqqoreqqusami kommunalbestyrelsimit akuerineqarsimasumi. Aqutsinissamik ileqqoreqqusassamut aammalu ileqqoreqqusami allannguutissatut siunnersuutit kommunalbestyrelsimi marloriarlugit ataatsimiissutigineqassapput sivikinnerpaamik ullunik 14-inik akunnequteqartunik.
Imm. 3. Kommunalbestyrelsip suleriaasissani nammineq akuerissavaa.
Imm. 4. Naalakkersuisut suliarissavaat aqutsinissamut ileqqoreqqusaq nalinginnaasoq aamma suleriaasissaq nalinginnaasoq, kommunalbestyrelsi allaasunik akuerisaqarsimanngippat atorneqartussanik.
Imm. 5. Kommunip aqutsinissamut ileqqoreqqusaa aamma suleriaasissaq kommunimiit Nakkutilliisoqarfimmut nassiunneqassaaq.

§ 3. Nunaqarfiit suliassaataat aqunneqassapput nunaqarfinni aqutsisunit kapitali 6 malillugu kommunalbestyrelsip suliassanik isumaginnittussanngortitsisimanera naapertorlugu. Nunaqarfinni aqutsisut qinerneqartassapput Kalaallit Nunaanni kommunalbestyrelsinut aamma bygderådinut (nunaqarfinni aqutsisunut) qinersisarneq pillugu Inatsisartut inatsisaanni malittarisassat malillugit.
Imm. 2. Nunaqarfiit aqunneqarneri pillugit maleruagassat erseqqinnerusut nunaqarfimmi suleriaasissami kommunalbestyrelsimit akuerineqartussami aalajangersarneqassapput.
Imm. 3. Naalakkersuisut suliarissavaat suleriaasissaq nalinginnaasoq, kommunalbestyrelsi allaasumik akuerisaqarsimanngippat atorneqartussamik.

§ 4. Kommunip ilisarnaataa kommunimi pineqartumi oqartussaasut kisimik atugassaraat. Taamaattoq ilisarnaatip atorneqarnissaanut qinnuteqartoqartillugu pinerit tamaasa kommunalbestyrelsi akuersisinnaavoq. Ilisarnaatip aningaasarsiutitut atorneqarnissaanik akuersineq akileraaruteqarnissamik piumasaqaatitaqarsinnaavoq. Kommunip ilisarnaataanik allanngortitsineq aatsaat pisinnaavoq Naalakkersuisut akuersinerisigut.

 

Kapitali 2
Kommunalbestyrelsi

§ 5. Kommunalbestyrelsimi ilaasortat amerlassusissaat aalajangersarneqassaaq aqutsinissamut ileqqoreqqusami. Ilaasortat amerlassusiat akunnaatsuussaaq 17-inillu amerlanerussanatik.

§ 6. Kommunalbestyrelsi qinigaarlaaq inissitsiterluni ataatsimiissaaq, § 8, imm. 1 naapertorlugu, kingusinnerpaamik junimi ataasinngornermi siullermi, piaarnerpaamilli ilaasortat qinigaasinnaanerisa misissorneqarneri naammassereerpata tamanna pillugu qinersinermut inatsisit aalajangersagartaat naapertorlugit. Ataatsimiigiaqqusisuussaaq ilaasortaq sivisunerpaamik kommunalbestyrelsemi ilaasortaasimasoq imaluunniit arlallit sivisoqatigiimmik ilaasortaasimappata taakkunani utoqqaaneq.
Imm. 2. Borgmesterimik qinersereernerup tungaanut kommunalbestyrelsip oqaloqatigiinneri siulersorneqassapput ilaasortamit ataatsimiigiaqqusisimasumit, imaluunniit taanna najuutinngippat ilaasortamit najuuttumit sivisunerpaamik kommunalbestyrelsemi ilaasortaasimasumit imaluunniit arlallit sivisoqatigiimmik ilaasortaasimappata taakkunani utoqqaaneq.

§ 7. Borgmesterimut, borgmesterip tullianut (borgmesterip tulliamut), aningaasaqarnermut ataatsimiititaliamut aamma ataatsimiititalianut atauartunut qinigaanerit kommunalbestyrelsip piffissamut qinigaaffianut atortussaassuseqassapput.

§ 8. Kommunalbestyrelsip inissitsiterluni ataatsimiinnermini siulliullugu qinissavaa borgmesteri ilaasortami akornanni.
Imm. 2. Borgmesterissamik qinersinermi piumasarineqarpoq taasinermi siullermi kommunalbestyrelsimi ilaasortat najuuttut amerlanerussuteqartut toqqarsimassagaat § 28 naapertorlugu. Taamatut amerlanerussuteqanngitsoorpat qinigassanngortittut marluk amerlanerpaanit taaneqarsimasut akornanni aalajangersimasumik qinersisoqassaaq. Aalajangersimasumik qinersisoqarnerani taasinerit amerlaqatigiippata makitsinikkut aalajangiineqassaaq.
Imm. 3. Borgmesterimik qinersineq pereerniariarpat kommunalbestyrelsi ilaasortami akornanni borgmesterip tullianik qinersissaaq borgmesterip pisinnaannginnerani kingoraartaasartussamik. Qinersineq borgmesteritut qinigaarlaamit siulersorneqassaaq imaluunniit taanna pisinnaanngippat ilaasortamit borgmesterimik qinersinermi siulersuisuusimasumit, qinersineq ingerlanneqassaaq borgmesterimik qinersinermi maleruagassat malillugit.
Imm. 4. Aqutsinissamik ileqqoreqqusami aalajangersarneqarsinnaavoq kommunalbestyrelsi ilaasortami akornanni qinersissasoq borgmesterip tullissaanik siullermik aappaanillu, taaneqartutut tulleriinneqarlutik borgmesterip pisinnaannginnerani kingoraartaasartussanik. § 25 naapertorlugu qanoq amerlassuseqarneq tunngavigalugu qinersineq ingerlanneqassaaq.

§ 9. Kommunalbestyrelsimi ilaasortaq kinaluunniit pisussaavoq borgmesterimut imaluunniit borgmesterip tullianut qinerneqarnerminik tigusissalluni.
Imm. 2. Kommunalbestyrelsip qinnuteqartoqarneratigut borgmesteri aamma borgmesterip tullia piffissap qinigaaffiup sinnerani atuukkunnaarsissinnaavai.
Imm. 3. Borgmesteri imaluunniit borgmesterip tullia atuuffimminit akuerineqarluni tunuarpat, toquppat imaluunniit kommunalbestyrelsimit tunuarpat nutaamik qinersineqassaaq malittarisassat § 8-miittut naapertorlugit kommunalbestyrelsip piffissami qinigaaffiata sinnerani atuuttussamik. Borgmesterip tulliat marluk qinerneqarsimappata inissaq inuttaaruttoq kommunalbestyrelsimi suleqatigiinnit (gruppimit) toqqaasimasunit inuttalerneqassaaq.

§ 10. Kommunalbestyrelsi aalajangiisassaaq qaqugu sumilu ileqquusumik ataatsimiinnerit ingerlanneqartassanersut. Tamanna kommunimi periaaseq naapertorlugu tamanut tusarliunneqartassaaq ukiut naatsorsuiffiit aallartinneri tamaasa, tamannalu pillugu Nakkutilliisoqarfik ilisimatinneqassaaq.
Imm. 2. Ukiuni kommunalbestyrelsimut nutaamik qinersiffiusussani ileqquusumik ataatsimiinnissat ullussaat aalajangersarneqartassapput taamaallaat qaammatip kommunalbestyrelsip atuuttup tunuarfissaata naaneranut. Kommunalbestyrelsip qinigaarlaap inissitsiterluni ataatsimiinnermini ukiup sinnerani ileqquusumik ataatsimiittarnissat ullussaat aalajangersassavai.
Imm. 3. Immikkut ittunik ataatsimiinneqartassaaq borgmesterip pisariaqartuutikkaangagu imaluunniit ikinnerpaamik ilaasortat pingajorarterutaasa tamanna piumasarigaangassuk. Borgmesterip aalajangertassavaa immikkut ittumik ataatsimiinnissat qaqugu sumilu pinissaat. Sapinngisamik sioqqutsisumik kommunimi innuttaasut Nakkutilliisoqarfillu nalunaarfigineqassapput.
Imm. 4. Borgmesterip kommunalbestyrelsip ataatsimiinnissai sioqqullugit sapinngisamik sukumiisumik ilaasortanut ilisimatitsissutigissavai suliassat suut ataatsimiinnissami oqaluuserineqarumaarnersut, sapinngisamillu isumaginiassallugu suliassat paasissutissallu taakku nalilernissaannut pissarsiarineqarsimasut saqqumitinneqarnissaat ilaasortanit ataatsimiinnissaq sioqqullugu atuarneqarsinnaanngorlugit. Tamanna pillugu malittarisassat erseqqinnerusut kommunalbestyrelsip suleriaasissamisut aalajangersagaani aalajangersarneqassapput.
Imm. 5. Kommunalbestyrelsip ataatsimiinnerani suliassanut oqaluuserineqartussanut takussutissiaq aammalu aalajangiinernut imaqarniliaq, inatsisit naapertorlugit nipangiussisimasussaatitaanermut maleruagassiat killissarititaat killigalugit, kommunimi sumiiffimmi ataatsimi arlalinniluunniit saqqummiunneqassapput.

§ 11. Kommunalbestyrelsip ataatsimiinneri tamanut ammasuupput. Taamaattoq kommunalbestyrelsip akuersissutigisinnaavaa suliassat ataasiakkaat matoqqasumik oqaluuserineqarnissaat suliassap qanoq issusia pissutigalugu tamanna pisariaqartinneqaraangat. Suliassap matoqqasumik oqaluuserineqarnissaanut tunngavissaqarnersoq pillugu apeqqut matoqqasumik oqaluuserineqassaaq tamanna kommunalbestyrelsimit imaluunniit borgmesterimit aalajangerneqarpat.
Imm. 2. Inuit kommunimi kiffartuuteqarlutik atorfeqartut kommunalbestyrelsip akuerisinnaavai suliassat matoqqasumik oqaluuserineqarnerat najuuffigeqqullugu. Suliassap matoqqasumik oqaluuserineqarnerani inuit allat kommunalbestyrelsip aggeqqusinnaavai suliassap nassuiarneqarnissaa pissutigalugu tamanna kissaatiginarpat.
Imm. 3. Nakkutilliisutut oqartussaatitaasut sinniisuat pisinnaatitaavoq suliassat matoqqasumik oqaluuserineqarneranni najuunnissamut.

