Inatsisartut Ombudsmandiat pillugu inatsisartut inatsisaat nr. 7, 13. juni 1994-imeersoq.
§ 1. Inatsisartunut qinersisoqareernerit tamaasa kiisalu atorfik inuttaarukkaangat inatsisartut ombudsmandimik qinersisassapput inatsisartut sinnerlugit Namminersornerullutik Oqartussat ingerlatsinerannik kiisalu kommunit ingerlatsinerannik paasisimasaqartumik.
Imm. 2. Ombudsmandi toquppat Inatsisartut Siulittaasoqarfiat aalajangiissaaq taassuma suliai inatsisartut ombudsmandimik nutaamik qinersinissaasa tungaannut kia suliarissagai.
Imm. 3. Ombudsmandi Inatsisartunit tatigineqarunnaarpat Inatsisartut soraarsissinnaavaat.§ 2. Ombudsmandi, inatsisartunut ilaasortaasussaanngitsoq, inatsisinik ilinniarnertuutut ilinniarsimasariaqarpoq.
§ 3. Ombudsmandip sulinera pillugu inatsisartut nalinginnaasunik maleruagassaliussapput.Taannalisuliaminikingerlatsinermini inatsisartunut attuumassuteqanngilaq.
§ 4. Ombudsmandip sulinermini susassarai ingerlatsiviit Namminersornerullutik Oqartussanut kommuninullu atasut tamaasa.
Imm. 2. Ombudsmandip sulinermini susassaraattaaq ingerlatseqatigiiffiit atorfeqarfiillu, peqatigiiffiit il.il. erseqqinnerusumik taaneqartut, pisortat ingerlatsinerannut ilagitinneqarsinnaanngitsut, kisiannili pisortat ingerlatsineranni suliassat suliarineqartarnerat pillugu inatsisartut inatsisaanni aamma pisortat ingerlatsinerat pilllugu paasitinneqarsinnaatitaaneq pillugu inatsisartut inatsisaanni ilaatinneqartussatut Naalakkersuisunit maleruagassaliuunneqartut.
Imm. 3. Ombudsmandip pisussaaffimminik suliaqarnermini pingaartissavai pissutsit immikkut ittut kommunit siulersugaaneranni tunngaviusut.§ 5. Ombudsmandip nakkutigissavaa § 4-mi ingerlatsiviit taaneqartut suliaminnik ingerlatsinerminni kukkunernut naammassinngitsuukkanulluunniit pisuunersut.
§ 6. § 4-mi ingerlatsiviit taaneqartut pillugit kinaluunniit ombudsmandimut naammagittaalliuuteqarsinnaavoq.
Imm. 2. Naammagittaalliuutigisaq aqqatigut taasimassaaq. Naammagittaalliuutigisassaq pisimaneranit ukioq ataaseq qaangiutsinnagu saqqummiunneqassaaq.
Imm. 3. Aalajangiinerit oqartussaasumit qulliunerusumit allanngortinneqarsinnaasut pillugit naammagittaalliuut ombudsmandimut suliassanngortinneqarsinnaanngilaq oqartussaasoq qulliunerusoq taanna suliami aalajangeereersimatinnagu. Aalajangiisimappat killiliussaq imm. 2-mi taaneqartoq taava oqartussaasup taassuma aalajangiineranit naatsorsorneqassaaq.
Imm. 4. Naammagittaalliuut misissuinissamut pissutigissallugu naammannersoq ombudsmandip aalajangissavaa.
Imm. 5. Ombudsmandip nammineerluni suliassaq misissugassanngortissinnaavaa.§ 7. § 4-mi ingerlatsiviit taaneqartut pisussaapput ombudsmandi paasissutissanik nalunaarfigissallugu aammalu uppernarsaatissanik allattaavinnillu atorfini naapertorlugu piumasarisaanik saqqummiussiffigissallugu.
Imm. 2. Ombudsmandip paasissutissanik imm. 1 naapertorlugu piumasaqarnera killissaqartitaavoq eqqartuussisarnermik inatsisini aalajangersakkanut naapertuuttumik.
Imm. 3. Naalakkersuisunut ilasortaq imaluunniit inuk ingerlatsivinni § 4-mi taaneqartuni atorfeqartoq pillugu naammagittaalliuutip naammassilertorneqarnissaa ombudsmandip kissaatigippagu naammagittaalliuut, suliassap paasinissaanut pingaaruteqavissunut akornutaassanngippat, sapinngisamik piaartumik naammagittaalliuutigineqartumut tassunga saqqummiunneqassaaq. Taanna tjenestemandiuguni sukkulluunniit piumasaqarsinnaavoq suliassaq aalajangersakkat tjenestemandinut atortut naapertorlugit suliassanngorteqqullugu. Taanna kommunimi tjenestemandiuguni, kommunimilu tassani malittarisassani aalajangersagaqarpat ileqqussanik unioqqutitsineq suliassanngortinniarneqarsinnaasoq, piumasaqarsinnaavoq suliassaq suliassanngorteqqullugu malittarisassat taakku malillugit.
Imm. 4. Ombudsmandi inunnik pissutsit misissuinerminut pingaaruteqartussat pillugit nalunaajaasussanik eqqartuussivimmut aggersaasinnaavoq. Tamanna pillugu atorput paasiniaalluni killisiuisarneq pillugu eqqartuussisarnermikinatsisinimaleruagassat.Eqqartuussinerittamanut ammasuunngillat. Inuk naammagittaalliuutigineqartoq pisinnaatitaavoq nammineq illersuisunilu ilisimannittut nassuiaanerinut taamaattunut najuunnissamut.§ 8. Ombudsmandi pissutsinik suliani naapertorlugu ilisimalersimasaminik allanut nipangiussisussaatitaavoq, isertuussinissaq pissutsit suussusiat pissutigalugu pisariaqarpat. Nipangiussisussaatitaanera atorunnaassanngilaq atorfimminit tunuaruni.
