Aningaasarsianit akileraarutit pillugit Inatsisartut inatsisaata allannguutissaatut Inatsisartut inatsisaat nr. 18, 3. november 1994-imeersoq.
§ 1
Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, Inatsisartulli inatsisaatigut nr. 2-kkut 3. marts 1994-imeersukkut kingullermik allanngortinneqartumi, makku allannguutigitinneqassapput:
1. § 2, imm. 1, nr. 1-imi allassimasup "umiarsuarniluunniit"-p kingorna "silaannakkoortaatiniluunniillu" ilanngunneqassaaq.
2. § 2, imm. 1, nr. 1-ip kingorna ilanngunneqassaaq:
"nr. 1 a. sulisussarsiarineqarlutik Kalaallit Nunaanni sulereerlutik qanorluunniit ittunik akissarsiaqartut, matumani unammillertigisanut paasissutissiinnginnissamik piumasaqaatinik isumaqatigiissuteqarnermi akissarsiat ilanngullugit. Tassani apeqqutaanngilaq pisinnaatitaalerneq aamma/imaluunniit akissarsiassat pineqartut amerlassusii eqqartuussutikkut, eqqartuussivimmi isumaqatigiissuteqarnikkut, saqitsaattoqarnerani isumaqatigiissitsiniartarfikkut taakkuluunniit assigisaasigut pissarsiarineqarsimanersut."3. § 14 a-p kingorna una ilanngunneqassaaq:
"§ 14 b. § 1, imm. 1, nr. 1-imi 2-milu inuit pineqartut aningaasarsiaminnik akileraarutaasussanik naatsorsuinerminni iluanaarutit pisassarisanik tunisinikkut, tamakkiissumik ilaannakortumilluunniit akiliinikkut imaluunniit makitsinikkut pissarsiarineqartutigut iluanaarutit ilanngullugit naatsorsussavaat, pisassarisat imm. 2-mi taaneqartut eqqarsaatigalugit, pissarsiarineqartut imm. 3-mi aalajangersarneqarsimasutut erniat ikinnerpaaffissaattut amerlatigisunik taakkuninngaluunniit amerlanerusunik ernialersorneqanngikkunik.
Imm. 2. Pisassarisanik oqarnermi pineqartut tassaapput obligationit, pappiaqqat aningaasanik nalillit (statsgældsbeviser), pappiaqqat allat aningaasanik nalillit (skatkammerbeviser) aamma suliffeqarfiit akuerineqarnerinut uppernarsaatit (virksomhedscertifikater) il.il..
Imm. 3. Erniat ikinnerpaaffiat Akileraartarnermi Pisortaqarfimmit nalinginnaasumik ukiup affaanut marlunnut januar-junimut aamma juli-decemberimut aalajangersarneqartassapput.
Imm. 4. Pisassarisat tunineqarnerisigut utertillugilluunniit akilerneqarnerisigut iluanaarutit naatsorsorneqartassapput tassaatillugit pisiarinerini akiliutigineqartut aamma tunisinermi utertillugilluunniit akiliinermi akiginneqartut nikingassutaat. Utertillugit akiliineq naafiferartumik akilersuinikkut pippat iluanaarutit naatsorsorneqassapput naafferartumik akiliutigineqartunit tamanit procentinik pappiarat naleqassusiisa pisinermi akiliutigineqartunik qaangiisarnerani procentit amerlaqataannik.
Imm. 5. Pisassarisanit imm. 1-imi taaneqartunit iluanaarutit annaasalluunniit § 24, imm. 1, nr. 2-mi ilaatinneqarsinnaanngillat."4. §§ 16 A-miit 16 D-mut atorunnaarsinneqarput.
5. § 25 A-mi imm. 3-tut nutaatut ilanngunneqassaaq:
"Imm. 3. Tamanna § 14-imi iluanaarutinut akileraaruteqataasussatut taaneqartunut aamma atuuppoq."6. § 25 B-mi imm. 1-ip kingornanut nutaatut ilanngunneqassaaq:
"Imm. 2. Pisassarisat § 14 b, imm. 1-imi ilaatinneqartut kingusinnerpaamik tunineqarsimasutut isigineqassapput § 1, imm. 1, nr. 1 aamma 2 naapertorlugit akileraartussaanerup taamaatinnerani.7. § 25 B, imm. 2-mi matuma kingorna imm. 3-ngortumi allassimasoq "immikkoortoq 1 naapertorlugu" imaalillugu allanngortinneqassaaq "immikkoortut 1 aamma 2 naapertorlugit".
8. § 79-ip kingorna ilanngunneqassapput:
"§ 79 a. Kinaluunniit ingerlatseqatigiiffiup aningaasaataasa ilaannik akisunaaraluni tunisisoq tunisinerup nalaani ingerlatseqatigiiffiup akileraarutinut akitsuutinullu akiligassaanik akiligassarisinnaasaanilluunniit akiliinissamut akisussaavoq. Akiliinissamut akisussaatitsineq taamaallaat atortinneqarsinnaavoq ingerlatseqatigiiffik akiliisinniaraluarlugu tamanna iluatsinngitsoorpat. Tunisisoq ingerlatseqatigiiffiuppat il.il. nunamut maanga tamakkiisumik akileraartussaatitaanngitsoq, akiliinissamut akisussaatitsineq inunnut ingerlatseqatigiiffinnulluunniit nunamut maanga tamakkiisumik akileraartussaatitaasunut toqqaannartumik tutsinneqarsinnaavoq, taakku ingerlatseqatigiiffimmut tunineqartumut aalajangiisinnaassuseqarlutik sunniuteqarnerisa annertussusiat aalajangiisuutillugu. Kinaluunniit tunisinermi inuussutissarsiutitigut siunnersuisuusimasoq aamma tunisisoq kiisalu inuit ingerlatseqatigiiffiillu oqaaseqatigiit pingajuanni taaneqartut peqatigalugit akiliinissamut akisussaaqataavoq.