§ 12. Kommunalbestyrelsimi ilaasortap kialluunniit kommunip susassaqarfii pillugit apequtit suulluunniit kommunalbestyrelsimut saqqummiussinnaavai aammalu tamakku pillugit aalajangiinissanut siunnersuutinik saqqummiussisinnaalluni. Paasissutissat kommunalbestyrelsip piumasaqaatigisai ataatsimiititaliat aamma borgmesterip kommunalbestyrelsimut nalunaarutigissavaat, ataatsimiititaliat borgmesterilu - inatsisitigut aalajangersakkamik killissalikkamik - sutigut tamatigut kommunalbestyrelsip aalajangiinerinut maleruuttussaapput.
Imm. 2. Kommunalbestyrelsi aalajangiisinnaassuseqarpoq ikinnerpaamik ilaasortat affaat najuuppata.
Imm. 3. Allamik immikkut aalajangigaqartoqarsimanngippat taasisut amerlanerussuteqarnerisigut aalajangiineqartassaaq.

§ 13. Immikkut allamik aalajangigaqartoqarsimanngippat suliassap akuersissutigineqarnissaamii kommunalbestyrelsimi ataasiaannarluni oqaluuserinninneq pisariaqarpoq.

§ 14. Kommunalbestyrelsip aalajangiineri allanneqassapput aalajangiinernut imaqarniliami ataatsimiinnerit kingornatigut tamatigut piaartumik ilaasortanit ataatsimiinnermi najuuttunit atsiorneqartussami. Ilaasortani taakkunani kinaluunniit piumasaqarsinnaavoq isummani allaasoq naatsumik imaqarniliami allanneqaqqullugu, sulianilu pisortatut oqartussaasunut allanut ingerlateqqitassani piumasarisinnaallugu taassuma aamma imaqarniliap imaannik ilisimatinneqarnissaat. Ilaasortap taassuma suliap nassiunneqarnerani suliaq ilaqartissinnaavaa nammineq isummaminut tunngavilersuutigisaminik.
Imm. 2. Imaqarniliap atsiorneqarnerata kingorna kingusinnerpaamik qaammatip ataatsip qaangiunnerani imaqarniliap nuutinnera borgmesterip Nakkutilliisoqarfimmut nassiutissavaa, matoqqasumik aalajangiinernut tunngasut ilanngullugit.

§ 15. Ilaasortat ilaat suliassami aalajangersimasumi inuttut ima soqutigisaqartiginersoq suliassaq taanna pillugu kommunalbestyrelsip oqaluuserinninnerani taasineranilu peqataanngitsoortariaqarnersoq kommunalbestyrelsip aalajangiiffigissavaa.
Imm. 2. Ilaasortap pissutsinik suliassanilu aalajangersimasuni inuttut soqutigisaqarnini pissutigalugu ataatsimiissutiginninnerni taasinernilu peqataasinnaanerminut nalornisoornartoqartillugu kommunalbestyrelsi ilisimatissavaa.
Imm. 3. Ilaasortaq suliassamut tunngasumi aalajangeeqataasinnaanngitsutut oqaatigineqartariaqartoq ilimanarsippat ilaasortat pineqartoq qinigassanngorteqatigalugu qinigaasimasut, aamma kisimiillutik qinigassanngortissimasut, piumasarisinnaavaat suliassap oqaluuserineqarnissaani pineqartup sinniisussaata peqataatinneqarnissaa.
Imm. 4. Kommunalbestyrelsi aalajangiissappat ilaasortaq aalajangeeqataasinnaanngitsoq, taassumalu sinniisussaa ataatsimiigiaqquneqanngippat, ilaasortat pineqartumut qinigassanngorteqataasimasut, pineqartorlu kisimiilluni qinigassanngortittuusimappat ilaasortap nammineq piumasarisinnaavaat suliassap tullianik ataatsimiinnissamut kinguartinneqarnissaa. Taamaattoq kinguartitsisoqarsinnaanngilaq ilaasortat najuuttut 2/3-sa tamanna akerlerippassuk, imaluunniit kinguartitsinissap nassatarissappagu piffissarititaasut kommunip malitassarisai qaangerneqassaasut.

§ 16. Ilaasortaq kommunalbestyrelsip ataatsimiinnissaani napparsimanini, naartunini, erninini, meeravissiartaarnini, inuiaqatigiinni sullissisussaatitaalluni pisussaaffiligaanini, inuutissarsiutini assigisaalluunniit pissutigalugit ataatsimeeqataasinnaajunnaarpat ilaasortat pineqartup qinigaaqatigisimasaasa, aamma kisimiillutik qinigassanngortissimasut, piumasarisinnaavaat sinniisussap ataatsimiigiaqqimeqarnissaa. Allamik aamma patsiseqaraluarpat sinniisussap ataatsimiigiaqquneqarnissaa piumasarineqarsinnaavoq inissitsitissalluni ataatsimiinnissamut imaluunniit ukiumut missingersuusiassatut siunnersuutip aappassaaneerlugu oqaluuserineqarnissaanut. Qinigassanngorteqatigiinni ilaasortamik qinikkamik ataatsimiigiaqqusinissamik piumasaqaateqartoqarsinnaanngippat sinniisussap nammineq piumasaqaatigisinnaavaa ataatsimiigiaqquneqarnissani.
Imm. 2. Ilaasortaq imm. 1-imi oqaaseqatigiinni siullerni taagorneqartunik patsiseqarluni piffissami sivikinnerpaamik qaammatinik marlunnik sivisussusilimmi kommunimi pisussaaffimminik suliaqarsinnaanngitsoq borgmesteri ilisimatinneqaruni kommunalbestyrelsip ataatsimiinnissaanut tullermut siullermut sinniisussaq borgmesterip ataatsimiigiaqqussavaa.
Imm. 3. Ilaasortap kommunimi pisussaaffini suliareqqissinnaalerpagit sinniisussaq kommunalbestyrelsimit tunuassaaq.
Imm. 4. Kommunalbestyrelsip aalajangiivigissavaa sinniisussap isernissaanut piumasaasut eqqortinneqarnersut.
Imm. 5. Borgmesterip imaluunniit borgmesterip tulliap sinniisussaa imm. 2-mi maleruagassat naapertorlugit isertinneqarpat, pisinnaanngikkallarneralu sivikinnerpaamik qaammatinik sisamanik sivisussuseqarpat § 8-mi maleruagassat malillugit kommunalbestyrelsip toqqassavaa kina borgmesterip imaluunniit borgmesterip tulliap isumagisassaanik isumaginnissanersoq.

§ 17. Kommunalbestyrelsip aamma nunaqarfimmi aqutsisut ilaasortaanut aalajangersimasumik akissarsiaqartitsisoqassaaq. Akissarsianit aamma matuneqassapput kommunalbestyrelsip ataani ataatsimiititaliani atauartuni ilaasortaaneq. Borgmesteri akissarsiaqartinneqassaaq § 37 naapertorlugu.
Imm. 2. Kommunalbestyrelsi aalajangiisinnaavoq kommunalbestyrelsip ataani ataatsimiititaliani atauartuni siulittaasunut aamma nunaqarfinni aqutsisunut siulittaasunut ilaassutaasumik akissarsiaqartitsisoqarnissamut.
Imm. 3. Kommunalbestyrelsi aalajangiisinnaavoq ataatsimiinnersiaqartitsissalluni aamma sulinikkut pissarsiassaagaluanut annaasanut taartisiaqartitsissalluni makkunuuna:
1) kommunalbestyrelsimut qinersisoqareernerani kommunimut sullissinerit allat aallunneqarnissaannut,
2) kommunalbestyrelsimi imaluunniit ataatsimiititaliami ilaasortatut imaluunniit kommunimut sullissinerni allani sulinissamut pingaaruteqartuusorisani kursusini peqataanermut,
3) sinniisussanut kommunalbestyrelsip ataatsimiititaliallu ataatsimiinnerini peqataasunut, taamaattoq takuuk imm. 4.
Imm. 4. Sinniisussaq kommunalbestyrelsimut isertinneqarallartoq piffissami kommunalbestyrelsimi ilaasortaaffimmini, piffissarlu taanna sivikinnerpaamik qaammatinik marlunnik sivisussuseqarpat aalajangersimasumik akissarsiaqartinneqassaaq. Tassunga naleqquttumik kommunalbestyrelsimi ilaasortap tunuarallartup akissarsiassai aalajangersimasut ilanngaateqartinneqassapput pineqartoq sivikinnerpaamik qaammatini marlunni peqanngittussaappat.
Imm. 5. Kommunalbestyrelsimi ilaasortaq ataatsimiititaliami atauartumi sivikinnerpaamik qaammatini marlunni siulttaasuugallartoq, imm. 2 naapertorlugu tapisiaqartinneqassaaq. Taamatuttaaq ataatsimiititaliami siulittaasup siulittaasutullu sulinngikkallartup tapisiai piffissamut naapertuuttumik ikilineqartassapput, taanna sivikinnerpaamik qaammatini marlimni najuussimanngikkuni.
Imm. 6. Kommunimut sullissilluni isumagisassat suliarinerannut atatillugu Naalakkersuisut najoqqutassatut aalajangersagaat naapertorlugit angerlarsimaffiupavataaniittussaalluni angalanermut uninnganermullu ajimngitsorsiaqartitsi soqarsinnaavoq.
Imm. 7. Naalakkersuisut aalajangersarsinnaavaat akissarsiat aalajangersimasut, ilassutitut akissarsiat, ataatsimiinnesiutit aamma sulinikkut pissarsiassaagaluit annaasat taarsisiutissartaasa angissusissaat aammalu ajunngitsorsiassat taakku tunniunneqartarnissaannut missingersuusiorneqartarnissaannullu maleruagassat erseqqinnerusut.
Imm. 8. Kinaluunniit pisussaavoq imm. 1-imiit 6-imut aalajangersakkat naapertorlugit imminut pisassaritinneqartut tigunissaannut.