§ 9. Ombudsmandip unnerluussisussaatitaasut qinnuigisinnaavai misissueqqaarnissamik imaluunniit unnerluummik pilersitseqqullugit pisortani atorfeqarnermi imaluunniit suliffeqarnermi pinerluttuliornerit pillugit eqqartuussivinni nalinginnaasuni.
Imm. 2. Ombudsmandip atorfinitsitsisutut qullersaasut peqqusinnaavai ileqqussanik unioqqutitsisutut suliassanngortitsiniaqqullugit. Kommunimi ileqqoreqqusani ileqqussanik unioqqutitsinerup suliassanngortinneqarsinnaaneranik aalajangersagaqarpat kommunimi oqartussaasut taakku peqqusinnaavai ileqqussanik unioqqutitsisutut suliassanngortitsiniaqqullugit.
Imm. 3. Aammattaaq ombudsmandip suliassaq pillugu isummani pineqartumut tassunga tamatigut saqqummiussinnaavaa.§ 10. Ombudsmandi ilisimasaqaleruni kukkunernik imaluunniit naammassinngitsuukkanik annertunerusunik, ingerlatsiviit § 4-mi eqqartorneqartut ilaannit kukkussutaasunik, tamanna pillugu inatsisartunut Naalakkersuisunullu nalunaaruteqassaaq.
Imm. 2. Ombudsmandi sulinini pillugu inatsisartunut ukiumoortumik nalunaaruteqartassaaq.Nalunaaruttaanna naqinneqartassaaqtamanullu saqqummiunneqarluni.
Imm. 3. Ombudsmandi suliaq pillugu inatsisartunut, naalakkersuisunut imaluunniit kommunalbestyrelsimut nalunaaruteqaruni, imaluunniit suliamik ukiumoortumik nalunaarummini saqqummiussaqaruni nalunaarummini ilanngutissavaa inuup taassuma imminut illersorluni oqaaserisai.§ 11. Ombudsmandip paasiguniuk inatsisartut inatsisaat, inatsisartut peqqussutaat imaluunniit pisortatigut aalajangersakkat amigaateqartut inatsisartut naalakkersuisullu tamatuminnga nalunaarfigissavai. Kommunit aalajangersagaat amigaateqarpata kommunalbestyrelsimut susassaqartumut nalunaaruteqassaartaaq.
§ 12. Ombudsmandi Namminersornerullutik Oqartussani pisortaanertut akissaateqassaaq. Tamatuma saniatigut pissutsit naapertorlugit inummut tapisiaqartinneqarsinnaavoq. Utaqqinermi akissaateqartussaavoq soraarnerussu tisiaqartussaallunilu inatsisartunut naalakkersuisunullu ilaasortat aningaasarsiaqartinneqarneri soraarnerussutisiaqartinneqarnerilu il.il. pillugit maleruagassat naapertorlugit.
Imm. 2. Ombudsmandi inatsisartut akuersisimatinnagit pisortat imaluunniit namminersortut suliffiutaanni, ingerlassaanni imaluunniit atorfeqarfiini suliaqassanngilaq.§ 13. Ombudsmandi qaammatinik arfinilinnik siumut ilisimatitsilluni qaammatip naanerani soraarseqqusinnaavoq.
Imm. 2. Ombudsmandi qaammatip 65-inik ukioqalerfimmi naaneranit soraarsinneqassaaq.§ 14. Ombudsmandi siumut ilisimatitsissutaanngitsumik soraarsinneqaruni, imaluunniit inatsisartunut qinersisoqareernerani siumut ilimatitsissutigineqanngitsumik, qinigaaqqinnginnini pissutigalugu, tunuartariaqaruni akissaatini qaammatip tunuarfimmi naaneranit qaammatini pingasuni pigiinnassavai. Piffissaq taanna naatinnagu ombudsmandi toquppat akissaatinit isertitaasa ilaat toqunerani tunniunneqanngitsut aapparisaata imaluunniit ombudsmandi aapparminik qimataqanngippat qitornaasa pensionisiaqartussaatitaasut pisassarissavaat.
Imm. 2. Akissaatit tunniunneqartartillugit utaqqinermi akissaatinik imaluunniit pensionisiassaanik tunniussisoqassanngilaq. Inatsisartunut Naalakkersuisunullu ilaasortat akissarsiaat pensionisiassaallu il. il. pillugit malittarisassat imm. 1 naapertorlugu aningaasarsianit isertitanut taamaallutik atussapput.§ 15. Ombudsmandip suleqatissani nammineq atorfinitsittassavai soraarsittassallugillu. Taakkua qassiunissaat, akissarsiassaat pensionisiassaalluaalajangerneqartassapputmaleruagassat Namminersornerullutik Oqartussani atorfilinnut atortuusut naapertorlugit. Ombudsmandip sulineranut atasumik aningaasartuutit inatsisartunit akilerneqassapput.
§ 16. Inatsisartut inatsisaat una aprilip aallaqqaataani 1995-imi atortuulissaaq.
Imm. 2. Taamaattorli pissutsit 1994-imi aprilip aallaqqaataani inatsisillu matuma atortuulernerata akornanni pisimasut pillugit naammagittaalliuutit ombudsmandimut tunniunneqarsinnaapput.
Namminersornerullutik Oqartussat, ulloq 13. juni 1994
Lars Emil Johansen/
Kaj Kleist