Kalaallit Nunaanni Arnat Angutillu Naligiissitaalernissaat Pillugu Ataatsiniiititaliaq pillugu Inatsisartut inatsisaata allanngortinneranik Inatsisartut inatsisaat nr. 19, 3 november 1994-imeersoq.

 

§ 1

Kalaallit Nunaanni Arnat Angutillu Naligiissitaalernissaat Pillugu Ataatsimiititaliaq pillugu Inatsisartut inatsisaanni nr. 17, 8. november 1985-imi makku allanngortinneqarput:

1. § 2, imm. 1 imatut oqaasertaqassaaq:
"Ataatsimiititaliap ilaasortarissavai siulittaasoq ilaasortarlu ataaseq Kalaallit Nunaanni Inatsisartut toqqagaat, kiisalu ilaasortat arfineq-marluk, aammattaaq Inatsisartunit toqqarneqartussat, kinguliini allassimasut inassuteqarnerisigut:
1) Kalaallit Nunaanni Kommuneqarfiit Kattuffiat.
2) Kalaallit Nunaanni Arnat Peqatigiiffiisa Kattuffiat.
3) Aalisartut Piniartullu Nuliaasa Aappaasalu Peqatigiiffiisa Kattuffiat.
4) Saaffiginnittarfiit Qimarnguiillu Kattuffiat.
5) Sulinermik Inuussutissarsiuteqartut Kattuffiat.
6) Kalaallit Nunaanni Sulisitsisut Peqatigiiffiat.
7) Sorlak".

2. § 3, imm. 1 imatut oqaasertaqassaaq:
^"Naalakkersuisut ataatsimiititaliaq allattoqarfeqartissavaat".

 

§ 2

Inatsisartut inatsisaat 1. maj 1995-imi atulerpoq.

Namminersornerullutik Oqartussat, ulloq 3. november 1994

Lars Emil Johansen

/

Kaj Kleist