 

Kapitali 3
Ataatsimiitítaliat il.il.

§ 18. Kommimini ikinnerpaamik arfineq-marlunnik kommunalbestyrelsimi ilaasortaqartuni kommunip suliassaataasa ingerlatitaanerisa isumagineqarnissaannut tunngasut pillugit aningaasanut ataatsimiititaliaq, § 21-mi taagorneqartunik suliaqartussaq, kommunalbestyrelsip pilersissavaa. Aammattaaq ataatsimiititaliat atauartut kommunalbestyrelsip pilersissinnaavai, taakkulu ilaasortalersugaanissaat oqartussaassuseqarfissaallu aqutsinissamik ileqqoreqqusami aalajangersarneqassapput. Ataatsimiititaliat ilaasortaasa amerlassusiat kisitsit akunnaatsuussaaq, amerlassusissaasalu kommunalbestyrelsimi ilaasortat amerlassusaasa affaat qaangersimassanngilaat.
Imm. 2. Ataatsimiititaliani atauartuni ilaasortat qinerneqassapput kommunalbestyrelsip ilaasortaasa akornanni. Aningaasaqarnermut ataatsimiititaliami ilaasortanut tamanut, tamatumanili borgmesteri ilanngunnagu, sinniisussamik toqqaasoqassaaq, § 29, imm. 2 naapertorlugu, ataatsimiititaliami ilaasortap peqataasinnaannginnerani ataatsimiititaliap ataatsimiinnissaannut aggersarneqarsinnaasumik.
Imm. 3. Ataatsimiititalianut, kommissioninut, siulersuisunut taamaaqataannullu kommunalbestyrelsip aalajangersakkat allat naapertorlugit sinniisoqarfigisassaanut ilaasortassat kommunalbestyrelsip qinissavai.
Imm. 4. Ataatsimiititalianut il.il. imm. 1-imi 3-milu taaneqartunut ilaasortassanik qinersineq pissaaq borgmesterimik borgmesterip tulliamillu (borgmesterip tullianik) qinersereernermi, takuulli § 22. imm. 2. Qinersinerit piffissamut kommunalbestyrelsip qinigaaffianut atortussaassuseqassapput, taamaattoq takuuk imm. 5.
Imm. 5. Kommunalbestyrelsi, imm. 4-mi aalajangersagaq apeqqutaatinnagu, ataatsimiititalianik allanngortiterinermut atatillugu maleruagassat kinguliiniittut malillugit aalajangiisinnaavoq:
1) ataatsimiititalianik atauartunik pilersitsissalluni imaluunniit atorunnaarsitsissalluni,
2) ataatsimiititaliap atauartup ilaasortaasa amerlassusii allanngortinneqassasut imaluunniit
3) ataatsimiititaliat atauartut suliassaasa agguataarnerisa allanngortinneqarnissaannut.
Imm. 6. Imm. 5-imi taagorneqartutut ataatsimiititalianik allanngortiterinerit ingerlanneqassapput kommunip aqutsinissamik ileqqoreqqusaata allanngortinneqarnissaa pillugu § 2-mi imm. 2-mi maleruagassat malillugit. Kommunalbestyrelsimi ilaasortap ataatsip piumasaqaatigippagu aningaasaqarnermut ataatsimiititaliami aamma ataatsimiititaliani atauartuni tamani inissitsiteqqittoqassaaq.
Imm. 7. Aammattaaq kommunalbestyrelsi ataatsimiititalianik immikkut ittunik pilersitsisinnaavoq suliassat aalajangersimasut isumagineqarnissaannut imaluunniit kommunalbestyrelsimut, aningaasaqarnermut ataatsimiititaliamut imaluunniit ataatsimiititalianut atauartunut siunnersuisartussanik. Kommunalbestyrelsip aalajangissavai ataatsimiititaliat immikkut ittut katitigaanissaat taakkulu sulinissaanni maleruagassat aalajangersassallugit.
Imm. 8. Kommunalbestyrelsimi ilaasortat pisussaapput ataatsimiititalianut, kommissioninut, siulersuisunut taamaaqataannullu qinigaanitik akuerissallugit aammalu suliassanut allanut kommunalbestyrelsimit imminnut suliassanngortitaasut ingerlannissaannut. Kommunalbestyrelsip aamma, immikkut allanik aalajangiisoqarsimanngippat, suliassat kommunimi innuttaasunut tamatumunnga akuersisunut suliassanngortissinnaavai.

§ 19. Naalakkersuisut aalajangersaasinnaapput maleruagassanik kapitalini 3, 4 aamma 5-imi maleruagassanik allaasunik kommunini arfineq-marlunnik ikinnerusunik kommunalbestyrelsini ilaasortalinni malinneqartussanik.

§ 20. Kommunalbestyrelsi pisussaavoq kommunip ingerlatsinerata aaqqissuunnissaanut kommunimilu sulisut atorfinitsinnissaannut soraarsinnissaannullu.

§ 21. Aningaasaqarnermut ataatsimiititaliap ilaasortai, siulittaasoq, borgmesteri, eqqaassanngikkaanni qinerneqassapput kommunalbestyrelsip ilaasortaasa akornanni.
Imm. 2. Aningaasaqarnermut ataatsimiititaliap suliassarai makku:
1) Ataatsimiititaliap malinnaaffigissavai kommunip ingerlatsinermini susassaqarfiini tamani aningaasaqarnermut nalinginnaasumillu allaffikkut ingerlatsinermut tunngasut, suliassanilu suniluunniit tamakkununnga tunngasut pillugit oqaaseqartinneqartassalluni suliassap kommunalbestyrelsimut aalajangiiffigisassanngorlugu saqqummiunneqannginnerani.
2) Ataatsimiititaliap isumagissavai aningaasarsianut sulisunullu tunngatillugu suliassani tamani isumagisassat, taakkununnga ilanngullugit kommunimi sulisut atorfinitsinneqartarneri soraarsinneqartarnerilu, tassani pineqanngilaq kommunaldirektørimik atorfinitsitsineq soraarsitsinerlu kommunalbestyrelsimit aalajangiivigineqartussaq,
3) Ataatsimiititaliap isumagissavai kommunip karseqarneranut naatsorsuuteqarneranullu tunngasuni suliassani isumagisassat,
4) Ataatsimiititaliap isumagissavai aningaasaqarnikkut pilersaarusianut, kommunalbestyrelsimut inassuteqarnermi ataatsimiititalianut atauartunut pinngitsoorani malitassaasunut, tamanut tunngatillugu tunngavissiat suliarineqarnissaat aammalu isumagissallugit imaluunniit ataqatigiisaassallugit kommunip immikkoortunut pilersaarusiornerani pilersaarusiat suliarineqarnissaannut maleruagassiat tamanut tunngasut aalajangersarneqarnissaat taakkununngalu paasissutissat tunngaviusut.

§ 22. Aqutsinissamut ileqqoreqqusami kommunalbestyrelsip aalajangersinnaavaa aningaasaqarnermut ataatsimiititaliami ilaasortaassasut borgmesteri, ataatsimiititaliami siulittaasutut, aamma ataatsimiititaliani atauartuni siulittaasut, ataatsimiititaliallu atauartut akunnaatsumik amerlassuseqarpata, ilaasortat ataatsimik ilaneqassasut.
Imm. 2. Ataatsimiititaliani atauartuni siulittaasut, ataatsimiititaliallu atauartut akunnaatsumik amerlassuseqarpata ilaasortaq ilassutaasoq, kommunalbestyrelsimit qinerneqassapput inissitsiterluni ataatsimiinnermi borgmesterimik aamma borgmesterip tullianik (borgmesterip tullianik) qinersereernerup kinguninnguatigut. Qinersineq ingerlanneqassaaq qanoq amerlassuseqarneq tunngavigalugu, tamatumalu kingorna ataatsimiititalianut atauartunut qinersinermi suleqatigiittut qinerseqatigiikkumalluni nalunaarsimaneq malinneqassalluni. Qinersinerit atortuusussaapput piffissamut kommunalbestyrelsip qinigaaffianut.
Imm. 3. Suleqatigiit ataatsimiititaliani siulittaasutut inissamik inuttaliisussaatitaalersimanertik tulleriinneralugu aalajangissavaat ataatsimiititaliani sorlerni kikkunnillu siulittaasuliinissartik. Ilaasortat arlaannaalluunniit siulittaasuuffinnut ataatsimit amerlanerusunut toqqarneqarsinnaanngilaq. Siulittaasuuffissanik agguaanermi aningaasaqarnermut ataatsimiititaliami siulittaasutut inissaq naatsorsuunneqassaaq kommunalbestyrelsip iluani suleqatigiit kommunalbestyrelsimut siulittaasuutitaqartup ataatsimiititaliani siulittaasuutitaqarfíssaani siullertut. Ataatsimiititaliani siulittaasussat qinerneqareeraangata ataatsimiititaliani atauartuni ilaasortassat sinneri qinerneqassapput § 25-mi maleruagassat malillugit, ataatsimiititaliamilu siulittaasup inissinnera naatsorsuunneqassaaq gruppep siulittaasuutitaqartup ataatsimiititaliami inissaani siullertut.
Imm. 4. Piffissap qinigaaffiup ingerlanerani aqutseriaaseq alla atorneqalissasoq kommunalbestyrelsi aalajangiippat allannguineq piffissap qinigaaffiup sinneranut atuutissaaq.