Imm. 2. Tunisisoq inuuppat imm. 1-imi, oqaaseqatigiit siullianni aappaanilu aalajangersakkat taamaallaat atorneqarsinnaapput, taassuma piginneqataassutai piginneqataassutitigut aningaasaatit 10 pct.-erippatigit, taakkunanngaluunniit amerlanerullutik. Tunisisoq ingerlatseqatigiiffiuppat il.il. imm. 1-imi, oqaaseqatigiit siullianniit pingajuanni aalajangersakkat taamaallaat atorneqarsinnaapput, tunisineq ingerlatseqatigiiffinnut ingerlatseqatigiiffissuarnut qilersorsimasunut attuumassuteqarpat, taamaattorli ingerlatseqatigiiffinni tamani pignneqataassutitigut aningaasaatini piginneqataassutit ingerlatseqatigiiffimmi ataatsimi 10 pct.-iuppata ingerlatseqatigiiffiit ingerlatseqatigiiffissuarnut qilersorsimasut pineqartutut isigineqassapput. |
Imm. 3. Imm. 1-imi aalajangersagaq aamma taamaallaat atorneqassaaq tunisineq ingerlatseqatigiiffimmut tunisinerup nalaani inuussutissarsiutitigut ingerlatsinerminik unitsitsisimanermigut amerlanertigut aningaasaqarnermigut ulorianartorsiunngitsutut ingerlasumut attuumassuteqarpat.
Imm. 4. Akisunaarisoqarsimasutut isigineqassaaq aningaasaatit ilaannut akiliutit ingerlatseqatigiiffiup tunineqarnermi nalaani ilanngaatissat ilanngaatigereerlugit nalinganit erseqqissumik amerlaneruppata.
Imm. 5. Ingerlatseqatigiiffiup aningaasaataasa ilaannik tunisineq pilersinnagu Akileraartarnermi Pisortaqarfik imm. 1 tunngavigalugu akiliinissamut akisussaatitsisinnaaneq atorneqassanngitsoq akuersissutigineqassasoq neriorsuuteqarsinnaavoq. Taamatut neriorsuuteqarnermi piumasarineqarsinnaavoq ingerlatseqatigiiffîup tunineqarnerata nalaani akileraarutinut akitsuutinullu akiligassaasa akiligassarisinnaasaasaluunniit akilerneqarnissaannut tamakkiisumik ilaannakortumilluunniit qularnaveeqqusiisoqassasoq. Imm. 1-imi oqaaseqatigiinni kingullerni taaneqartutut siunnersuisuusimasoq akiliinissamut akisussaassutsiminit tunuarsinnaavoq tunisineq sioqqullugu allakkatigut qinnuteqaruni akuerineqarnissamik neriorsorneqarnissaminik, qinnuteqaatini tunisinissamik pilersaarutigineqartoq pillugu paasissutissanik pisariaqartunik ilaqartillugu. Akuerineqarnissamik neriorsuutaasinnaasoq tassungalu atatillugu piumasaqaataasinnaasut pillugit Akileraartarnermi Pisortaqarfiup aalajangiinera naliliinissamut paasissutissat pisariaqartut tiguneqarneriniit qaammatit pingasut qaangiutsinnagit pereersimassaaq.
Imm. 6. Akuersissuteqarnissamik neriorsuuteqarnermi periusaasartussaq pillugu Naalakkersuisut malittarisassanik erseqqinnerusunik aalajangersaasinnaapput. Naammagittaalliortunit, matumani aalajangiinerit pisortatigoortumik oqartussaasunut allanut ingerlateqqinneqarsinnaanngineri ilanngullugit, pillugit Naalakkersuisut malittarisassanik alaajangersaasinnaapputtaaq.
§ 2
Inatsisartut inatsisaat manna ingerlaannartumik atortuulersinneqarpoq.
Imm. 2. § 1, nr. 1, 2 aamma 4 ukiup aningaasarsiorfíup 1995-ip aallartinneraniit atortuulersinneqassapput.
Imm. 3. § 1, nr. 3, 5, 6, 7 aamma 8 inatsisissatut siunnersuutip saqqummiunneqarneraniit atortuulersinneqassapput.
Imm 4. § 1, nr. 3 naapertorlugu erniat ikinnerpaaffissaat 1. januar 1995 sioqqullugu 5 procentiuvoq.
Namminersornerullutik Oqartussat, 3. november 1994
Lars Emil Johansen/
Emil Abelsen
Inatsissatut siunnersuut saqqummiunneqarpoq siullermeerlugulu oqaluuserineqarluni ullormi 4. oktober 1994-imi, taamaasilluni § 1, nr. 3, 5, 6, 7 aamma 8 ullormit tassanngaaniit atortuulersinneqarlutik, takuuk § 2, imm. 3.