Pisortanit ikiorsiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 8, 3. november 1994-imeersoq.

 

§ 1.

Pisortanit ikiorsiissutit pillugit Inatsisartut peqqussutaanni nr. 10-mi 1. november 1982-imeersumi Inatsisartut peqqussutaatigut nr. 2-kkut 11. maj 1993-imi allanngortinneqarsimasukkut makku allannguutigitinneqassapput:

1. § 3, imm. 2-p kingorna immikkoortoq nutaaq ilanngunneqassaaq:
"Imm. 3. "Inooqatigiittut matumuuna naligiisinneqassapput" peqqussummi matumani tassaatinneqarpoq katissimanagu inooqatigisaq, qinnuteqartup ikiorserneqarnissamik qinnuteqarnermi nalaani piffissaq taanna sioqqullugu sivikinnerpaamik ukiumi ataatsimi inooqatigisimasaa.".

2. § 5, imm. 1 imatut oqaasertalerneqassaaq:
^„§ 5. Peqqussut manna naapertorlugu ikiorsiissutissat aningaasanngorlugit ikiorsiissutigineqartassapput. Pissutsilli immikkut ippata ikiorsiissutit inuussutissanngorlugit tunniunneqarsinnaapput. § 12, imm. 4 imaluunniit § 15, imm. 4 tunngavigalugit ukiorsiissutit inuussutissanngorlugit tamatigut ikiorsiissutigineqartassapput.".

3. § 5, imm. 2 atorunnaarsinneqarpoq.

4. §§ 8-mi, 9-mi, 10, imm. 1-mi 3-milu, 11-mi, 14-imi aamma 21, imm. 2-mi "isumaginninnermut ataatsimiititaq" "isumaginninnermut ataatsimiititaq ataavartoq"-mik taarserneqassaaq.

5. Kapitali 3-mi § 10-p kingorna § 10 a-tut aamma § 10, b-tut uku ilanngunneqassapput:
"§ 10 a. Ikiorserneqarnissamik qinnuteqartoq taassumaluunniit aappaa suliffissaminnik innersuunneqaraluarlutik tigusiumanngippata, matumani kommunit suliffissaqartitsiniutaat aammalu akissarsiatigut tapiiffigineqarluni sulliffiit ilanngullugit, peqqissuseq imaluunniit pissutsit allat naapertorlugit pineqartunit tiguneqarsinnaagaluartut ilanngullugit, taava pineqartoq taassumalu ilaqutai § 12, imm. 4 imaluunniit § 15, imm. 4 naapertorlugu tigusiumannginnermiit qaammammi ataatsimi ikiorserneqarsinnaasussaapput.

§ 10 b. Inuk nammineq pisuussutigalugu suliffissaaleqilersoq imaluunniit kommunip suliffissaqartitsiniutaanit suliffimmit soraarsitaasoq taassumalu ilaqutai suliffissaarunnermiit qaammat naammatsillugu taamaallaat § 12, imm 4 imaluunniit § 15, imm. 4 tunngavigalugit ikiorserneqarsinnaapput."

6. § 12-imi imm. 3 atorunnaarsinneqarpoq, tassungalu taarsiullugit uku ilanngunneqassallutik:
"Imm. 3, Ikiorsiissutissap naatsorsorneqarnerani illoqatigiit isertitaat tunngavigineqartassapput. Illoqatigiit isertitaat tassaapput ikiorserneqarnissamik qinnuteqartup taassumalu aappaata imaluunniit inooqataata isertitaat § 3, imm. 3 innersuussutigalugu. Inooqataasulli isertitai naatsorsuutigineqartassanngillat ikiorserneqarnissamik qinnuteqartup uppernarsarsinnaappagu inooqatini pilersorneqarnerminut peqataanngitsoq.
Imm. 4. Ikiorserneqarnissamik qinnuteqartoq nammineq pisuussutigisaminik ikiorserneqarnissaminik pisariaqartitsilersimappat ikiorserneqarnissamik qinnuteqartoq taassumalu ilaqutai inuuniutissatut ikiorsiissutaannarnik pisinnaatitaapput, inuussutissatut ikiorsiissutigineqartartut affaasa nalinginik.
Imm. 5. Naalakkersuisut ikiorsiissutit annertussusilersorneqarnissaannut malittarisassanik erseqqinnerusunik aalajangersaasinnaapput, matumani inunnut aalajangersimasunut ikiorsiissutit ilanngullugit.".

7. § 12 a aamma 12 b atorunnaarsinneqarput.

8. § 13, nr. 1 imatut oqaasertalersorneqassaaq:
"1. ikiorserneqarnissamik qinnuteqartup aamma taasuma aappaata upernarsarsinnaassagaat erninerup nalaani eqqissisimanissaq eqqarsaatigalugu, peqqissutsikkut allatigulluunniit atugarisaminnut naleqquttumik naammaginartumik suliffissarsissunneqarsinnaasimanatik.".

9. § 13, nr. 4-mi "utoqqalinersiat "allanngortinneqarpoq: "pensionit" tamakkiisumik inuussutissarsiorsinnaajunnaarnersiutit" allanngortinneqarpoq: "tamakkiisumik siusinaarluni pensionit".

10. § 13 a atorunnaarsinneqarpoq.

11. § 15-imi imm.3 atorunnaarsinneqarpoq, tassungalu taarsiullugu uku ilanngunneqassapput:
"imm. 3. Ikiorsiissutissap naatsorsorneqarnerani illoqatigiit isertitaat tunngavigineqartassapput. Illoqatigiit isertitaat tassaapput ikiorserneqarnissamik qinnuteqartup taassumalu aappaata imaluunniit inooqataata isertitaat § 3, imm. 3 innersuussutigalugu. Inooqataasulli isertitai naatsorsuutigineqartassanngillat ikiorserneqarnissamik qinnuteqartup uppernarsarsinnaappagu inooqatini pilersorneqarnerminut peqataanngitsoq.
Imm. 4. Ikiorserneqarnissamik qinnuteqartoq nammineq pisuussutigisaminik ikiorserneqarnissamik pisariaqartitsilersimappat ikiorserneqarnissamik qinnuteqartoq taassumalu ilaqutai inuuniutissatut ikiorsiissutaannarnik inuussutissatut ikiorsiissutinik pisinnaatitaapput, inuussutissatut ikiorsiissutigineqartartut affaasa nalinginik.
Imm. 5. Naalakkersuisut ikiorsiissutit annertussusilersorneqarnissaannut malittarisassanik erseqqinnerusunik aalajangersaasinnaapput, matumani inunnut aalajangersimasunut ikiorsiissutit ilanngullugit.".

12. § 20, imm. 3-mi "Isumaginninnermi Naalakkersuisoq" "Naalakkersuisut"-nut allanngortinneqassaaq.

13. § 22 imatut oqaasertalersorneqassaaq:
"§ 22. Peqqussut manna tunngavigalugu piffissamut ikioqqulluni qinnuteqarnermit ukioq ilivitsoq sioqqullugu kingusinnerusumut tunngasuni ikiorserneqarnissamik piumasaqaatit atortussanngortinniarneqarsinnaanngillat, matumani siusinnerusukkut aalajangerneqartunik suliassanngortitseqqinniarluni qinnuteqaatit ilanngullugit."

 

§ 2.

Inatsisartut peqqussutaat manna 1. november 1994 aallarnerfigalugu atortuulersinneqarpoq.

Namminersornerullutik Oqartussat, 3. november 1994

Lars Emil Johansen

/

Henriette Rasmussen