§ 23. Ataatsimiititaliat nammineerlutik suleriaasissatik aalajangersartassavaat.
Imm. 2. Ataatsimiititaliat sulinertik ingerlatissavaat ataatsimiinnerni. Aalajangiisinnaassuseqarput ikinnerpaamik ilaasortat affaat najuukkaangata. Aalajangiinerit tamarmik taasisut amerlanerussuseqarnerisigut pisassapput.
Imm. 3. Aalajangiinernut imaqarniliat pillugit § 14, imm. 1-imi maleruagassat aamma ataatsimiititalianit malinneqassapput.
Imm. 4. Inuit kommunimi kiffartuuteqarlutik atorfeqartut ataatsimiititaliat akuerisinnaavaat ataatsimiinnerit najuuffigeqqullugit ataatsimiititaliami allatsitut il.il. isumagisassat isumagineqarnissaat siunertaralugu. Inuit allat, taakkununnga ilanngullugit kommunalbestyrelsimi ilaasortat allat, ataatsimiititaliat aggersarsinnaavaat ataatsimiinnerit najuuffigeqqullugit suliassap nassuiarneqarnissaa pissutigalugu tamanna kissaatiginarpat.
Imm. 5. Kommunalbestyrelsimi ilaasortat aningaasaqarnermut ataatsimiititaliami ilaasortaanngitsut pisinnaatitaapput - oqaaseqarsinnaatitaanatik - ukiumut tullermut missingersuusianut ukiunullu tulliinut missingersuusianut missingiutinut siunnersuutit inaarutaasumik oqaluuserineqarnissaanni najuunnissamut.
Imm. 6. Kommunalbestyrelsimi ilaasortaq kinaluunniit, nipangiussisimasussaatitaaneq pillugu inatsisiliornikkut maleruagassat killissarititaat killigalugit, qinnuteqareernermigut pisinnaatitaavoq oqaluuserisassat allattorsimaffiinik aamma aalajangiinernut imaqarniliat allattorsimaffiinik ataatsimiititaliani ilaasortaaffíginngisaraluani ilaasortanut nassiunneqartartunik, aammalu qinnuteqareernikkut ataasiakkaatigut suliassanut tunngasunik ataatsimiititaliami ilaasortanut nassiunneqartut assigisaannik nassinneqarnissaminut.

§ 24. Ataatsimiititaliat siulittaasussatik namminneq qinertassavaat, taamaattoq tak. § 19, imm. 1. Ataatsimiititaliami ilaasortaq kinaluunniit pisussaavoq siulittaasutut qinigaanini akuerissallugu. Ataatsimiititaliami siulittaasup ataatsimiititaliap ataatsimiinnissai piareersartassavai, ataatsimiigiaqqusissalluni ataatsimiinnerillu siulersortassallugit ataatsimiinnernilu aalajangiinerit aalajangiinernut imaqarniliat allanneqarnissaat akisussaaffigalugu.
Imm. 2. Siulittaasup ataatsimiititaliaq sinnerlugu suliassat kinguartinneqarsinnaanngitsut imaluunniit nalornisoorutaasinnaanngitsut aalajangiivigisinnaavai. Suliassani kinguartinneqarsinnaanngitsuni, inatsisiliornikkut ataatsimiititaliamut suliassanngortitaasimanngitsuni, ataatsimiititaliami siulittaasoq aalajangiitinnagu sioqqutsisumik borgmesteri ilisimatinneqassaaq.
Imm. 3. Ataatsimiititaliami ilaasortap kialluunniit siulittaasup sulinera pillugu apeqqutit suugaluartulluunniit ataatsimiititaliamut suliassanngortissinnaavai, siulittaasullu ataatsimiititaliaq nassuiaatinik piumasaanik nalunaarfigissavaa. Siulittaasoq sutigut tamatigut ataatsimiititaliap aalajangiinerinut maleruuttussaavoq.

§ 25. Ataatsimiititaliat siulersugassaraat imminnut suliassiissutigineqartut ukiumoortumik aningaasanut missingersuusiap akuerineqarsimasup iluani aammalu kommunalbestyrelsip akuersissutigisimasai allat naapertorlugit. Aningaasat akuerineqarsimasut atuinermiit nikingannginnissaat nakkutigissavaat aammalu aningaasaqarnermut ataatsimiititaliaq aqqutigalugu kommunalbestyrelsimut siunnersuuteqassallutik aningaasat ilassutissatut akuersissutissat kissaatiginartutut pisariaqartutulluunniit isumaqarfiginarpata.
Imm. 2. Iliuusissat ataatsimiititaliamut allamut annertuumik pingaaruteqartut aallartinneqannginneranni ataatsimiititaliap, pisariaqartitsineq tunngavigalugu borgmesteri akuutillugu, tak. § 32, ataatsimiititaliaq pineqartoq isumaqatiginiassavaa.
Imm. 3. Ataatsimiititaliat aningaasaqarnermut ataatsimiititaliamit piumaffigineqarlutik ataatsimiititaliallu taassuma piffissaliutaata iluani ukiumoortumik aningaasanut missingersuusiassamut aammalu ukiunut tulliinut arlalinnut aningaasanut missingiusiassanut missingiutit ilanngutassatik saqqummiutissavaat.

§ 26. Ataatsimiititaliami ilaasortap kialluunniit aalajangiinerup timitalerneqarnissaa unitsissinnaavaa ataatsimiinnermi oqaaseqaruni suliassap kommunalbestyrelsimut tamarmiusumut saqqummiunneqarnissaa kissaatigigini. Tamannali atussanngilaq aalajangiinernut inatsisit malillugit kommunalbestyrelsimut saqqummiunneqarsinnaanngitsunut.

§ 27. Ataatsimiititalianut il.il. ilaasortassanik marlunnik amerlanerusunilluunniit qinersinermi qanoq amerlassuseqarneq tunngavigalugu qinersineq atorneqassaaq ataatsimiititalianut tamanut.
Imm. 2. Ataatsimiititalianut il.il. borgmesterip pinngitsoorani ilaasortaaffigisassaanut ilaasortassanik qinersinermi taassuma inigisaa inissanut qanoq amerlassuseqarneq tunngavigalugu kommunalbestyrelsimi suleqatigiit borgmesterip ataffigisaata pisassaanut ilanngullugu naatsorsuutigineqartassaaq.
Imm. 3. Ataatsimiititalianut il.il. ilaasortassanik kommunalbestyrelsimi ilaasortat ilaasortaanngitsullu akornanni qinersisoqassagaangat ilaasortat kommunalbestyrelsip toqqagassai tamarmik qinerneqassapput qanoq amerlassuseqarneq tunngavigalugu ataatsimiititalianut tamanut. Suleqatigiit ilaasortaatitaqartussat tulleriiaarlutik kommunalbestyrelsimi ilaasortat ilaasortaanngitsullu toqqartussavaat inissat tamarmiusut inuttalerneqarnissaasa tungaanut.
Imm. 4. Qanoq amerlassuseqarneq tunngavigalugu qinersineq ingerlanneqassaaq d'Hondtip periaasia tunngavigalugu imaattunik malittarisaqarluni: Kommunalbestyrelsip ilaasortai immikkoortunut qinersinissami pineqartumi qanoq taaseqatigiikkumanertik pillugu siulittaasumut nalunaarsimanertik tunngavigalugu avinneqassapput. Suleqatigiit tamarmik amerlassusii 1-imik, 2-mik, 3-mik il.il. agguarneqassapput. Inernerit pissarsiarineqartut aalajangissavaat qanoq tulleriinneqarlutik sinniisorisassaminnik qinersisinnaanersut. Inernerit marluk amerlanerusulluunniit assigiippata qanoq tulleriinneqarnissaq makitsinikkut aalajangerneqassaaq. Suleqatigiit ataasiakkaat sinniisorisassaasa amerlassusissaat aalajangerneqarpat suleqatigiit piaartumik borgmesterimut nalunaarutigissavaat inuit kikkut inissani pisassaminni toqqarneqarnersut. Suleqatigiit arlaata ataatsimik arlalinnilluunniit inuttaliisinnaatitaanini atorumanngippagu inissat inuttalerneqanngitsut suleqatigiit allat akunneranni agguarneqassapput periaaseq siuliani taaneqartoq malillugu.

§ 28. Amerlanerussuteqartitsilluni qinersinermi qinigassanngortittoq ilaasortanit najuuttunit amerlanerpaanit taaneqartoq qinigaassaaq. Taamatut amerlanerussuteqanngitsoorpat amerlanerpaanik taaneqarsimasut aalajangersimasut marluk akornanni qinersisoqassaaq. Aalajangersimasumik qinersinermi taasinerit amerlaqatigiippata makitsinikkut aalajangiineqassaaq.
Imm. 2. Kommunimi sulilersussamik atorfinitsitsinermi qinnuteqartut arlallit akornanni toqqaasoqartassaaq periaaseq imm. 1-imi taaneqartoq malillugu.

§ 29. Piffissap qinigaaffiup ingerlanerani ataatsimiititaliami taamaaqataaniluunniit ilaasortaq tunuarpat kommunalbestyrelsimilu suleqatigiinnit aalajangersimasunit qinerneqarsimappat inissaq inueruttoq suleqatigiinnit taakkunannga inuttalerneqassaaq.
Imm. 2. Ataatsimiititaliami ilaasortaq najuussinnaanngippat suleqatigiit taassuminnga qinersisimasut aalajangersinnaapput ilaasortap sinniisussaa, tak. § 18, imm, ataatsimiititaliami ilaasortaagallassasoq ilaasortap najuuteqqilernissaata tunngaanut.

§ 30. Ilaasortat ilaat suliassami aalajangersimasumi inuttut ima soqutigisaqartiginersoq suliassaq taanna pillugu ataatsimiititaliap oqaluuserinninnerani taasineranilu peqataanngitsoortariaqarnersoq ataatsimiititaliap aalajangiiffigissavaa, tak. § 15.
Imm. 2. Ilaasortap pissutsinik suliassanilu aalajangersimasuni inuttut soqutigisaqarnini pissutigalugu ataatsimiissutiginninnerni taasinernilu peqataasinnaanerminut nalornisoornartoqartillugu ataatsimiititaliami siulittaasoq ilisimatissavaa.
Imm. 3. Ilaasortaq suliassamut tunngasumi aalajangeeqataasinnaanngitsutut oqaatigineqartariaqartoq ilimanarsippat kommunalbestyrelsimi ilaasortat pineqartoq qinigassanngorteqatigalugu qinigaasimasut, aamma kisimiillutik qinigassanngortissimasut, piumasarisinnaavaat suliassap ataatsimiititaliami oqaluuserineqarnissaani pineqartup sinniisussaata peqataatinneqarnissaa.
Imm. 4. Ataatsimiititaliaq aalajangiissappat ilaasortaq aalajangeeqataasinnaanngitsoq, taassumalu sinniisussaa ataatsimiigiaqquneqanngippat, kommunalbestyrelsimi ilaasortat pineqartumut qinigassanngorteqataasimasut, pineqartorlu kisimiilluni qinigassanngortittuusimappat ilaasortap nammineq piumasarisinnaavaat suliassap tullianik ataatsimiinnissamut kinguartinneqarnissaa. Taamaattoq kinguartitsisoqarsinnaanngilaq kinguartitsinissap nassatarissappagu piffissarititaasut kommunip malitassarisai qaangerneqassasut.

§ 31. Ataatsimiititaliami ilaasortaq kommunimi ingerlatsivimmik ataatsimiititaliamit pineqartumit qullersaaffigineqartumik akissarsiaqaatigalugu sulissussissanngilaq, tamanna sioqqullugu tamanut ammasumik suliariumannittussarsiuussisoqareersinnagu imaluunniit pissutsit immikkut ittut pissutigalugit kommunalbestyrelsi taamaaliortoqannginnissaanik aalajangiisimappat.
Imm. 2. Ataatsimiititaliami atauartumi ilaasortaaneq ajornarpoq:
1) atorfilinnut, taakkulu sinniisussaannut, ingerlatsivinni toqqaannartumik | ataatsimiititaliamut akisussaasuni pisortaasunut, aamma
2) atorfilinnut ingerlatsivinni ataatsimiititaliamut atasuni pisortatut ingerlassaqartunut.
Imm. 3. Aningaasaqarnermut ataatsimiititaliamut ilaasortaaneq ajornarpoq:
1) atorfilinnut kommunip ingerlatsiviani suliassanik § 21, imm. 2 aamma kap. 5 malillugit aningaasaqarnermut ataatsimiititaliap ataaniittunik suliaqartunut.
2) atorfilinnut ingerlatsiviit allat aningaasaqarnermut ataatsimiititaliap isumagisaqarfiini toqqaannartumik akisussaasunut imaluunniit pisortaaqataasunut, aamma
3) atorfilinnut ingerlatsivimmi ataatsimiititaliap atauartup ataaniittumi toqqaannartumik akisussaallutik pisortaasunut.
Imm. 4. Kinaluunniit kommunalbestyrelsimi atorfeqartitaasumut katissimallugu imaluunniit katissimanngikkaluarlugu inooqateqartumut aappaasoq ilaasortaasinnaanngilaq
1) ataatsimiititaliami atauartumi atorfeqartoq imm. 1-mi nr. 1 malillugu ataatsimiititaliami ilaasortaasinnaanngitsumut,
2) aningaasaqarnermut ataatsimiititaliami, atorfeqartoq toqqaannartumik akisussaasuuppat imaluunniit pisortaaqataappat ingerlatsivimmi aningaasaqarnermut ataatsimiititaliamut imaluunniit atauartumut attuumassuteqartumi.

 

Kapitali 4
Borgmesteri

§ 32. Borgmesterip kommunalbestyrelsip ataatsimiinnissai piareersartassavai ilaasortallu ataatsimiigiaqqussallugit. Kommunalbestyrelsip ataatsimiinneri taasinerilu siulersortassavai aalajangiisarnerillu allattuiffinnut allanneqarnissaat isumagissallugu.

§ 33. Borgmesterip kommunalbestyrelsi sinnerlugu suliassat kinguartinneqarsinnaanngitsut imaluunniit nalornisoorutaasinnaanngitsut aalajangiivigisinnaavai.
Imm. 2. Kommunip aqunneqarnerata ullormut siulersorneqarnera borgmesterip isumagissvaa. Suliassat ataatsimiititalianut pineqartunut agguataassavai, isumagissallugulu suliassat kommunalbestyrelsimit aalajangiiffigisariaqartut piareersagaasimallutik kommunalbestyrelsimut saqqummiunneqarnissaat. Suliassat naammassineqarnissaat nakkutigissavaa pisariaqarpallu tamatumunnga ilitsersuutinik suliaqassalluni.
Imm. 3. Borgmesterip isumagissavaa akuersissuteqartoqarsimatinnagu sumilluunniit aningaasartuuteqartoqassananilu isertitsisoqassanngitsoq.
Imm. 4. Borgmesterip suliassanik ingerlatsinissai pillugit malittarisassat erseqinnerusut aqutsinissamik ileqqoreqqusami aalajangerneqassapput.

§ 34. Borgmesteri ilaasortaanngikkaluarluni ataatsimiititaliat atauartut ataatsimiinnerini najuussinnaatitaavoq taaseqataasinnaatitaanani. Ataatsimiinnissanut piffissat pillugit nalunaarfigineqartassaaq ullormullu oqaluuserisassanik tigusaqartassalluni ullormut oqaluuserisassat ilaasortanut nassiunneqarsimagaangata aammalu ataatsimiinnerit tamaasa imaqarniliornerisa nuutinneranik.
Imm. 2. Borgmesterip ataatsimiigiaqqusinnaavai ataatsimiititaliat marluk arlallilluunniit ilaasortaat taakku ataatsimoorlutik soqutigisaqarfigisaat oqaluuseritinniarlugit.
Imm. 3. Borgmesterip suliassap ataatsimiititaliamit oqartussaaffigineqartup oqaluuserineqarnera unitsissinnaavaa ataatsimiititaliaq peqqullugu suliassaq kommunalbestyrelsimut saqqummiunneqassasoq pisariaqanngitsumik kinguarsaanertaqanngitsumik. Tamannali atussanngilaq suliassani inatsisikkut ataatsimiititaliamut aalajangigassanngortinneqarsimasunut tunngatillugu.

§ 35. Kommunip illunik aalaakkaasunik pisineranut tunisineranullu, taarsigassarsineranut aammalu qularnaveeqqusiisutut imminut pisussanngortinneri pillugit pappiaqqat borgmesterimit imaluunniit borgmesterip tulliamit aammalu inummit kommunalbestyrelsimit piginnaatinneqartumit atsiorneqassapput.

§ 36. Suliassat inatsit manna kommunimilu aqutsinissamik ileqqoreqqusaq naapertorlugit borgmesterimut isumagisassanngortinneqarsimasut borgmesterip pisinnaannginnerani borgmesterip tulliap kingoraartaagallarnermini tamaasa tigussavai.
Imm. 2. Kommunalbestyrelsip borgmesterip tullia peqqusinnaavaa borgmesterimut suliassarititaasut pisinnaatitaaffiillu tamaasa tigoqqullugit ilimanarsippat borgmesterip suliassani ingerlassinnaanngikkallarai § 16, imm. 5 naapertorlugu nutaamik borgmesterissarsiortoqassatinnagu.

§ 37. Borgmesterip akissarsiaqartinneqarnissaa, soraarnerussutisiaqartinneqarnissaa tunuareernerminilu akissarsiaqartinneqarallarnissaa pillugit maleruagassat Naalakkersuisunit aalajangersarneqassapput.
Imm. 2. Borgmesterip tullianut imaluunniit kommunalbestyrelsimi ilaasortanut borgmesterip pisinnaanngikkallarnerani suliassaanik suliakkerneqartunut akissarsiaqartitsinissaq pillugu maleruagassat Naalakkersuisunit aalajangersarneqassapput.

 

Kapitali 5
Kommunip aningaasanut tunngasutigut ingerlatsinera

§ 38. Kommunip ukioq naatsorsuiffia tassaavoq qaammatisiutit malillugit ukioq.

§ 39. Aningaasaqarnermut ataatsimiititaliaq kommunalbestyrelsimut siunnersuusiussaaq kommunip ukiumut naatsorsuiffimmut aggersumut aningaasanut missingersuusiassaanut sivikinnerpaamik ukiunut pingasunut missingiutinik ilaqartinneqartumik piffissap Naalakkersuisut aalajangigaata iluani.
Imm. 2. Aningaasanut missingersuusiatut siunnersuummut ilaatinneqassapput kommunip isertitassai aningaasartuutissaalu tamarmiusut aammalu aningaasani tigoriaannarni nikinnerit aamma aningaasaatit nikeriarnerat.
Imm. 3. Aningaasanut missingersuusiatut siunnersuut tamatigut takussutissaassaaq aningaasartuutissatut isertitassatullu aammalu allatigut nikeriaatissatut ilimagineqartunut.
Imm. 4. Aningaasanut missingersuusiatut siunnersuummi naatsorsuutigineqassanngilaq taarsigassarsinissaq, Naalakkersuisut taarsigassarsinissamut akuersissutaat pisariaqartoq pigineqariinngippat, imaluunniit akuersissummik peqqaanngikkaluarluni maleruagassat atuuttut naapertorlugit taarsigassarsinissaq.
Imm. 5. Aningaasanut missingersuusiornissamut aamma ilassutitut akuersissuteqarnissamut maleruagassat Naalakkersuisut aalajangersarsinnaavaat.

§ 40. Aningaasaqarnermut ataatsimiititaliap ukiumut aningaasanut missingersuusiassatut aammalu ukiunut arlalinnut aningaasanut missingersuusiassanut missingiutai kommunalbestyrelsimi marloriarlugit ataatsimiissutigineqassapput sivikinnerpaamik sapaatip akunnerinik marlunnik akuttussuseqartumik.
Imm. 2. Aningaasanut missingersuusiassatut siunnersuutip marloriarlugu oqaluuserineqarnissaani periaasissat erseqqinnerusut suleriaasissami kommunalbestyrelsip aalajangersassavai.
Imm. 3. Aningaasanut missingersuusiap aappassaaneerlugu oqaluuserineqarnissaanut piffissaliussaq Naalakkersuisut aalajangissavaat aammalu ukiumut aningaasanut missingersuusiami postit aningaasanut missingersuusiap inaarutaasumik akuersissutigineqarnissaani aningaasaliissutit tungaasigut akuersissutigisassaasa immikkuualuttortassai pillugit maleruagassanik aalajangersaasinnaallutik.
Imm. 4. Aningaasanut missingersuusiaq inaarutaasumik aalajangiivigineqariitsiarpat taassuma assinga Naalakkersuisunut nassiunneqassaaq.

§ 41. Ukiumoortumik aningaasanut missingersuusiaq ukiunullu tulliuttunut arlalinnut aningaasanut missingersuusianut missingiutit akuersissutigineqarsimasut kommunimi innuttaasunit takuneqarsinnaassapput.
Imm. 2. Ukiumoortumik aningaasanut missingersuusiap ukiunullu tulliuttunut arlalinnut aningaasanut missingesuusianut missingiutit imarisaannut naatsumik nassuiaat ukiup naatsorsuiffiup tulliuttup aallartinnginnerani kommunimi innuttaasunut saqqummiunneqassaaq imaluunniit najugaqarfimmi tusagassiuutitigut saqqummiunneqassalluni kommunalbestyrelsip aalajangigaa malillugu.

§ 42. Ukiumoortumik aningaasanut missingersuusiami postit aningaasanut missingersuusiap inaarutaasumik akuersissutigineqarnerani aningaasaliissutit tungaasigut § 40, imm. 3 malillugu kommunip ingerlatsinerani pinngitsoorani malinneqassapput.
Imm. 2. Aningaasanik akuersinissamut kommunalbestyrelsi oqartussaassuseqarpoq. Iliuutsit aningaasartuutinik imaluunniit isertitanik nassatallit ukiumoortumik aningaasanut missingersuusiat akuerineqarnerannut ilanngullugit akuersissutigineqareersimanngitsut aallartinneqassanngillat kommunalbestyrelsimit akuersissutigineqareersimatinnagit. Taamaattorli iliuutsit inatsisitigut, peqqussutitigut imaluunniit maleruagassatigut allatigut iliuusereqquneqartut pisariaqarpat aallartinneqarsinnaapput kommunalbestyrelsi akuersiseqqaanngikkaluarlugu, kisianni sapinngisamik piaarnerpaamik akuersissummik piniartoqassaaq. Kommunalbestyrelsip aningaasaqarnermut ataatsimiititaliaq aamma piginnaatissinnaavaa aningaasanut missingersuusiap iluani aningaasat ingerlatsinermut imaluunniit sanaartugassamut aningaasaliissutit ingerlatsinermut imaluunniit sanaartugassamut allamut nuunneqarnissaannut.
Imm. 3. Ilassutitut akuersissutini tamatigut allassimassaaq aningaasartuutissatut akuersissutaasut qanoq iliorluni matussutissaqartinneqassanersut.
Imm. 4. Ilassutitut akuersissutini ataasiakkaani aamma allassimassapput tamatuma ukiunut tullernut aningaasanut missingiusianut aningaasat tungaasigut sunniutigisinnaasaat. Ilassutitut akuersissuteqarnermi § 39-mi imm. 3-mi aamma 4-mi aalajangersakkat aamma malinneqassapput.

§ 43. Naalakkersuisut maleruagassanik aalajangersaasinnaapput makkununnga
1) kommunit taarsigassarsisinnaanerannut aamma allatigut akiligassalittut pisussaaffilernerat
2) kommunit qularnaveeqqusiisinnaanerannut aamma allatigut pisussaaffílernissaannut
3) kommunit inatsit malillugu pisussaaffiginngisaminnik aalajangersimasumik akiliisarnissaminnut kommunit neriorsuuteqarsinnaanerannut

§ 44. Kommunip naatsorsuutaani nalunaarsorneqarsimassapput kommunip aningaasaatai qanoq aqunneqarsimanersut aammalu aqunneqarnerat ukiumoortumik aningaasanut missingersuusianut kommunalbestyrelsillu aalajangiinerinut allanut naapertuuttuunersoq.
Imm. 2. Kommunip aningaasaatai isumannaatsumik paarineqassapput. Aningaasat ullormut atorneqartussatut tigoriaannaatinneqanngitsut aningaaserivimmut ikineqassapput imaluunniit obligationinut inissinneqassallutik aningaasaateqarfiit aningaasaataannik inissiiffigineqarsinnaasunut.
Imm. 3. Kommunip aningaasaataasa allatut inissinneqarnissaanni, soorlu nunat allat aningaasaannut, piumasarineqarpoq Naalakkersuisut siumoortumik akuersissuteqarnissaat.

§ 45. Kommunip naatsorsuutai aningaasaqarnermut ataatsimiititaliamit kommunalbestyrelsimut saqqummiunneqassapput piffissaq Naalakkersuisut aalajangigaat qaangiutsinnagu. Naatsorsuutit ilaqartinneqassapput kommunip qularnaveeqqusiisutut uppernarsaasiisutullu pisussaaffiisa nalunaarsorsimaffiannik. Tamatuma saniatigut pisariaqartitsineq naapertorlugu naatsorsuutit ilaqartinneqassapput pissutaasimasut nassuiaataannik oqaaseqaatinik, pingaartumik aningaasanut akuersissutit naatsorsuutillu akornanni nikingassutit annertuut pillugit, kiisalu kommunip aningaasalersuutissatut pilersaarusiaanut, ukiunut arlalinnut missingersuusianut missingiusianut il.il. tunngatillugit.
Imm. 2. Naatsorsuutinut oqaaseqaatit kommunalbestyrelsip aalajangiivigissavai aammalu aalajangiivigissallugu naatsorsuutini postini allani malersueqqittoqassanersoq, tamannalu pereerpat naatsorsuutit kukkunersiuisunut Nakkutilliisoqarfimmullu kommunalbestyrelsimit saqqummiunneqassallutik.
Imm. 3. Naalakkersuisut aalajangersassavaat naatsorsuutit saqqummiunneqarnissaanni maleruagassat erseqqinnerusut.
Imm. 4. Ukiumoortumik naatsorsuutinut kukkimersiuisut oqaaseqaataat aningaasaqarnermut ataatsimiititaliamut nalunaarutigineqareeraangata - aamma ingerlatsivinnut aningaasaqarnermut ataatsimiititaliamut toqqaannartumik atanngitsunut oqaaseqaatit - kommunimi oqartussaasup pineqartup akissutai ilanngullugit, oqaaseqaatit saqqummiunneqartut kommunalbestyrelsimit ataatsimiinnermi aalajangiivigineqassapput.
Imm. 5. Kukkunersiuisut oqaaseqaataat oqaaseqaatinullu saqqummiunneqartunut kommunalbestyrelsip aalajangiineri ilanngullugit Nakkutilliisoqarfimmut nassiunneqassapput kommunalbestyrelsi aalajangeereersimatsiarpat.
Imm. 6. Tamatuma kingorna naatsorsuutit inaarutaasumik akuerineqarsimasut kommunimi innuttaasunit takuneqarsinnaassapput.

§ 46. Kommunit tamarmik paasisimasaqarluartunik kukkunersiuisoqassapput Naalakkersuisunit akuerineqartussanik. Kommunalbestyrelsip kukkunersiuisunik soraarsitsinissaanut Naalakkersuisut akuersinissaat pisariaqarpoq.
Imm. 2. Kukkunersiuinermi ilanngunneqassapput naatsorsuusiornermut tunngasut kommunalbestyrelsimut attuumassuteqartut tamarmik. Kukkunersiuinermi misilinneqartassaaq naatsorsuutit eqqortumik takussutissiinersut, iliuusaasimasullu naatsorsuutinik saqqummiinermi ilanngunneqartussat aningaasanut akuersissutaasimasunut, kommunalbestyrelsip aalajangiinerinut allanut, inatsisinut peqqussutinullu allanut kiisalu isumaqatigiissutaasimasunut periaasitoqqanullu naapertuuttuunersut.
Imm. 3. Kukkunersiuisut pisinnaatitaapput qanoq ilisukkulluunniit siumut ilisimatitsissutaareersimanngitsumik karsi misissussallugu akuttunngitsumillu kommunip naatsorsuusiai tamatumunngalu atasumik nakkutilliissutitut iliuusissaatitaasut - tassunga ilanngullugu qarasaasiaqarnermi maleruaqqusat - kukkuner- siussallugit misilinniarlugu taakku isumannaatsuunersut.
Imm. 4. Kommunalbestyrelsi pisussaavoq paasissutissat kukkunersiuinermi pisariaqartut pissarsiarissallugit kukkunersiuisunullu nalunaarutigissallugit.
Imm. 5. Imm. 3 naapertorlugu kukkunersiuisut sulinerannut ilaatillugu kukkunersiuisut nalunaarutaannut § 45-mi imm. 4-mi aamma 5-imi aalajangersakkat malinneqassapput.

§ 47. Kommunip karseqarneranut naatsorsuuteqarneranullu aaqqissorneqarnissaannut suleriaasissanullu maleruagassat erseqqinnerusut malittarisassani kommunalbestyrelsip aalajangersassavai. Malittarisassat nassiunneqassapput kommunip kukkunersiuisuinut taakkulu ilanngullugu ilisimatinneqassapput malittarisassani allannguuteqartitsinernik taakku atuutilinnginneranni.

§ 48. Kommunip karseqarneranut naatsorsuuteqarneranullu aqutsinissaq, kukkunersiuinissaq aammalu kukkunersiuisut oqaaseqaataasa aalajangiivigineqarnissaat pillugit maleruagassanik Naalakkersuisut aalajangersaasinnaapput.

 

Kapitali 6
Nunaqarfinni aqutsisut

§ 49. Nunaqarfinni aqutsisut qassinik ilaasortaqarnissaat kommunalbestyrelsimit aalajangerneqassaaq 3-nut imaluunniit 5-inut piffissami qinersiviusumi atuuttussat.
Imm. 2. Nunaqarfimmi aqutsisut siulittaasuat qinerneqassaaq nunaqarfinni aqutsisut piffissami qinigaaffiannut nunaqarfimmi aqutsisut suleriaasissaanni maleruagassatut aalajangersakkat malillugit.
Imm. 3. Pissutsit immikkut illuinnartut pisariaqartippassuk imm. 2-mi maleruagassatut aalajangersakkat Naalakkersuisut sanioqqussinnaavaat.

§ 50. Nunaqarfimmi aqutsisut sulinissaannut maleruagassat nunaqarfimmut aqutsisut suleriaasissaanni kommunalbestyrelsimit aalajangersarneqassapput.
Imm. 2. Kapitali 2-mi kommunalbestyrelsimut maleruagassatut aalajangersakkanik allaasimik maleruagassanik aalajangersaasoqarsinnaanngilaq makkunani,
1) ataatsimiinnerit allaganngorlugit imaqarniliorneqarnissaannut pisussaatitaaneq
2) suliassani aalajangersimasuni aalajangeeqataasinnaatitaannginnermut maleruagassat
3) ikinnerussuteqarluni oqaaseqaatit imaqarniliami allanneqarnissaannik pmmasaqaateqarnissamut pisinnaatitaaffik.
Imm. 3. Nunaqarfimmi kommunip allaffiani atorfilik nunaqarfimmi aqutsisunut ilaasortaasinnaanngilaq.
Imm. 4. Nunaqarfimmi siulersuisunut ilaasortap kialluunniit aalajangiinerup timitalerneqarnissaa unitsissinnaavaa ataatsimiinnermi oqaaseqaruni apeqqutip kommunalbestyrelsimut tamarmiusumut imaluunniit kommunimi ataatsimiititaliamut, taanna sinnerlugu nunaqarfimmi aqutsisut aalajangiippata, saqqummiunneqarnissaa kissaatigigini.

§ 51. Nunaqarfímmi pissutsinut tunngasut pillugit nunaqarfimmi aqutsisut kommunalbestyrelsimut inassuteqarsinnaapput. Nunaqarfiup suliassaataanut tunngasunut tamanut atatillugu, nunaqarfimmilu aqutsisunut namminermut aalajangigassaatitaanngitsunut, nunaqarfimmi aqutsisut oqaaseqaateqartinneqassapput.

§ 52. Nunaqarfimmi aqutsisut kommunalbestyrelsimit piginnaatitaanertik malillugu nunaqarfimmi kommunip suliassaataasa ingerlatitaanerat § 3 naapertorlugu isumagissavaa.
Imm. 2. Kommunalbestyrelsi akuersiseqqaarnagu nunaqarfimmi aqutsisut aningaasartuuteqassanngillat.
Imm. 3. Kommunalbestyrelsi aningaasanut missingersuusiani aningaasanik immikkoortitsisinnaavoq nunaqarfimmi aqutsisut nammineerluni aalajangiinermini atugassaanik makkunani:
1) Kulturimut inunnillu paasisitsiniaanermut
2) Timersornermut tunngasunut
3) Teknikkikkut ingerlatsivinnut pilersuinermullu
4) Nunaqarfimmi inuutissarsiutinut tunngasunik suliniutinut
5) Isumaginninnermi suliassanut.
Imm. 4. Aningaasat atugassanngortinneqarsimasut qanoq atorneqarsimanerannut takussutissatut nunaqarfimmi aqutsisut kommunalbestyrelsimut nassiuttassavai ikinnerpaamik qaammammut ataasiarluni akiligassanut, bankimut karsimullu pappiaqqat.

§ 53. Nunaqarfimmi aqutsisut siullittaasuata nakkutigissavaa nunaqarfiup suliassaatai inatsisit aammalu nunaqarfimmi aqutsisut suleriaasissaa naapertorlugit ingerlanneqarnerut.

 

Kapitali 7
Nakkutilliineq

§ 54. Kommuninik Nakkutilliisoqarfiup nakkutigissavaa kommunalbestyrelsit ingerlatsinerminni inatsisartut inatsisaanni matumani maleruagassat malinneraat aammalu pisortani maleruagassat atuuttut naapertorlugit ingerlatsinersut.
Imm. 2. Kommunalbestyrelsit kommunimi pissutsinut tunngasunut paasissutissat suulluunniit piumasarineqartut Nakkutilliisoqarfimmut nalunaarutigissavaat.

§ 55. Nakkutilliisoqarfimmut ilaasortaapput siulittaasoq Naalakkersuisunit toqqarneqarsimasoq, ilaasortat marluk inatsisartunut qinersinerit kingorni tamaasa Inatsisartunit toqqarneqarsimasut ilaasortallu marluk KANUKOKA-mit kommunalbestyrelsinut qinersinerit kingorni tamaasa kommunalbestyrelsinut nunaqarfmnilu aqutsisunut qinigaaqqammersut akornannit toqqarneqarsimasut. Siulittaasoq inatsisilerinermik ilinniarsimassaaq Naalakkersuisunullu ilaasortaassanani. Ilaasortanut tamanut sinniisussamik minnerpaamik ataatsimik qinersisoqassaaq, ataatsimiigiaqquneqarsinnaasumik ilaasortap pineqartup ataatsimeeqataasinnaannginnerini.

§ 56. Nakkutilliisoqarfik ukiumut minnerpaamik ataasiarluni ataatsimiittassaaq, ataatsimiittassallunilu siulittaasup ilaasortalluunniit pingasut tamanna pisariaqartutut isigigaangassuk.
Imm. 2. Siulittaasup ataatsimiinnissat qaqugu sumilu pinissaat aalajangertassavaa ilaasortanillu ataatsimiigiaqqusisassalluni.
Imm. 3. Siulittaasup ataatsimiittoqartinnagu sapinngisamik annertunerpaamik ilaasortat ilisimatittassavai ataatsimiinnermi suliassat suut oqaluuserineqarnissaannik.
Imm. 4. Siulittaasup Nakkutilliisoqarfiup ataatsimiinneri ingerlattassavai, isumagissallugulu aalajangernerit aalajangikkat allattorneqarfiannut, ataatsimiinnerullu kinguninngua ilaasortanit ataatsimeeqataasunit atsiorneqartussamut allanneqarnissaat. Ilaasortat tamarmik piginnaatitaapput allaasunik isumaqarunik taakku naatsumik aalajangikkat allattorsimaffiannut ilanngutsinneqarnissaannut.

§ 57. Nakkutilliisoqarfik aalajangiisinnaassuseqarpoq siulittaasoq ilaasortallu allat minnerpaamik marluk peqataappata.
Imm. 2. Aalajangiinerit taasinermi amerlanerussuteqarnikkut pisassapput. Naligiittoqarpat siulittaasup taasinera aalajangiisuussaaq. Nakkutilliisoqarfimmut ilaasortap kialuunniip Nakkutilliisoqarfimmi aalajangernerup timitalerneqarnissaa unitsissinnaavaa ataatsimiinnermi imaqarniliamut nalunaarummik ilanngussinikkut suliassap Naalakkersuisunut aalajangigassanngorlugu saqqummiunneqarnissaanik kissaateqarnermik.
Imm. 3. Ilaasortaq peqqataasinnaatitaanngilaq suliassani kommunimut pineqartup kommunalbestyrelsimut nunaqarfimmiluunniit aqutsisunut ilaasortaaffigisaanut tunngasuni Nakkutilliisoqarfiup oqaluuserinninnerini taasinerinilu.

§ 58. Siulittaasup Nakkutilliisoqarfiup aalajangernerisa timitalerneqarnissaat isumagissavaa. Siulittaasoq Nakkutilliisoqarfik sinnerlugu suliassani kinguartinneqarsinnaanngitsuni nalorninaatsinilu aalajangiisinnaavoq.
Imm. 2. Siulittaasup aalajangernera Nakkutilliisoqarfiup tullianik ataatsimiinnerani ilisimatitsissutitut saqqummiunneqassaaq.
Imm. 3. Naalakkersuisut Nakkutilliisoqarfik allattoqartissavaa. Siulittaasoq Nakkutilliisoqarfiup allattoqarfianut ulluinnarni qullersaalluni pisortaavoq.

§ 59. Nakkutilliisoqarfimmut ilaasortat aningaasarsiaqartinneqassapput Inatsisartut, Naalakkersuisunut il.il. ilaasortat aningaasarsiaqartitaanerat il.il. kiisalu Landsrådimut, Inatsisartunut, Naalakkersuisunut il.il. ilaasortaasimasut soqaarnerussutisiaqartitaaneri pillugit inatsisartut inatsisaanni maleruagassat naapertorlugit.

§ 60. Nakkutilliisoqarfiup sulineranut atatillugu aningaasartimtit Landskarsip akilissavai.

§ 61. Nakkutilliisoqarfiup kommunalbestyrelsip aalajangiinera atortussaajunnaartissinnaavaa aalajangiineq inatsisinik unioqqutitsinertut isumaqarfigineqarpat.
Imm. 2. Suliassap suliarineqarnerata nalaani aalajangiineq pineqartoq Nakkutilliisoqarfiup atorunnaarsikkallarsinnaavaa. Aalajangiineq timitalerneqarsimappat atorunnaarsikkallarneqarsinnaavoq imaluunniit atorunnaarsinneqarsinnaavoq aatsaat
1) peqataasoq Nakkutilliisoqarfimmut allakkatigut tamatuminnga piumasaqaateqarpat
2) inatsit alla naapertorlugu maalaaruteqarfissaqanngippat aamma
3) mianerisassat pingaartut, pingaartumik inuttut soqutigisat, tamanna ajornartinngikkaangagu.
Imm. 3. Kommunalbestyrelsi iliuusissamik inatsisit malillugit pisussaaffigisaminik iliuuseqarsimanngippat, kommunalbestyrelsimi ilaasortat tamatumunnga akisussaasut pinngitsaaliinikkut akiliisinneqarnissaat Nakkutilliisoqarfiup peqqussutigisinnaavaa.
Imm. 4. Nakkutilliisoqarfik taarseeqqusisinnaavoq kommunalbestyrelsimi ilaasortamut kommunip annaasaqarneranut pisuusumut.
Imm. 5. Nakkutilliisoqarfiup taarseeqqusinissaq unitsissinnaavaatilaasortap piffissaliunneqartup iluani aningaasat erseqqinnerusumik amerlassusilerneqarsimasut kommunimut akilerpagit. Aningaasat amerlassusilerneqarneranni mianerineqassapput pisuussusip annertussusia, ajoqusiinerup annertussusia pissutsillu allat. Aningaasat akilerneqarnissaat ilaasortap akuerippagu piffissaliunneqartullu iluani akilerpagit pineqartumut allamik taarseeqquseqqittoqarsinnaanngilaq.
Imm. 6. Ilaasortaq akisussaaqataajumanngissinnaanngilaq taaseqataannginnermigut.
Imm. 7. Imm. 1-imiit 6-imut aalajangersakkat aamma atuupput makkununnga:
1) Aningaasaqarnermut ataatsimiititaliamut taassumalu ilaasortaanut.
2) Ataatsimiititaliamut atauartumut taassumalu ilaasortaanut.
3) Kommunit suleqatigiiffiannut, tak. § 58, suleqatigiiffiullu sulisitaani ilaasortanut.
4) Nunaqarfinni aqutsisunut taakkulu ilaasortaanut.

§ 62. Kommunalbestyrelsimut ilaasortaq suliassami taarseeqqusiffiusumi ilaasortaq ilaasortatut sulinermini kommunip annaasaqarneranut taarsiisussanngortinneqassappat, taarsigassanngortinneqartut ikilisinneqarsinnaapput isumakkeerneqavillutilluunniit, tamanna naapertuuttutut isigineqassappat pisuuneq, annaasap annertussusia pisumilu pissutsit allat eqqarsaatigalugit.

§ 63. Borgmesterip suliassat inatsit manna imaluunniit kommunip aqunneqarneranut ileqqoreqqusaq suleriaasaaluunniit tunngavigalugu namminerminut suliakkiissutaasut suliariumassanngippagit kommunalbestyrelsip ilaasortami ilaat toqqarsinnaavaat suliassamik pineqartumik isumaginnittussatut.
Imm. 2. Imm. 1-imi suliassat taaneqartut naammassineqarnissaannut annertuumik arlaleriarluniluunniit suliariumannittoqanngippat kommunalbestyrelsip ilaasortami ilaat toqqarsinnaavaat borgmesteriugallartussatut. Toqqarneqartup borgmesterip suliassai tamaasa tigussavai.
Imm. 3. Borgmesterip tunuartinneqarnissaanik kommunalbestyrelsip aalajangernera ingerlaannaq Nakkutilliisoqarfimmut akuerisassanngorlugu saqqummiunneqassaaq. Aalajangerneq aatsaat atuutilissaaq Nakkutilliisoqarfimmit akuerineqareeruni.
Imm. 4. Imm. 3 naapertorlugu akuliunnissamut aalajangernermik akuersisoqarpat ingerlaannaq kommunalbestyrelsi eqqartuussivitsigut suliassanngortitsisinnaavoq misilinniarlugu imm. 2 naapertorlugu akuliunnissamut tunngavissarititaasut ilumut tunngavissaqarnersut. Eqqartuussiviit isumaqarpata akuliunnissamut tunngavissaqartoq qinigaaffiup sinnerani borgmesteri atorfimminit tunuartitaasutut isigineqassaaq.
Imm. 5. Kommunalbestyrelsip Nakkutilliisoqarfiup akuersineratigut aalajangersinnaavaat pissutsini imm. 1-imi 2-milu taaneqartuni borgmesterimut aningaasarsiaritinneqartut appartinneqarnissaat. Pissutsit imaanngippata tamakkiisumik aningaasarsiaarutsitsisoqartariaqarluni, aningaasarsiat taamaallaat borgmesterip aningaasarsiaasa pingajorarterutaannik appartinneqarsinnaapput. Tunuartinneqarnerup eqqartuussivinni misilinneqarnerata kingunerissappagu borgmesterip tunuartitaanissaanut piumasaqaataasut naammassineqarsimanngitsut borgmesteri pisussaavoq aningaasarsiat tamarmiusut appartitallu assigiinngissutaat tigussallugit.

 

Kapitali 8
Immikkut aalajangersakkat

§ 64. Kommunit nunaqarfiilluunniit akornanni suleqatigiinnissamik isumaqatigiissutit inatsisartut inatsisaat manna malillugu kommunalbestyrelsip nunaqarfinniluunniit aqutsisut piginnaatitaaffiinik killiliinernik kinguneqartussat Naalakkersuisunit akuerineqaqqaartussaapput, inatsisiliornikkut allatut immikkut tunngavissiisoqarsimanngippat.
Imm. 2. Isumaqatigiissutit imm. 1-imi taaneqartutut ittut atorunnaarsinneqarsinnaapput peqataasut tamanna isumaqatigiissutigippassuk. Atorunnaarsitsineq aamma pisinnaavoq peqataasut arlaat tamatuminnga kissaateqarpat Naalakkersuisullu isumaqarpata tamatumunnga pissusissamisoortumik tunngavissaqartoq.
Imm. 3. Isumaqatigiissutip atorunnaarsinneqarnerani atugassarititaasussat Naalakkersuisunit akuerineqartassappat, taakkulu aamma peqataasut akornanni isumaqatigiinngissuteqartillugu atugassarititaasunik aalajangersaasassapput.

§ 65. Kommunini sulisut ataatsimut isigalugu akissarsiaqartitaanerinut, atorfeqartitaanerinut soraarnerussutisiaqartitaanerinullu aalajangersakkat, tjenestemandit pillugit inatsisini tamakku aalajangersarneqarsimatinnagit, aalajangersarneqassapput Naalakkersuisut Kalaallit Nunaannilu Kommunit Kattuffiata isumaqatigiissuteqarnerisigut.

§ 66. Kommunalbestyrelsip aamma Nakkutilliisoqarfiup pisussaaffigaat, kommunip aamma Nakkutilliisoqarfiup ingerlataasa iluanni pissutsit pillugit paasissutissat piumasarineqarsinnaasut Naalakkersuisunut Naalakkersuisunullu ilaasortamut soqutigisaqartumut pissarsiariniassallugit nalunaarutigissallugillu.

§ 67. Kommunalbestyrelsimut ilaasortaq imaluunnit mmaqarfimmi aqutsisunut ilaasortaq qinigaaffini malillugu pisussaaffimminik annertuumik sumiginnaasoq akiliisinneqarsinnaavoq.
Imm. 2. Taamaallaat suliassanngortitsisoqarsinnaavoq Nakkutilliisoqarfiup kissaateqarneratigut.

 

Kapitali 9
Atortuulersitsinermut aalajangersakkat

§ 68. Inatsisartut inatsisaat 1. januar 1995 atortuulerpoq.
Imm. 2. Tamatumimnga peqatigitillugu atorunnaarsinneqarpoq kommunalbestyrelsit, bygderådit il.il. pillugit Inatsisartut inatsisaat nr. 19, 28. november 1985-imeersoq, allanngortinneqartorlu inatsisartut inatsisaatigut nr. 5-ikkut, 14. maj 1990-imeersukkut inatsisartullu inatsisaatigut nr. 19, 23. oktober 1990-imeersukkut.
Imm. 3. Malittarisassat maannamut atuuttut tunngavigalugit allaffeqarfikkut aalajangersakkat, inatsimmut matumunnga akerliukkunik, atuutiinnassapput malittarisassanik inatsisartut inatsisaat manna malillugu aalajangersarneqartunik allanngortinneqarnermik atorunnaarsinneqarnermilluunniit tungaannut.

§ 69. § 17, imm 7 aamma § 34 tunngavigalugit Naalakkersuisut maleruaqqusanik nutaanik aalajangersaanissaasa tungaanut, kommunalbestyrelsini ilaasortat aammalu nunaqarfinni aqutsisuni ilaasortat maleruaqqusat ullumikkut atuuttut naapertorlugit akissarsiaqartinneqarallassapput.
Imm. 2. Kommunalbestyrelsip allamik aalajangiinissata tungaanut, imaluunniit § 19 naapertorlugu Naalakkersuisut maleruaqqusaliornissaasa tungaanut, sivisunerpaamilli inatsisip atuutilerneraniit kommuninut qinersinissap siulliup tungaanut, kommunini kommunalbestyrelsinut ilaasortat arfineq-marluk inorlugit ilaasortaqarfiusuni ataatsimiititaliat il.il. ataannassapput inatsisitigut maleruaqqusat ullumikkut atuuttut naapertorlugit.
Imm. 3. Inatsisip atuutilernerata kingorna qaammatit marluk qaangiutsinnagit kommunit missingersuutaat § 39 naapertorlugu suliarineqareersimassapput.
Imm. 4. Tullianik Inatsisartunut qinersisoqareerpat Kommuninik Nakkutilliisoqarfimmi siulittaasoq Naalakkersuisut piaarnerpaamik toqqassavaat, soorluttaaq piffissaq taanna qaangiuteriiginnartoq Kommuninik Nakkutilliisoqarfimmi ilaasortat sinniisussallu Inatsisartunit toqqarneqassasut. Kalaallit Nunaanni Kommunit Kattuffiata kommunalbestyrelsini nunaqarfinnili aqutsisuni ilaasortat qinigaaffiisa naanissaata tungaanut atuuttussanik Kommuninik Nakkutilliisoqarfimmi ilaasortat sinniisussallu toqqassavai 1. maj 1995 nallertinnagu. Inatsisip atuutilernerata nalaani nakkutilliisoqarfiusoq nakkutilliisoqarfimmi nutaami ilaasortat tamarmik toqqarneqarnissaasa tungaanut atuutiinnassaaq, maleruaqqusat ullumikkut atuuttut naapertorlugit, suliassallu kapitali 7 naapertorlugu Nakkutilliisoqarfiup suliassai tunngavigalugit.

Namminersornerullutik Oqartussat, ulloq 3. november 1994

Lars Emil Johansen

/

Kaj Kleist